بعد كل اللي حصل دا و ناس ماتت و ناس انتحرت و حوارات بقي كل دفعة ف كل سنة
هل فعلا اتظلمنا ولا دا كان جزانا و لا دا اللي ربنا كاتبه لنا و الاحسن لينا
هنكمل ازي و كل الطرق مقفولة
هحكيلك قصتي هي طويلة شوية بس انا كنت في مكانك قبل كدا وحاسة مشاعرك أوي بجد أنا كنت ثانوية عامة دفعة ٢٠٢٤ كنت شاطرة جدا بشهادة مدرسيني كلهم الامتحانات اخر السنة حليت حلو جداا وكنت طالعة من أغلب الامتحانات مبسوطة وراجعت مع المدرسين ومن نماذج كتير جدا اجابات مدرسين وكنت حسبت مع الاختلافات انه هجيب فوق ال ٩٠ ولو اتظلمت اوي مش هقل عن ٨٠ خالص وانا اساسا كنت عاوزة كلية علوم مش طامعة في حاجة كبيرة وكانت الحياة وردي ومستنية النتيجة لحد ما اتصدمت ب ٦٤% واتسربت نماذج الوزارة وراجعت منها لقيتني كنت اجيب اصلا ٩١ طبعا عرفت اللي فيها " تبديل ورق اجابات " وحل التبديل دا قضية سنتين ويا تكسب يا تفشل فإستعوضت ربنا وسكتت وقولت همشي زي ما تيجي بقى وكنت شايفة الحياة بنظرة انه خلاص يعني هدخل ايه يعني بالمجموع دا اساسا اتقال لي يوم النتيجة على كلية تربية طفولة مبكرة وانه فيها اقسام حلوة وفي اقسام ذوي احتياجات خاصة فمش عاوزة تدريس فقولت خلاص هدخل تربية خاصة لما بدأت الصدمة تروح شوية ولقيت طريق أدرس بيها حاجة بحبها بس كلها كانت متقفلة كنت هدخل علوم خاص والموضوع باظ واتقفل عرفت انه ينفع ادخل تربية كمستري ك قسم كرديت او ادخل بايو كيمستري في زراعة كرديت وصحيت تاني يوم لقيت التحويل اتقفل خلاص مش هعرف احول فهمت وقتها إنه خلاص الطرقة متقفلة ف نصيبي المكان دا ودخلت فعلا ونزلت من سنة أولى مركز صاحبة والدتي دخلت تخاطب ومكنتش حباه خاالص بس كنت بنزل ومكمله ع اساس مفيش غيره لحد ما دخلت جلسة تكامل حسي وحبيته جداا بس معرفتش ادخل تاني وقعدت ادور ع كورسات تكامل حسي اخدها مكنتش لاقيه غير في القاهرة وصعب عليا اروح القاهرة علشان بعيدة لحد ما صاحبة المركز اللي بتدرب فيه كلمت ماما انه في كورس تكامل حسي ولو انا عاوزة اخده وفي اسكندرية مسألتش انا مين اللي بيديه ولا أي تفاصيل واتبسطت اني لقيت اصلا وروحت الانترفيو وطلعت اللي بتدي الكورس واحدة من أشهر المتخصصين في التكامل الحسي في مصر وأخدت الكورس وإتدربت بيه بقالي سنة وكان اي حد يكلمني ع هشتغل امتى اقول مش هينفع اشتغل وانا طالبة لسه ومحدش هيشغل طالبة واتيسرت لي فرصة شغل في مركز علاج طبيعي واقفت عليها وانا عارفة ان صاحب المكان مش هيوافق علشان طالبة ومستنية الرفض بقى بس هو وافق اني انزل عندهم وكرم ربنا وتيسيره مكنش بس هنا كان في كل حاجة بجد وانا في مكان مش عارفة اتصرف فيه كان يوقفلي ناس تساعدني لما وفقني في كليتي لما أخد حاجات وعوضني بحاجات تانية الحياة موقفتش ع ثانوية عامة وأنا مكدبش عليكي لو كنت جبت ١% زيادة كنت هدخل من غير ما أفكر زراعة مثلا وسبحان الله النتيجة جاية بالضبط علشان توصلني للكلية اللي دخلتها وتدخلي المجال اللي انا دخلته ويمكن ربنا يجعلني سبب من اسباب علاج ومساعدة اطفال كتير إنهم يعيشوا بشكل طبيعي أو شبه طبيعي ودا كان حلمي بردو كنت طول السنة بدعي بمجموع معين والكلية اللي نفسي فيها لحد يوم عرفة مدعتش الدعوة اللي اتعودت عليها ودعيت يارب المكان اللي ليا فيه خير وهتستخدمني فيه لمساعدة الناس يسر لي الأسباب اللي توديني عنده وربنا استجاب الدعوة دي والنتيجة كانت سبب اه ابتلاء صعب اوي اوي ومكدبش لحد دلوقتي مش قادرة اتخطاها واتخطى اني اتظلمت بس ربنا كريم أوي بجد وهتفهميني قدام بس اهم نصيحة متقفيش تعيطي جمب اللي راح عيطي اه بس متقفيش 😂 حاولي واسعي المكان الجديد أيا كان انك تقفي فيه وتحاولي وتسعي انك تتعلمي وتتقي ربنا فيه وإننا بناخد أجر السعي حتى لو النتيجة مش ع هوانا وان اي مجال هو مجال مهم ومفيد واهم حاجة فيه اننا نسعى وبس
تم النشر الجمعة، ١١ سبتمبر ٢٠٢٦
بحس أن كل سنه لازم يكون فيه اعداد كبيره جدا بيكون ملهاش حظ أنها تجيب مجموع كبير علشان اكبر عدد يخش خاص او اهليه مع عدم الاهتمام بأحوال الطلبه الي حظهم بيبقى كدا بس نقول إن دا هو قدر ربنا وتوفيقه وإرادته و مينفعش نعترض على ما اختاره الله ف توكلي على الله وارضي واختاري اكتر حاجه تكوني مياله ليها حتى لو مش دي الي عاوزها وحاولي تطوري من نفسك تشوفي ال skills الي هتطورك في المجالات الكويسه اليومين دول لإن كدا كدا مفيش شغل بالشهاده الي هتاخديها وربنا يكرمك يارب واكيد ربنا مختار الاحسن
تم النشر الأربعاء، ٩ سبتمبر ٢٠٢٦
أختي العزيزة، أشعر بثقل كلامك وبالحيرة اللي بتغمر قلبك بعد كل اللي مريتي بيه. السؤال ده طبيعي جدًا لما بيحصل ألم كبير وخسائر، وبتفكري: "هل ده ظلم ولا نتيجة أفعال ولا قضاء ربنا؟" من منظور إسلامي، ربنا سبحانه وتعالى كتب لنا أقدارًا فيها اختبارات وفيها عواقب لأفعالنا، لكن مش كل حاجة بتحصل عقاب مباشر. القرآن بيقول "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ"، يعني اللي بنشوفه صعب ممكن يكون فيه حكمة أكبر. في نفس الوقت، ربنا بيحاسبنا على أفعالنا واختياراتنا، فلو فيه أخطاء حصلت، ده مش معناه إنكِ مذنبة إلى الأبد، لكنه فرصة للتوبة والتعلم. المهم ما تقعيش في اليأس، لأن اليأس نفسه مش من صفات المؤمنة. بالنسبة للاستمرار وكل الطرق مقفولة، ابدئي بخطوات صغيرة عملية: ركزي على اللي تقدري تتحكمي فيه دلوقتي، زي الدعاء المستمر والاستخارة في أي قرار، والبحث عن فرص جديدة حتى لو بدت بعيدة. كتير من الناس مرّوا بفترات مشابهة وفتحت لهم أبواب لم تكن متوقعة لما استمروا بصبر وجهد. جربي تسألي عن تجارب مشابهة على فدني عشان تشوفي وجهات نظر أخرى تساعدكِ. أنتِ مش لوحدكِ في الشعور ده، وربنا معاكِ. خدي وقتكِ في التفكير بهدوء وادعي إن ييسر لكِ الأمر.
تم النشر الأربعاء، ٩ سبتمبر ٢٠٢٦
مش يمكن ربنا شايف الاحسن لينا
تم النشر الجمعة، ١١ سبتمبر ٢٠٢٦
انا كنت ثانوي عامة دفعة ٢٦و نجحت دور اول و تمام بس بمجموع حرفيا مش لاقيه كلية تقبله غير ممكن اقتصاد منزلي أو خدمة اجتماعية و حجات عمري ما كنت بفكر فيها و كلو بيقول ملهاش مستقبل و نشيل خيار حاجه خاصه =ناجح مش لاقي حته تلمة مجموعي سبعة و خمسون بالمئه حتى الآن والله ما عدت عارفة انا اتظلمت و لا ظلمت نفسي و لا انا شاطرة و لا فاشله بس خلاص معدش يفرق المهم الغريب أن وقت النتيجة لا عيطت ولا انهاردة و لا بعيط حتى من يومها و لا اي حاجه معرفش هو انا بهرب للدرجة و لا تخلف و لا ايه بس علطول دماغي مشوشة و بطني وجعاني و بنسى اي و كل حاجه ولا حتى شخص اجتماعي و لا رياضي و لا ماهر في حاجه و لا كويس دينيا طب انا كده ايه لازمتي طب انا عايشه و لا هعيش اهبب ايه كان عندي امل ابقي وجه التغيير و حلمي مكنش كبير دا حته ناس كتير قالتلي ملوش لازمه كنت عاوزة ادخل كلية فنية و اكون فيها حاجه كويسه و حباها بعيد عن كلام اي حد و خلاص كله انتهى و حلمي ممكن أقضية كورسات بس في الواقع و حالا بقي هعمل ايه و اخيرا محدش ث.ع يقرأ رسالتي علشان مش كل الناس كده و اللي هيسهى هيلاقي يمكن انا سعيد مكنش كفايه و حتى لو الدنيا كلها ضدده بس ربنا معاه هو كل الأسباب هتبقى معاه و لو بعد حين كملوا و ربنا معاكم و بتوفيق
تم النشر الأربعاء، ٩ سبتمبر ٢٠٢٦
لعرض السؤال في فدني اضغط هنا