ازاى احل موضوع التفكير الزايد وانا عندي مشاكل بس عايزه احاول مفكرش فيها لانى معايا امتحانات ثانويه بعد كام يوم وحاسه بتعب وكسل وملل غير التفكير المفرط اللى عندى ومخنوقه خالص ومش عارفه افضى دماغى خالص من التفكير...
المشكله دي عند ناس كتير بس ما انصحكيش تبطليها انصحك تستغلي ده هيفيدك اوي في حاجات كتير ولو في اي حاحه ناويه تعمليها فيها خطوره او مراهنه هتعرفي تعملي بدل الخطه 10 وكمان هيفيدك في الامتحانات لو اسئله مقالي ولو عايزه تكتبي كتاب او حاجه هيفيدك اوي عموما انصح تستغليه مش انك تبطليه... عموما لو عايزه تبطلي ممكن اقولك على طريقه مضمونه بس هتاخد وقت... اعملي تأمل يوميا لا يقل عن 3 ساعات منتظمه بالتنفس الصحيح وحاولي تشغلي صوت بحر جنبك وتتخيلي black hole وكأنك دخلتي جواه ده بيقلل التفكير بشكل كبير جدا بس بياخد وقت ممكن لو عندك عزيمه ممكن تبطليه بسرعه اوي اتمنى اكون فيدتك بحاجه 😁✌🏻
تم النشر السبت، ١٤ يونيو ٢٠٢٥
السلام عليكم ورحمه الله وبركاته بصي يا ستي المخ ليه بيفكر كثير ولا بيطلع في دماغنا افكار كتير وليه ما بتتوقفش ممكن تكون نفس الافكار وعماله تتعيد بس كده لو هي الافكار حوالين المشاكل اللي عندك وما بتتوقفش وعماله تتعاد فقط لا غير فأفضل طريقه احنا هنجيب نوته او كشكول لازم يكون حاجه بتتقفل ما ينفعش تبقى ورقه كده فاضيه ونبدأ نكتب فيها كل الامور اللي بتخطر على بالنا نعمل كده صفحه لكل حاجه الصفحه الاولانيه المشكله الخاصه بكذا واكتبي كل الافكار اللي عندك انا بفكر في كذا انا بفكر في كذا انا بفكر في كذا كل الافكار اللي خطرت على بالك اللي تخص الموضوع ده اكتبيها وهكذا كل المواضيع اللي بتدور في دماغي اللي لها علاقه بامور مختلفه فصصيها بعيد عن بعض كل حاجه في ورقه مختلفه واكتبي الافكار اللي تخص القصه دي في ورقه منفصله تمام وبعدين تقفلي الكشكول او تقفلي الأجندة دي وتكتبي عليها من بره ورقه كده وتلزقيها هرجع لها ثاني بعد الامتحانات هرجع لها ثاني بعد ما اخلص مذاكره. المخ هيبقى شايف اللي انت عملتيه ده طيب لقيت انه لا طب ما خلاص اللي انا كتبتهم دولت ما بقوش بيدوروا في دماغي وبقى فيه غيرهم كل ما تجيلك فكره او حاجه لها علاقه بموضوع منهم افتحي الاجنده ودونيها زياده عليهم وبعد ما تقفلي الاجنده القراءه ثاني الجمله اللي انت كتبتيها هرجع لها بعد الامتحانات او هرجع لها بعد المذاكره كل ده بيدي برمجه للمخ كده انه ما افتقدش الافكار ان الافكار الافكار محفوظه وهو كده كده هيرجع لها في وقت ثاني فمش خايف عليها فمش هيفكرك بيها ثاني ومش هيرجع يعيدها عليك مره ثانيه جربي كده الموضوع ده واتمنى ان هو ينفعك.
تم النشر السبت، ١٤ يونيو ٢٠٢٥
السلام عليكم يا شاهندا، ربنا يوفقك في مذاكرتك وامتحاناتك وتنجحي بتفوق إن شاء الله. أنصحك بالكتابة الحرة، يعني أول ما تصحي وبعد ما تصلي وأنتِ لسه فايقة كده هاتي ورقة وقلم واكتبي كل اللي يخطر ببالك، اكتبي وفرغي عقلك تمامًا من كل الأفكار اللي مشتتاكِ وده تدريب كويس قوي مع الوقت هتحسي إن الضغط بيقل على عقلك وأفكارك مترتبة وتخلصت من كل اللي مش مهم وفرغتِ مكان للمهم في يومك. *** لو عاوزة نصائح أكتر هتلاقي على التطبيق أسئلة كتير عن التخلص من التفكير الزائد أو المفرط فيها نصائح من الخبراء والأعضاء اقرأيها وخدي منها اللي يناسبك. https://www.fedni.net/results?query=التفكير%20الزائد https://www.fedni.net/all-results?query=التفكير%20المفرط
تم النشر السبت، ١٤ يونيو ٢٠٢٥
السلام عليك يا شهد، أنا ذكية معاكِ، وإن شاء الله هساعدك خطوة خطوة. أولاً، مهم نعرف إن التفكير الزائد لما يكون عن المشاكل أو القلق ده شيء طبيعي جداً، خصوصًا في فترة الامتحانات لما الضغوط بتزيد. بس فعلاً التفكير المفرط بيأثر على طاقتكِ وتركيزكِ، وده ممكن يخليكِ تحسي بالتعب والكسل والملل. عشان نساعدكِ تتعاملي مع التفكير الزائد وتفضي دماغك، خليني أقترح عليك بعض النصائح العملية: قسمي وقتك : حددي أوقات معينة للدراسة وأوقات للراحة. لما تخصصي وقت محدد تفكري فيه في مشاكل معينة أو تحلّيها، بيقل التفكير المتشتت طول اليوم. كتابة الأفكار : لما تفكري في حاجة مضايقاكِ، الأفضل تكتبيها على ورقة. كأنك بتفضي دماغك لمكان آمن، وده بيقلل الضغط الداخلي. تنظيم جدول الامتحانات : رتبي جدول مذاكرة واقعي ومريح، مش لازم تضغطي نفسكِ فوق قوتك. ابدأي بتقسيم المواد على عدد أيام الامتحانات. مارسي نشاط بسيط بين المذاكرة : حاجة بسيطة زي المشي خمسة عشر دقيقة أو حتى شرب شاي مع الاسترخاء لبعض الوقت ممكن يساعدك تفصلي عن الضغط. الدعاء وذكر الله : اللجوء إلى الله بالدعاء والذكر يريح القلب جدًا ويخفف من التوتر. مثلاً، قراءة خواتيم سورة البقرة أو أذكار الصباح والمساء. تذكري الهدف : امنحي نفسك دفعة نفسية بالتفكير في الهدف الكبير اللي بتشتغلي عشانه: نجاحكِ وتحقيق طموحاتك. ابتعدي عن مصادر التوتر : زي الأخبار السيئة أو المواقف اللي بتزود التفكير السلبي. حاولي تنمية روح التفاؤل والابتسامة : حتى لو المشاعر مش جاهزة، الالتزام بابتسامة خفيفة ممكن يخفف الضغط. أنا معاكِ لو حابة تفصلي أكتر عن حاجة معينة أو تحتاجي نصائح خاصة بطريقة مذاكرتك. ولو حسيتي إن الموضوع أكبر من كده ممكن تستشيري خبراء في فدني من خلال https://www.fedni.net/experts لتقديم دعم أعمق. ربنا يوفقك وييسرلك كل خير يا شهد، وافتكري دايمًا إنك أقوى من أي ضغط أو قلق. 🌷
تم النشر السبت، ١٤ يونيو ٢٠٢٥
لعرض السؤال في فدني اضغط هنا