مساء الخير يا عسوله بصى اول حاجه كده وقبل اى حاجه انا مخلصه تالته ثانوى والحمد لله وان شاءالله ربنا يقدرني واساعدك. خلينا متفقين انه مفيش حاجه سهله وطبعا مش قصدي هنا اعقدك خالص بس منقدرش نقارن نقول علمى اصعب او ادبى اصعب عشان اللى دخل ده قال عليها صعبه واالى دخل ده قال عليها صعبه اوك. .. انا كنت علمى وف تالته بالتحديد علمى علوم انتى ممكن تقولي اى ده فيزياء وكيمياء صعبين ما برضو ي قلبي تاريخ وجغرافيا مش سهلين وانتى وشطارتك بقى يعنى انت ممكن حبك ل ماده معينه يخليها اسهل ماده بالنسبه لك يعنى انا مثلا مادتي المفضله كانت الرياضيات وكنت بحبها جداااا مع انه ناس كتير بتشوفها انها عقده وصعبه.. يعنى مثلا أومال انتى مش عارفه تقررى شوفى ميولك للمواد بتحبى اى اكتر هتقولى ما انتى بتحبى الرياضيات ومش دخلتى علمى رياضه هقولك عشان حلمى كان ف علمى علوم انتى برضو شوفى حلمك وامشي ورا خلى هدف تسعى ليه .. موضوع ميولك نحو المواد + الكليه اللى نفسك فيها هتساعدك اووى انك تختاري. لكن لو عايزه راى وارشحلك اى وسط ده كله ف انا هختار لك علمى والراى برضو ف الآخر يرجعلك♥️
عفوان كلبي ❤
تم النشر الأربعاء، ٢٣ يوليو ٢٠٢٥
حاضر إن شاء الله اصلي استخارة 💕 شكرا للتذكير يا قمر 🤍
تم النشر الثلاثاء، ٢٢ يوليو ٢٠٢٥
اتكل علي الله ♥ صلي استخارا وشوفففف ان الله معنا
تم النشر الثلاثاء، ٢٢ يوليو ٢٠٢٥
شكرا جدااااا على المساعدة وربنا يوفقك يا رب 🤍
تم النشر السبت، ١٩ يوليو ٢٠٢٥
بس انا مكنتش باخد اون لاين كنت باخد عند مدرس قريب شاطر جددا والحمد لله كنت بقفل الماده بس لو هرشح ليكى حد من اليوتيوب ف هو مستر لطفى زهران وع ضمانتي ان شاءالله جربته كام مره ف تانيه ثانوى ما شاء الله ممتاز وكمان اختى السنه الفاتت كانت ف اولى ثانوى جربته ف المراجعه برضو وكده لقيته كويس
تم النشر السبت، ١٩ يوليو ٢٠٢٥
لا يا حبيبتي انا درست رياضيات ف اولى وتانيه بس لكن تالته لاا عشان انا كنت علمى علوم
تم النشر السبت، ١٩ يوليو ٢٠٢٥
ممكن سوال معلش انت درستي رياضه في 3 ثانوي+هل اخذتي اون لاين لاني بفكر اخد اون لاين لأن كل المدرسين برة المكان اللي انا فية وانا بعت من المواصلات جامد فممكن ترشحيلي مدرسين بليز🤍🥺
تم النشر السبت، ١٩ يوليو ٢٠٢٥
حاضر إن شاء الله هحاول شوف فيديوهات بتتكلم عن كليات علمي و ادبي+انا سمعت انهم لغوا موضوع أن حد من علمي يدخل كليات ادبي فعلشان كدة خايفة ادخل علمي لأن عدد الكليات بيبقي محدود وكدة
تم النشر السبت، ١٩ يوليو ٢٠٢٥
وكمان علمى علوم فيها كليات حلوه وبرضو علمى رياضه ومعظم الكليات إللى ف ادبى قاعده فى علمى على فكره غير يعنى الألسن إللى انتى اتكلمتى عنها دى ف ادبى وبس وبعض الكليات التانيه
تم النشر السبت، ١٩ يوليو ٢٠٢٥
انتى ممكن تلقى نظره عل كليات علمى وكليات ادبى وتشوفى انتى ممكن تكونى فين من ده كله او شغفك حتى
تم النشر السبت، ١٩ يوليو ٢٠٢٥
بصى العلمى كانت أكبر مشاكلى هو فيه ممكن الفيزياء عشان مش بحبها مم اولى ثانوي مثلا وبس لكن طبعآ زى ما قلتلك المواد بتاعت الادبى مكنتش احبها كلها اصلا ف الاختيار كان عندي سهل خصوصا انه كان نفسى ابقى دكتوره ف الاختيار بقى اسهل
تم النشر السبت، ١٩ يوليو ٢٠٢٥
بصى انا زيك ف الاعدادى كنت بحب الدراسات االى هى جغرافيا وتاريخ يعنى وكنت اقفلها علطول اصلا بس بعد ما روحت الثانوى مبقتش احبها خالص ولا جغرافيا ولا تاريخ ف عرفت لااا انا مش هينفع ادخل ادبى خالص وانا اصلا مكنتش حاطه الموضوع ف دماغى ولا احترت هو علمى وخلاص مفيش اختيار تانى عندي
تم النشر السبت، ١٩ يوليو ٢٠٢٥
هما اهلي عاوزين ابقي دكتورة صيدليه مثلا او دكتورة علاج طبيعي بس انا مش حاسة نفي في الكليات دي هو في مجال الطب اللي عاوزه هو الي النفسي بس مش هقدر ادخله فأنا فكرت ادخل السن وانا اصلا في الاول خالص كنت عاوزة ابقي مصممة أزياء وقلت اخليها هواية وخلاص بجانب كليتي الأساسية ولأن بردة انا مش بعرف ارسم فلغيت الفكرة 😅+وياريت لو تقوليلي تجربتك مع العلمي علشان بجد انا بشوف كمية بنات بتعيط بتكرهني في حياتي
تم النشر السبت، ١٩ يوليو ٢٠٢٥
مساء النور يا قمر 🤍 بصي هو انا معنديش كلية معينة عاوزة ادخلها في الاول كنت عاوزة ابقي دكتورة نفسية بس اكتشفت اني لازم تدخل عمليات في الاول وكدة فلغيت الفكرة لاني مش بحب منظر الدم وبخاف بجد ومش بحب حد يتعور وكدة +انا كنت بحب التاريخ جدااااا لما كنت في الاعدادي وكنت ببقي حافظة الصفحه عن ظهر قلب بس لما دخلت ثانوي حسيت الموضوع بقي اصعب وبقي ياخد وقت طويل مني في الحفظ بس بردة لسة بحبة وبصراحة كان في تقصير مني بجد علشان كدة حفظي مكنتش متقن زي الاول +بكرة الجغرافيا اووووي اوووي بجد ومش بحب الخريطة دي خالص وكنت بتلغبط في الدول وكدة +الفيزياء (العلوم المتكاملة عامة)كانت مشكلتي معاها نفس مشكلة الرياضه واللي هيا المسائل وبصراحة أنا مكنتش بحل كتير فكان تقصير مني بردة بس انا كان دماغي بيصدع منها بس كنت بعرف احلها الحمد لله وتقريبا نقصت في الرياضه 4درجات وفي العلوم6درجات انا كنت بعرف احل المسائل بس كنت محتاجة حد يفكرني كل شوية بالقاعدة ويشرح اكتر من مرة لان في مسائل مكنتش بفهمها بسرعة ودة بصراحه مكنش موجود خالص في مدرسة العلوم مكنش في اهتمام بالمسائل اووي وانا كنت انحرج اسائل اني مش فاهمه فكنت بسكت ويوم الامتحان اتفرجت على فيديو لملي المسائل كلها وحفظت القوانين وعرفت احل الحمد لله+الفلسفه لمتها ليلة الامتحان خفظت المفاتيح وتقريبا نقصت درجتين أو ثلاثة+العربي النحو بالنسبالي عذاب بجد هو والبلاغة حاجة استغفر الله العظيم يعني +الكيمياء والاحياء ممكن احفظهم وافهمهم فانتي اية رايك لاني بجد محتارة اوووي
تم النشر السبت، ١٩ يوليو ٢٠٢٥
لعرض الإجابة في فدني اضغط هنا