السلام عليكم و رحمة الله و بركاته
ممكن اللي معاه لينك تحميل كتيب المفاهيم بتاع ثانوية عامة "علمي رياضة" يبعتهولي عشان مش لاقياه ، و نصيحة من اللي قبلنا ازاي نستفاد من كتيب المفاهيم؟ و هل هو في العادة بيجي مفيد ولا الإمتحان مبيجيبش منه حاجه؟ ، حابه اخد نصايح عن التعامل مع الورقة بتاعت الإمتحان نفسها من حيث البابل شيت و هكذا لإن للأسف ملقتش حد يوجهني
و عليكم السلام و رحمة الله و بركاته، بلا شك كتيب المفاهيم هيفيدك جدا بس لازم تتعاملي معاه بذكاء بمعنى إن الناس اللي هتبقى داخلة عارفة تستخدمه غير الناس اللي هتبقى داخلة متعرفش شكله عامل ازاي حتى بمعنى آخر احنا مثلا مدرسين الثانوي عندنا خلونا نطبع كتيبات المفاهيم و نحل امتحانات السنوات اللي فاتت بيها عشان نعتمد بالحل عليها مش من الكتاب الأساسي و دا طبعا خلانا داخلين الامتحان حافظين كتيب المفاهيم عامل ازاي و السؤال هعرف أجيب اجابته منين دا طبعا هيفرق في السرعة و التركيز؛ اطبعي(كيمياء، فيزياء، رياضة، ياريت لو كل المواد بس اعتقد الانجليزي مش هينفعك اوي) حاجة كمان بقا تعمليها في آخر كام شهر ف ثانوية أعتقد خلاص فاضل بتاع شهر، شهر و نص بالكتير ألا و هي إنك تذاكري ف دوشة و جو مش مريح يعني مثلا الجو هيحرر متشغليش المروحة و اقعدي حلي امتحانات في الحر شغلي فيديو مظاهرات ع اليوتيوب و اقعدي اسمعيه الموضوع يبان غريب جدا في البداية بس (دا يعودك على تشتت لجنة الامتحان) بما ان فيه ناس هتعيط و ناس تصوت و ناس تتوتر فانتِ لما تجهزي نفسك من دلوقت دا يفيدك جدا و بالنسبة لورقة الامتحان فكل اللي تفكري فيه مثلا اقعدي قولي لنفسك يا ترى لما اروَّح هعمل ايه المهم أخلص الامتحان و اروَّح أكون مبسوطة اني خلصت من المادة الفلانية و ربنا يهون عليكو إن شاء الله و يوفقكوا و يطلعكوا منها مجبورين
تم النشر السبت، ١٦ مايو ٢٠٢٦
السلام عليكم، إولا ربنا يوفقك في امتحاناتك. ممكن تشوفي الرابط في الموقع ده إن شاء الله يحمل معك بسهولة. لو فيه مشكلة عرفيني. https://www.nezakr.net/edu/p/58/download/ أنا ثانوية عامة (نظام قديم) فمش هقدر أفيدك في نظام امتحاناتكم للأسف، إن شاء الله حد من الدفعات اللي قبلك يجاوب ويفيدك. بالتوفيق.💚
تم النشر الجمعة، ١٥ مايو ٢٠٢٦
وعليكم السلام ورحمة الله وبركاته يا عزيزتي 🌸 كتيب المفاهيم (علمي رياضة): ازاي تستفيدي منه؟ اقرئيه كأساس لكل المادة، وركزي على التعريفات والقوانين الرئيسية. حلي أسئلة سابقة مرتبطة بيه، وراجعيه قبل الامتحان يومين. هو مفيد جداً ، والامتحانات بتجيب منه أسئلة مباشرة أو مشتقة (خاصة في الفيزياء والرياضيات)، فمتتجاهليهوش! نصائح عملية للتعامل مع ورقة الامتحان (خاصة البابل شيت): قبل ما تبدئي : خدي نفس عميق (توكلي على الله وقولي "بسم الله")، اقرئي التعليمات كلها مرتين بسرعة (عدد الأسئلة، الدرجات، الوقت). البابل شيت (ورقة الإجابات) : استخدمي قلم رصاص HB فقط (مش حبر!). املي الفقاعة كاملة بالظلال المتدرجة، مش خطوط رفيعة – عشان الماكينة تقرأها صح. لو غيرتي إجابة، امحيها تماماً بممحاة نضيفة (متسيبيش أثر)، واملي الجديدة فوراً. مهم جداً : راجعي الرقم مع السؤال قبل الملء، واملي كل 10 إجابات معاً عشان متتعبيش يدك وتتجنبي الأخطاء. استراتيجية الورقة : ابدئي بالأسئلة السهلة (خدي 5 دقايق تسكاني الورقة كلها). قسمي الوقت: 60% للحل، 20% للمراجعة، 20% احتياطي. لو عالقة في سؤال، سيبيه وارجعي – متضيعيش وقت. آخر 10 دقايق: راجعي الحسابات والملء، وتأكدي إن كل فقاعة مليانة. أنتِ قوية وقادرة، يا بنتي! اللي فات نجح بفضل الثقة والتركيز، وأنتِ هتكوني الأفضل إن شاء الله. لو عايزة نصائح أكتر أو خبراء في الثانوية، روحي https://www.fedni.net/experts وابحثي عن "ثانوية عامة"، أو شوفي أسئلة مشابهة في Fedni عشان تجيبي آراء تانية. ربنا يوفقك وييسر أمرك 💪❤️ ذكية
تم النشر الجمعة، ١٥ مايو ٢٠٢٦
انا يمكن متخرج من ٧ سنين و مخلص ثانوي من 12 سنه بس احب اقولك متعمديش عليه بس و اهرسي كل حاجه تقف قدامك
تم النشر الاثنين، ١٨ مايو ٢٠٢٦
لو دخلتي على اللينك هتلاقي فايل تصحيح لعلمي رياضة عربي، نزليه وشوفيه الصورة هتوضحلك اكتر
تم النشر السبت، ١٦ مايو ٢٠٢٦
بتستلميه في اللجنة، وخلي بالك عشان فيه تصحيح لمعادلات الكيمياء بالأخص جزء الحديد، المفروض برضو بتستلميه
تم النشر السبت، ١٦ مايو ٢٠٢٦
الشكر لله يا جميلة
تم النشر السبت، ١٦ مايو ٢٠٢٦
@سـمـ ـاء شكراً لحضرتك على المساعدة جزاكِ الله خيراً 💗
تم النشر السبت، ١٦ مايو ٢٠٢٦
الامتحان مش من برا المنهج و لا حاجة بس بيعتمد على مذاكرة و فهم الشخص يعني مثلا مثلا عندك معادلات الحديد هو جايبهالك قدامك اهي و عاوزك تجاوبي سؤال هتلفي و تدوري خمسين لفة عشان تجيبيه بس عاوز حد فاهم و دماغه شغالة
تم النشر السبت، ١٦ مايو ٢٠٢٦
المدرسة بتسلمه ليكو
تم النشر السبت، ١٦ مايو ٢٠٢٦
https://moe.gov.eg/ar/openbook-books?fbclid=IwY2xjawR0boFleHRuA2FlbQIxMQBzcnRjBmFwcF9pZA80MDk5NjI2MjMwODU2MDkAAR66l3XmEj5rsE6JUK1R2SLDF1DJ0zHx7pktIt6yNCM71MvVP1VPiZ4UNnC8Yg_aem_0UjdGNsyQwwqMROxZSQ7QA
تم النشر الجمعة، ١٥ مايو ٢٠٢٦
حلي منه الكيميا، فيه كل منهج ومعادلات الكيميا تقريبا
تم النشر الجمعة، ١٥ مايو ٢٠٢٦
والله دي مش بتاعتي انا بقى😂😅
تم النشر الأحد، ١٧ مايو ٢٠٢٦
ده تصحيح لمعادلات غلط ف الكتيب الأساسي؟ طب ليه ميعدلوش ف النسخة الأصلية الموضوع يشتت
تم النشر الأحد، ١٧ مايو ٢٠٢٦
شكرا لحضرتك، ممكن توضيح اكتر؟ انهي تصحيح و بنعمل بيه ايه مش فاهمه؟
تم النشر السبت، ١٦ مايو ٢٠٢٦
انا حقيقي استغربت ازاي فيه كل المنهج هو الإمتحان هيجي من برا المنهج؟ و في الفيزياء كمان جايب تفاصيل دقيقة الأمر غريب ، و سؤال اخر لحضرتك هل احنا بنشتريه ولا المدرسة بتسلمه لينا في الإمتحان؟ ، و على كل حال شكرا لحضرتك جزاك الله خيرا على المساعدة 🤍
تم النشر السبت، ١٦ مايو ٢٠٢٦
لعرض السؤال في فدني اضغط هنا