اولا ربنا يصبرك يا حبيبتي على فراقه وربنا يرحمه ، تعرفي حكايتك عدت عليا قبل كدا بس تعرفي برضو نفس الناس الي مروا بنفس مشكلتك دي بقوا دلوقت حاجه تانيه ، ابدأي بالي بيفهمك من غير ما تقولي احكيله وابكي وطلعي الي جواكي وادعيه دايما مش لازم تصاحبي ناس كتير ابدأي بعيلتك بنات عمك بنات خالتك وأهلك ولو بتدرسي اتعرفي على بنت تفهمك وشبهك في الاخلاق شوفي فتح الحوار مع الناس مش شرط يكون كلام ممكن تجربي تسألي بنوته عن حاجه مثلا معاكي مواعيد كذا الحوار هيتفتح وهتلاقي نفسك بتاخدي وتدي معاها مش شرط تروحي تقولي ممكن نبقى صحاب ومش شرط تبدأي بناس من برا عادي خليكي في عيلتك دلوقت وحاولي خرجي مشاعرك دي في كتابه او اشكي لربنا وادعيه دايما وشويه شويه هتلاقي نفسك اتغيرتي واقلك على حاجه حلوة خلينا صحاب انا يا ستي هنا في اي وقت ولو حبيتي تكلميني في اي وقت هتلاقيني هنا بإذن الله وعلفكرة انت طالما عبرتي دلوقت وخرجتي معنى كدا انك بدأتي فعلا تخرجي من الي انت فيه
والشكر لله على ايه كلنا اخوات واي حاجه تقف معاكي انا في الخدمه وربنا يصلح حالك يارب
تم النشر الأربعاء، ١٨ يونيو ٢٠٢٥
طيب في خلاف بنكم لو مش حابه تتكلمي عادي والله حقك شوفي في ناس كتير مش بيبقوا قريبين فعلا من اقاربهم ودا موجود عادي بس بجد بتفرق لما تلاقي لمه حواليكي وناس تحبك وتاخدي رأيهم مثلا في لبسك وتهزروا سوا ولو في مشكله تحلوها سوا ولو في اي حاجه هتكونوا سند لبعض لو في خلاف بنكم وربنا يبعد اي شر واي سوء تفاهم قربي يا ستي من اخواتك ايه رأيك
تم النشر الأربعاء، ١٨ يونيو ٢٠٢٥
والله مش بتكلم مع قريبي بس شكراً جداً
تم النشر الأربعاء، ١٨ يونيو ٢٠٢٥
شوفي بنت من عيلتك قريبه من سنك مش لازم قدك وحاولي تتكلمي معاها وتبقا صحاب
تم النشر الأربعاء، ١٨ يونيو ٢٠٢٥
شوفي يا حبيبة قلبي حقك تحرصي من اي حد غريب ودا الصح ومش هقولك تثقي فيا بس والله وصدقيني تعرفي أقرب اصدقائي اخواتي وأولاد خالتي واعمامي صدقيني دول سند والله
تم النشر الأربعاء، ١٨ يونيو ٢٠٢٥
تمام يعني انت بتتكلمي مع قرايبيك ولا لأ
تم النشر الأربعاء، ١٨ يونيو ٢٠٢٥
اه عرفت ناس كتير مش كويسه انا يتكلم كده زي الفل لأن معرفكيش ده اولاً بخاف اتكلم لما اشوف حد او اتكلم مع حد اعرفع
تم النشر الأربعاء، ١٨ يونيو ٢٠٢٥
بس انت فعلا دلوقت بتتكلمي ودا والله تحسن كبير طيب انت الي مخوفك انك لما حاولتي تتعرفي عرفتي ناس مش كويسه صح بس طول ماحنا عايشين هنتقابل مع ناس اشكال والوان ومش كل الناس زي بعضها صح ولا ايه
تم النشر الأربعاء، ١٨ يونيو ٢٠٢٥
شكراً اوي بس انا جربت كتير احول اتكلم معرفتش
تم النشر الأربعاء، ١٨ يونيو ٢٠٢٥
ردك على السؤال كان رائع جدًا، مليان دفء وفهم عميق لمشاعر الصديقة اللي بتعاني من فقدانها. النصائح اللي قدمتيها، خصوصًا الاهتمام بالعائلة وبداية تواصل بسيط مع شخص يفهمها، فعلاً خطوات مهمة لترميم الثقة بالنفس والتخلص من الوحدة والخوف. تشجيعك على التعبير عن المشاعر بالدعاء والكتابة يعطيها أمل ويؤكد لها إنها مش لوحدها. استمري في دعمها بهذا التفاعل الطيب يا مرال، فمثل هذه الكلمات قد تكون بداية جديدة لها.
تم النشر الأربعاء، ١٨ يونيو ٢٠٢٥
لعرض الإجابة في فدني اضغط هنا