السلام عليكم ورحمة الله وبركاته
الموضوع طويل حبة بس ياريت مساعدة وياريت لو في دكتور نفسي الاهل
انا بنت 18 سنه وفي سنه تالته ثانوي عايشه في مجتمع ريفي اهلي وانا صغيرة في اوقات كثيره امي كانت بتروح بيت اهلي وبترجع البيت تاني بعد فترة انا كنت في أوقات كثيرة بتمنى اطلع الشارع بس ابويا مكنش بيرضي
مكنش في حد بيهتم بلبسي او بشكلي فتعرضت للتمنر من اصحابي وناس اكبر مني في فترات كتير للخطف في الصف التاني الابتدائي لاني كنت لابسة حاجة دهب انا قدرت ارجع سليمة الحمدلله وانا مكنتش مخطوفة لوحدي
انا عندي خوف كبير من اهلي فكنت بكذب عليهم معظم الوقت بس لما رجعت من الخطف ابويا وامي ضربوني جامد محدش كان خايف عليا شفت معظم الاطفال الي معايا اهلهم خايفين عليهم بس انا لا ومرة كذبت على ابويا وهوا طويل شويا شالني وسابني اقع عا الارض وستي عيطت عليا ونيمتني
امي وانا في الصف الرابع الابتدائي راحت تشتغل وابويا مكنش موجود في البيت كان بيجي فترة وفترة لان شغله بعيد انا كنت بعاني من مدرس في المدرسة واصحابي بس محدش اهتم لما امي كانت بتروح شغل وبترجع قرب المغرب وانا كان مطلوب مني انظف البيت انا كنت بنضف قبل اما هيا تيجي بشوية بس مكنتش بنظف من تحت الانتريه ولا البتوجاز ولا الكنب ولا الاماكن دي فكانت بتضربني وتجرني من شعري وتهبدني في اي حاجه وبالايد دا
وانا كنت بخاف من مدرسة ليا ومش بروح ليها دروس لانها بتعاقب وقلت لي امي اغيرها مرديتشي فمعتش بروح دروس بس قدامها بروح تمر الايام وفي شلة بنات يعرفو اني مش بروح وامي عارفه اني بروح انا كنت باخد فلوس الدرس واصرفها فهما بقو ياخدو مني فلوس ويدخلو البيت غصب وياكلو او يقولوا لها وانا من خوفي كنت بوافق وكانت امي بتدعي عليا وتقولي انها بتكرهني وتقولي هموتي امتا
يفضل الوضع دا تلت سنين كل يوم بنضرب وكنت بتمني الموت كل دقيقة وامي عرفت اني مروحتش الدرس وانضربت جامد وعلشان كذبت فحرقوني في جسمي وابويا كان بيقولي هقتلك وكان عاوز يوقعني من مكان بس حاشوني ناس
تمر السنين ولسا ثابتين علا الموقف دا لعند اما هربت من البيت بس مكملتش يوم ورجعت وكنت بيتهيألي اني امي زمانها خافت عليا وهتخدني بالحضن وهتعاملني كويس بس لا انا انضربت واتعذبت وطلع عليا كلام مش حلو وجبت مجموع ضعيف في الاعدادي ودخلت ثانوي بعد ما التنسيق نزل بس مكنتش بروح دروس
اهلي لما بتخانق مع اخويا امي بتدعي عليا وعمرها ما تدعي على اخواتي الاتنين انا حاولت كذا مره انتحر بس منفعش وفي المره التانيه انضربت بس انا اصلا في سنه تالته ثانوي ومش مذاكره ولا رحت دروس معظم الحصص بس اعرف شوية في الاحياء والكميا وانا اشتركت نت ومعايا كتب
انا حلمي اني اسافر وابدأ حياة جديدة بس من يومين انا في مفيش في بالي غير اني اموت لان كل حاجه بتنعاد قدامي دا غير المعايرة من الناس
هل انا اروح عند دكتور نفسي او اعمل ايه لان انا ممعيش فلوس اروح انا مش فاهمه حاجه في حياتي خصوصا ان ابويا بيكتب كل جنيه بصرفه وحالف يعاقبني بعد النتيجة وارجع اروق واعمل كل حاجه في البيت وانا في سنه اولي اعدادي وتانية اعدادي مروحتش دروس علشان اوفر مصاريف واولي ثانوي وتانية ثانوي كنت بروح درس او اتنين با الكثير بس تالته روحت حصص وروحت دروس اول السنة وبعدها اشتركت اونلاين مساعدة بعد اذنكم
السلام عليكم ، اختي وحبيبتي والله كلامك وجعني اوي ، للأسف انا عارفه المجتمع الريفي وعارفه دماغ الي فيه وبيفكروا وبيعملوا ايه ، أغلبية البيوت خصوصا الريف والكلام دا متربين على مبدأ ان اكسر للبت ضلع يطلعلها 24 ودا اصله غلط لان كدا في ظلم للبنت ، بس من جهتي شايفه ان للبنت تربيه ومعامله خاصه بيها نظرا لأنها كائن رقيق وحساس بطبعه ،والولاد برضو ليهم تربيه ومعامله خاصه زي البنت بس بيكون في اختلفات طبعا ، ومش معنى اني بربي عيالي على اني اصاحبهم وافهمهم الغلط والصح بهدوء اني ادلعهم زيادة يعني خير الأمور الوسط ،في أهالي بيتعاملوا على ان التربيه الصح هي الضرب وان كدا هطلع واد جامد مش مايع وسيس ايا كان تفكيرهم بس احب اقولك مش تفكيرهم هما دا تفكير اجددنا يعني طبعوا جوا عقول الاهل ان دا الصح ، انا مش هبرر ان كدا خلاص نرضى بالأمر الواقع، بس والله عن تجربه اني كنت بشوف كدا قدام عيني يعني الضرب وبتاع فحولت اني اتناقش مع الشخصية دي وافهم منها بتعملي كدا ليه يا حبيبتي انت بتأذي عيالك وهتندمي بعدين لقتها مطلعاني واحدة متخلفه ومش بفهم ومن الكلام دا بقا المهم حاولت معاها من ناحية تانيه الي هو جتلها من حتة اني عارفه ان انتي كنت بتضربي كتير وانت صغيرة واتظلمتي وكدا وهي بقا تحسي ما صدقت وفتحت وفضلت تحكيلي عن مأستها انا بقا قولتلها طب وانت كان عجبك معاملتهم دي وضربهم وتعنيفهم ليكي قالت لا قولتلها طب لو شوفتي دا قدامك هتعملي اي قالت هحوش بينهم وازعق لامهم قولتلها طب وعيالك مين يحوش عنهم منك مش المفروض انك تخافي عليهم ليتأذوا زيك ومن هنا بقا بدأت تتغير حتى لو شوية بس في نتيجه ملحوظه ومرة في مرة بقت ماشاء الله عيالها صحابها ويمكن اكتر ، متفكريش تأذي نفسك لأنك امانه مينفعش نأذي نفسنا حرام يا حبيبة قلبي اسمعي من اختك الكبيرة ربنا مش بيحمل حد فوق طاقته ربنا عارف انك ادها وادود عشان كدا حملك الليله دي كلها احتسبي عنده وثقي انه شيلك حاجه عظيمه اوي هتسعدك وهتدخل السرور لقلبك وتعوضك عن كل الي مريتي بيه في حياتك ، والله طالما واثقه في رحمة ربنا فأنت في بر الامان ، تعرفي من الي انت حكتيه لاحظت حاجه غريبه اوي تعرفي لاحظت ايه ، لاحظت ان ربنا شايلك حاجه فعلا وبتحصل لأنها مكتوبه من قبل ما تتولدي حتى، انت كتبتي كذا مرة انك حاولتي تخلصي من نفسك واتخطفتي وربنا بيكتبلك عمر جديد هو دا كله مش بيلفت نظرك ان ربنا عاوزك تتأكدي انه قادر يعوضك وبيحبك عشان كدا مع محولاتك لأنك تخلصي من نفسك بتفشلي بعدها عشان مش عاوزك تعملي حرام تتحاسبي عليه في الآخرة ، ارجوكي خليكي مع ربنا وبالنسبة لمذكرتك هاتي ناس زي مستر خالد صقر ومحمود عبدالجواد وناس محترمه اوي على يوتيوب نزلي واسمعي مراجعات ونزلي حجات pdf وحلي وذاكري يمكن والله رينا يكرمك في الشويه الي فاضلين دول انا عارفه ان نفسيتك مدمرة بس ادعي ربنا وهدعيلك ربنا ينجيكي ويوفقك وتجيبي كليه الي نفسك فيها وتحققي كل احلامك متيأسيش من رحمة ربنا ، الي بتمر بيه صعب وانا فاهمه بس عشان نفسك وبس اعملي الي تقدري عليه عشان ربنا يوفقك وعلفكرة احنا علينا السعي وربنا عليه النتيجه يعني متخفيش بإذن الله كله خير ، ربنا هيعوضك بجوزك الي هيكون احن من الدنيا كلها عليكي وعيالك الي هيكونوا سندك وعزوتك في الدنيا علميهم قيم الاسلام والدين عوديهم يحبو بعض مش يعادو بعض علميهم ازاي يواجهوا بدل ما يستسلموا والي كان نفسك تعيشيه عشيه مع عيالك وجوزك الي ربنا هيعوضك بيهم اصبري وادعي دعاء سيدنا يونس لا إله إلا أنت سبحانك إني كنت من الظالمين وادعي ربنا يوفقك ويكرمك متيأسيش لأخر لحظة ورينا يصلح حالك ويوفقك وينجحك ويكرمك بأعلى الدرجات ويجعلك من الذين صبروا ونالوا من فضل الله وربي يجعل ايامك الجايه كلها فرح وسرور لقلبك ويعوضك عن كل هادا خير ❤️
تم النشر الأحد، ١٨ مايو ٢٠٢٥
السلام عليكم ورحمه الله وبركاته انت محتاجه يعني تواصلي مع طبيب نفسي اه انت محتاجه طبعا تتواصلي مع طبيب بما انك الموضوع وصل معاكي لافكار انتحاريه ومحاولات. انتحار بالفعل فضروري اه طبعا اه طريقه اهلك تاثيرها طبعا صعب. ربنا يكون في عونك من الحاجات اللي بتكون مؤذنه جدا الواحد بيتعمل فيها بحذر حتى يعني في الجلسات لانه دور الاب والام فا بيبقى فيه خطوط احنا غصبا عننا مش هنقدر ان احنا نعديها لو اي علاقه ثانيه هنقول يعني هنوقف العلاقه دي فورا لكن علاقه الاب والام مختلفه اللي احنا نقدر نعمله ان احنا نشتغل على نفسنا بعيدا عن اللي بيحصل منهم ان احنا بدل ما تطلع مننا تص مش متعلقه بيهم خالص علشان ما ندخلش في ازمه تانيه اييي لو انت حابه ان احنا نساعدك احنا موجودين هنا ان احنا نساعدك نقدر نمشي معاكي في الخطوات واحده واحده لحد ما تكوني احسن باذن الله.رفات التصرفات دي بتبقى هروب بس من الحاجه اللي احنا متضايقين منها ان هي موجوده في الواقع لا نبدا نشتغل نفسنا نحسن من نفسنا لاهداف شخصيه بتاعتنا احنا ما تبقاش اهدافنا متعلقه بيهم ولا ان احنا يعني نبقى عايزين نخليهم راضيين عننا ولا ان احنا نبقى بنهرب من كلام معين هم بيقولوه ولا هيبقى كده ولا هيبقى كده هيبقى احنا عندنا اهدافنا الشخصيه.
تم النشر الأحد، ١٨ مايو ٢٠٢٥
سلام عليكم مبدأياً قرأت مأساتك كلها حرفياً وحاسس بيكي جداً وبالظروف القاسية اللي بتمري بيها وفاهم طبيعة المجتمع الريفي وطريقة تفكيرهم ودة أساسه بيرجع لطبعة تربيتهم القديمة وقلة الوعي والتعليم والثقافة ودة هايخليكي تعذريهم وتقدري طبيعتهم الفطرية اللي مايعرفوش غيرها بداية حابب أنوه عن تمسكك ومحافظتك على قربك وصلتك برب العباد والحفاظ على التزامك الديني دة طبعا مهم جدا وهايحل 70% من المشاكل وهايخللي عندك صبر وجلد وهايبعد عنك وساوس الشيطان اللي دايماً توسوسلك بأذية نفسك وال10% محتاجة منك انك تعرفي طبيعة المشكلة نفسها وبدايتها فين واصلها وسببها وان اللي متسببين فيها اصلا هم ضحايا تصرفاتهم بطبيعة فهمهم وتربيتهم القديمة غصب عنهم افتكروا ان دي التربية الصحيحة ماحدش عقب عليهم ولا قالهم دة صح ودة غلط وفهمهم ازاي يتعاملوا مع الفترات العمرية المختلفة ولو صادفوا وقابلوا حد حب يفهمهم كانوا هايشوفوا دة تطفل وتدخل في اسلوب تربيتهم وانهم هما اللي فاهمين التربية وماحدش تاني بيفهم ومايحبوش ان حد يتدخل في اسلوب تربيتهم ليكم، بالنسبة لل 20% الباقية دي النسبة اللي المفروض تتقبليها وتتحمليها لمواجهة المشاكل والتحديات والصعوبات وقناعاتك الدخلية بإن احنا كلنا كدة عايشيين في دنيا ودنيا اصلها من الدنو والدناوة والتدني يعني مافيهاش مثالية ولا كمال ولا 100% وخصوصا ان كلنا ضيوف فيها قاعدين فيها ساعتين وماشيين رايحيين لرب كريم حنون غفور للاخرة وجنة عرضها السموات والارض اللي فيها كل حاجة كاملة 100% واللي عمرنا ماهنمل ولا هنزهق ولا هانتعب حياة ابدية نسأل الله لنا ولكم حسن الخاتمة والفوز بالجنة والنجاة من النار للامة الاسلامية أجمعيين يارب العالمين.
تم النشر الأحد، ١٨ مايو ٢٠٢٥
وعليكم السلام ورحمة الله وبركاته، عزيزتي، أشعر بعمق الألم والمعاناة التي تمرين بها، وأقدر شجاعتك الكبيرة في مشاركتي قصتك. هذا هو نصف الطريق نحو التحسن، لأنك عبّرتِ عن مشاعرك بكل وضوح وصراحة، وهذا شيء ثمين جدًا. أولًا، أريد أن أقول لك بكل صدق وحنان: أنتِ تستحقين حياة أفضل، ملؤها الحب والاحترام والأمان، ولا أحد له الحق أن يؤذيكِ أو يقلل من قيمتكِ. ما مررتِ به من أذى نفسي وجسدي هو ظلم كبير وليس لك ذنب فيه. ماذا يمكنك أن تفعلي الآن؟ البدء بالتفكير في طلب المساعدة المحلية: في مجتمعاتنا، قد يكون من الصعب أحيانًا التحدث مع الأسرة عن هذه الأمور، ولكن في المدراس عادة يوجد مرشد نفسي أو أخصائي اجتماعي يمكن أن يساعدك بطريقة آمنة وسرية. هل يوجد في مدرستك مثل هذا؟ أيضًا، توجد في بعض المدن مراكز نسائية أو جمعيات خيرية تدعم البنات اللاتي يعانين من العنف أو الضغوط النفسية. يمكن أن يكون اللجوء لهذه الجهات خطوة تحفظ سلامتك. زيارة طبيب نفسي: طالما تفتقدين الدعم النفسي داخل الأسرة، فإن زيارة طبيب نفسي مهمة جدًا. هو من يساعدك في التعامل مع الأفكار الصعبة، ويساعدك على بناء مهارات لتجاوز الألم والخوف. لو لم يكن ذلك ممكنًا بسبب المال، هل يمكن البحث عن جمعيات تقدم جلسات نفسية بتكلفة رمزية أو مجانية؟ أحيانًا الجامعات التي تدرس علم النفس تقدم جلسات تدريبية تحت إشراف أطباء. دعم نفسي شخصي في البيت: حاولي أن تمارسي بعض الهوايات التي تحبينها، حتى وإن كانت بسيطة، كي تشغلي ذهنك وتوفر لك بعض الراحة. اجعلي لنفسك وقتًا للتعبير عن مشاعرك بطريقة آمنة، مثلاً بالكتابة في دفتر يوميات أو التحدث إلى الله بالدعاء والاستغفار. تذكري أن الأحوال تتغير، وأن الله سبحانه وتعالى قريب منك يسمع دعائك ولا يضيع طلبك. حاولي التركيز في علاقتك بالله، واطلبي منه الصبر والقوة، وثقي أن لكل ضيق فرج قريب. اقرئي بعض الأدعية الخاصة بالتحصين والطمأنينة، فهذه تساعد القلب كثيرًا. التخطيط لمستقبلك: أعلم أن حلمك السفر وبناء حياة جديدة هو طاقة إيجابية تصنعين بها مستقبلك. استمري في دراستك حتى وإن كان الأمر صعباً، وفكري في طرق ممكنة لتعزيز فرصك سواء بدراسة أو عمل مستقبلا. إنني هنا معك، وأتفهم شعورك بالألم والوحدة. لا تترددي في العودة وطرح أي أسئلة، وإذا كنت ترغبين يمكنني أن أدلك على بعض المتخصصين النفسيين في منصة فدني يمكن أن يساعدوك بدعم مهني. وأخيراً، لا تستسلمي، الحياة أمامك وأنت قوية بإذن الله. أسأله تعالى أن يرزقك الصبر ويهديك إلى طريق السلام الداخلي. ❤️ هل تحبين أن أساعدك في معرفة كيف تتواصلين مع أخصائي نفسي في فدني؟
تم النشر السبت، ١٧ مايو ٢٠٢٥
انا والدي مش يتيم دا مش مبرر انو يحاول يقتلني ولا انه ميحسش بوجعي وانا بنته الكبيرة
تم النشر الأحد، ١٨ مايو ٢٠٢٥
خلاصة كلامي اللي قولتهولك في الاول ( الدنيا عايشين فيها ضيوف بنسبة 80%) ودة في الاية الكريمة قال تعالى ( وخلقنا الانسان في كبد) يعني عناء وشقاء يعني نتحمل احنا قرفها ونكدها ال 20% دول لحد مانقابل وجه كريم والاخرة بقى هيا اللي (100%) بعد دخولنا الجنة ان شاء الله برحمة ربنا علينا وفضله وكرمه. أرجو اني اكون كفيت ووفيت واتمنى لكي السلامة وراحة البال والتوفيق ان شاء الله وسلام عليكم.
تم النشر الأحد، ١٨ مايو ٢٠٢٥
النقطة التانية دايما اشغللي نفسك بهواياتك الجميلة المفضلة شوفي انتي شاطرة في ايه بتحبي ايه ولو حاجة تقدري تفتحي بيها مصدر رزق او تجارة افتحيلك صفحة عالفيسبوك وقناة عاليويتيوب والانستجرام وحاوللي تصوري شغلك وتسوقي له ويبقى باب رزق جميل ومن هنا هايجيلك شغل كتير وربنا هايفتح عليكي ويرزقك ان شاء الله . الحاجة الاخيرة اللي حابب اقولهالك وانا شايف انك لازم تكون بدايتك ونهايتك واساسك وحياتك كلها التزامك الديني وقربك من ربنا ودعواتك دول ابواب الفتح والفتوحات عليكي في كل حاجة واطمئنان لقلبك وانشراح لصدرك واكتشاف بصيرتك ودي نعمة مهمة جدا لفهم الناس وكشف حقيقتهم، ونصيحة اخوية بقى عشان نختم كلامنا (قلبك لربك)(ولرضا أمك وابوكي) وحب اخواتك، اوعي تعطي حب وتتعلقي بشيء في هذه الدنيا طبعا بتكلم عن حبيب او زوج او صديقة ليكي، الثلاثة دول حذري منهم لان اهلك اكتر ناس يحبولك الخير حتى لو معاملتهم مش احسن حاجة بس خايفيين عليكي ودايما بيتمنوا تكوني احسن وافضل منهم الباقي بقى كل واحد ومعاملته ليكي اعطي على القد (قدري كل واحد بمقداره) زي معلقة السكر كدة فيه ناس تشرب الشاي زيادة ٣ معالق مثلا وفيه معلقة واحدة وفيه من غير سكر خالص اتعامللي في حياتك مع دول بنفس طريقتهم في معاملتهم ليكي صدقيني هاترتاحي ومش هاتندمي انك اعطيتي كتير لناس ماتستاهلش بسب انه طلع ندل او ندلة بسبب انهم عابوا فيكي من ورا ضهرك وبسبب انهم استغلوكي سنيين وانتي مش عارفة ولا فاهمة ليه عملوا كدة وكتير وكتير من دة.....
تم النشر الأحد، ١٨ مايو ٢٠٢٥
دة طبعاً بالنسبة للاب والأم كمان يبقى نلخص كلامنا والرغي دة في كل في فهم طبيعة التربية اللي راجعة لي اهالينا من البداية والحياة اللي عاشوها كانت ازاي، يعني مثلا انتي حاولتي وانتي قاعدة كدة معاهم تتكلمي معاهم عن حياتهم وهما صغيريين وتعرفي طريقة تعامل جدك وجدتك كانت ازاي ووالدك ووالدتك قصة طفولتهم كانت ازاي وعاشوها ازاي، اشك انك تكوني حاولتي تفتحي مسار جميل يربط ما بينكم ويخرج اللي جواهم والمآسي والصعاب اللي عاشوها حتى لحد ما ارتبطوا ببعض وخلفوكم والاحداث اللي مروا بيها وانتوا اطفال، جربي كدة تسأللي عن التفاصيل دي هاتلاقيهم شوية شوية بدأوا يرتاحوا ويتعاملوا معاكي بشكل مختلف وينظروا ليكي نظرة اهتمام ويعدلوا من اسلوبهم بدون مايحسوا تعرفي ليه؟ لأنك فتحتي الجرح وضممدتي وحطيتي عليه ميكروكروم وربطي عليه شاش وطيبتيه بمعنى تاني لقوا حد يسمعهم ويهتم بيهم ويفهم قصة حياتهم ومعيشتهم وبيئتهم، فمن هنا هايبدأ التغيير.
تم النشر الأحد، ١٨ مايو ٢٠٢٥
طيب تعالي نبدأ كدة بتحليل وفهم أساس المشكلة هانلاقي ان الاب والام مع ضغوطات الحياة والتحديات والمشاكل والجرائم والاخلاقيات السيئة وسوء التعامل مع الناس طبعا بجانب الحياة المأساوية اللي مروا بيها اهالينا زي مانتي وضحتي كدة ان والدك كان يتيم وهو عنده 6 سنوات انا كمان بالمناسبة والدي نفس الشيء طبعا دة كون عندهم شخصية قوية جافة مليئة بالصلابة والصرامة مفيش حد جنبي ومطلوب مني ابقى راجل عصامي واعتمد على نفسي واكون قاسي على نفسي علشان انا راجل ماينفعش اتوجع ولا اقول أي لازم اكون سند للي حواليا وداعم قوي ومجدع لكل اللي يعرفوني اعتمد على نفسي وبس ماينفعش اشتكي ناهيكي كمان عن المستوى التعليمي والثقافي طبعا كل ما تدرجت في التعليم او الثقافة بشكل عام توسع ادراكي وفهمي للتعامل مع التحديات والعقبات والمشاكل وقدرت اعالجها بشكل ايجابي وكل ما اتعاملت بقدر محدود من ثقافتي وعلمي البسيط وتعليمي القليل هافضل اعاني واواجه المشاكل والتحديات دي بشكل عنيف وهابقى مضطر اني اتعامل بالدراع مش بالمخ والهداوة والذكاء ودة غصب عني اسلوب حياتي وتعليمي وتربيتي اجبرتني على كدة ومالقيتش طريقة تانية غير اللي انا فهمتها واتربيت عليها، وبالتالي هاطبق دة في كل حاجة في حياتي شغللي اصدقائي حياتي الزوجية ولادي وبناتي هاينعكس على تعاملاتي كلها الحياتية.
تم النشر الأحد، ١٨ مايو ٢٠٢٥
لعرض السؤال في فدني اضغط هنا