كيف أستعد جيدًا للامتحان؟

السلام عليكم ورحمة الله وبركاته

طبعا انا كان عندى تجربه السنه الفاتت ف ثانويه عامه والسنه دى التجربه التانيه

محتاجه بس نصايح ازاى اقدر اسيطر ع التوتر والخوف عشان ده بياثروا عليا جاامد ف الاجابات

وكمان اعمل اى ليله الامتحان وكمان الامتحان الصبح طبعا محدش ليه نفس ياكل بس ده لازم يعنى مثلا الافضل اكل حاجه مسكره ولا حاجه حادقه اى هياثر ع التركيز اكتر + الادعيه اللى ممكن ادعيها وكده... يا ريت تساعدوني بجد... اول امتحان هيكون ليا هو الكيمياء هيكون الخميس محتاجه دعواتكم

سؤال من shahd 🥰

تم النشر الأحد، ٢٩ يونيو ٢٠٢٥

2 إجابة

السلام عليكم يا شهد، ربنا يوفقك في كل امتحاناتك ويعينك على خوفك وتوترك. دي كم نصيحة من خبرتي مع الامتحانات وأرجو إنك تعملي بهم ويساعدوك إن شاء الله، استعيني بالله طبعا ده أول شيء، توكلي على الله بيقين وصدق فعلا متقوليش ده بلسانك وخلاص. متقصريش في الصلاة عشان تلحقي تذاكري اللي ناقصك، قومي صلي وقت الآذان وقسمي جدولك على مواعيد الصلاة. لو هتفصلي 5 دقائق بين جلسات المذاكرة اقرأي فيهم بعض آيات القرآن، هيفرق معك كتير. النوم مهم جدًا جدًا، حتى لو قُدامك لسه حاجات عاوزة تتراجع لازم تنامي كويس قبل الامتحان عشان تقدري تسترجعي المعلومات، فأنتِ قبل النوم اشربي مشروبات مهدئة للتوتر والأعصاب زي النعناع والبابونج عشان تساعدك على النوم وشغلي جنبك قرآن ونامي واصحي فايقة راجعي على قد ما تقدري. لو هنصحك بأذكار فهيبقى أذكار الصباح والمساء عادي وضيفي عليهم وِرد (لا حول ولا قوة إلا بالله) قوليها كتير على قد ما تقدري وخليها بلسانك وقلبك. دعاء (اللهم لا سهل إلا ما جعلته سهلًا وأنت تجعل الحّزّن إذا شئت سهلًا) إذا قابلك سؤال صعب. وأنتِ في اللجنة قبل استلام الورقة بلاش تفتحي أي كتاب تراجعي وغمضي عينيك واعملي تمارين تنفس شهيق وزفير عشان تهدي أعصابك وبعدها اقرأي بعض آيات من القرآن لحد ما تاخدي الورقة. وبالتوفيق إن شاء الله.

تم النشر الأحد، ٢٩ يونيو ٢٠٢٥


وعليكم السلام ورحمة الله وبركاته يا شهد الغالية، أعانكِ الله وفتح لكِ أبواب النجاح والتفوق في امتحاناتك بإذن الله. أنا ذكية معكِ هنا، وسأساعدكِ بأفضل النصائح للتحكم في التوتر وتحسين تركيزك بإذن الله. أولاً: السيطرة على التوتر والخوف التوتر شعور طبيعي وهذا يعني أنك تهتمين بنجاحك، لكن لا تدعيه يتحكم فيكِ. قبل الامتحان حاولي تمارسي تمارين التحفيز الذهني: مثلاً قولي لنفسك جمل إيجابية مثل "أنا قادرة على النجاح"، "أنا أستطيع التعامل مع الامتحان بثقة". فكري في اللحظة الحالية فقط، لا تتوقعي نتائج مسبقة ولا تفكري في الأخطاء المستقبلية. اجعلي لنفسك جدول مراجعة منظم، كل يوم تذاكري فيه شيء محدد، هذا يعطيك شعور بالثقة والتقدم. نصائح ليلة الامتحان لا تضغطي نفسك بالمذاكرة حتى وقت متأخر، خليكي تذاكري مراجعات خفيفة عشان تثبتي المعلومات. نامي مبكراً ولا تجعلي نومك متقطع، لأن النوم الجيد يعزز الذاكرة والتركيز في اليوم التالي. استعدي كل الأدوات اللي هتحتاجيها للامتحان (أقلام، بطاقة الهوية، ساعة) عشان ما تضطري تجهدي نفسك صباح الامتحان. نصائح صباح الامتحان متقلقيش لو ما عندكيش نفس تأكلي كتير، حاولي تأكلي حاجة خفيفة ومغذية: شوية فواكه مثل الموز أو تفاح، أو كوب لبن أو زبادي مع قطعة توست. من الأفضل الابتعاد عن الحلويات الثقيلة أو المشروبات تحتوي على كافيين زائد لأنها ممكن ترفع قلقك. اشربي كمية معتدلة من الماء عشان تحافظي على ترطيب جسمك وذاكرتك. أدعية مستحبة قبل الامتحان "اللهم اكفني بحلالك عن حرامك، وأغنني بفضلك عمن سواك." "اللهم لا سهل إلا ما جعلته سهلاً، وأنت تجعل الحزن إذا شئت سهلاً." قراءة المعوذتين وآية الكرسي قبل الدخول للامتحان بنية التوفيق والنجاح. الدعاء: "اللهم لا سهل إلا ما جعلته سهلاً، وأنت تجعل الحزن إذا شئت سهلاً." وأخيراً، يا شهد، ثقفي بنفسك وبأنك مميزة ومجتهدة وهذا هو مفتاح النجاح. حاولي تستخدمي التوتر كحافز وليس كعائق، وكل ما زادت ثقتك بنفسك، ستزيد فرصك للتفوق. لو حبيتي، ممكن تبحثي على تطبيق فدني عن تجارب وأجوبة أخرى من طلاب مثلك، أو تتواصلي مع خبراء دراسيين في قسم الخبراء يساعدوكِ بتوجيه خاص. دعواتي لكِ بالتوفيق والنجاح يوم الخميس وبقية الامتحانات يا رب! وإذا حبيتي تسألي أكثر أو تحتاجي دعم نفسي أكثر، مرحباً بكِ دايماً. هل تودين نصائح تنظيم وقت المذاكرة أو تقنيات مراجعة معينة؟

تم النشر الأحد، ٢٩ يونيو ٢٠٢٥

5 تعليق

التوتر والقلق ده من الشيطان لأنه لا عايزك تبقي ناجحة ولا عايزك تحلي أصلاً ف عاوزك كده تستهدي بالله مفيش حاجه لتوتر ولا للقلق ده لأن ده أمتحان وسعتين وهيعدو ف مش محتاجة أقلق نفسي وخلاص

تم النشر الأربعاء، ٢ يوليو ٢٠٢٥


بص ياستي اول حاجه استعيني بالله وكل حاجه نصيب يعني مكتوب قدرك بس عموما بخصوص التوتر دائما رددي بصوت عالي انك شاطرة وانك مذاكرة وحلي امتحانات كتيرة حاولي يكون عندك ثقة كبيرة و اقنعي نفسك انك دا امتحان عادي ملهوش لازمة مش هياخد في أيدي وقت وهخلصه وانا حاطه رجل علي رجل. اهتمي بغذاءك كويس اوميجا ٣ في المكسرات والسمك والبروتين بلاش حوادق وحاولي تكوني نائمة كويسة وفطار كويس يكون في بروتين زي البيض وخضار واقول تاني حل امتحانات كتيرة اوي وتدريب كتير والعبي رياضة وحاولي تخلي مذاكره الصبح بدري.

تم النشر الأحد، ٢٩ يونيو ٢٠٢٥


بصي اهم حاجة صلي وقربي من ربنا اوي وادعي و وكلمي ربنا كتير لكن الموضوع مش هيبقي عبادة بس ذاكري واعملي الي عليكي وايا كان الامتحان خاليكي حاطه في بالك انك بتعملي الي عليكي و لو حابة تهدي ممكن تشربي المشروبات العشبيه زي الشاي الاخضر والنعناع والينسون بس يفضل بليل وبلاش سهر اصحي الصبح ذاكر دا افضل ويسلاام بقي علي كوباية لمون ومعلقه عسل علي مايا علي الريق و تاخدي شاور منعش كدا هتبقي اخر فوقان

تم النشر الأربعاء، ٢ يوليو ٢٠٢٥


والله الشيطان مش سايينى ف حالى اليومين دولت خالص يعنى غير موضوع الامتحانات وتوتر الامتحانات بيخلنى افتكر حاجات تانى مضايقنى ومش عارفه ابطل تفكير فيها ف ضغطت ع دماغى خالص بالتفكير + المذاكره ولله ليا يومين عندي صداع جاامد مش قادره اسيطر عليه ومش بيمشي مع المسكنات وخلاص الامتحان بكره 😓

تم النشر الأربعاء، ٢ يوليو ٢٠٢٥


شكرا لحضرتك 🤍

تم النشر الأحد، ٢٩ يونيو ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك