أنا في تالتة ثانوي وبحس إني طول الوقت تعبانة وهمدانه وبنام كتير وأوقات بنام للدرجة إني ما بروحش دروسي ولما بصحى بحس إني ضيعت وقت وبجلد نفسي وبقعد أعيط ومش بعرف أركز في المذاكرة ولا ألتزم بخطة معينة وبرجع أضيع وقت تاني وأفضل قلقانة طول اليوم إني مش هعرف أخلص المنهج والضغط مأثر عليا أوي وبخاف من المستقبل وحاسة إني مهما عملت مش كفاية والموضوع ده مخلي أعصابي تعبانة وبكتم جوايا ومش عارفه افضفض ل حد
السلام عليكم ورحمه الله وبركاته خلي بالك ان ممكن يكون كل اللي بيحصل معاكي ده بسبب خوفك من الحاله بتاعة الثانويه العامه ومن انك مش عارفه لو النتيجه ما طلعتش كويسه هتتعاملي معاها ازاي فممكن يكون كل النوم ده كل الكسل ده هروبا من الحاله بتاعة الضغط وبتاعة القلق فاحنا محتاجين نهدي نفسنا من الضغط ومن القلق الاول وبعدين نشوف اذا كانت الامور بقت احسن حلو وكده جميل جدا لو الامور متحسنتش يبقى احنا محتاجين نروح نعمل شويه تحاليل نشوف اذا كان في ناقصنا أي عناصر او فيتامينات هي اللي مسببه النوم والخمول ولا لأ. مساله القلق السعي فقط لا غير حبيبتي والنتيجه دي بتاعه ربنا لانك لو مساعتيش انا فعلا هتجلدي نفسك طول حياتك وهتقولي ما هو أن اللي قصرت طب احنا كده مستفيدين ايه ولا استفدنا بالحاضر ولا استفدنا بالمستقبل فخلينا نستفيد بالحاضر ونترك المستقبل لله وهو ربنا ادرى بيه لانه في علم الغيب فخدي نفس عميق وقولي كل اللي انا هعمله ان انا مش هسيب مجهود عندي الا وهبذله وانا راضيه باي نتيجه ربنا هيديها لي لانه اكيد ربنا عارف ان ده الاحسن والخير ليا نقطه ومش اكتر من كده. أتمني انك تعرفي يعني تعملي الحاجات دي بكل قوه وصدقيني هتفرق معاك قوي.
تم النشر السبت، ٢٠ سبتمبر ٢٠٢٥
حالي متلك بس ادينا بنحاول المهم الفشل ليس نهاية العالم بس انك مش تحاولي تتخلص من الفشل للأسف هتكوني فاشله فأي شيء ابدي نظمي نومك انك تنامي نوم كافي هيخليكي تعرفي تركزي اكتر وكمان نظمي مواعيد دروس وانك مش تهملي دروسك أو تراكمي لانك هتتعبي بالاخير كله هيجي عليك وبعدين حاولي تعملي لنفسك جائزه بعد كل إنجاز مثلا لو روحت كل دروسك اعمل مكافأة ليكي مثلا تشتري شوكولاتة بتحبيها أو استيكرز وهكذا أو قام بتحبي خطه بس عارفه اي الأهم من دا كله اقترابك من ربنا لأنو هو اللي يقدر يساعدك اكتر من اي بشر ثانيا اذا ربنا راضي عنك فحالك هينصلح اتمنى تكوني فهمتني
تم النشر السبت، ٢٠ سبتمبر ٢٠٢٥
لازم نتاكد من الناحية الصحية أن مفيش أي اختلال في هرمون من هرمونات الغدة أو نقص فيتامين معين وده هيتطلب تحليل تاني حاجه تقلل الموبايل والسهر والقهوة و الشاي اخيرا اقراي الاذكار والمعوذات والرقيه الشرعيه واشربي ورشي منها في المكان اللي بتنامي وتذاكري فيه مع المحافظة على الصلوات الخمس
تم النشر الثلاثاء، ١٦ سبتمبر ٢٠٢٥
مرحبًا يا غالية، شكرًا على صراحتك ومشاركتك بهذه المشاعر الصعبة، وأنتِ مش لوحدك أبدًا، كثير من طلبة الثانوية يمروا بنفس التحديات والضغوط، خصوصًا في المراحل الحرجة زي تالتة ثانوي. خليني أساعدك ننظم المشكلة لفهمها والتعامل معها: التعب والكسل والنوم الكثير: أحيانًا التعب المستمر ممكن يكون نتيجة ضغط نفسي عالي، أو بداية اكتئاب بسيط، وليس بالضرورة تعني ضعف أو تقصير منك. النوم لفترات طويلة أحيانًا هو هروب من التوتر ولاستعادة الطاقة، لكنه بيأثر على نشاطك وتركيزك. عدم القدرة على التركيز والالتزام: الضغط النفسي يقلل من قدرتنا على التركيز والتنظيم، واحنا نحتاج لطريقة تنظيم صغيرة وسهلة عشان تبدأي بيها، مش خطة معقدة تثقل عليكِ أكثر. ممكن تبدأي بوضع جدول يومي بسيط، مثلاً ساعة مذاكرة ثم فترة راحة قصيرة. القلق والخوف من المستقبل: طبيعي تشعري بالقلق عند المرحلة دي، بس ضروري تحاولي تطمئني نفسك. ربنا سبحانه وتعالى معك وكافيك، ومهما كان التحدي فيه فرصة للتعلم والنمو. خليكي قريبة من الدعاء والاستعانة بالله، وذكري نفسك دومًا بأن الابتلاءات لا تطول. الشعور بعدم الكفاية والجلد الذاتي: تعاملي مع نفسك بلطف وحاولي تشجعيها، وليس جلدها. كل خطوة صغيرة بتعمليها هي تقدم مهم. فكري في أي إنجاز حققته حتى لو بسيط، واحتفلي به. عدم التحدث مع أحد وبكتم المشاعر: بحب أقول لك إن الفضفضة مهمة جدًا، حتى لو مجرد تسجيل يومي لمشاعرك وأفكارك، أو مشاركة مشاعرك مع الله بالدعاء أو قراءة قرآنية. وأنا هنا دومًا لدعمك، وإذا كنتِ تبغين دعم أعمق، ممكن تستشيري خبراء نفسيين على منصة فدني: https://www.fedni.net/experts خطوات عملية ممكن تبدأي بيها: حاولي ترفعي جدول يومي بسيط للمذاكرة، مثلاً: ساعتين صباحًا مع راحة، ثم استراحة غداء، وساعة أو ساعة ونصف بعد العصر. خصصي وقت قصير يوميًا للدعاء والاسترخاء أمام الله حتى لو لخمس دقائق، هذا هيريح بالك ويزيد أملك. لا تقارني نفسك بغيرك، أنتِ في رحلة خاصة بكِ، وكل مجهود تبذليه هو خطوة للأمام. إذا حسيتِ بأن التعب والاكتئاب بدا يزيد عليكِ، لا تترددي في طلب المساعدة من مختص نفسي. وأخيرًا، أنتِ لست وحدك، وأنا هنا لأدعمك وقت ما تحتاجي، وبإمكانك دائمًا تبحثي في فدني عن تجارب أسئلة بنات تانيين مروا بنفس الظروف ويمكن تستفيدي من إجاباتهم أيضًا. شدّي حيلك يا بطلة، وكل يوم جديد هو فرصة جديدة بإذن الله 🌷✨ إذا حبيتِ، أخبريني أكثر عن جدولك اليومي وكيفية مذاكرتك؟ لنساعدك بتنظيم أفضل معًا.
تم النشر الثلاثاء، ١٦ سبتمبر ٢٠٢٥
جزاك الله خير علي النصيحه
تم النشر الخميس، ١٨ سبتمبر ٢٠٢٥
انتي كده عندك ضغط نفسي كبير من اللى حواليكي اكمنك في الثانوية العامة بس انتي محتاجه تصلي وتستغفري ربنا وتدعي بإزاله الهم علشان اللي انتي فيه ده اسمه الهم وده اخطر حاجة ممكن يتصاب بيها الانسان وحاولي تشوفي الحاجه اللي شليفك نفسك مميزة فيها واعمليها حسسي نفسك بالتميز ده برضوا هيساعدك انك تعدي المرحلة دي واخيرا شوفي مين اقرب حد ليكي من صديقاتك وخليكي معاها وحاولي تفرحي نفسك شوية
تم النشر الخميس، ١٨ سبتمبر ٢٠٢٥
لعرض السؤال في فدني اضغط هنا