يا جماعه أنا ثانوية عامة علمي رياضه و خلصت امتحانات امبارح الحمدلله المهم اني كنت براجع بعد كل امتحان و حسبت درجاتي لاقتني ناقصه تقريبا ٣٥ درجة يعني ٨٩٪ كده و فضلت ادور ورا موضوع التنسيق المتوقع للسنه دي لاقيت اغلب الناس بتقول انه هيعلى لانهم بيقللوا الاعداد كل سنه
أنا خايفه أوي و زعلانه بجد و ناقصه في الرياضه ٨ درجات و ناس كتير بتقول الرياضه سهله بس أنا كنت شايفه التطبيقيه صعبه أوي عن البحته و اغلب الناس بتقول العكس
و عماله افكر هدخل أي لاني شكلي م هلحق هندسه
و كمان م حابه اروح حاسبات خالص و كنت عاوزه اعمل اختبار قدرات عماره بس بابا مش موافق خالص
و كمان خايفه اتصدم يوم النتيجة و الاقي نفسي جايبه اقل من إلي حسبته
ازاي يا جماعه و النبي ابطل قلق و اعرف أنا عاوزه اي و اروحه
السلام عليكم، أولا ربنا يوفقك ويبعد مخاوفك وإن شاء الله تحققي حلمك ويجعل لك الخير فيه. بالنسبة للقلق، أنتِ دلوقتي أمام أمر واقع، يعني خلاص الامتحانات خلصت واللي اتعمل اتعمل، مفيش إمكانية ترجعي للماضي أو تغيري حاجة. فالقلق دلوقتي مش هيغير شيء ولا هيمنع حاجة مكتوبة إنها تحصل فليه تعيشي نفسك في توتر على احتمال ممكن يحصل وممكن لأ، ولو مكتوب يحصل فعلا متقدريش تمنعيه. فمتضيعيش فترة كويسة من حياتك في خوف من احتمالات إن شاء الله متحصلش. بيقولوا ( كل متوقع آت ) فالأفضل تبعدي الأفكار السلبية ومتتوقعيش الشر وتفاءلي. *** أنصحك ترتاحي كم يوم بعد الامتحانات تستعيدي أنفاسك وطاقتك، وبعد كده من الأفضل تستغلي الأيام في إنك تكتبي قائمة بأفضل الكليات في تخصص علمي رياضة وتجمعي معلومات عنها وتشوفي أنسبها لك، بحيث لما تظهر النتيجة والتنسيق يفتح تعرفي تختاري بثقة أكبر. حتى لا قدر الله او مش هتلحقي هندسة تبقي عارفة الاختيارات الأفضل لك غيرها. ممكن على فكرة بحثك عن الكليات يخليك تغيري رأيك عن كلية معينة وتحبيها أو تكتشفي مجالات تانية تلاقي نفسك فيها. فتأني وتوكلي على الله. وصلي وادعي كتير إن ربنا يوفقك ويختار لك اللي فيه الخير لأن في النهاية محدش عارف الخير في أي طريق غير ربنا. وبالتوفيق.💚
تم النشر السبت، ١٨ يوليو ٢٠٢٦
يا بنتي، أولاً خليني أقولك إن اللي بتمرين بيه دلوقتي طبيعي جدًا، وكتير من الطالبات بيحسوا بنفس القلق ده بعد الامتحانات مباشرة. الانتظار والتفكير في النتيجة والتنسيق بيخلي الدماغ يدور في دوامة من السيناريوهات السلبية، وده مش ضعف منك، ده رد فعل طبيعي لضغط كبير. المهم دلوقتي إنك تركزي على اللي تقدري تتحكمي فيه، مش على اللي خارج سيطرتك. ابدئي بخطوات عملية بسيطة: اكتبي على ورقة كل الكليات أو المجالات اللي ممكن تناسبك غير الهندسة، حتى لو كانت بعيدة عن توقعاتك دلوقتي. فكري في اهتماماتك الحقيقية، زي التصميم أو الإبداع اللي كنتِ عايزة تعملي اختبار قدرات العمارة عشانها، وابحثي عن بدائل زي كليات الفنون التطبيقية أو التصميم الداخلي أو حتى مجالات تانية في الجامعات الخاصة أو برامج الدبلومات اللي بتفتح فرص عمل كويسة. كمان، قولي لنفسك إن النتيجة اللي حسبتيها ممكن تكون قريبة، ولو حصل انخفاض بسيط فده مش نهاية العالم، لأن التنسيق بيتغير كل سنة وفيه فرص كتير. من الناحية الإيمانية، ادعي ربنا كتير واستخيري في كل خطوة، وتذكري إن الرزق والتوفيق بيد الله، وإن القلق مش هيغير النتيجة لكن هيضيع طاقتك. جربي تخصصي وقت يومي للتفكير في المستقبل بطريقة إيجابية، زي إنك تسألي نفسك "إيه اللي هيخليني سعيدة في الدراسة؟" وتدوني الإجابات. لو لقيتِ صعوبة في تحديد رغباتك، ابحثي عن أسئلة مشابهة على فدني عشان تشوفي تجارب بنات تانيين مروا بنفس الموقف واستفادوا من نصائحهم. أنتِ قادرة تتجاوزي القلق ده خطوة بخطوة، وهتوصلي لقرار يناسبك إن شاء الله.
تم النشر الجمعة، ١٧ يوليو ٢٠٢٦
أولا امسحي الصورة اللي الابلكيشن حطها ،،، وتاني حاجه اتركي الأمور لله وتيقني أن اختيار الله هو الخير
تم النشر الجمعة، ١٧ يوليو ٢٠٢٦
انا ف تانيه ثانوي كنت مقصره جدا جدا جدا مع الرياضه لدرجه مكنتش اعرف المنهج بيتكلم عن اي ودخلت امتحانات الترم الاول ادائي طبعا كان سئ بقدر تقصيري جينا الترم التاني عملت كنت مقصرة برضه بس مش بنفس السوء كان اخف شويه دخلت امتحان البحته كان مش احسن حاجه وكنت طالعه معرفش الامتخان صعب ولا سهل جيت ليله امتخان التطبيقية تعبت جامد لدرجه اني مقدرتش اذاكر ودخلت اللحنه وانا تعبانه ومذاكرتش كلمه والمفاجأه اني محلتش انا هبدت جميع الاسئله ما عدا سؤالين هما اللي عرفتهم بجد بدون مبالغه انا طالعه من اللجنه انا شايله رياضه وش بس كنت بصلي وبدعي كتيررر جدا انها تعدي مع ان كان مستحيل حرفيا كنت هابده نواتج المسائل ومفيش خطوات بس سبحان الله عديت
تم النشر الأحد، ١٩ يوليو ٢٠٢٦
تقنيي ان هندسة لو. خير ليكي رينا مش هحرمها منك متقعديش تحسبي كتير عشان اختيارات ربنا هي الأفضل هندسة حاسبات علوم اياكان الدنيا مش هتقف عند حاجه وربنا هعطيكي ااانسب ليكي انتي ادعي بالخير وربنا يوفقك ويفرح قلبك
تم النشر السبت، ١٨ يوليو ٢٠٢٦
لعرض السؤال في فدني اضغط هنا