بقالي حوالي سنة بقيت انطوائيه ومش بحب أخرج ولا أعمل اي حاجه حتى كنت بحب الطبخ والمطبخ دلوقتي لا عاوزة اقعد ساكتة او انام ..خسرت شغلي بسبب كدة حتى ولادى مش عارفة احس اني مبسوطة ومودى يرجع زى زمان ..مع العلم اني بعاني من خلل في الغدة الدرقية والتهاب حاد في الجيوب الانفية
انا ماشية علي علاج للغدة لكن مش بيجيب نتيجة اووى ممكن شوية اكون كويسة وشوية عصبية وشوية ساكتة..والدكتور بيقول معلش استحملي وهتبقي كويسةلكن مش قادر يسيطر علي انها شوية خاملة وشوية نشطة وكمان انا تعبت من الدكاترة وبقيت مش بروح عشان مش بلاقي جديد
تم النشر الأحد، ٧ ديسمبر ٢٠٢٥
التهاب حاد فى الجيوب الأنفية. هل لديكى حساسية جيوب أنفية . لو عندك حساسية جيوب أنفية . لابد من العرض عند طبيب أنف و أذن و حنجرة يكون شاطر و بأكد على كلمة شاطر . لأن مش اى طبيب بيعالج الحساسية عامة . و خاصة الأنفية . و اطلبى من الدكتور أنه يعملك تركيبة غسول أنفى . و دى بتتعمل مرة قبل النوم و مرة في الصبح . عشان تقدرى تتنفسى صح . دا اول جزء تانى جزء لازم تكشفى غدد. و تظبطى هرمون الغدة الدرقية. لأنها المايسترو بتاع الجسم و دا مهم جدا جدا اللى بتحسى بيه من قلة الطاقة و انك مش عارفة تحسى بأى متعة حتى مع اولادك و فقدك للوظيفة و النوم الكتير . كل دا بسبب عدم انتظام الغدة و انك عندك التهاب حاد في الجيوب الأنفية. زى ما بلغتك تركيبة غسول الجيوب الأنفية مرة صباحا و مرة مساءا و دى حتريحك جدا . تانى حاجة اظبطى هرمون الغدة مع طبيب عدد برضو شاطر . شفاكى الله و عفا عنكى
تم النشر السبت، ٦ ديسمبر ٢٠٢٥
ابعدي عن الميديا شويه كل مشاكلنا هيا الميديا الاخبار والحوادث بتأثر فينا من غير ما نحس
تم النشر الأحد، ٧ ديسمبر ٢٠٢٥
كده ده اكتئاب لازم طبيب نفسي
تم النشر السبت، ٦ ديسمبر ٢٠٢٥
شوفي اعراض الاحتراق النفسي؟ ممكن تتطابق معاكي
تم النشر الجمعة، ٥ ديسمبر ٢٠٢٥
انا بعيدة جدا عن الميديا مش بمسك الفون الا اوقات قليلة..مش حابة مع انه كان جزء من حياتي الاول
تم النشر الأحد، ٧ ديسمبر ٢٠٢٥
طيب الغده ملهاش تأثير على الحاله النفسيه اظن ليها فهل بتاخدي علاجها. لو بتاخدي والاعراض موجوده عرفي الطبيب ممكن يكون عنده حل لو مش من الغده حاولي تشتركي في اي حاجه اجتماعية مع الناس شويه شويه هتاخدي عليهم وتخرجي من الانطوائيه اللي بتقولي عليها وإن شاء الله حالتك النفسيه تتحسن
تم النشر السبت، ٦ ديسمبر ٢٠٢٥
لعرض السؤال في فدني اضغط هنا