السلام عليكم
انا عندي 24سنه انسان انطوائي بحب العزله والوحده وإثبات الذات انا اكبر واحد في اخواتي وكان عندي 22 وخطبت وانا آخر سنه في الكليه كنت بحس وبحب وأميل للبنات وعندي شغف للمستقبل واتحدى نفسي انا في 3 إعدادي كل اصحابي كانو بيتريقو عليا واني مش هفلح في الثانويه رحت تعمدت اذكر واجتهد وأثبت نفسي والحمد لله جبت نتيجه كويسه
المهم مع بداية الخطوبه الأمر اتعكس وبقيت مش حاسس بحاجه ودخلت في اكتئاب رحت فشكلت الخطوبه لأسباب روحانيه بعدين رحت لدكتور نفسي ظبطت الاكتئاب والهرمونات والفيتامين اللي ناقص لكن حرفيا اديلي سنتين محستش بالسعاده ولا بالفرحة ولا عندي شغف للمستقبل ايوه بعمل كل حاجه تعود مش حب ومش عارف احب حد ولا عندي ميل للبنات ولا بحب اعمل اكلاتي المفضله زي زمان وبقيت كسول جدا ومبحبش الفلوس وبالتالي مش بشتغل ولا قادر ادوس على نفسي ولا عندي دافع وبعمل كل حاجه عادي بس عاده مش حب انصحوني
مش هتعرف تخرج من اللي انت فيه إلا بالحب بس السؤال احب ايه وانا فاقد الشغف تماما لازم تسأل نفسك اهلك يستاهلوا لنك تكون الإنسان ده طب اخواتك وكمان انت اكبر واحد طب بلاش كل ده نفسك تستاهل منك ده اولا مينفعش تحب بنت او تدخل في علاقة غير لما تتعافى تماما وتطور من نفسك بس عشان تقدر تحب اي حاجة في الدنيا لازم تحب نفسك وعشان تحب نفسك لازم تقعد مع نفسك وتشوف ايه اللي وصلك لكدة وازاي تخرج منه ممكن تكون مفيش مشكلة اصلا وع فكرة كلنا بتيجي علينا لحظات بتفقد الشغف والمتعة في كل حاجة حتى العيشة وبدون سبب بس مش كلنا بنعرف نفوق بدري ونقوم ونصلح ونعرف انه عادي نقع لازم نتقبل لحظات ضعف النفس وافتكر ديما عشان تتحب لازم انت تحب نفسك ومش هتعرف تحب نفسك إلا لما تحسن وتطور من نفسك
تم النشر الثلاثاء، ٢٥ أغسطس ٢٠٢٦
السلام عليكم ورحمه الله وبركاته اولا كده يا بطل تمرين الجري صباحا لمدة عشر دقائق بيساعدك على إنك تنجز كل اللي تمر فيه في يومك وأصلا بيجعلك مرتاح البال وبسورة البقرة إذا قرأتها تجعلك مولود من جديد والانجاز الحقيقة لما تشوف نفسك بعينك انت وليس بعين الأخرين وافضل استمر ع كده هتكون احسن وافضل ان شاء الله
تم النشر الأحد، ٢٣ أغسطس ٢٠٢٦
بص اولا كده انا عايزه افهمك نقطه ان عقلنا ع طول بيختار الحاجه الاسهل والاريح يعني انا جت عليا فتره كل ما المنبه يرن افصله لاني حسا ان م قادره م عايزه اعمل حاجه عايزه افضل قاعده ع السرير كده حتي لو م عايزه انام برغم ان كنت ف اكتر فتره مضغوطه فيها ف لما حسيت اني هضيع قعدت مع نفسي واكتشفت ان لازم اكمل حياتي حتي لو م مبسوطه وانا بعمل اي حاجه ولا عندي شغف ومحبطه بس لازم اكمل عشان دي حياتي انا محدش هيجي يصلح حاجه فيها وللعلم انت بجد انسان من جواك كويس جدا انت مريت بحاجات كتير ورغم كل دا بدات من تاني ورجعت لعقلك صدقني انك تقوم وتكمل مش لازمله شغف ولا حاجه لازمله شعور بالمسؤليه وم دايما الفلوس هي اللي تحرك وباذن الله انت هتبقي احسن
تم النشر الجمعة، ٢١ أغسطس ٢٠٢٦
وعليكم السلام ورحمة الله، أخي الكريم. أقدر تمامًا اللي بتمر بيه، وأنت راجل شجاع إنك بتشارك تجربتك بهذا الوضوح. اللي وصفته يشبه حالة "فقدان المتعة" أو انعدام الدافع، وهي شائعة بعد فترات الاكتئاب حتى لو اتظبطت الهرمونات والفيتامينات. أنت عملت خطوات كويسة جدًا قبل كده، زي إثبات نفسك في الدراسة ومواجهة التحديات، وده دليل على قوتك الداخلية اللي لسه موجودة. ابدأ بخطوات صغيرة وعملية عشان ترجع تبني الدافع تدريجيًا. حدد هدف يومي بسيط جدًا، زي الخروج للمشي لمدة 15 دقيقة أو قراءة صفحة من كتاب مفيد، وكافئ نفسك عليه حتى لو كان الشعور مش قوي. ركز على العبادات اليومية زي الصلاة في وقتها وقراءة القرآن، لأنها بتساعد على إعادة التوازن النفسي والروحي، وتذكر إن الصبر على مثل هذه الفترات له أجر كبير. حاول كمان تعيد التواصل مع هواياتك القديمة بطريقة خفيفة، حتى لو بدون حماس في البداية، لأن الاستمرار بيولد الشغف مع الوقت. أنت مش لوحدك في ده، وكتير ناس مرت بنفس الشعور ورجعوا يحسوا بالحياة تاني من خلال الالتزام والدعم المهني المستمر. لو الأعراض مستمرة، فكر في متابعة الطبيب النفسي مرة تانية عشان يقيم الوضع بشكل أدق. ابحث عن أسئلة مشابهة على فدني عشان تشوف تجارب الآخرين، وخد خطوة واحدة النهاردة نحو هدف صغير. أنت قادر، وهتتجاوز ده إن شاء الله.
تم النشر الخميس، ٢٠ أغسطس ٢٠٢٦
انا طالبة علم نفس وانت شجعتني اني مغيرش المسار وابقى أخصائية نفسية أحييك جدا وطبعا ده انسب قرار هو هيساعدك تلاقي الحل بنفسك وكمان ممكن يبقى فيه اكتر من جلسة بالتوفيق وان شاء الله تكون ناجح في المستقبل
تم النشر الثلاثاء، ٢٥ أغسطس ٢٠٢٦
اي رايك اروح لأخصائي نفسي يفهم اكتر
تم النشر الثلاثاء، ٢٥ أغسطس ٢٠٢٦
مش هتعرف تخرج من اللي انت فيه إلا بالحب بس السؤال احب ايه وانا فاقد الشغف تماما لازم تسأل نفسك اهلك يستاهلوا لنك تكون الإنسان ده طب اخواتك وكمان انت اكبر واحد طب بلاش كل ده نفسك تستاهل منك ده اولا مينفعش تحب بنت او تدخل في علاقة غير لما تتعافى تماما وتطور من نفسك بس عشان تقدر تحب اي حاجة في الدنيا لازم تحب نفسك وعشان تحب نفسك لازم تقعد مع نفسك وتشوف ايه اللي وصلك لكدة وازاي تخرج منه ممكن تكون مفيش مشكلة اصلا وع فكرة كلنا بتيجي علينا لحظات بتفقد الشغف والمتعة في كل حاجة حتى العيشة وبدون سبب بس مش كلنا بنعرف نفوق بدري ونقوم ونصلح ونعرف انه عادي نقع لازم نتقبل لحظات ضعف النفس وافتكر ديما عشان تتحب لازم انت تحب نفسك ومش هتعرف تحب نفسك إلا لما تحسن وتطور من نفسك
تم النشر الثلاثاء، ٢٥ أغسطس ٢٠٢٦
صلاة و استغفار
تم النشر الاثنين، ٢٤ أغسطس ٢٠٢٦
دا عادي بيمر بيها اي حد متقلقيش انا كدا بردو، بص، كل اللي هتعمله تقرأ سوره وقت الفجر بعد الصلا او صفحه وبردو تبقي تخرج كل مشاعرك السلبيه بليل بعد ما تخلص كل اللي وراك، تخرجها بنيه انا بخرج مشاعري السلبيه عشان ارتاح مش عشان حصلي كذا وهيحصل كذا والكلام دا كله، تصحي تاني يوم الفجريه تصلي وتقرأ صفحه من سوره ياسين عشان لو اللي عندك حسد او عمل او حاجه وحشه من حد تبقي انت محمي من عند ربنا بعدها تروح لشغلك او كليتك او تذاكر، تشتغل يعني، اعمل جدول ونصيحه من اخت ليك، جدولك تبقي بين فترات الصلاه يعني مثلا فتره الصبح هذاكر مثلا مثلا انجليزي وعربي، وكذلك بقا، انا بتكلم علي حسب المواد الي عندي يعني نظمها انت بنفسك بقا لو شغل هشتغل لحد كذا وكدا بقا فاهمني،
تم النشر الاثنين، ٢٤ أغسطس ٢٠٢٦
باختصار يا صاحبي انت محتاج "الإحتساب" وهي انك تحتسب الأجر عند ربنا ..... يعني انت قلت انك ذاكرت في الثانوية عشان تثبت نفسك وده خطأ لأن المفروض تذاكر لله وتحتسب الأجر عند الله الواحد الأحد... وهكذا في كل أمورك وكده يكون لحياتك معنى
تم النشر الأحد، ٢٣ أغسطس ٢٠٢٦
عد إلى الله وتب له من أي ذنب وأعلم عن دينك اكثر واكثر نوافل وصدقات وطاعه اخرج تفكيرك من الدنيا واجتهد للاخر.. وشعورك هذا أيضاً ربما بجانب هذا هو انخفاض بهرمون الذكوره لذا كل اكل صحي والعب رياضه حتى انها ستنشطك وتغير تفكيرك واسأل الله أن يعينك وينفع بك اجعل لك هدف وهو الوصول للجنه ورضى الله وستجد حافز
تم النشر السبت، ٢٢ أغسطس ٢٠٢٦
يا ابنى مفيش حاجه اسمها ضد نفسى .. نفسك لو مشيت وراها توديك ف داهية .. و أفضل الجهاد جهاد النفس .. نصيحتى ليك حكم عقلك وارسم خطة توصلك انك تكون انسان ناجح عمليا ونفسيا ودينيا
تم النشر الخميس، ٢٠ أغسطس ٢٠٢٦
يعني العمل اي اشتغل وادوس في اي حاجه حتى لو ضد نفسي
تم النشر الخميس، ٢٠ أغسطس ٢٠٢٦
لحظة بس انت لي حاطط نفسك في دائرة الاحباط والاكتئاب اول حاجه طول ما انت بتفكر بالطريقة السلبية دي حرفيا هتروح لمكان تاني خالص بلاش انا مبخرج مش عارف والكلام دا فكر مثلا عندي مشكلة في النقطة دي وازاي تعالجها ازاي تشتغل بجسمك ودماغك في وادي تاني ولي تعمل كدا حاول تتخلص من الحجات الي بتاثر عليك واكبر خطوة بجد انك تتفاعل مع يلي حواليك ولازم تختارهم لانو البيئة بتاثر فينا ووجود ناس حوليك هتتاثر بيهم وهيغيرو ولو تغيير بسيط في طريقة تفكيرك غير الوظيفة مثلا بجد هتحس بالفرق حتي لو انت مش مقتنع لما تجرب الخطوات البسيطة دي هتلاقي عندك تفائل تدريجي بلاش تحط نفسك في الاحباط دا لانو نهايتة وحشة بجد مفيش حد هينفعك ولا يفيدك غير نفسك
تم النشر الخميس، ٢٠ أغسطس ٢٠٢٦
اغير ازاي من نفسي معلش انا مبقتش احب الفلوس فبالتالي مش هقدر أطور من نفسي ولا أجد ومش عارف احب وحده واتجوز فبالتالي اديني قاعد مش لاقي السعاده بروح الجيم والعب رياضه واصلي واعمل كل شيء انا حتى لو اشتغلت بشتغل بجسمي لكن احس عقلي في وادي تاني
تم النشر الخميس، ٢٠ أغسطس ٢٠٢٦
المفتاح في ايدك انت لازم تغير من نفسك راجع نفسك اقعد مع نفسك شوية وشوف اي الصح واي الي لازم تغيرة او يتعمل بداية التغير انك عارف انو يلي بتعملة غلط اخرج اتفاعل ولازم تختار الناس الي تتفاعل معاهم ولازم تدور ع شغل وتعتمد ع نفسك وهكذا..وطبعا علاقتك مع ربنا اهم حاجه .
تم النشر الخميس، ٢٠ أغسطس ٢٠٢٦
لعرض السؤال في فدني اضغط هنا