shahd 🥰

السلام عليكم ورحمة الله وبركاته لو بتعرف تذاكرع موبايل او التابلت حملها وذاكر عليه هتلاقى الموضوع كويس ان شاءالله لو مش حابب الموضوع ده صورها ف المطبعه عادى وانا شايفه انك تصورها احسن عشان عيونك متتعبش من الموبايل وربنا يوفقك ان شاءالله ♥️

طيب ليه الكلام اللى يزعل ده بس ي ست البنات 🎀 بصى ي حبيبه قلبي عايزه اقولك انه مفيش حاجه ف الدنيا تستاهل نخسر اخرتنا عشانها وكلنا ولله بتمر علينا اوقات صعبه اووى وربنا سبحانه وتعالى بيختبر صبرنا ف المواقف دى وكله ان شاء الله بيعدى وهيعدى بس احنا خلينا مؤمنين ب كده... انا عارفه انه الاحساس ده غصبا عنك وبتجى عليكى لحظه تقولي اى اللى انا كنت افكر فيه ده و تستغفرى ربك بعدين الموضوع بيصعب عليكى تانى وتضيق بيكى الدنيا طبعا هتلاقى محدش فاهمك وكلنا كده خصوصا ف السن ده بنكون متلخبطين اووى انا نفس سنك تقريبا عندي ١٩ سنه بس بصى ي عسوله حياتنا اكيد مش هتستمر كده اكيد هيجى الوقت اللى هنلاقى العوض فيه ف كل حاجه بس مينفعش ننهى حياتنا كده وليه كل مشكله وليها حل حتى لو انتى كنتى فاكره العكس بس نحاول نحسن الظن برب العباد ونخلي عندنا ثقه ف ربنا شويه انه هنقدر نواجهه اى حاجه مهما كانت... وانا هنا أختك شهد اتمنى أكون ساعدتك لو بحاجه بسيطه 🎀.

روح الدروس بانتظام ذاكر اول ب آول من غير تراكمات... نحاول نخفف سوشيال اووى ويا ريت نحذفها افضل.. نقرب من ربنا واصلى بانتظام نعبد عن العلاقات الحرام ولو فيه حاجه نشيلها... ننام بدري ونصحى بدرى نذاكر... ننظم مواعيد الدروس بحيث تكون في ايام مشتركه ونفضى الباقى نذاكر فيه وبلاش كسل ونقول بكره بعده نبعد عن اى حاجه فيها ضغط وتوتر. وربنا معاك ويوفقك..

مساء الخير يا عسوله بصى اول حاجه كده وقبل اى حاجه انا مخلصه تالته ثانوى والحمد لله وان شاءالله ربنا يقدرني واساعدك. خلينا متفقين انه مفيش حاجه سهله وطبعا مش قصدي هنا اعقدك خالص بس منقدرش نقارن نقول علمى اصعب او ادبى اصعب عشان اللى دخل ده قال عليها صعبه واالى دخل ده قال عليها صعبه اوك. .. انا كنت علمى وف تالته بالتحديد علمى علوم انتى ممكن تقولي اى ده فيزياء وكيمياء صعبين ما برضو ي قلبي تاريخ وجغرافيا مش سهلين وانتى وشطارتك بقى يعنى انت ممكن حبك ل ماده معينه يخليها اسهل ماده بالنسبه لك يعنى انا مثلا مادتي المفضله كانت الرياضيات وكنت بحبها جداااا مع انه ناس كتير بتشوفها انها عقده وصعبه.. يعنى مثلا أومال انتى مش عارفه تقررى شوفى ميولك للمواد بتحبى اى اكتر هتقولى ما انتى بتحبى الرياضيات ومش دخلتى علمى رياضه هقولك عشان حلمى كان ف علمى علوم انتى برضو شوفى حلمك وامشي ورا خلى هدف تسعى ليه .. موضوع ميولك نحو المواد + الكليه اللى نفسك فيها هتساعدك اووى انك تختاري. لكن لو عايزه راى وارشحلك اى وسط ده كله ف انا هختار لك علمى والراى برضو ف الآخر يرجعلك♥️

طبعا الله يرحمهم ويصبرك❤️‍🩹... بس خلاص المشاكل حصلت وده كان من زمان فانت شغلتك دلوقتي انك تدعيلهم وبس... وحاول تتخطى الموضوع تغير مكانك او تشغل نفسك تكمل دراستك لو عندك أو تدور ع شغل .. تعمل اعمال خيريه ع روح الوالد والوالده تاخد بالك من اخواتك لو معاك

بص اول حاجه مش هزود عليك همك واقولك الغلط من عندك من الأول بس انت اكيد عارف كده .. بص هاخدها حته حته... مفيش نجاح بيجى بالساهل والأحلام مش بتبقى حقيقة غير بالمحاوله وانت بدا معاك الموضوع من وقت الاعدادى احنا اى مهمتنا ف الحياه غير اننا نشتغل على نفسنا ليه التقصير من اول ما انت عجبك الموضوع صح بس خلاص هو الكلام ف اللى راح مش هيرجع حاجه عشان كده بس نفكر ف االى جاى احسن انا اختك شهد من دفعه ٢٠٢٤ زيك بس الموضوع يختلف شويه انا أجلت برضو بس ٢٠٢٥ بس قاسمه من الأول يعنى اخدت السنه الفاتت والسنه دى والحمد لله.. تعرف هقولك حاجه واحلى حاجه انك لم تلاقى فرصه جديده الله دى نزلتلى من السما خصوصا لو كنت قصرت السنه االى قبلها مش هقولك دراسيا بس لا وكمان ف علاقه ب ربنا كمان لكن مينفعش اقول الظروف والظروف والله العظيم لو حكتلك الظروف اللى تحطيت فيها بص مش هقولك كانت خاصه ف البيت اكتر ما كانت خاصه بيا لأنها كانت تعب اكتر بس انا مكنتش بستسلم وانت كمان لازم تعمل كده مينفعش امشى اقول الظروف الظروف وحتى لا قدر الله حصل حاجه غصبا عننا انت خلاص دلوقتي اتفتح لك فرصه جديده اعتبر اللى حصل قبل ولا كانه حصل خاالص كأنك اول مره تدخل تالته ثانوى وبلاش تجلد ف نفسك اكتر نفسك ليها حق عليك حرام وعلى فكره حالك مش هيتصلح من غير ما تبطل الاغانى دى وترجع للصلاه تانى..وعشان ربنا يبارك لنا ف اى حاجه بتحصل ف حياتنا ويكون عندنا ثقه ف نفسنا اكتر على فكره انا زيك كده موضوع الثقه ده عندى بعافيه شويه وبعيط ع ابسط الاشياء ساعات بس حتى لو انا عملت كده هيقولوا بنت لكن انت راجل وسيد الرجاله عايزنك تبطل الموضوع ده بقى ونشتغل ع نفسنا ونبقا احسن من اى حد وسيبك من خالتك او غيرها ملكش دعوة غير بمحمد وبس محدش بينفع حد والله واللى يقعد ورا كلام الناس مش بينجح واخر شي ربنا يوفقك ان شاءالله وانا هنا موجوده لو احتجت اى حاجه ف الدراسه ♥️

طيب ازاى بتقول انها بتحبك وازاى بتقول انا موافقه كده تمشي مع شخص تانى؟! طيب وانت مجربتش تتكلم معاها مره تقولها اى اللى بتعملى ده تشوفها هتسمع كلامك ولا لا نصيحه اومال هى مش قدرتك او قدرت وجودك سيبك منها وبالنسبه لتعبك هو طبعا ده حال طبيعي عشان الوقت مكنش قليل واكيد انت اتعودت انت حاول تبعد عن اى شى يفكرك بيها صور مكان اى ذكره وان شاءالله ربنا يكرمك باللى افضل منها وتعضوكك عن اى حاجه ♥️

حاولى تاخدى اجازه تستعيدى بيها طاقتك اسبوع حتى قربى من ربنا اكتر اشكيله همك اعملى حاجه انتى بتحبيها اهتمي بنفسك خلى بالك من أخواتك قربى منهم خليهم صحاب بدل الأخوات اعملى تجديد لكل حاجه جسمك ونفسك ليهم حق عليكى. وان شاءالله ربنا معاكى ويخفف عنك♥️

الموضوع بسيط ان شاءالله اعرضى عليه الفلوس تانى ولو مش قبلها قوليله انك مش هتقدرى تاخدى الكورس او الملفات من غير ما تدفعى هو اكيد مش هيرضيه انك تتحرمى من الأشياء دي عشان سبب زى كده ولو اصرر ع الموضوع اى مناسبه الهديه طيب؟!

قل لن يصيبنا إلا ما كتب الله لنا... اعمل اللى تقدر تعمله وامتحن واللى ربنا يكرمك بيه ارضى بيه وقول الحمد لله..، وموضوع التأجيل مش احسن حاجه كده كده نصيبك هيصيبك اذا كان ف سنه او اتنين انا قاسمه حاسه انه عادى السنه الأولى مكنتش النتيجه مرضيه لاقصى شى الصراحه

ابعدى عنه واوعى تستنى انك تعرفى هو ليه بيعمل كده او هو ليه طريقته كده..، انتى ب كلامك االي بتقوليه دلوقتي ده شايفه ومصدقه انه ممكن ده شخص تكملي معاه حياتك مثلا ... مش عايزه اجلد ف ذاتك واقولك اللى عملتى غلط من الاول كلنا بنغلط اكيد بس مينفعش نكمل ف الغلط... وكلى امرك ل ربنا واالى فيه الخير ربنا يكتبه

بتحس بذنب ليه طيب ولا انتى مش متعوده ولا بتحبى شكلك الطبيعى من غير اى حاجه احسن + انتى مراهقه لسه ولا كبيره.. يمكن فيه احساس جواك شايف انه دى حاجه جديده وانتى بتحبى اللى اتعودتى عليه اكتر اوصفى الاهتمام من اى ناحيه

ممكن اقولك اسكتى عن الموضوع ويمكن عادى.. بس انا عندى ١٨ سنه واكتشفت حاجات انا نفسى ازاى وانا حرفيا عامله زى الملاك وليه.. حصنى نفسك كتير بالقرآن والأذكار والله واوعى تثقى ف اى حد. ، شغلى الرقيه الشرعيه كتير واقريها بنفسك الله اعلى واعلم ممكن يكون فيه + اخر واهم حاجه نصيبك هيصيبك مهما روحتى فين وعملتي اى مش هتقدرى تروحي منه ف حته ومتشال ليكى غصبا عن اى حد ف اطمنى ومتشليش هم ابدا وخليكى فاكره كله ب أوانه 🤍

انتى احلى بنوته ي روحي بعدين مينفعش نعتمد ع أراء الآخرين هما اللى يقموا جمالنا او شكلنا يعنى انا مينفعش استنى الشخص ده هو اللى يقولى انتى حلوه عشان أصدق كده وليه ما كل واحد فينا عنده حاجه حلوه بتميزه عن غيره ومينفعش نسمح لاى حد هو االى يتحكم فينا لم انا اشوف نفسي اجمل واحده الكل هيشوفنى كده لانى عندى ثقه في نفسى لكن لو قعدت اطلع عيوب فيا هستنى من غيرى يشوفني حلوه ازاى.. بعدين 13 سنه انتى لسه طفله لسه هتكبرى وتحلى اكتر واكتر وانتى كده كده ست البنات... انا عارفه انى متكلمتش ف كل اللى انتى كتباه بس انا حبيت أركز ف نقطه معينه 😊.

طيب هو انتى عندك كام سنة يعنى انتى صغيره ولا كبيره... مثلا متعرفيش تتعلمي تعملى اكل لوحدك ده كله ف مصلحتك انك تعتمدي ع نفسك... ع حسب اللى انتى بتقوليه طيب هما لم يصحوا ليه مش تقولى لاى حد انه يخرج يجيب اكل غير اللى هتاكلوا دلوقتي بمعنى اكل ليكى انتى تانى يوم ومش لازم حاجه كبيره لو جبنه ماشي المهم متفضليش من غير اكل... عارفه انه كلامى مش مفيد بس والله حاولت اساعد.. ربنا معاكى يا قمر🌹

لو لقيت حل لينا احنا الاتنين يبقى جزاهم الف خير 🙂... الموضوع ظهر عليا مؤخرا بس انا عرفت السبب انه دماغى بقيت مزحومه ب افكار ومسكينه مفيش مساحه لأنها تذاكر ولا تعرف تركز ومشتته ف لو انت برضو عندك نفس الموضوع ده وانك بتفكر كتير وتسرح لم تجى تذاكر سيب المذاكره واستغفر 5 دقايق او سيبها خالص وقوم غير مكانك اعمل حاجه تانى وأرجع واوعى تضغط نفسك حاول تذاكر بنظام الفترات القصيره + راحه ده هيساعد انك تستعيد التركيز من اول وجديد ف كل مره ممكن مثلا مذاكره 25 دقيقه بتركيز + 5 دقايق راحه وطبعا ال 5 دقايق دى مش هتكون ع الموبايل روح غلس ع اى حد ف البيت وأرجع فيهم 😅.. او روح اعمل حاجه تروق بيها أعصابك عصير ليمون مثلا اى حاجه... ف الاخر طبعا انا عندي المشكله دى زيك بس حبيت اساعد يمكن المشكله فيا وف الآخر متنساش تدعيلى طالبه ثانوى عامه 🥰

كل دى مشاعر كدابه وتجى يوم هتندمى ع ده كله ارجعى احسن بدل ما تندمى ع حاجه اكبر بعدين ... وحطى حاجتين قصاد عينك اول حاجه ربك بعدين اهلك صدقينى عشان تعيشى عيشه مرتاحه وصلى كتير وادعى انه لو العلاقه دى فيها الخير تكمل ف الحلال ولو مكملتش يبقى ربنا يعوضك بالاحسن ان شاءالله

السلام عليكم ي قمر انا ف تالته ثانوى حاليا وخلاص باقيلى شهر واخلص.. نصيحتي ليكى اختارى علمى احسن هتقولى طيب ما هو صعب ومين قالك ادبى سهل يعنى طيب تختاري علمى ليه أومال الاتنين صعبين عشان الكليات بتاعتها كويسه خالص وفيه مجالات كتير وصدقنى لم تتعودي ع الوضع هتلاقيه تمام انتى بس عشان لسه بعيده بتقولى صعب وكده وربنا يوفقك يارب + اوعى تنسى صلاه استخاره

انا بعانى من نفس الشى حاليا على فكره.. بس صدقينى هتقدرى تتغلبى ع الموضوع لو كان مجرد فراغ وقلق وبس لكن لو الاحساس ده وصلك انك تعملى حاجات اكبر من كده هتندمى بعدين ومش هتعرفى تتخلصى مم الافكار الزياده اللى هتجيكى ب كده

شوفى انتى مرتاحه ف اى وانا شايفه برضو انه رايك صح وده حقك وان شاءالله ربنا يكرمك بالخير.... اعرضى رايك عليه وخليه يقرر هو خلاص رضى كان بها مرضيش يبقى انتى خلصتى ضميرك قدام ربنا... وشوفى اهلك برضو من رأيهم الوضع ده هل ممكن لبنتهم انها توافق عليه