السلام عليكم ورحمة الله اولا انت مش فاشله ولا وحشه ولا اي حاجه الي خلاكي تفكري كدا الكلام الي بتسمعيه ، الكلام الي مفيش منه اي فايدة الناس عمرهم ما بيسكتوا عارفه لو جبتي مجموع كبير هيقولوا اه دا جابته بالغش وان مقالوش كدا ينشوكي العين المحترمه ويتكلموا برضو دول ناس موجودين في حياتنا كلنا جران بقا او غيرة بس موجودين ف نعمل ايه نسمع من هنا ونطلع من هناك ليه لان انا في حالي ومليش دعوة بحد يبقا مش هحطهم في خانه مهمه وافكر في كلامهم واتعب روحي محدش عاش الي عشتيه ولا شاف مريتي بأيه ولا اي حاجه وكلنا عارفين ان ياما اتظلموا في ثانويه عامه وبيتظلموا وهيتظلموا كمان فبجد ربنا يوفقنا اجميعن ويجبر بخاطرك ومتفكريش ف كلامهم كتير عشان متتعبيش عارفه خلي دايما قدامك نقطه ان ربنا هو الي بيحطك في مكانك الصح وان دا مكتوبك ف نحمد ربنا على كل حال وكل شئ دائما وابدا وربنا كاتبلك تدخلي الكليه دي وايه يعني اهليه او خاصه مهو ممكن ربنا فتحلك الطريق دا عشان عارف ان فرصتك فيه وبيدكي فرصه تثبتي نفسك عشان الي اتكلم زمان ميقدرش يفتح بوقه تاني طب ما في الي بيسافر يكمل تعليمه برا مصر وبفلوس برضو هل دا يعني الي على رجله نقش الحنه ومش هيجيبوا سيرته (مع احترامي للجميع والله اجدع واحسن ناس وبكون فخورة بأي حد بيدور على مستقبله ويفكه من كلام الناس) لا بس عارفه هو رما كلامهم ورا وكمل ومهموش عشان حلمه اهم من شوية نميمه ووالله هي أرزاق كل واحد بياخد رزقه ونصيبه والي اتعلم في خاص او حكومي او ايا كان معاك ايه اتأكد أن ربنا شايفلك وشايلك الخير دايما وهيجبرك في الاخر ، أهلك بيحبوكي ولو طريقتهم غلط شويه بس بيحبوكي كلنا بنساعد أهلنا عادي بس برضو لازم وقت تخصصيه لنفسك ومذاكرتك وتعرفيهم وتتفقي معاهم بهدوء وبراحه عارفه ان صعب عليكي تسمعي الكلام دا منهم بس خدي المغزى هم ممكن بيقولوا كدا لاختك عشان تجتهد وتعافر ومتحطش في بالها الخاص والله مش قصدي تجريح او تقليل من شأنك خالص والله بس قصدي انهم يخلوها تعمل كل الي عليها المضمون هنا أنها تعمل الي عليها وميكونش في نوع من الاستهتار بحجة ان هي حاطه في دماغها مانا كدا كدا هدخل خاص وخلاص والعب او مذاكرش فهماني وبعدين الخاص برضو مش بيقبل بأي مجموع يعني لازم تجتهد وتذاكر عشان تدخلي كلية محترمه وعارفه ان طريقتهم غلط بس خدي انت المغزى من ورا كلامهم هم اكيد مش قصدهم يجرحوكي ولا حاجه وانا اسفه ومتزعليش نفسك اختك لسه دماغها مراهقه ومش هتفهم غير لما تكبر صدقيني وانتو ملكوش غير بعض وخليكي انت السند والداعم وانصحيها وربنا يوفقك وييسرلك كل عسير
ايوا فعلا اوقات كتير بنمر بكدا من كتر التفكير في الحاجه وتعرفي لما بتهدي خالص وبيعدي شوية وقت بيظهر قدامك حاجات مكنتيش واخدة بالك منها وبتفهمي الموضوع بشكل أعمق ومن جوانب تانيه وبتتسامحي ، عارفه اوقات البشر مش بيفهمونا صح بس ربنا بيفهمنا اكتر من نفسنا حتى وهو دايما الي نشكيله حتى لو حاجه بسيطه بس هتحسي براحه وانت بتشكي همك وتدعيه هو عالم وقادر يفرج همك
تم النشر السبت، ٢٧ سبتمبر ٢٠٢٥
كلامك صح خلتني انظر للامر بطريقه مختلفه ماخدتش بالي منها بس احيانا الافكار بتضايق الواحد خاصه اني معنديش حد قريب مني احكيله
تم النشر السبت، ٢٧ سبتمبر ٢٠٢٥
لعرض الإجابة في فدني اضغط هنا