السلام عليكم ورحمة الله وبركاته
مبدئيا انا طالبه تالته ثانوى عام كنت بفكر انى عايزه التزم اكتر وانظم يومى وعايزه اطور من نفسى وكنت حابه اكتب بس مش عارفه ابدأها ازاى بس قولت بعد تالته لانى مضغوطه ومش هعرف
أول حاجة قولت هنظم يومى بعمل جدول ومش بمشي عليه كلو بقعد اذاكر طول اليوم واجى فى آخر اليوم احس انى معملتش اى حاجه وببقى تعبانه اوى دى حاجه قلت هلتزم برجع اقصر فى فروض
حابه اسمع بودكاست وأعرف اكتر بس برضو معنديش وقت حاسه انى تايهه ومش عارفه أبدأ منين ولا انظم يومى ازاى ولا اطور من نفسى فى حاجه
كنت عايزه اخد كورس انجليزي واحسن اللغه دى عندى يادوب وقتى لمذاكره المنهج وممكن اقصر فيه مع إنى طول اليوم قاعدة على المكتب عشان المذاكره انا بحكى وحاسه ان محدش هيفهمنى اصلا لانى تايهه 🤦🏻♀️
وعليكم السلام ورحمه الله وبركاته يا بنت الحلال اهدى كده على نفسك ده انتي في تالته ثانوي وضغط المنهج لوحده يكفي بلاش تحطي على نفسك مواضيع كتير في وقت واحد وسيبي حكاية الكورس والبودكاست دي على جنب دلوقتي وركزي في مذاكرتك الأساسية ومش لازم تقعدي طول اليوم قدام المكتب وانتي تايهة ومش عارفة تعملي حاجة المهم تلمي اللي عليكي بتركيز حتى لو وقت أقل وخلي عندك ثقة في نفسك وان شاء الله هتعدي السنة دي على خير بس خديها بالراحة..وربنا يوفقك ويكرمك وتبقى احسن حد في الدنيا...بالعكس فاهمينك لأننا مرينا بده وكنا في نفس الحيره دي
تم النشر الثلاثاء، ١٣ أكتوبر ٢٠٢٦
وعليكم السلام ورحمة الله وبركاته يا بنتي. أنا فاهمة شعورك تمامًا، الثانوية العامة بتخلي أي حد يحس إنه تايه ومضغوط، خاصة لما تكوني عايزة تطوري نفسك وتنظمي يومك في نفس الوقت. اللي بيحصل معاكِ طبيعي جدًا، ومش معناه إنك فاشلة أو مش قادرة، بس الضغط بيخلّي الجدول يبقى صعب التنفيذ. ابدئي بخطوات صغيرة وواقعية عشان ما تتعبيش نفسك. قسمي يومك لثلاث أجزاء أساسية: مذاكرة المنهج (الأولوية الأولى)، فترات راحة قصيرة بينها، ووقت بسيط للتطوير الشخصي. مثلاً، حددي 4-5 ساعات مذاكرة موزعة على اليوم مش كله مرة واحدة، وخصصي 30 دقيقة يوميًا للإنجليزي أو بودكاست مفيد، و10-15 دقيقة للكتابة زي مذكرات يومية بسيطة عن إنجازاتك أو أفكارك. لو ما نفذتيش كل حاجة، متعاقبيش نفسك، بس راجعي الجدول كل أسبوع وعدّلي فيه حسب طاقتك. ركزي على حاجة واحدة في البداية، زي تنظيم وقت المذاكرة، وبعدين أضيفي الباقي تدريجيًا. وادعي ربنا ييسر لكِ الأمر ويبارك في وقتك، فالتوكل على الله مع الجهد بيفرق كتير. أنتِ قادرة، وهتوصلي للي نفسك فيه خطوة بخطوة. لو عايزة أفكار أكتر عن جدول يناسب الثانوية، ابحثي عن أسئلة مشابهة على فدني عشان تشوفي تجارب بنات تانيين.
تم النشر الاثنين، ١٢ أكتوبر ٢٠٢٦
نفس الاحساس عند معظمنا....لا يكلف الله نفساً إلا وسعها..... الافضل نداوم على حاجة بسيطة لحد ما تبقى من المسلمات وبعد كده نبدأ نزود.....يعني مثلاً اني اعمل جدول فيه حجات كتير مش متعود اعملها في العادي وألزم نفسي بيها طبيعي هكون مشتت ومستكتر الحجات دي وممكن معملش منها ولا حاجة..... الأولوية كطالب للمنهج واعمل معاه حاجة أو اتنين زيادة ومع التعود ازود بس بشرط "التطبيق" ..... الإنسان لما يكون عايز يعمل حاجة بدون دافع هيكون عنده فتور .... ف نتكلم عن تعلم الانجليزية مثلاً: اني افضل اتعلم بدون ممارسة أو هدف واضح منها مش هيوصلني لحاجة..... الممارسة والمداومة اكتر حاجة تعلم..... التليفون عشان يشحن لازم يتوصل بالشاحن ومش كفاية يكون قريب منه بس بدون اتصال مباشر
تم النشر الثلاثاء، ١٣ أكتوبر ٢٠٢٦
التزمي بالمناهج لأنها متوزعة على الوقت، واعرفي إن أهم المواضيع في المناهج هي المتشابهة مع مواضيع الكليات، في السنة ال كنت فيها كان أغلب امتحان الكيمياء من آخر باب في المنهج، وأغلب امتحان الفيزياء هو آخر المنهج، الفيزياء الحديثة، وادرسي مع زملاء شاطرين ودا أهم شيء، هيكون عندهم همة ومنافسة وحرص وهيختاروا أفضل المدرسين
تم النشر الثلاثاء، ١٣ أكتوبر ٢٠٢٦
لعرض السؤال في فدني اضغط هنا