اخ اسلام ربنا يصلح حال قلبك ويبعد عنك كل سوء وما يوجع قلبك اكتر من كدا ،وصدقني ربنا بيبعد عنك شر ليك "وعسى أن تحبوا شيئا وهو شر لكم" ،فتأكد ان دا كله لصالحك وبس وان ربنا شايلك حاجه هتدخل البهجه والسرور على قلبك من تاني لأنك باين عليك تستاهل وابن حلال وعلى فكرة كلنا فقرى لله يعني الغني هو الله وما الحياة الدنيا إلا متاع يعني دا مش حاجه تعيب اي حد بس المجتمع الي عايشين فيه بيفرض علينا اسوأ ما فيه ،وكمان حابه اقول حاجه وتأكد منها ربنا طالما بعد عنك الشخص دا يبقا فعلا دا مش نصيبك وكمان كنت انت الي هتضرر كتير من العلاقه دي ، فربنا يكتبلك الي في الخير وعارفه ان الموضوع هياخد فترة بس حاول بكل الطرق انك تقف وتثبت للكل انك مش زي محد قال عليك وخد الموضوع كتحدي وكأي تجربه وارد كلنا نمر بل ومرينا بيها بس بنقول الحمد لله وبنكمل واحنا واثقين ان دا كله خير لينا وربنا شايل لينا الاحسن بعد وجع القلب دا ،ياما هتقابل ناس اشكال والوان بس الاهم حيتنا متقفش على حد ميستهلناش فهمني يعني الي بعنا نبيعه عادي لان ميستهالش نوقف عشانا والي يجرحنا نسيبه برضو ونحتسب عند ربنا ،موضوعك زعلني اوي بس اجابتي على سؤالك للأسف دي مشكلة كتير من البنات يعني معرفش كل واحد وتفكيرة بس ،بحس ان في ناس بتجرح بالكلام لأنهم عندهم نواقص يعني الشخص الي بيتنمر دا بيكون شايف الي بيعمله دا حاجه حلوة وواو انا كدا بعرف اتكلم انا كدا جامدة ومحدش ادي دانا لما قلتله كدا سكت ومعرفش يرد يا حرام دا ضعيف اوي وانا الي مفيش مني اتنين ،طبعا انا مش هدخل في عقول الناس ونوايهم بس بصراحه كدا مبكرهش اد التن*مر
ايوا التسامح دا من أعظم واجمل الصفات والله، ايوا فهمه بس برضو حتى لو سمحتها مينفعش دلوقت تعلق نفسك بيها اكتر افهم انا عاوزة اوصل ايه حسن وطور من نفسك ومينفعش بعد اي مشكله تحصل ما بينا نروح نبيع ونرمي بكلام التفاهم ضروري اوي عشان الاستمرار ،لازم تبعد فترة وتفكر براحه مع نفسك لانها برضو غلطت في حقك خلي ليك وزن فهمني وصلهم ان مش همك عشان ميجرحوش فيك تاني في يوم من الايام وغير من نفسك وحسنها وبالتوفيق ان شاء الله
تم النشر الأحد، ٢٠ أبريل ٢٠٢٥
المشاكل بتتحل عادي وبتحصل ومنيأسش خلي عندك أمل في ربنا
تم النشر الأحد، ٢٠ أبريل ٢٠٢٥
لو نصيبك ومكتبالك هتخدها ولو مين منعك لان أرادة ربنا فوق كل شئ ،بس لو عاوز نصحتي انت كدا بتأذي نفسك وبس ، انت متجننتش ولا حاجه دا لخبطه وصدمه بتمر فيها عادي وهتعدي مع الوقت ، مش بقلك اكرها لان دا صعب بس على الاقل حاول اتخطاها وفكر في شغلك ودراستك ومستقبلك دلوقت الحب والجواز كله جاي متقلقش ونصيبك متشال الله اعلم يمكن هي نصيبك، انت انسان طيب وصادق في حبك عشان كدا لما الكل هجمها بالكلام وهي الي غلطانه لسه بتدافع عنها ومتمسك بيها ،بس دا ظلم ليك ولنفسك على الاقل كمل حياتك ومتقفش
تم النشر الأحد، ٢٠ أبريل ٢٠٢٥
الفترة دي حاول تسترخي خالص ادي نفسك فترة راحه قرب من ربنا واشيكيله وعيط مفيش مشكله عادي كل دا بيهدي وبيساعد والله وهيريحك وفكر كويس وبراحه في مستقبلك وحياتك الي جايه ، ولعله خير ان شاء الله متيأسش من رحمة ربنا
تم النشر الأحد، ٢٠ أبريل ٢٠٢٥
شوف يا اخ اسلام الي بتمر فيه دا من صدمتك فيهم يعني انت كنت شايفهم حاجه ورد فعلهم وطريقتهم معاك حاجه تانيه خالص ودا طبيعي هتاخد فترة انت مش وحش ولا حاجه متكرهش حد ولا تقطع صلة رحمك بس الاكيد ان التعامل هيتغير ١٨٠ درجه عن الاول وهتحس انك عاوز تجرحهم زي مجرحوك بس والله لو قعدت وهديت وفكرت براحه مش هتلاقي من الي في دماغك دا اي حاجه غير ازى نفسك وبس هم مش هممهم حاجه ولا خسرانين انت بس الي اتأذيت نفسيا من كتر التفكير فيهم ،أصعب حاجه لما تجيك الضربه من الي بتحبهم ومن اهلك بس طول ما انت عايش هتمر بتجارب كتير يمكن اصعب من دي كمان وكلها هتقويك دا المهم انا معرفش ليه رد فعلهم بالشكل دا وليه كدا ،بس نصيبك هو الي هتخدة وربنا يصلح حالك يارب
تم النشر الأحد، ٢٠ أبريل ٢٠٢٥
شفت ربنا بعد عنك ايه انت دلوقت مقهور عشان الي حصل معاك والي اتقال ،مش هقلك سامح او اكره حد او حاسب حد حتى لام ربنا هز الي بيحتسب عبادة وكل ساقي سيسقى بما سقى وكل ظالم ليه يوم ، خد كل وقتك في الزعل والحزن لحد ما تحس انك ارتاحت ولو شويه حتى ،معرفش ليه في نتس بتأذي بالشكل دا ربنا يسامحهم ويعوضك خير
تم النشر الأحد، ٢٠ أبريل ٢٠٢٥
اقسم بالله زمان كانوا بيتريقوا عليا ويلقحوا بالكلام كنت بفضل اعيط واضايق منهم اوي وأحيانا كنت بقول اني بكرهم من كتر مبيتنمروا عليا وعلى شخصيتي يعني كنت طفله دايما بتضحك تخيل كانوا بيقولوا ايه بيقولوا اقفلي بقك دا ومعرفش وكلام تريقه غيرة وكنت بحب اهزر معاهم وكنت بساعد اي حد قالوا اني مليش شخصيه وضغيفه مع اني كنت بساعد بحسن نيه ولوجه الله وغيرة بقا كانوا بيتريقوا عليا في مستوايا الدراسي عشان مكنتش لقيه حد يفهمني كويس او يوصلي المعلومه صح لكن لحد هنا ومسكتش عيطت صحيح بعدها رحت دورات بتاعة الضعاف مش بتكسف من ماضيا عادي والله المهم رحت وهناك اتعلمت من اول( أ ب ت ) عادي وكنت بروح في الاجازة وقت الكل بيهيص انا كنت بذاكر ومحدش من اهلي طلب ان اعمل كدا لا انا الي رحت من نفسي لان حابه اتغير ،ومع الوقت بقيت شاطرة جدا وأثبت للكل اني مش زي ما بيقولوا عليا جبت مجموع عالي والحمد لله وحطيت في بوق كل واحد زعلني زمان جزمه ،مش هنكر فضلهم في كذا نقطه لأنهم هم الي خلوني اتشجع وأثبت لنفسي اني مش زي ما بيقولوا، وكمان اتعلمت اني ماركزش في كلام حد من الي بيحاولوا يقلوا مني لأنهم ببساطه مش قادرين يعملوا زي فبيتريقوا انا مش بتكبر ولا حاجه بس دا الي بحسه ،ادربت ياما عشان ابني لنفسي شخصيه وكدا ،وتعرف اتعلمت من ايه من الحياه ومن المواقف والتجارب الي مريت بيها ،بس بقول الكلام دا عشان اوصل نقطه معينه وهي بداية التغير من نفسك لما تتجاهل الي بيكسروا فيك عشان مصلحهم ال.....بس وتقف وتقول انك مش زي ما دول شايفينك اسأل الناس الي بتحبك بجد هم شايفينك ازاي واسأل نفسك السؤال دا كمان ،وأهم حاجه هتوصلك للنجاح ربنا اقسم بالله ما وصلت لحاجه إلا بفضله وكرمه عليا ورجائي ليه وقربي منه وبس
تم النشر الأحد، ٢٠ أبريل ٢٠٢٥
هم حسابهم عند ربنا كبير عشان وصلوك لكدا ، قول لنفسك انهم ميستهلوش حتى زعلي عليهم لأنهم بياعين وبيعهم انت كمان وكمل حياتك وخد طريق تاني خالص طريق كله طموح وتفائل وحسن نيه في الله ونجاح بإذن الله واتأكد ان رينا شيلك السعادة ،ودا اختبار من ربنا يشوف تحملك وصبرك واحتسابك
تم النشر الأحد، ٢٠ أبريل ٢٠٢٥
متقلش كدا ليه كل اليأس دا ،ربنا يسمحها على كل حاجه عملتها فيك ،حسابها عند ربنا ،متحبطش كدا واقف على رجلك ،كلام الناس بيوجع وبيدبح عارفه بس متخليش كلامهم يأثر فيك سلبي لا خده كدافع انك هتثبت لهم انك احسن من كدا وانك مش زي ما بيقولوا اصلا يعني ميهمكش هم شايفينك ازاي المهم انت شايف نفسك ازاي ومن هنا هتتغير خليك دايما مع ذكر الله ألا بذكر الله تطمئن القلوب خلي عندك يقين وثقه في الله،وإن مش من اي تجربه نيأس من الحياة بالشكل دا
تم النشر الأحد، ٢٠ أبريل ٢٠٢٥
كل الي بتمر بيه دا طبيعي لان لسه جديد بس حاول على اد ما تقدر انك متفضلش واقف زي مانت ،قول انك هتتغير للأحسن عشان نفسك قبل الكل واشغل نفسك على اد ما تقدر بشغلك حاول تكبر من نفسك فيه ،ومذكرتك مينفعش تسبها كمل حياتك ومع الوقت ربنا هيريح قلبك
تم النشر الأحد، ٢٠ أبريل ٢٠٢٥
ربنا يعوض عليك ، عشان انت شخص طيب ،للاسف في ناس كتير بتأذي من غير سبب ماعرفش ليه ،بس متخليش حاجه توقفك لان مش مستهله والله تقهر في نفسك وتلوم نفسك على حاجه ملكش ذنب فيها ويهزوا ثقتك في ذاتك ،خلي عندك دافع دايما وعزيمه انك تقدر تثبت لنفسك قبل أي حد انك هتوصل وهتصدم الكل ذاكر واجتهد وارمي كل حاجه وراك واشكي لربنا وادعيه يريح قلبك وصدقني بإذن الله هترتاح وهتنسى ، لان الحياة دي مش بتقف على حد وبتمشي واكبر دليل لما يموت حد عزيز على قلبك اوي وبتحبه بتكون مدمر ومش مصدق انه معدش موجود وبتزعل جامد وبعدها بفترة ايا كانت مدتها بتتألقلم وبتعيش حياتك عادي ،يعني ص
تم النشر الأحد، ٢٠ أبريل ٢٠٢٥
لعرض الإجابة في فدني اضغط هنا