عندي فقدان شغف صعب قوي وصل معايا لسنه ونص مفيش مره من السنه ونص حسيت أن بقى عندي شغف اعمل حاجه بحبها أو أسعى لحلمي اللي اصلا مفروض عائشه على امل أنه يتحقق إحساس فقدان الشغف مؤلم لدرجه كبيره بس مش قادره اقوم مش قادره اتحرك أهملت في حياتي بطريقه غريبه،
وانا عمري ما كنت كده بالعكس كانت طاقتي ايجابيه علطول وكنت بسعى ويعمل الحاجه اللي بحبها جربت كذا طريقه أجرب حلم جديد بردو مقدرتش حتى أسعى ليه
قسمت السعي لخطوات بسيطه بردو مقدرتش أعمل الخطوات البسيطه حاسه اني بقيت انسانه متبلده مش عارفه الحل
اي حد مر بحاجه زي كده وخرج منها وبقى كويس؟
فقدان الشغف بييجي غالبًا من الضغط، الإحباط، أو تكرار الروتين. أهم حاجة ما تفضّليش تلومي نفسك، ده شعور طبيعي وبيعدّي. نصايح عملية: خدي بريك قصير من أي حاجة ضاغطة اعملي حاجة بسيطة بتحبيها حتى لو مش مهمة قسّمي أي هدف كبير لحاجات صغيرة قرّبي من ناس إيجابية اهتمي بنومك وأكلك وحركتك وأهم نقطة: ابدئي حتى بدون شغف، الشغف بييجي أثناء السعي مش قبل ما نبدأ.
تم النشر الخميس، ٢٢ يناير ٢٠٢٦
لما بتقولي أنا بقيت إنسانة متبلدة، إنتي بتضغطي على جرحك. اعتبري نفسك فتره استراحه لو حد رجله مكسورة مش بنقوله قوم اجري وإنتي روحك دلوقتي محتاجة راحة. اقبلي إنك تعبانة دلوقتي عشان تقدري تخفي. لما الشغف بيروح، بتبقى فكرة إنجاز حلم تقيلة جداً مفيش حاجة اسمها حلم دلوقتي. فيه حاجة اسمها هقوم أعمل حاجة واحدة لمدة ٥ دقايق بس.. عن تجربه .. أغسل وشي، أرتب درج أعمل قهوه ، أقرأ صفحة لو خلصت الـ ٥ دقايق وعايزة توقفي وقفي فوراً وإنتي كسبانه إنتِ رابطة سعادتك بإنك توصلي لحلمك اربطيها بحاجات بسيطه صلاتك على الوقت مثلاً تنظيف اوضة النوم أو رسمة لو بتحبي الرسم المشي شويه كدا يعني ساعات فقدان الشغف والخمول الرهيب ده بيبقى سببه مرض ا اعملي تحليل Vitamin D وتحليل غدة درقية وصورة دم كاملة (Anemia). نقص الفيتامينات دي بيخلي الجسم مرهق مهما كانت إرادتك قوية لو عندك نقص عضويه بعتذر عن الإطالة 😊 ربنا يسعدك ويوفقك
تم النشر الأربعاء، ٢١ يناير ٢٠٢٦
حبيبتي، أنا ذكية، وأشعر بألمك تمامًا. فقدان الشغف ده زي الضباب اللي بيغطي الشمس، وسنة ونص مش سهلة خالص، بس أنتِ قوية وكنتِ كده قبل كده، وهترجعي أقوى إن شاء الله. ده ممكن يكون علامة اكتئاب أو إرهاق نفسي، وأول حاجة: روحي لدكتور نفسي متخصص عشان يقيم حالتك صح. خطوات عملية صغيرة جدًا تبدئي بيها النهاردة: الصلاة والدعاء : ابدئي بالمواظبة على الصلاة بأوقاتها، وقولي "اللهم إني أعوذ بك من الهم والحزن". الصلاة بترجع الطاقة تدريجيًا، زي وقود للروح. روتين يومي بسيط : حددي 3 دقايق بس كل يوم: اغسلي وشك، اشربي كوباية مية دافية مع ليمون، وامشي 5 دقايق حوالين البيت. مفيش خطوات كبيرة، بس كل يوم. اقرئي قرآن يوميًا : صفحة واحدة بس، كفيلة تفتح قلبك للأمل. راجعي جسمك : نامي 7-8 ساعات، كلي وجبات منتظمة (بروتين زي بيض أو عدس، خضار)، واشربي مية كتير. الجوع أو الإرهاق بيقتل الشغف. هدف صغير أسبوعي : اختاري حاجة بسيطة زي "أكتب 3 حاجات شاكرة عليها كل ليلة" (نعم الله كتيرة، ركزي عليها). جربتِ حاجات قبل كده، بس جربي دي بصبر وتوكل على الله. الشغف مش هيرجع في يوم، بس خطوة خطوة هتحسي الفرق. لو عايزة دعم أكتر، ابحثي في فدني عن "فقدان الشغف" أو روحي للخبراء هنا: https://www.fedni.net/experts ، فيه متخصصين نفسيين هيساعدوكِ شخصيًا. أنتِ مش متبلدة، أنتِ بس محتاجة دفعة صغيرة.. قوليلي إيه اللي هتعمليه النهاردة؟ ربنا يفرج همك يا رب 🤲❤️
تم النشر الأربعاء، ٢١ يناير ٢٠٢٦
صلي صلوات كويس اهتمي بالصلاة واسمعي عنها واعرفي معلومات عنها من الشيوخ وكمان ما تنسيش تلات ركعات بس بعد صلاة الغشاء اعتبريها قيام ليل خفيف كدا بس ربنا بيكرم عليه جدا ويسهل الحياة وما تنسيش تقري ولو صفحة واحدة من القران يوميا من اي سور تحبيها وممكن تبدأي بالبقرة بركة وسهولة وطاقة طول اليوم وممكن تحطي نية وانت بتقرأي نية تسهيل حساتك ورجوع شغفك وربنا يوفقك
تم النشر الخميس، ٢٢ يناير ٢٠٢٦
لما بتروحي لمعالج نفسي بيفهم حالتك بظبط ويديكي الحل المناسب ليكي فهيفيدك ان شاء اللن
تم النشر السبت، ٢٤ يناير ٢٠٢٦
اتخلصي من المثالية ... يعني في كلام ترند الفترة اللي احنا فيها اللي هو أسعى لحلمك واشتغل الليل والنهار واهزم العالم .... الكلام ده كلام كبير بيثقل علينا الحمل ويحسسنا ان عشان تنجح لازم تكون مثالي وكامل وقوي طول الوقت ... وعشان احنا كبشر منقدرش نكون اقوياء طول الوقت فاستسلمنا تماما وفقدنا الشغف ... فالواحد ميثقلش على نفسه وياخد الأمور ببساطة ويعامل نفسه برحمة ودا مش تواكل ولكنه واقعية ... قال تعالى :"ربنا لا تؤاخذنا إن نسينا أو اخطأنا" ... فالواجب ان الشخص يتقبل مشاعره السلبية وفقدان للشغف ويعالجها بدل ما يحاربها
تم النشر الجمعة، ٢٣ يناير ٢٠٢٦
غالبًا ده لإن اهتمامتنا بتتغير من وقت للتاني فممكن يكون حصل تبلد في شيء بس اهتمامك بقا في حاجه مختلفه
تم النشر الخميس، ٢٢ يناير ٢٠٢٦
لعرض السؤال في فدني اضغط هنا