Meral .

وعليكم السلام ورحمة الله وبركاته طيب حلو وبرافو عليكي انك عاوزة تطوري اول حاجه حطي أهداف ومش شرط تبدأي بيهم كلهم ابدأي هدف هدف وبإذن الله توصلي وشوفي انت نفسك تنجحي وتوصلي لايه وساعتها هتلاقي نفسك رسيتي على الطريق ومش هتكوني تايهه ان شاء الله تعالى

شوفي متزعليش نفسك وكويس ان ربنا كشفه قبل ما تتجوزا عشان ماتنخدعيش وتتصدمي بيه هو تقريبا بيعمل كدا وبيكلمك بزعيق دايما شكله عاوز يبعد وملقاش غير الطريقه الغلط دي لان كدا مرعاش نفسيتك ولا مشاعرك وكونه بيطلعك الغلطانه الوحيدة فدا هو الدليل انه عاوز يرمي الموضوع عليكي انه سابك وبعد بسببك اوعي تحملي نفسك ذنب انت معملتهوش ولو هو بعد وعاوز يخلع اخلعيه انت كمان وابعدي وطنشيه والله ماتزعليش مني لو اسلوبي وحش بس بجد كرامتك فوق الكل حتى لو بتحبيه صعب في الاول بس مش مستحيل وادعي ربنا دايما يهديكي ويعوضك خير ويكون الشخص دا ونعم السند والعوض ليكي وادعيه انه يخرج الشخص الاولاني دا من قلبك وادعيه كتير في الفترة دي ودايما والله هو الي بينجي وقال ربكم ادعوني استجب لكم وبالتوفيق وربنا يصلح حالك ويجبر خاطرك وييسرلك كل عسير

اولا هي القايمه دي مش موجودة في اي نص من الشرع بس دي زي عادة او عرف في مصر زمان ومكنتش منتشرة عشان يضمنوا حق بناتهم وتم نقل العادة دي وانتشرت في الوقت الحاضر وبقا امر عادي في ناس مش بتاخد بيها علفكرة خالص ولا بتعمل قايمه ولا غيرة بس الاغلب ايه بيعملوها كضمان لحق بنتهم ناس شايفه انها طالما ضامنه اخلاق الزوج وانه على دين ولن يظلم فلا داعي للقايمه لأنها من وجهة نظرهم تعتبر كتشكيك في الزوج وإن بكدا بقوله مش واثقه فيك واني مش مأمناك على بنتي بس في وجهة تانيه بتقول ملهاش علاقه بالثقه دا ضمان حق وعشان اخليه لو عاوز يطلق يكون في دليل على كل المنقولات سواء للزوج او الزوجه ، اعرف ان دول عربيه زي الإمارات والسعوديه وبعض الدول الأخرى الزوج مسؤول عن كل شئ في بيت الزوجيه والعروس بتجيب شنطة هدومها ويمكن بعض الاشياء ولكن هذا ليس بشرط ، في مصر الناس بتراعي الشباب لان عارفين ان العيشه صعبه وبيقسموا بينهم العروسه بتجيب الادوات المنزليه من أجهزة وادوات مطبخ وإلخ ويختلف من محافظه لمحافظة برضو وحسب العرف السائد في المكان والعريس عليه الشقه والشبكه والمهر وتقريبا الموبيليا من انتريه وركنه وسراير وسفرة وغيرة بقا ، وكل دا ما هو إلا إنهاك للرجل والمرأه ويمكن ان يتحول في بعض الحالات للعجز لان في كتير مش بيقدر يجيب ويعمل دا كله نظرا للأسعار الحاليه وياما سمعنا حالات ويا سلام بقا على بعض القرى كدا في الارياف ان مكنتش مصر كلها والله اعلم يقعدوا يتفرجوا على العفش والعزال ويقارنوا اسكتي دي جايبه حاجات رخيصه والتانيه ولا يعرف عزال معرفش مين دي جايبه بشئ وشويات ومفيش اي مراعة لشعور ولا لخواطر الناس وكأن دا بأيديهم والله ماعرف ليه محدش بيسيب الخلق للخالق ويكون في حاله وكل واحد وظروفه ونلتمس لاخينا العذر ونقف جنبه ونساندة ونسعدة ونجبر بخاطرة ربنا يهدينا أجمعين والله لولا هذا النوع المنتشر بين الناس كالوباء ماكان على قلوب الاخرين هم وثقل من هذا اليوم خوفا من القيل والقال اللهم استرنا اجمعين ، وربنا يوفق اي شاب وبنت ويعنهم ويرزقهم برزق كالأمطار ويسعد قلوبهم ويفرج همهم وينور دربهم وقلوبهم وعقولهم ويراضيهم بكل خير ويعوضهم كل خير ويرزقهم من وسع وييسر لهم كل عسير اللهم آمين يارب العالمين أجمعين

شوفي عارفه ان ممكن احتمال غريب بس مفيش حاجه بعيدة تقدري تكشفي عند دكتور أنف وأذن عشان ممكن يكون عندها مشكله في الجيوب الانفيه او التهابات ودا بيسبب صداع للمنطقه الراس من الامام واوقات حول العين وتحس أكن في ضغط غريب من قدام عند راسها جربي وربنا يشفيها ويعافيها من كل سوء ويقومها بالسلامه وان شاء الله ما في شر وربنا يخفظها ليكي ويبارك فيها

تصرفاته غلط ومش مريحه نهائيا حتى لو مدرس شاطر اصل الي خلقه خلق غيرة فهتلاقي اكيد بس تدور كويس ومهم انه يكون شخص محترم ويعرف ربنا ويتقي الله في الناس الي مأمنه ليه وباعته عيالها تاخد درس عندة والله ما انا عارفه ايه حوار المدرسين دا يعني لسه سامعه قريب عن مدرس كل شويه يسأل عن بنت معينه وبيراقبها ويقابلها يقولها علفكرة انا شوفتك امبارح كنتي بتعملي ايه هناك لا والله وهي تقولك ليه وبتاع ايه انت مين اصلا والبنت يعيني مرعوبه منه ربنا يسترها معاها ومع ولايانا اجميعن

"إذا أتاكم من ترضون دينه وخلقه فزوجوه" عارفه والله ممكن تلاقي واحد مبسوط وغني وايه بس في صفات اعوذ بالله وممكن تلاقي واحد برضو نفس الموضوع وميعرفش ربنا ، ربنا يهدينا اجمعين ، الفلوس والله مش كل حاجه عارفه ان الزمن الي احنا فيه صعب بس عاوزة اسألك سؤال واحد بس هو مش هيجيلك شقه ومش هيديكي كل حقوقك ومش هيكون مسؤول عنك كزوج في كل حاجه تطلبيها منه طيب وهي مشكلتك هنا انه مش في نفس مستواكم المادي طب وايه يعني وايه يعني لما انت تقدري بأيدك تعينيه وتسانديه وتبقوا احسن مانتي عاوزة كمان شوفي الاخلاق مش بتتشري للاسف بالفلوس ما ممكن يكون غني وهو حرامي لمؤاخدة يعني مش شرط وما خفي أعظم صلي استخارة تاني ومش بقولك وافقي لو مش مرتاحه خلاص مفيش نصيب وهو نصيبه مع غيرك وانت كذلك صلي بس بقلك اديه فرصه ما ترفضيش عشان السبب دا لان ممكن ترفضي دلوقت وكمان كام سنه تسمعي عنه ان ربنا كرمه وبقا حاجه تانيه خالص وساعتها هتقولي اني اتسرعت شوفي اتكلمي معاه مرة كمان وشوفي هل انت مرتاحه ولا لأ لان بصراحه عريس ما يتعوضش ومش هتلاقي منه كتير في الزمن دا وربنا يتمم على خير وييسر حالك وبالنسبه لموضوع الريف وكدا مش ممكن يكون اهله غير توقعك عارفه ان من كتر الي بنسمعه عن بيوت العيله وكدا البنات اتعقدت بس وارد يكونوا ناس غلابه وطيبين وفي حالهم ويعرفوا ربنا ويا ستي لو لقدر الله حصل حاجه ابقي اعزلي عادي مفيش مشكله وربنا ما يجيب زعل ابدا والريف يعني مش زي مانت متوقعه هو عادي علفكرة يعني والله اعرف قريه اقسم بالله وعائلات جوا الأرياف دي ما شاء الله ربنا فتحها عليهم من وسع ومعاهم عربيات مش عند حد وبعدين البيوت معتتش زي زمان لا بقا في نظام شويه على ما اعتقد يعني وياستي لما ربنا يكرمه يبقى يجبلكم شقه في مكان تاني لو محبتيش الوضع هناك واسفه لو اسلوبي وحش بس عاوزة مصلحتك وفي الاول والاخر وبقولها ليكي اهو وبأكد عليكي مية مرة لو مش مرتاحه متوافقيش وميهمكيش حد وربنا يقدم الي في الخير

وعليكم السلام ورحمة الله وبركاته طب ايه رأيك تكوني انت المبادرة في الموضوع يعني زي ما الاخوات قالوا ابعتيلوا ازيك يا بابا عامل ايه وصحتك عامله ايه انت وحشنا اوي وافتحي معاه كلام عارفه ان الموضوع غريب عليكي في الأول بس فكري كأنك بتتعرفي عليه لأول مرة مثلا لمت يجي من السفر اعرضي عليه ياخدكم فسحه او مصيف دا هيعمل ذكريات كتيرة اوي معاكوا حاولي قربوا منه وعرفوه انكم بتحبوه هو وماما اقعدوا سوا واتكلموا واتعرفي عليه من جديد وكمان ممكن تجربوا تتكلموا سوا فيديو بحيس ان يكون في واقعيه اكتر وشويه شويه هتلاقي المسافات الي بينكم وكل الحواجز دي طارت في الهوا ومعتش ليها أثر ربنا يخليه ليكم ويبارك فيه والدك بيحبكم والله عشان كدا متغرب وشقيان الانسان مش بيختار الشقى باديه غصب عنه اكيد

تعرفي والله انك بطله وربنا يوفقك في حياتك وتوصلي للي نفسك فيه اولا ، شوفي بقا بالنسبه لانفصال والدك ووالدتك فدا على قد ما هو صعب للأطفال بالذات بس طالما ربنا أراد يحصل فهو هيحصل ولو اي حصل فدا قدر ومكتوب واكيد ربنا بيعوض كل واحد بالاحسن ليه شوفي انت عيشتي حياة صعبه والله من الناحيه النفسيه والجسديه ومش هغلط مامتك لوحدها لا والدك هو كمان غلطان وغلطان جامد كمان بس طالما هو استغنى عنكم فربنا يهديه بجد لان الضنى مش بيتعوض ووالدتك بتعمل كدا ليه هقولك لأنها اكتشفت بعد ما انفصلت عن والدك أنها مش فارقه معاه لدرجة انه اتجوز علطول ومستناش ومرعاش الظروف الي لسه خارجين منها هو حقه مش هقولك لا بس كان يختار وقت تاني افضل بس برضو كل قدر مكتوب ، هي ممكن تكون مشاعرها وجراحها لسه ما طبتش وزاد عليها الموضوع دا فوق الي هي فيه فشايله من والدك جامد اوي وشكلها لسه كابته جواها مشاعرها الي بتطلع على هيئة الي بيحصل معاكم دا وفوق دا كله ان والدك شال ايدة ومعتش بيسأل ودا خلاها تشيل حمل كبير عليها لوحدها وهو عايش حياته وعلفكرة والدتك بتحبكوا والدليل سابت حياتها عشانكم انتوا مع ان كان بايديها تتجوز وتشوف نفسها زي والدك ، فبصي بدل ما تروحي تقولي ليها متتكلميش عن والدي كدا أو تشدي معاها في الكلام ممكن تحاولي تغيري الموضوع قربي منها حاولي خليها صاحبتك وتطلع مشاعرها المكبوته دي ، هي مش عاوزاكم من غير شخصيه لا هي عاوزاكم قد المسؤليه عشان عارفه ان الدنيا عاوزة الجامد الي يقدر عليها مش الي لسه بيطلب النصيحه في اي شئ يقف معاه او اي شئ عموما ومعندهوش رأي ولا يقدر يحل مشاكله بنفسه من غير مساعدة حد هي ممكن طريقتها غلط بس الكلام ينطبق عليكم انتم الاتنين شوفي فهمي اخوكي انكم سند بعض ولازم تقفوا مع بعض عشان تعيشوا وتكونوا بخير علميه وانصحيه انت الكبيرة دلوقت والدك هيجي يوم ويندم فيه ندم عمرة ويومها سامحوه عارفه ليه عشان توصليله ان كل الي حصل دا قواكي مش كسرك زي ما فكروا وكل دا اختبار بتمري بيه وربنا هيعوضك بدل كل وجع وكل دمعه وكل أحساس خير هيعوضك باكتر من الي تخيلتيه ادعيه واصتبري عنده وهو المنجي والله، وبالنسبه لموضوع انك فكرتي في الانت ح ار فدا حرام يا حبيبة قلبي والحمدلله انك رجعتي وانقذتي نفسك قبل ما تعملي كدا وفهمتي ان الدنيا ومل الي بيحصل فيها مش مستاهله اخسر نفسي وديني عشانها الدنيا دار اختبار مش اكتر وهي فانيه وربنا يقويكي ويعينك على كل إلي بتمري بيه

شوفي بأمانه كدا ومن غير زعل الي انت فيه دا من اساسه غلط وكل دا حرام يا حبيبتي اسمعي مني انا زي اختك الكبيرة مش كبيرة اوي يعني 😁المهم اهو وعلى يدك مجاش من ورا الولاد غير المصايب فوق دماغك وكان ممكن لقدر الله يحصلك فضيحه ولا كارثه حافظي على نفسك ربنا منع الصحبيه بين الولد والبنت مش من فراغ لا منعا للتعلق والإعجاب والوقوع في الأخطاء الأخرى والمصايب وكمان البنت هي اكتر من يتضرر في الموال دا ف ليه انا اجيب لنفسي وجع الدماغ والفلم الهندي دا مانا اقدر امنعه قبل مايحصل ، بالنسبه للولد الي ساعدك فدا راجل محترم بس كان واجب يكمل الجميله معاكي ويخاف عليكي وعلى سمعتك وميكلمكيش تاني وحاليا كل الي انت في دا مراهقة وحسيت وانا بقرأ كأني بقرأ رواية كدا حاجه غريبه والله شوفي الحب الحقيقي وحلالك ونصيبك هيجيلك من الباب مش من تحت بير السلم لمؤاخذة دا مش جدّي ابدا ودا برضو من ضمن اسباب التحريم لان أغلبية الي بيعشموا مش بيوفوا وانت بتدمري نفسيا وخلاص ادعي ربنا وخليكي مع صحاب بنات أفضل ليكي ونفسيتك متزعليش من طريقتي بس والله عاوزة مصلحتك

وعليكم السلام ورحمة الله وبركاته شوفي يا عسوله تقدري تدخلي كلية التكنولوجيا والتعليم دي موجود منها شبرا وبني سويف والسويس تقريبا برضو وكمان كلية اقتصاد منزلي حلوان او المنوفيه وفي بقا معاهد زي معهد فني صناعي ودا ليه فروع كتير ومعاهد فوق متوسط كذا فرع برضو وفي معاهد خاصه زي معهد الفني للملابس الجاهزة والتفصيل ومعاهد عليا للهندسة والتكنولوجيا دي تقبلك في قسم صناعي خاص بتخصصك وبرضو ليها كذا فرع وكل دا متوقف على حاجتين مجموعك وتنسيق الكليات والمعاهد دي ، أما بقا بالنسبه للسؤال الاول ففي مجالات كتير منها الديجيتال ماركتنج وتصميم جرافيك دا مطلوب إعلانات تسويق سوشيال ميديا واعمال حرة زي تصميم بوستات و كتابة محتوى وترجمه وتسويق برضو وكمان انت معاكي كنز تقدري تشتغلي في تخصصك الأساسي تقدري تشتغلي وتعملي بزنس خاص بيكي وانت وجدعنتك بقا وفي كورسات لكل الكلام دا ، وفي ناس بتشتغل في الريزن والخرز ودا كله شغل هاند ميد وكمان الجبس والشموع دي كلها شغل من البيت ومحتاح شطارة في التسويق للمنتج وبإذن الله ربنا يوفقك ويارب اكون فدتك

اولا ربنا يصبرك يا حبيبتي على فراقه وربنا يرحمه ، تعرفي حكايتك عدت عليا قبل كدا بس تعرفي برضو نفس الناس الي مروا بنفس مشكلتك دي بقوا دلوقت حاجه تانيه ، ابدأي بالي بيفهمك من غير ما تقولي احكيله وابكي وطلعي الي جواكي وادعيه دايما مش لازم تصاحبي ناس كتير ابدأي بعيلتك بنات عمك بنات خالتك وأهلك ولو بتدرسي اتعرفي على بنت تفهمك وشبهك في الاخلاق شوفي فتح الحوار مع الناس مش شرط يكون كلام ممكن تجربي تسألي بنوته عن حاجه مثلا معاكي مواعيد كذا الحوار هيتفتح وهتلاقي نفسك بتاخدي وتدي معاها مش شرط تروحي تقولي ممكن نبقى صحاب ومش شرط تبدأي بناس من برا عادي خليكي في عيلتك دلوقت وحاولي خرجي مشاعرك دي في كتابه او اشكي لربنا وادعيه دايما وشويه شويه هتلاقي نفسك اتغيرتي واقلك على حاجه حلوة خلينا صحاب انا يا ستي هنا في اي وقت ولو حبيتي تكلميني في اي وقت هتلاقيني هنا بإذن الله وعلفكرة انت طالما عبرتي دلوقت وخرجتي معنى كدا انك بدأتي فعلا تخرجي من الي انت فيه

الف مبروك وربنا يتمملك على خير الاول ، حابه بس اعرفك حاجه البنت اصلا بتكون متوترة في أول لقاء يعني هترد عليك وهتسألك ايوا بس وهي مكسوفه 😅واحدة واحدة ومع الايام هتعرف شخصيتها وهتفهمها اكتر وان شاء الله خير ، صلي استخارة وشوف هيحصل ايه وبرضو وانت بتتكلم معاها شوف كدا انت مرتاح لطريقتها معاك ولا لأ شوف ردودها مناسبه وهل زي ما توقعتها او شبهها ، اول مرة موتره شويه بس مع الوقت عادي هتتأقلم انت هتسألها عن الي نفسك تعرفه عن شريكة حياتك مفيش اسئله معينه مكتوبه في كتاب يعني الي نفسك تعرفه اسأله ليها عشان القعدة متكونش اكننا في امتحان سؤال وجواب وهي هتكون متوترة فبدأ انت بالكلام ، تصدق بالله اختي كانت طول القعدة باصه للسجادة خطيبها الي هو جوزها حاليا قالها هي السجادة عجباكي ولا ايه مش فاهم والله موقف تحفه كدا ومع الوقت بقوا يضحكوا ويهزروا ويتخانقوا عادي جدا وربنا ما يجيب خناق بس قصدي بقا متفاهمين ومرتاحين لبعض ما شاء الله ربنا يخليهم لبعض ويبعد عنهم اي سوء ويبارك لحضرتك في الجوازة وتتم على خير

شوف والله مفيش احسن من الصراحه بس صراحه عن صراحه تفرق لو قصدك بتحكي عن حياتك بشكل صريح وشغلك وكدا فدا شئ احيك عليه بجد لأنك انسان واثق في نفسك وعندك تسامح مع ذاتك وحابب نفسك ومش فارق معاك رأي حد فيك طالما انت ماشي بما يرضي الله وشغلك حلال وحاجه متعبش راجل، اما بقا لو تقصد صريح انك بتقول رأيك في العروسه يعني فدا بصراحه وانا بنت اهو بقولها لك بتجرحها في نفسها فبترفض دا لو كان قصدك يعني وكمان مش بقولك اكدب بس جبر الخواطر على الله

شوفي وانا قدك كنا بنختار حسب المواد الي بنفضلها يعني كنت مختارة علمي علوم عشان بحب الأحياء والكمياء وكدا وطالما انت بتحبي دا ودا فشوفي بجد شغفك لكلية ايه يعني نفسك تدخلي ايه وعلفكرة في كليات جميله اوي في أدبي ، ولو محتارة برضو لسه ليا صحاب دخلو علمي ولما لقو نفسهم مش حابين غيروا ودخلوا أدبي عادي تقريبا على ما اتذكر ان معاكي فترة تقدري تقرري فيها عادي وتغيري ، وتقدري تصلي استخارة برضو كل دي طرق ووالله كل الكليات حلوة وكلها مهمه مفيش واحدة نقدر نستغنا عنها يعني كل واحد وليه دور ومجال ومحدش احسن من التاني يعني هقولك مثال كان في شلة صحاب وكانوا شاطرين كلهم وما شاء الله عليهم بعد ماخلصوا ثانوي اكتشفوا انهم أغلبيتهم دخلوا طب وفي واحد دخل تجارة كانوا بيتريقوا عليه فالمهم هو خلص وجمع فلوس مخصوص وبنا مستشفى وجابهم يشتغلوا فيها انت متخيله يعني الي بيتريق على كليه معينه دا انسان غريب واقسم بالله عندنا الدكاترة والمحامين والضباط عندنا تشكيلة كليات في العيله ومحدش فكر يقلل من التاني لان كل واحد ليه دور بيفيد بيه التاني ومنقدرش نستغنى عن حد فيهم

نصيحه اسمعي من الأخوات الي نصحوكي ولا تحطي الموضوع في بالك خالص لان حتى فرضا لسه بيحبك فدا مش عذر ليه انه يرجع يبعتلك او يحاول لان خلاص دا اتجوز وعندة اولاد وبيت ، عيشي حياتك انت كمان وفكك منه وربنا هيعوضك بالاحسن منه صدقيني لو كان في خير كان زمانك مراته من الاول بس ربنا شايلك الاحسن بكتير منه وكمان لو حاول يقرب او حاجه صديه مش عشان زعلانه منه لا عشان مش انت الي هتكوني سبب دمار بيت فهماني يعني دا شخص مش تأمنيه بصراحه لان بيعمل كدا وهو متجوز ومخلف وربنا يرزقك بالزوج الصالح الي يسعدك دنيا وآخرة ويكون ونعم العوض ليكي ان شاء الله بإذن الله تعالى

السلام عليكم ، اختي وحبيبتي والله كلامك وجعني اوي ، للأسف انا عارفه المجتمع الريفي وعارفه دماغ الي فيه وبيفكروا وبيعملوا ايه ، أغلبية البيوت خصوصا الريف والكلام دا متربين على مبدأ ان اكسر للبت ضلع يطلعلها 24 ودا اصله غلط لان كدا في ظلم للبنت ، بس من جهتي شايفه ان للبنت تربيه ومعامله خاصه بيها نظرا لأنها كائن رقيق وحساس بطبعه ،والولاد برضو ليهم تربيه ومعامله خاصه زي البنت بس بيكون في اختلفات طبعا ، ومش معنى اني بربي عيالي على اني اصاحبهم وافهمهم الغلط والصح بهدوء اني ادلعهم زيادة يعني خير الأمور الوسط ،في أهالي بيتعاملوا على ان التربيه الصح هي الضرب وان كدا هطلع واد جامد مش مايع وسيس ايا كان تفكيرهم بس احب اقولك مش تفكيرهم هما دا تفكير اجددنا يعني طبعوا جوا عقول الاهل ان دا الصح ، انا مش هبرر ان كدا خلاص نرضى بالأمر الواقع، بس والله عن تجربه اني كنت بشوف كدا قدام عيني يعني الضرب وبتاع فحولت اني اتناقش مع الشخصية دي وافهم منها بتعملي كدا ليه يا حبيبتي انت بتأذي عيالك وهتندمي بعدين لقتها مطلعاني واحدة متخلفه ومش بفهم ومن الكلام دا بقا المهم حاولت معاها من ناحية تانيه الي هو جتلها من حتة اني عارفه ان انتي كنت بتضربي كتير وانت صغيرة واتظلمتي وكدا وهي بقا تحسي ما صدقت وفتحت وفضلت تحكيلي عن مأستها انا بقا قولتلها طب وانت كان عجبك معاملتهم دي وضربهم وتعنيفهم ليكي قالت لا قولتلها طب لو شوفتي دا قدامك هتعملي اي قالت هحوش بينهم وازعق لامهم قولتلها طب وعيالك مين يحوش عنهم منك مش المفروض انك تخافي عليهم ليتأذوا زيك ومن هنا بقا بدأت تتغير حتى لو شوية بس في نتيجه ملحوظه ومرة في مرة بقت ماشاء الله عيالها صحابها ويمكن اكتر ، متفكريش تأذي نفسك لأنك امانه مينفعش نأذي نفسنا حرام يا حبيبة قلبي اسمعي من اختك الكبيرة ربنا مش بيحمل حد فوق طاقته ربنا عارف انك ادها وادود عشان كدا حملك الليله دي كلها احتسبي عنده وثقي انه شيلك حاجه عظيمه اوي هتسعدك وهتدخل السرور لقلبك وتعوضك عن كل الي مريتي بيه في حياتك ، والله طالما واثقه في رحمة ربنا فأنت في بر الامان ، تعرفي من الي انت حكتيه لاحظت حاجه غريبه اوي تعرفي لاحظت ايه ، لاحظت ان ربنا شايلك حاجه فعلا وبتحصل لأنها مكتوبه من قبل ما تتولدي حتى، انت كتبتي كذا مرة انك حاولتي تخلصي من نفسك واتخطفتي وربنا بيكتبلك عمر جديد هو دا كله مش بيلفت نظرك ان ربنا عاوزك تتأكدي انه قادر يعوضك وبيحبك عشان كدا مع محولاتك لأنك تخلصي من نفسك بتفشلي بعدها عشان مش عاوزك تعملي حرام تتحاسبي عليه في الآخرة ، ارجوكي خليكي مع ربنا وبالنسبة لمذكرتك هاتي ناس زي مستر خالد صقر ومحمود عبدالجواد وناس محترمه اوي على يوتيوب نزلي واسمعي مراجعات ونزلي حجات pdf وحلي وذاكري يمكن والله رينا يكرمك في الشويه الي فاضلين دول انا عارفه ان نفسيتك مدمرة بس ادعي ربنا وهدعيلك ربنا ينجيكي ويوفقك وتجيبي كليه الي نفسك فيها وتحققي كل احلامك متيأسيش من رحمة ربنا ، الي بتمر بيه صعب وانا فاهمه بس عشان نفسك وبس اعملي الي تقدري عليه عشان ربنا يوفقك وعلفكرة احنا علينا السعي وربنا عليه النتيجه يعني متخفيش بإذن الله كله خير ، ربنا هيعوضك بجوزك الي هيكون احن من الدنيا كلها عليكي وعيالك الي هيكونوا سندك وعزوتك في الدنيا علميهم قيم الاسلام والدين عوديهم يحبو بعض مش يعادو بعض علميهم ازاي يواجهوا بدل ما يستسلموا والي كان نفسك تعيشيه عشيه مع عيالك وجوزك الي ربنا هيعوضك بيهم اصبري وادعي دعاء سيدنا يونس لا إله إلا أنت سبحانك إني كنت من الظالمين وادعي ربنا يوفقك ويكرمك متيأسيش لأخر لحظة ورينا يصلح حالك ويوفقك وينجحك ويكرمك بأعلى الدرجات ويجعلك من الذين صبروا ونالوا من فضل الله وربي يجعل ايامك الجايه كلها فرح وسرور لقلبك ويعوضك عن كل هادا خير ❤️

وعليكم السلام ورحمة الله وبركاته، اختي الغاليه كوني نفسك متبقيش زي حد متخليش حد يحاول يخليكي نسخه منه مع احترامي لوالدتك بس لازم يكون لكل منا وجهة نظر ورأي مختلف عشان يكون في تميز وكدا ، وكمان مبادء حطيها لنفسك بحيس محدش يعدي حدوده معاكي ، بالنسبه لقعدتك لوحدك مش هي الحل خالص الحل الأفضل من وجهة نظري انك تختلطي بناس كويسين يدعموكي يسندوكي ، حاولي اسمعي بودكاست اقرأي طوري من نفسك شوفي الدنيا عامله ازاي وايه رأيك في الي بيحصل فيها، خليكي مع ربنا دايما داومي على ذكر الله والصلاة والدعاء وقرأة ورد من القرآن الكريم كل يوم ، خلي السلبيات دي بالنسبة ليكي ولا حاجه اسمعي من هنا وطلعي من هناك لان دا مش هيفيد هيأذيكي وبس حاولي خليهم يغيروا طريقتهم دي معاكي انصحيهم بالحسنه وربنا يهديهم ، تعرفي ممكن كمان تحولي تفتحي بزنس صغير كدا مع نفسك أو لو عندك اي هواية استفادي منها دا حاجه حلوة اوي تخليكي تتعرفي على شخصيات وناس محترمه وجديدة وهتعلمك كتير في حياتك تقدري لو حابه تشتغلي اي حاجه عموما الاختلاط بالناس هيديكي تجارب وخبرة وهيساعد في بناية شخصيتك وكدا، بحب اقرأ للدكتور ابراهيم الفقي دا ممتاز اوي وغيرة كمان في ناس محترمه كتير وهتفيدك صدقيني ، الشخصية القوية مش الي تقدر تضحك الناس اكتر ولا هي بعلو الصوت واني قادرة اخلي حد يبقى اضحوكه ايا كان بقا بالتنمر عليه أو التريقة في كلتا الحالتين دا ضعف من وجهة نظري وشخص عندة نقصان ، الشخص السوي والمميز هو الي بيكون هادي وراسي ، يتكلم في المهم والمفيد وقت الجد يكون جد ، وبيتكلم بهدوء تحسيه وقت الكلام واثق كدا مش هامه حد ، بيقول الحق ومش بيخاف، بيجبر بالخاطر ومش بيكسر الناس ويتريق عليهم ، بيدعم الناس ويكون طيب مع الكل مش مع ناس اه وناس لأ ، وببساطه لان دا بيكون تربيته وطبعه مش بيتصنع، وقت الهزار بتلقيه متفعال عادي معاكم بس مهما كان مش بيجرح حد حتى لو هزار لانه عارفه ضرر كدا على اي حد ،بيكون شخص ليه رأي مش ماشي ورا الي بيمشوا وخلاص، يقدر يقول لأ مش بيجي على نفسه ولا بيتكسف عشان الي قدامه ميزعلش، فاول حاجه تعمليها تفضلي قريبه من ربنا دا يخلي ثقتك عظيمه، تاني حاجه اقرأي كتب تطوير ومن دا وحاولي خدي جزء جزء وطبقيه في الواقع مع الي حوليكي واتعرفي على ناس جداد زودي دايرة معارفك وطبقي معاهم وشوفي ردات الفعل هل ايجابيه ولا سلبيه حاولي من تاني لو وقعتي متستسلميش ومتيأسيش ابدا للشيطان الي عاوزنا نفضل محبطين وكارهين كل شئ ، خلي رحمة ربنا تدخل قلبك اسمعي كلام ربنا وخلي مبادئك من الدين الاسلامي ومن تجاربك في الحياة الي مريتي بيها ،اقعدي كدا مع نفسك وشوفي انت بتحبي التصرف دا من الناس طب مش بتحبيه ليه طب خلاص انا كدا بقا عندي رد فعل لو حد تصرف تاني معايا كدا ويكون موقفي ايه مثلا يعني، في مواقف جديدة هتمري بيها عتعلمك برضو ، ممكن تسمعي تجارب ناس تانيه وعملوا ايه عشان يتخطوا كل دا وبالتوفيق يا حبيبة قلبي وربنا يزيدك من علمه ويرزقك من فضله ويجعل ايامك الجايه كلها فرح وسرور لقلبك غاليتي متحبطيش نفسك وأنت شخصية محترمه وعندك رأي بس الناس للأسف مش بيقدرو ومتضعفيش واستمري وربنا يجعلك بخير دائما

والله انا مش عارفه اقول ايه لان النصيب دا بتاع ربنا فالله اعلم نصيبك مع مين يمكن مع شخص تالت خالص اسمه إياد مثلا يعني للخصوصيه ،مش بتريق علفكرة بس ازاي يعني بتحبي اتنين اكيد في واحد مش بتحبيه كحب انتي اتعلقتي بالي سمعتيه عنه وكدا ورسمتي شخصيته حسب الي اتقال قدامك ،طيب خلينا صراح انت لما تعرفيه وتشوفي طبعه وإلخ وتحبي كل ما فيه من عيوب ومميزات ويكون مفيش منه اتنين دا كدا سعتها اوك اما بقا اعتمادي على سمعي بس معتقدش دا حب لان الي بيحكي اكيد ميه بالميه مش بيحكي كل شئ فهمتي ،دا طبعا بعيد عن ان العلاقات دي حرام اصلا بس بنتكلم في العموم ، السؤال ليكي بقا انت اصلا مين الحب الحقيقي بالنسبالك في شخص مش حب اصلا .

عزيزتي السلام عليكم ورحمة الله وبركاته، ممكن الكوابيس وفزعك وصريخك دا بسبب حسد والله اعلم انا مش جايه افتي بس سمعت من ناس كتير ان كثرة الكوابيس والكلام دا بيكون ناتج عن حسد وغيرة بقا من الحجات التانيه ، انا مش عاوزة اقلقك بس داومي على اذكارك واقرأي ورد من القرآن الكريم حتى لو صفحه في اليوم كدا وادعي ربنا يبعد عنك كل سوء ، وممكن كمان عادي كلنا بنعملها ارقي نفسك أو خلي حد من اهلك يرقيكي بس الأفضل انك ترقي نفسك بنفسك والرقيه ، هتلاقي الرقيه موجودة على النت وممكن في كتاب الأذكار تلقيها برضو أقرأيها وهترتاحي بإذن الله، وشغلي الرقيه الشرعيه سورة البقرة في البيت بتمنع اي شر وبتحصن البيت ، واسأل الله العظيم رب العرش العظيم ان يشفيكي من كل سوء وان يصلح حالك ويجعل حياتك ومستقبلك كله هنا وفرح لقلبكي عزيزتي ، جربي كدا دا لو ارتحتي خلاص كدا موضوع اتحل لو لسه ملزماكي ممكن يكون السبب نفسي برضو عادي بس لما بكون مخنوقه او بحلم بكوابيس ياما بعمل كدا وبرتاح وبدعي ربنا يشفيني من الي انا فيه والحمدلله بخف .

السلام عليكم ورحمة الله وبركاته، اخي الفاضل سؤالك جميل ومحتاجين نسأله لنفسنا لان فعلا لما قرأت دلوقت كلامك وفكرت فيه لقيت ان كل الي عاوزة احققه لسه موصلتلهوش بدأت صحيح فيه والحمدلله بس لسه مفيش انجاز ولا حاجه تخليني اقول اني وصلت ، بس في حاجه مؤمنه بيها اوي ثقتي في ربنا الحمد لله وبفضل الله كبيرة اوي يعني بحس كدا ان ربنا ليه حكمه في كل شئ واكيد طالما احنا بنفكر بطريقه معينه او بمعنى تاني طموحك واحلامك وكل دا مش بنفكر فيه من فراغ فهمني يعني اكيد ربنا شيلك نصيب منه ايا كان والاهم من دا كله نرضى بالي مكتوب لينا ونحمد ربنا دائما وابدا ، كان حلم من احلامي ادخل كلية الطب عشان اساعد ناس غلابه واعين الي اقدر عليه بس ربنا مكنش شايفلي الخير في دا وفتحلي باب تاني خالص ورضيت بيه الحمد لله وشفت ان دا فعلا الصح ليا ولتفكيري ، لان مع مرور الوقت اكتشفت اني بخاف من الدم وبخاف ان أضر حد بالغلط ودي ارواح ناس مش لعبه فحمدت ربنا لاني فعلا مكنتش هنفع فيها، ولما ربنا فتحلي باب جديد فتحلي معاه احلام وطموحات وشغف جديد وبنسعى والحمدلله وربنا المعين قادر يعنا ويرزقنا القوة اننا نحقق كل الي بنتمناه، وربنا يوفقنا جميعا ويهدينا لصالح الاعمال ويصلح حالنا للصراط المستقيم اللهم آمين .

يا حبيبتي ماشاء الله عليكي ربنا يديم طيبتك وبرأتك دي انت انسانه طيوبه اوي وقلبك ابيض وفي عطف على ارواح الحيوانات ربنا يديمه عليكي تبارك الله ، شوفي بالنسبه للقطط ممكن تبقي تحطلها اكل برا فهماني زي مانتي كنتي بتعملي مع الحمامه اي حاجه مش شرط تدخليها بيتكم عشان تهتمي بيها وربنا يجعله في ميزان حسناتك لان الي بيرحم روح دا حاجه عظيمه اوي عند ربنا ، الحمامه بقا ممكن لو في بيطري عندكم قريب توديها ليه لو معرفتوش تسلكولها الربطه الي على صوبعها ووالدك اكيد مش عشان حاجه قالك كدا بس هو خايف عليكم من الأمراض والكلام دا ، ودا حقه والدليل انه بيحب الحمامه دا بيدل انه مش عنده عداء مع الحيوان عموما هو بس عارف ان اغلب قطط الشوارع بيكونوا فيهم حشرات وحجات من دي ، عشان كدا لما بنربي حاجه في البيت بنهتم بنضفتها عشان نكون مرتحين اكتر، ارحموا من في الأرض يرحمكم من في السماء واللي بيرحم روح في الدنيا ربنا بيرحمه حد عاوز اكتر من رحمة ربنا ، ومتخفيش ربنا بيرزق كل روح على وجه الأرض وان انت مأكلتهاش غيرك هيأكلها فهماني يعني متنعيش هم أنها هتجوع وكدا وكل واحد بيعمل الي بيقدر عليه مش اكتر ، طريقتك في الكلام فهمتني حاجه واحدة بس ان الي زيك مفضلش منهم كتير فاثبتي على وضعك وادعي ربنا يثبتك ويزيدك وادعي ينور دربك للصح ❤️

اختي الفاضله السلام عليكم ورحمة الله وبركاته ، والله في كل مكان هتلاقي الحلو والوحش والاوحش كمان تصرفك كان عادي من وجهة نظري لأنك مش عاجبك الي بيحصل وهم تصرفاتهم وكلامهم غريب لان انت لسه مستجده في الشغل وكدا فليه يعملوا كدا ف ممكن والله اعلم في حد مدايق منك وعمل كل الحوارات دي عليكي عشان يتقال عليكي كذا وكذا حتى لو محصلش ، ف احب اقولك ان والدتك وجهة نظرها صح برضو في كذا نقطه يعني في ناس تفهم طريقتك حتى لو مش عتاب أنها اهتمام او حاجه تانيه غير مقصدك الأساسي فتجنبي التعامل معاهم على قد متقدري مش بقولك اقطعي بس خلي تعاملك سطحي زيهم فهماني لان الناس الي متقدرش متدهاش أكبر من حجمهم والي حصل حصل متفكريش كتير عادي الدنيا دي مواقف ياما هتشوفي فيها وادينا بنتعلم مش شرط كل تصرف لينا يكون صح ميه بالميه عادي يعني وكلها بيعلمنا فهماني ، تصرفاتنا مش شرط كل الناس تفهما بنفس الطريقه احنا بس بنفكر كتير وبندي اهميه يعني اكتر من اللازم ، خليكي في شغلك وحياتك والي يعملك حلو شيليه فوق دماغك والي يعاملك بأسلوب مش كويس متدهوش أهمية تفكيرك حتى وبالتوفيق يارب في شغلك وربنا يجعله فتحة خير عليكي يا حبيبتي 🤲❤️

لا ان شاءالله يبعد المشاكل حاول من نحيتك عشان متقلقش من كتر التفكير انك تقول في بيتك انك هتتخطا وتنسى ومش عاوز أكبر الموضوع بحيس ان مامتك وخالتك ميدخلوش مع بعض في مشاكل وأيوا برافو والله عليك وتفكيرك كدا سليم حسن من نفسك على طول ولو البعد والسفر لصالحك ولصالح مستقبلك سافر واتغير للأفضل وارجعلهم بعد ما تحقق كل النجاحات الي بتتمناها وبعد ما تتغير للأحسن طبعا وربنا معاك

حبيبتي ربنا معاكي والله هقولك على حاجه زمان عملتها خلاتني اساعد نفسي بنفسي واتغير كلنا مرينا بمشاكل في العيله واحنا صغيرين أثرت فينا يعني بس الواحد بيحاول يفهم المواقف دي والمشكال دي من كل الجوانب لحد ما يوصل لحل يريحه من الي هو فيه يعني حلك زي ما الاخوات قالوا فوق جزاهم الله كل خير حاولي افهمي نفسك شوفي وافهمي من ايه متضايقه اوي كدا وزعلانه تعرفي كمان في طريقه حلوة اوي كنت بعملها وهي الكتابه كنت بكتب كل الي حساه ومش قادرة احكيه وبعدها لما كنت برجع اقرأوا تاني بعد فترة بحس والحمد لله اني اتخطيت دا وبرمي ورا واكمل عادي تعرفي اوقات كنت بقولهم اني بكرهم وبكتبها عشان يعرفوا بس لما كبرت فهمت ليه كانوا بيعملوا كدا صحيح عارفه طرقتهم غلط بس التمست ليهم مليون عذر لان دول مهما حصل اهلي وسندي ،ادعي من ربنا يريح قلبك ويصفيه من ناحيتهم وهترتاحي ادعلهم بالهدايه وادعي لنفسك كتير جربي انك تسترخي وتفكري بهدوء وتغيري من نفسك وتحسنيها زي ما نفسك تعملي ،جربي اقرأي كتب دي برضو ساعدتني ياما اوي ،اهتمي بصحتك النفسيه واديها وقت وهترتاحي بإذن الله ،وشوفي مشكله من منظور تاني يعني والدك من حبه وخوفه على اخوكي عمل كدا في اهالي وناس ياما مش بتعرف تعبر عن خوفها على شخص معين بالكلام والمسايسه وكدا هو جرب كذا طريقه معاه منفعش فخد الطريقه دي وعلفكرة انا مش بقولك تصرف والدك صح ميه في الميه بس برضو هو من صدمته في إبنه عمل كدا كل الاهالي بيكونوا عاوزين ولادهم احسن حاجه وأفضل الناس ولما حصل كدا مع اخوكي هو مكنش عارف يعمل ايه او زي مابنقول كدا العصبيه عميا يعني لما بتكوني متنرفزة وكدا مش بتتصرفي صح ودا وارد كلنا نقع فيه غصب عننا وانت كنت طفله وبنوته كمان شفت كل دا قدام عينكي واترسمت الصورة دي عندك ،اخوكي غلط ومش هبررله غلطه حتى لو كان بيشرب ماتوصلش يرفع على مامته ايدة حتى وكونوا مشى ورا نفسه فدا من النفس الأمارة بالسوء ومن الشيطان الي مشى وراه بعد ما صورله ان دي طريقه يحل بيها مشاكله وهمومه بس ربنا يصلح حال كل الشباب ويصلح حالنا كلنا ويهدي الكل لطريق الهدايه والصلح ،والحمدلله ان ربنا عافه من الي كان فيه وربنا يتمم شفائه على خير ،الموضوع صعب على الكبير ما بالك وانت طفله شفتي كل دا قدام عيونك اكيد أثر عليكي اوي وصعب تنسيه بس ربنا قادر على كل شئ فقولي يارب وإذا سألك عبادي عني فإني قريب اجيب دعوة الداعي إذا دعانِ فليستجيبوا لي وليؤمنوا بي لعلهم يرشدون

اخ اسلام ربنا يصلح حال قلبك ويبعد عنك كل سوء وما يوجع قلبك اكتر من كدا ،وصدقني ربنا بيبعد عنك شر ليك "وعسى أن تحبوا شيئا وهو شر لكم" ،فتأكد ان دا كله لصالحك وبس وان ربنا شايلك حاجه هتدخل البهجه والسرور على قلبك من تاني لأنك باين عليك تستاهل وابن حلال وعلى فكرة كلنا فقرى لله يعني الغني هو الله وما الحياة الدنيا إلا متاع يعني دا مش حاجه تعيب اي حد بس المجتمع الي عايشين فيه بيفرض علينا اسوأ ما فيه ،وكمان حابه اقول حاجه وتأكد منها ربنا طالما بعد عنك الشخص دا يبقا فعلا دا مش نصيبك وكمان كنت انت الي هتضرر كتير من العلاقه دي ، فربنا يكتبلك الي في الخير وعارفه ان الموضوع هياخد فترة بس حاول بكل الطرق انك تقف وتثبت للكل انك مش زي محد قال عليك وخد الموضوع كتحدي وكأي تجربه وارد كلنا نمر بل ومرينا بيها بس بنقول الحمد لله وبنكمل واحنا واثقين ان دا كله خير لينا وربنا شايل لينا الاحسن بعد وجع القلب دا ،ياما هتقابل ناس اشكال والوان بس الاهم حيتنا متقفش على حد ميستهلناش فهمني يعني الي بعنا نبيعه عادي لان ميستهالش نوقف عشانا والي يجرحنا نسيبه برضو ونحتسب عند ربنا ،موضوعك زعلني اوي بس اجابتي على سؤالك للأسف دي مشكلة كتير من البنات يعني معرفش كل واحد وتفكيرة بس ،بحس ان في ناس بتجرح بالكلام لأنهم عندهم نواقص يعني الشخص الي بيتنمر دا بيكون شايف الي بيعمله دا حاجه حلوة وواو انا كدا بعرف اتكلم انا كدا جامدة ومحدش ادي دانا لما قلتله كدا سكت ومعرفش يرد يا حرام دا ضعيف اوي وانا الي مفيش مني اتنين ،طبعا انا مش هدخل في عقول الناس ونوايهم بس بصراحه كدا مبكرهش اد التن*مر

اختي في الله متخفيش هو الموضوع بيكون موتر في الاول بس بعدها عادي ،انت هتقدمي العصير عادي وانت داخله بتقولي السلام عليكم بصوت هادي وابتسامه برضو وبعدين هتقعدي عادي متقلقيش الي بعدها هيكون تعارف يعني هتتكلمي مع مامته وباباه واهله عموما بس متكتريش كلام يعني فهماني صح ولما تخرجي تقولي عن اذنكم وانت مبتسمه ، هو انا مش عارفه بالضبط انتو زي عندنا ولا ايه بس هما هينادوا عليكي عشان تقعدي مع العريس وتتعرفوا على بعض يعني هتسأليه شوية اسئله وهو كذلك وبعدها خلاص الاهل هم الي بيتفقوا على الباقي لو حصل قبول بينكم ان شاء الله وربنا يتمم على خير

@Abdullah Man : اكيد الاعتدال واجب في كل شئ فالشئ إذا زاد عن حدة قلب ضدة والاعتدال في كل شئ دا من دينا واخلقنا اكيد مينفعش ادلع ابني زيادة عن اللزوم بس في نفس الوقت اكون حنين معاه اقربه مني اخليه صاحبي يحكيلي انا قبل أي حد يكون بيعمل كدا عشان فهمته الصح والغلط بطريقه مناسبه لسنه ولعقله وتفهمه فيعمل دا عن اقتناع وحب لأنه فاهم مش حافظ او بيعمل كدا غصب اعلمه دينه كويس والأخلاق الطيبه ، نعمل نشطات سوا تقربنا من بعض مش اقوله روح شوفلك سرحه ولا العب بعيد عني عشان مصدعه الطفل بيكون محتاج حد يصاحبه ويفهمه عشان يكون سليم نفسيا ومتصالح مع نفسه ،وربنا يقوينا كلنا على التربيه السليمه الطيبه الي ترضي ربنا ويعنا أجمعين

ايوا فعلا بيتأثروا بيهم ونفسيتهم بس عاوزة اسألك سؤال هل الي مريتي بيه دا ايا كان ايه هو هل هتعملي كدا مع اطفالك ولا هتخلي الحاجه الي اتحرمتي منها وتديها لاطفالك وتعوضيهم على الي مريتي بيه

التربيه نعم ليها دور كبير اوي بس انت كشخصك بتبقى انت بتبقى بطريقتك المختلفه وتفكيرك المميز ونظرتك للمشاكل بمنظور تاني جيلك غير جيل والدك ووالدتك البيئه الي عايش فيها غير والمواقف الي بتمر بيها كل دا بيبنيك ممكن طفل مولود في عيله غير متفاهمه وغير مترابطه بس هو اه اتأثر بدا بس بنسبه ما ، يعني ممكن هو شايف اهله بيتعاملوا بطريقه معينه مثلا بيقولوا حاجة ويعملوا عكسها هو هنا عرف انهم ميعتمدش عليهم وميوثقش فيهم جامد وشاف وعرف ان دا تصرف غلط مش بكدا تفكيره غيرهم انت ذات نفسك بتقول ان التربيه والوالدين ليهم دور في تفكيرك بس هل فكرت في مرة هل والدي بيفكر زي كدا وبيلوم اهله ولا هو دا فعلا شخصه وطبعه وانا الي تفكيري غيره انت مختلف عن والدك في تفكيرك اه اتأثرت اكيد كلنا حصل معانا حاجات ومرينا بمواقف ايا كانت بس بنتنا خلتنا نعرف نفهم نفسنا هل التصرف دا عاجبني فهعمله ولا مش من أخلاقي ولا تفكيري فمش هاعمله يعني بإختصار فرضا دلوقت لقدر الله حصل مشكله وسمعت اهلك بيتكلموا قدامك انت اكيد ليك رأي ورأيك دا الي بيميز تفكيرك يعني لو انت مرضتش تحكم على حد عشان ظلم تحكم من سماع طرف واحد أو من سماع الاقاويل المتداوله وتقول رأيك ووجهة نظرك وحلك ، في غيرك بيحكم من الي سمعه ويمكن يزود كلام ويألف عشان القصه تكون مشوقه اكتر دا تفكير ناس برضو بتاخد بالظاهر اما الباطن ف مش مهم وما خفي اعظم ، اسفه اني دخلت في موضوع تاني

فعلا مش شرط عادي اعرف ناس الفرق بينهم بيكون معدي 15سنه وماشاء الله ربنا يبعد عنهم اي سوء ، شوفي انا كنت اوقات بفكر في ايه الي يخليني اتجوز واحد أكبر مني بكتير وانا اقدر ارتبط بشخص من سني او اكبر مني بكام سنه بس لما فكرت بالعقل بعدها فهمت انها مش بتتحسب كدا واهم حاجه انه يكون شخص على دين وخلق محترم وناضج شخص عقلاني متفهم ومسؤل يفهمني ويكون سندي وحنين عليا اما الباقي دا بقا مش مهم اوي بصراحه وكمان حاجه خلتني اغير فكرتي الأجيال الي شيفاها حوليا حاليا شايفه فيها الاستهتار وحجات تانيه في كتير منهم ودا شئ يخليني مأمنش نفسي مع حد منهم بس طبعا مش بعمم ربنا يهدينا اجمعين وطبعا في ناس كتير محترمه وجدعه ملهاش علاقه بسن

شوفي لو تقصدي عاوزة ناس تعلميها عشان تتخرجي كان ليا قريبتي زيك برضو واتخرجت السنه دي الحمد لله هي خلت ناس من حواليها يسألولها شوفي ناس من معارفك لو عارف حد يقولك عليه وكدا وفي ناس بتجيب ناس بتعرف تقرأ وتكتب اصلا بس مش معاهم شهايد فبيروحوا يعملوها وكدا دا حل لو مفيش وقت معاكي وممكن تنزلي بوست على فيسبوك وتقولي عاوزة ناس قريبه من مكانك عشان محدش يتبهدل بتطلبي صور البطايق وبيروحوا يمتحنوا وبإذن الله ينجحوا تقريبا انت عاوزة خمس اشخاص او تلاته وربنا يجعله في ميزان حسناتكم ويزيدكم اجميعين من فضل الله

طيب انت نفسك تغيري ايه بالضبط بتحبي ايه ونفسك في ايه

لا مفيش هنا نصائح وحلول

معاك حق لو كل واحد رضى بنصيبه المكتوب والي ربنا شايفه الخير لينا مكانش دا حال الاغلبيه

وفي كل الحالات نخلع ونرمي عشان ميستهالوش

حاولي وربنا يقويكي ولو نصيبك معاه هتكوني ليه لو ايه حصل بس نصيحه من اختك الكبيرة خليكي تقيله ومتتصليش عليه ولا تعبريه نهائي اولا عشان حرام ثانيا عشان نفسك وكرامتك

وذهبت ايام الزهد والرضا وبقت ايام الطمع في المزيد والاغلى

وكمان شكل نفسيتها تعبانه خليكي دايما معاها وشجعيها وقوليلها أنها اميرتك الحلوة وانك بتحبيها ومينفعش القمر يفضل زعلان وحابس نفسه وقوليلها ان رأي الناس دا مش مهم المهم اننا شايفينك عسل والقمر الي منور بيتنا وعشان نفسيتها تتحسن كمان تقدري تروحوا عند دكتور تغذيه او توديها الجيم دا هيعلي من معنويتها وثقتها في نفسها كتير

وشوفي مرتاحه ولا لأ لو لسه برضو في قلق من الموضوع متوافقيش عادي وربنا ييسر حالكم

المهم انك دلوقت تصلي تاني وتدعي ربنا وبعد كدا الامور دي بتتحل بإذن الله

ايوا فهماكي وعارفه ان دا صعب وانا معاكي في النقطه دي ، مع ان دا وضع الاغلبيه بس ممكن هو بعد الجواز الوضع يختلف شويه ولو في امكانيه انه ياخدك معاه شهر اه وشهر لا حتى هيكون حلو برضو بحيس متحسيش انك لوحدك وان شاء الله خير

الشكر لله حبيبتي وربنا ييسرلك الحال ويفرح قلبك

ايوا دا اسلم حل ولو هو شاريكي هيجي

على ايه يا حبيبة قلبي دا واجبي واي حاجه تقف معاكي احنا في الخدمه 😊

والشكر لله على ايه كلنا اخوات واي حاجه تقف معاكي انا في الخدمه وربنا يصلح حالك يارب

طيب في خلاف بنكم لو مش حابه تتكلمي عادي والله حقك شوفي في ناس كتير مش بيبقوا قريبين فعلا من اقاربهم ودا موجود عادي بس بجد بتفرق لما تلاقي لمه حواليكي وناس تحبك وتاخدي رأيهم مثلا في لبسك وتهزروا سوا ولو في مشكله تحلوها سوا ولو في اي حاجه هتكونوا سند لبعض لو في خلاف بنكم وربنا يبعد اي شر واي سوء تفاهم قربي يا ستي من اخواتك ايه رأيك

شوفي بنت من عيلتك قريبه من سنك مش لازم قدك وحاولي تتكلمي معاها وتبقا صحاب

شوفي يا حبيبة قلبي حقك تحرصي من اي حد غريب ودا الصح ومش هقولك تثقي فيا بس والله وصدقيني تعرفي أقرب اصدقائي اخواتي وأولاد خالتي واعمامي صدقيني دول سند والله

تمام يعني انت بتتكلمي مع قرايبيك ولا لأ

بس انت فعلا دلوقت بتتكلمي ودا والله تحسن كبير طيب انت الي مخوفك انك لما حاولتي تتعرفي عرفتي ناس مش كويسه صح بس طول ماحنا عايشين هنتقابل مع ناس اشكال والوان ومش كل الناس زي بعضها صح ولا ايه

ربنا يوفقكم فعلا لغات تقيله شويه بس شدوا حيلكم وكله يتيسر بإذن الله ، الشكر لله 😊

ايوا يعني انت مكنتش حكومي بقا لا ولا يهمك عادي مفيش حاجه

ايوا بس العربي على كله مش أدبي بس 😅وكلامك صح جزاك الله خير

اللهم آمين وإياك يارب بالمثل

ربنا يرزقك ببنت الحلال الي تستاهلك علفكرة ممكن كل دا بيحصل بس عشان رينا شايلك حاجه معينه وعسى أن تكرهوا شيئا وهو خير لكم ، واعرف طالما انت كنت صريح معاهم وهم الي رفضوا فدا احسن تسألني ليه اقولك لان في بنات الله يهدينا أجمعين مش عايشين في الواقع بل عايشين في عالم الروايات ومستنين بطل الروايه يجي يخطفهم😁😂 والله اعلم بنياتهم بجد ممكن يكون سبب تاني بس الاكيد أن لسه نصيبك مجاش وربنا صاينه ليك ماتخافش وهيعوضك بست ستهم كلهم وربنا يجبر بخاطرك ويبارك فيك ويزيدك من فضله نعمه ويرزقك بالي نفسك فيه وبالي تفهمك وتكون سندك وعوضك

ربنا يسعد قلبك وتحققي كل احلامك ومفيش حاجه بعيدة عن ربنا ثقي وادعي واعملي الي عليكي وسيبي النتيجه والباقي عليه❤️❤️❤️

تعرف ممكن تكبر دماغك ،يعني متدققش في كل شئ حاول تتعايش مع كل دا بدل ما تاخدة على نفسك وتتأثر وكدا بمعنى انك عارف ان الكلام دا هتسمعه والناس دي كدا فخلاص وانا زهقت وتعبت من الكلام معاهم ونصحهم الي مش بيجيب نتيجه ، وخدة ببساطه خالص وخد الخلاصه من الكلمه الي اتقالتلك وارمي الي يحرق دمك وراك ولا اكنك سمعته دا حل من ضمن الحلول

السلام عليكم ، بس غاليتي كلامك معاه قبل اي حاجه رسميه حرام وعشان ربنا يبارك لكم ويكمل الموضوع على خير متترسلوش لحد ما يبقى في رابط رسمي بينكوا وربنا يكتبلكوا الي في الخير وانا عشان عاوزالك الخير بقولك كدا والله لان العلاقه الي مترضيش الله لن ترضيكي ولن تكون نهايتها كما تمنيتي بقولك ابعدي برضو لسبب تاني عشان يعرف انك غاليه ومش بتيجي بسهوله لازم يتعب عشان تكونوا لبعض في النهايه بإذن الله وربنا يوفقكم ويصلح حالكم ويسعد أيامكم واصبري لعله خير.

اسأليهم طيب اي سبب الانتقاد دا يعني ليه بيعملوا كدا ووضحي لهم اسبابك انت كمان وليه عملتي كدا او ايا كان السبب المختلف عليه وإن شاء الله خير ويتحل سوء التفاهم

شوفي لو الي بيراقبها دا بيمشي وراها وكدا فلازم تثبت دا بمعنى أنها مثلا تكون زي كل يوم على طبيعتها خالص وقبل ما تنزل من البيت تفتح الكاميرا فيديو وتمسك فونها عادي وتجيب كل شئ وتحاول انها تجيب كل الزوايا من غير ما يشك ولو الفديو ماجبهوش برضو ممكن تحاول تخلي حد تتفق معاه حتى لو هتدفعله مبلغ يصورهم من مكان من فوق يعني مثلا تتفق مع الشخص دا على انها هتمشي من شارع كذا وكدا كدا الباشا دا ماشي وراها فهو يقف فوق مبنى في نفس الشارع دا وياخد فيديو وتعيدها مرة واتنين وممكن برضو تجيب كاميرات مراقبه من المحلات تستعطفهم وهم بإذن الله يفرغوها ليها وكدا تكون جابت بدل الدليل عشرة وتروح تقدم بلاغ بالادله دي وان شاء الله يتحركوا

سؤال بس ايه نوع المراقبه يعني على شخص بيمشي وراها وكدا

مبسوطه انو عجبك واستفادتي منه وبالتوفيق مفيش مستحيل وربنا يكرمك يا رب بكل خير🥰

والله انا الي بتبسط اوي لما بلاقي حد موهوب زيك وبينمي من نفسه وبجد مش بجاملك والله ، بجد رعب تعرفي اني بحب الرعب اوي والخيال وكدا 😍، شكرا يا حبيبة قلبي على تشجيعك ان شاء الله بإذن الله نكمل ونطبع ، اكيد هقولك رأيي واستمري في التنزيل هتابعك 🥰

عشان اتشغلت والله كتبه بتاع تلاته كدا بس مكملتش مع اني حبه اكمل والله لان حرفيا بعشق الكتابه ، كملي برافو عليكي عاش والله انا بحب القرايه اوي كمان ممكن اشجعك اسمها ايه طيب واتابعك استمري اختي وفي المستقبل ان شاء الله تنشري وتطبعي وهشتري منك من اول طبعه وبالتوفيق🥰هوايتك دي جميله اوي وطوري من نفسك فيها .

واحسن حاجه انك صديتيه من الاول واحظريه وسيبيها على الله

السلام عليكم ورحمة الله وبركاته، الحوار ملعبك اوي وفي حاجه غلط حقك تشكي طبعا اقطعي مع الاتنين فهماني فكك منهم والله بلا وجع دماغ خليكي في مذكرتك يا حبيبة قلبي والله الموضوع دا حلوة محلهوش هم منهم لنفسهم دا إن مكنوش شخص واحد يعني زي مانت شكه وانا برضو شكه ، انت كنت داخله بحسن نيه بس طالما التقفيله الي مقفلنها دي فممكن يكون اصلا عبارة عن فيلم هندي الباشا دا عمله عشان يكلمك وعشان متدخليش نفسك في متهات وسكك غلط اقطعي نصيحه من اختك في الله والله انا شايفه ان حتى البنت دي تصرفها غريب اوي لان يعني الي اعرفه ان البنت بتكون غيورة وبتاع طب منين كدا ومنين مدياكي الأمان اوي كدا انك تكلمي الي هي مرتطبه بيه دا حتى لو واثقه اوي كدا فبرضو بتاخد احتياطات فأنا حسه ان في حاجه غلط اوي والحوار كله مش داخل دماغي، وربنا يثبتك يا حبيبتي عشان دا بقا زمن كله فتن وقرف رينا ينجينا منه وادعي ربنا كتير وبالتوفيق يارب في دراستك

ايوا الموضوع دا بيختلف من سنه لسنه حسب التنسيق وكدا زي ما الأخت Rinad قالت

جربي واتباد زي ما ذكيه قالت عن تجربه بس صراحه مكملتش كتابه 🤭

ايوا التسامح دا من أعظم واجمل الصفات والله، ايوا فهمه بس برضو حتى لو سمحتها مينفعش دلوقت تعلق نفسك بيها اكتر افهم انا عاوزة اوصل ايه حسن وطور من نفسك ومينفعش بعد اي مشكله تحصل ما بينا نروح نبيع ونرمي بكلام التفاهم ضروري اوي عشان الاستمرار ،لازم تبعد فترة وتفكر براحه مع نفسك لانها برضو غلطت في حقك خلي ليك وزن فهمني وصلهم ان مش همك عشان ميجرحوش فيك تاني في يوم من الايام وغير من نفسك وحسنها وبالتوفيق ان شاء الله

المشاكل بتتحل عادي وبتحصل ومنيأسش خلي عندك أمل في ربنا

لو نصيبك ومكتبالك هتخدها ولو مين منعك لان أرادة ربنا فوق كل شئ ،بس لو عاوز نصحتي انت كدا بتأذي نفسك وبس ، انت متجننتش ولا حاجه دا لخبطه وصدمه بتمر فيها عادي وهتعدي مع الوقت ، مش بقلك اكرها لان دا صعب بس على الاقل حاول اتخطاها وفكر في شغلك ودراستك ومستقبلك دلوقت الحب والجواز كله جاي متقلقش ونصيبك متشال الله اعلم يمكن هي نصيبك، انت انسان طيب وصادق في حبك عشان كدا لما الكل هجمها بالكلام وهي الي غلطانه لسه بتدافع عنها ومتمسك بيها ،بس دا ظلم ليك ولنفسك على الاقل كمل حياتك ومتقفش

الفترة دي حاول تسترخي خالص ادي نفسك فترة راحه قرب من ربنا واشيكيله وعيط مفيش مشكله عادي كل دا بيهدي وبيساعد والله وهيريحك وفكر كويس وبراحه في مستقبلك وحياتك الي جايه ، ولعله خير ان شاء الله متيأسش من رحمة ربنا

شوف يا اخ اسلام الي بتمر فيه دا من صدمتك فيهم يعني انت كنت شايفهم حاجه ورد فعلهم وطريقتهم معاك حاجه تانيه خالص ودا طبيعي هتاخد فترة انت مش وحش ولا حاجه متكرهش حد ولا تقطع صلة رحمك بس الاكيد ان التعامل هيتغير ١٨٠ درجه عن الاول وهتحس انك عاوز تجرحهم زي مجرحوك بس والله لو قعدت وهديت وفكرت براحه مش هتلاقي من الي في دماغك دا اي حاجه غير ازى نفسك وبس هم مش هممهم حاجه ولا خسرانين انت بس الي اتأذيت نفسيا من كتر التفكير فيهم ،أصعب حاجه لما تجيك الضربه من الي بتحبهم ومن اهلك بس طول ما انت عايش هتمر بتجارب كتير يمكن اصعب من دي كمان وكلها هتقويك دا المهم انا معرفش ليه رد فعلهم بالشكل دا وليه كدا ،بس نصيبك هو الي هتخدة وربنا يصلح حالك يارب

شفت ربنا بعد عنك ايه انت دلوقت مقهور عشان الي حصل معاك والي اتقال ،مش هقلك سامح او اكره حد او حاسب حد حتى لام ربنا هز الي بيحتسب عبادة وكل ساقي سيسقى بما سقى وكل ظالم ليه يوم ، خد كل وقتك في الزعل والحزن لحد ما تحس انك ارتاحت ولو شويه حتى ،معرفش ليه في نتس بتأذي بالشكل دا ربنا يسامحهم ويعوضك خير

اقسم بالله زمان كانوا بيتريقوا عليا ويلقحوا بالكلام كنت بفضل اعيط واضايق منهم اوي وأحيانا كنت بقول اني بكرهم من كتر مبيتنمروا عليا وعلى شخصيتي يعني كنت طفله دايما بتضحك تخيل كانوا بيقولوا ايه بيقولوا اقفلي بقك دا ومعرفش وكلام تريقه غيرة وكنت بحب اهزر معاهم وكنت بساعد اي حد قالوا اني مليش شخصيه وضغيفه مع اني كنت بساعد بحسن نيه ولوجه الله وغيرة بقا كانوا بيتريقوا عليا في مستوايا الدراسي عشان مكنتش لقيه حد يفهمني كويس او يوصلي المعلومه صح لكن لحد هنا ومسكتش عيطت صحيح بعدها رحت دورات بتاعة الضعاف مش بتكسف من ماضيا عادي والله المهم رحت وهناك اتعلمت من اول( أ ب ت ) عادي وكنت بروح في الاجازة وقت الكل بيهيص انا كنت بذاكر ومحدش من اهلي طلب ان اعمل كدا لا انا الي رحت من نفسي لان حابه اتغير ،ومع الوقت بقيت شاطرة جدا وأثبت للكل اني مش زي ما بيقولوا عليا جبت مجموع عالي والحمد لله وحطيت في بوق كل واحد زعلني زمان جزمه ،مش هنكر فضلهم في كذا نقطه لأنهم هم الي خلوني اتشجع وأثبت لنفسي اني مش زي ما بيقولوا، وكمان اتعلمت اني ماركزش في كلام حد من الي بيحاولوا يقلوا مني لأنهم ببساطه مش قادرين يعملوا زي فبيتريقوا انا مش بتكبر ولا حاجه بس دا الي بحسه ،ادربت ياما عشان ابني لنفسي شخصيه وكدا ،وتعرف اتعلمت من ايه من الحياه ومن المواقف والتجارب الي مريت بيها ،بس بقول الكلام دا عشان اوصل نقطه معينه وهي بداية التغير من نفسك لما تتجاهل الي بيكسروا فيك عشان مصلحهم ال.....بس وتقف وتقول انك مش زي ما دول شايفينك اسأل الناس الي بتحبك بجد هم شايفينك ازاي واسأل نفسك السؤال دا كمان ،وأهم حاجه هتوصلك للنجاح ربنا اقسم بالله ما وصلت لحاجه إلا بفضله وكرمه عليا ورجائي ليه وقربي منه وبس

هم حسابهم عند ربنا كبير عشان وصلوك لكدا ، قول لنفسك انهم ميستهلوش حتى زعلي عليهم لأنهم بياعين وبيعهم انت كمان وكمل حياتك وخد طريق تاني خالص طريق كله طموح وتفائل وحسن نيه في الله ونجاح بإذن الله واتأكد ان رينا شيلك السعادة ،ودا اختبار من ربنا يشوف تحملك وصبرك واحتسابك