Haneen Shohdi

انا بحس بكده بردو بس بقعد بهدوء مع نفسي واقول طب انا عايزة ايه طيب اقدر اعمله ازاي واسأل كل الاسئلة الي تخليني اعمله واحط خطة كويس مشيت عليها حلو مامشيتش يبقا انا مكسلة ومش قد الحلم الي بحلمه وشيفاه كبير عليا، الحل!! اتخيلي نفسك في المكان الي عيزاه شوفي نفسك وانتي محققة حلمك وبتاخدي شهادات عليه او بتفوزي بجوايز او اي حاجة.. "احلمي" بس وانتي بتحلمي لو مش قد الحلم متكمليش عشان هيجيلك احباط لازم تصدقي في نفسك محدش هيجي يصدق فيكي، التأمل ممكن يفيدك جدا وكمان الامتنان لكل النعم الي حواليكي وان في غيرك معاهوش الي معاكي ووصل ونجح او لسه موصلش وانتي بايدك توصلي ده ممكن يساعدك واشكري نعم ربنا الكتير دي الي لو قعدنا نعدها مش هتخلص وده هيساعدك تحسي بقيمة الحاجة الي معاكي وتقومي تشتغلي، لازم يبقا في حياتك 3 اشخاص اساسيين، شخص ناجح جدا ووصل للهدف الي انتي عيزاه ومش شرط يبقا قدوة في كل شئ لكن عايزة ابقا زيه فالمجال ده، شخص اقل منك بكتير ولسه بيحاول يوصل لمستواكي، شخص معاكي في نفس المستوى وبتتنافسوا. سواء دراسة بقا او اي حاجة لازم يكونوا موجودين هتكتأبي هتبصي للي فوقك يشجعك وبتتنافسي مع غيرك و الي تحتك بيزقك لقدام، والكسل بقا بيجي انك مش حاسة انك هتوصلي للهدف وانو كبير او انك مش هتعرفي توصلي زي الناس الي وصلت وجايز مجال انتي مش حباه، إسألي نفسك فعلاً ايه الي بتحبيه وازاي اوصله وقومي اشتغلي، ربنا يوفقك🤍

وعليكم السلام ورحمة الله وبركاته، عايزة اقولك حاجة بمثال صغير كده، انتي لو مستلفة شئ من حد لازم ترجعيه، كذلك ولله المثل الاعلى اهلنا مش ملكنا ولا نفسنا حتى وربنا زي ما بيخلقنا بياخدنا، الاشخاص الي بنحبهم عمرهم ما بيموتوا في قلوبنا ولا ذكرياتهم الحلوة بتتنسي، والدك دلوقت إما في نعيم قبر إما عذاب قبر، الي بيحب حد مش بيعذب نفسه عشان يحس انه بيحبه لا بيعمل عشانه، دلوقتي رمضان اجره غير الايام العادية.... تقرأي لوالدك قرآن بنية ان الاجر يروحله و تدعيله كتير بقا ولو عندك اي قرآن بصوته نزليه هتبقى حسنات جارية ليه وكمان طلعي صدقات او وجبات وانوي ان الاجر يروحله، حجات كتير تقدري تعبري بيها عن حبك لوالدك وهتوصله واكيد هيكون سعيد بيها ولكن عذابك ده هيضايقه اكتر، ودي سنة الحياة ومينفعش نوقف حياتنا كده عمر ما الي بنحبه هيكون سعيد اننا بنعذب نفسنا، ربنا يرحمه ويرحم اموات المسلمين ويغفرلهم🤍

وعليكم السلام ورحمة الله وبركاته، بصي، النميمة حرام وذنبها كبير، وربنا نهى عنها. في بنات فعلًا بينمّوا على بعض، لكن مش معنى إن واحدة اتكلمت على حد، إن التانية لازم تردّ عليها أو تنتقم. مش شرط تكون نمّامة عشان تردّ، لكن لو نقلت الكلام أو شاركت فيه، يبقى وقعت في نفس الغلط. بالنسبة للعذاب، النميمة من الكبائر، وربنا قال في القرآن: "(ولا تطع كل حلاف مهين • هماز مشاء بنميم)" يعني الشخص اللي بينقل الكلام بين الناس ده شخص مذموم عند ربنا. والنبي ﷺ قال: "لا يدخل الجنة نمام" وده دليل إن النميمة مش ذنب بسيط، دي حاجة تحرم صاحبها من الجنة! طيب مين اللي ياخد الذنب؟ لو حد بيتكلم على حد بالنميمة، وسامعُه ردعه وقاله "لا تكمل"، يبقى الشخص اللي بيتكلم هو اللي يتحمل الذنب لوحده. لكن لو سامعُه ما صدّهوش، بل كمل معاه وسأله عن التفاصيل أو أظهر اهتمام، يبقى هو كمان شريك في الذنب. مين فيهم ياخد ذنب أكبر؟ ده عند ربنا، لكن الفكرة إن أي مشاركة في النميمة غلط. أما بالنسبة لموضوع القضاء والقدر، فربنا كتب لنا مصيرنا، لكن إحنا اللي بنختار طريقنا. زي امتحان، الأسئلة مكتوبة، لكن درجتك بتحددها أنت حسب إجابتك. فإنتَ حرّ في اختياراتك، وربنا بيحاسبك عليها.

السلام عليكم ورحمة الله وبركاته، أول حاجة لازم تعرف إنك مش مضطر تثبت ذكاءك أو صحة أفكارك لكل الناس، بعض الأشخاص مش مستعدين لاستيعاب أفكار جديدة، وده طبيعي، لأن كل شخص متأثر بتجربته ونظرته الخاصة للحياة. الذكاء مش بس في إنك تفكر بطريقة مختلفة، لكن كمان في إنك تعرف إمتى تناقش وإمتى تحتفظ بأفكارك لنفسك. لو الناس رفضوا أفكارك في البداية وبعدين اكتشفوا إنك كنت على حق، فده مش دليل على إنك لازم تعيش في عزلة، بالعكس، ده معناه إنك سابق بخطوة. بس المهم إنك متخليش ده يحسسك بالوحدة أو الغربة، لأنك أكيد هتلاقي ناس تقدر تفهمك وتشاركك نفس التفكير. الذكاء الحقيقي مش بس في الفكرة، لكن في طريقة توصيلها والتعامل مع رفض الآخرين ليها. كمل في طريقك، بس في نفس الوقت، خليك مرن، واستمر في البحث عن ناس يقدروا قيمتك بدل ما تحاول تثبت نفسك في أماكن مش مستعدة تتقبلك.

السلام عليكم ورحمة الله وبركاته، أنا حاسة بوجعك، وفاهمة إنك تعبانة جدًا ومش قادرة تستحملي، بس خليني أقولك حاجة... إحساسك ده مؤقت، حتى لو كان شديد دلوقتي، هو مش هيستمر للأبد. ممكن تحسي إن الدنيا قافلة تمامًا، بس الحقيقة إنها بتلف، وكل حاجة ممكن تتغير، حتى الألم اللي حاساه دلوقتي. أنتِ مش لوحدك، ومهما كان اللي بتمري بيه، في حلول وطرق للخروج منه. ممكن تبدأي بخطوة بسيطة، احكي لحد تثقي فيه، حد يسمعك ويدعمك، حتى لو كان شخص متخصص زي طبيب نفسي. مش ضعف أبدًا إنك تطلبي مساعدة، بالعكس، ده قوة منك إنك تحاولي تخرجي من الدايرة دي. خدي نفس عميق، وفكري... إيه الحاجة اللي ممكن تخفف عنك ولو شوية؟ حاجة بتحبيها؟ شخص بترتاحي معاه؟ حتى لو حاجة صغيرة، جربيها دلوقتي. كلنا بنمر بأيام صعبة، بس الفرق إننا لازم ندي لنفسنا فرصة نحس بالأيام الحلوة اللي جاية. لو محتاجة حد يسمعك، أنا هنا، فيه ناس كتير هنا مستعدين يسمعوا ويدعموك، مش لازم تواجهِي ده لوحدك. 💙

السلام عليكم ورحمة الله وبركاته، حاجة حلوة جدًا إنك فكرت كده، أنت كده في بداية الطريق. أول حاجة، قلل السوشيال... ليه؟ خلينا نفترض إنك شفت فيديو، أيًا كان مضمونه، أو فكرة بتناقش شيء معين، وقررت تكتب رأيك. بعد كده، هتدخل التعليقات وهتلاقي آراء مختلفة، صح وغلط، وهتبدأ تتشتت… تشوف رأي تقول "آه والله صح"، تشوف التاني تقول "طب ده كمان منطقي"، وبعد شوية هتحس إن رأيك الأصلي كان "أي كلام"، مش بقول إن رأيهم غلط، لكن لو أنت ما حددتش رأيك الأول، مش هتعرف تثبّت وجهة نظرك، وهتفضل تايه بين كلام الناس. فالأفضل إنك تفكر الأول، تشوف وجهة نظرك، وبعدها تشوف آراء الآخرين، ولو كان فيهم رأي أحسن فكر فيه، ممكن يكون رأيك غلط، بس الفكرة إنك ما تبدأش من نقطة التشويش، لأنك وقتها مش هتعرف تكون رأي ثابت، ولا حتى تقدر توصّف الموضوع بشكل صحيح. طيب، إزاي نبني رأي أصلاً؟ الرأي مش مجرد إنك تقول حاجة وخلاص، الرأي مبني على معرفتك، أفكارك، ومعتقداتك، وكمان على خبرتك في الحياة، من مواقف مرّت عليك أو حاجات اتعلمتها من غيرك. عشان كده، هتلاقي إن في آراء صح وآراء غلط، لأننا مش كلنا عندنا نفس الخلفية ولا مرّينا بنفس التجارب. بس الأهم إن رأيك يكون له أساس منطقي ومبني على معرفة صحيحة. طب ازاي نكوّن المعرفة دي؟ أول حاجة، لازم تبقى واعي إنت بتدخل دماغك إيه. يعني مثلًا، مينفعش تكون بتسمع أغاني بس، ولما حد يقولك إنها حرام، تستغرب! أنت هنا رأيك مش مبني على معرفة، لكنه مبني على البيئة اللي أنت فيها. نفس الفكرة في أي موضوع، لو دماغك مليانة بكلام ناس سطحية أو تفكيرهم ضحل، هتلاقي نفسك بتكرر كلامهم من غير ما تحس. فكر في ده كأنك بتغذي عقلك، لو دخلت له حاجات مفيدة، هتقدر تبني رأي سليم، ولو مليته بحاجات تافهة، مش هتعرف تحلل أي حاجة بشكل منطقي. وفي النهاية، الرأي ممكن يتغير. عادي جدًا إنك تكتشف بعد فترة إن رأيك كان غلط، وده مش ضعف، بالعكس، دي علامة على إنك بتتعلم وبتتطور. أهم حاجة، إنك لما تبني رأيك، تحاول تشوف الموضوع من كذا زاوية، وتسمع لأكتر من وجهة نظر، عشان تقدر تحكم بموضوعية، بدل ما تكون متأثر بفكرة واحدة بس. خلاصة الكلام: فكر في رأيك قبل ما تتابع آراء الناس عشان ما تتشتتش. خلي رأيك مبني على معرفة وخبرة، مش مجرد كلام بيتقال. اختار المصادر اللي بتاخد منها معلوماتك، لأن ده اللي هيشكّل طريقة تفكيرك. ما تخفش تغير رأيك لو اكتشفت إنه غلط، لأن ده دليل على تطورك. وفي الآخر، الرأي مجرد رأي، مفيش حد رأيه صح 100% طول الوقت، بس المهم إنك تفكر وتحلل قبل ما تقرر.

وعليكم السلام ورحمة الله وبركاته، بجد الموقف ده فكرني بنفسي وانا تقريباً في خامسة ابتدائي لما خلوني امينة الفصل مع اني معرفش هم بيعملوا ايه وكنت فحالي بس عشان كنت شاطرة المهم المنصب ده منفعليش الحمد لله 😂، البنت الاولى دي شكلها بتحب تتحكم فالناس تتمسكن لحد ماتتمكن اوي كويس انها مشيت منه المهم الي موجودة حاليا تصرفها مينفعش هو لو انا واثقة من نفسي مش هبص مين جاوب قبلي في اي حاجة واهدده بعد كده انه ميجاوبش عشان انا اجاوب ده قانون مين ده، شايفة ان خليكي لطيفة مع الكل حلو انك تساعديها في اي موقف الا الغش هي حابة تغش هي وضميرها لكن انك تديها كتابك او مذكرتك تغش انتي بتساعديها ليكي نصيب من الذنب، خليكي كويسة معاها ومتبقيش خوافة شبه الفصل الغريب ده لو زعلتك يا تكلميها بهدوء وتحطيلها حدود يا تشوفي مدرس او مديرة بقا.

السلام عليكم ورحمة الله وبركاته، شوفي بعيدا عن كل التفاصيل دي انسيها انسي كل الي فات وخلينا نبدأ على نضافة نسبة للفطرة دي مش الفطرة السليمة حاولي تشتغلي على نفسك وتغيري تفكيرك ومعتقداتك وتقنعي نفسك ان جميع الناس دون استثناء عارفين ان ده شئ فظيع جدا بعيداً عن الناس الي بتعمله دايما في فئة خارجة عن النص مينفعش نمشي وراهم. المهم بما إنك مسلمة الفعل ده مش بيخرج من الإسلام ولكن اعرفي ان ده كبيرة من الكبائر ومش هينة ابدا ابدا يعني لو انتي في بلد بتطبق الشرع والموضوع ده اتعرف كان زمان حضرتك مش معانا دلوقت تطبيقاً لقوله ﷺ: (من وجدتموه يعمل عمل قوم لوط فاقتلوا الفاعل والمفعول به) ليه؟ عشان يبقا عبره لأي حد يفكر يعمل كده والمشكلة ان النت مليان من ده فاربنا يعينا وانك اتسترتي لوحدها دي نعمة احمدي ربنا انه سترك لان مدة الذنب كبيرة وده معناه إن عندك فرصة تتوبي فامتيأسيش. دلوقت انتي عملتي الذنب ده وعايزة تتوبي منه اول حاجة خلي نيتك صادقة لله صادقة تماماً عشان توبتك تُقبل وبعدها صلي بقا ركعتين التوبة وادعي ادعي كتير ان ربنا يتوب عليكي واستغفري دايما متقطعيش عن الاستغفار بنية ان ربنا يغفرلك الذنب ده ومتتوقفيش عند ( إن الله غفور رحيم) بس لاا (إن الله شديد العقاب) عندك عمرك كله على قدر الي هتعيشيه عندك فرصة كل يوم وكل ساعة تتوبي فامفيش حجة فرصتك الدنيا مغتنمتيهاش في التوبة راحت حجتك خلاص. اهم حاجة النية الصادقة عن الاقلاع عن الذنب ده لو مش صادقة وعندك احتمال ترجعي الي هو بفكر ارجع بس بتوب دلوقت مينفعش اه احنا بنتوب عن ذنوب كتير وبنرجع غصب عننا ساعات ولكن معندناش احتمال واحنا بنتوب اننا هنرجع مش بنعمل حسابنا لرجوع كذلك وانتي بتتوبي. صدقيني مهما بلغت ذنوب العبد ما لم تطلع الشمس من مغربها في فرصة للتوبة ربنا بإذن الله هيغفرلك وهيتقبلك بس انتي ارجعيله. حاولي بقا تنسي كل الي فات وتشيليه من دماغك افهمي طبيعتك انتي انثي ومينفعش اتنين زي بعض في علاقة واحدة دول خطين متوازيين مبيتقابلوش ساعات الشيطان او نفسك الأمارة بالسوء هتجيبلك مقتطفات من الغلطات الي قبل كده مش معناه ان توبتك باظت لا هم بيغووكي ولكن انتي تستغفري وتقولي لنفسك انا تبت مهما الشيطان يتشقلب سدي بابه هو شغلته انه يخليكي ترجعي للغلط اومال شيطان ازاي بقا ولكن لو انتي بتتبسطي وانتي بتفتكري حاجة من اي ذنب ونفسك ترجعي لا كده احنا نتوب تاني وتالت لغاية ما نبقا كويسين. واخيرا اسمعي فيديوهات وبودكاست لشيوخ وناس ترجعلك ثقتك بنفسك، الواحد لما بيسمع لشخص ملتزم او على الاقل ذنوبه مش على العلن بنتكسف من نفسنا اننا عملنا ذنب زي ده ونتوب منه ونكرهه كمان. انك متعلقة بيها مش معناه ان ده حب شهوة لا كلنا بنتعلق بصحابنا شعور عادي جدا كل الناس العادية بتحب صحابها ولكن ابعدي عن الانسانة دي دي انسانة مش سوية نفسياً وبما انك هتتغيري يبقا تبعدي عنها بما إن حصل حجات مش كويسة مع بعض اكيد مش هتبقوا صحاب بعد كده كأن شئ لم يكن. ربنا يغفرلك بجد وترجعي للطريق الصح فعلاً

ده كان اول تعليق ليا كتبته لشخص هنا بردو اتمنى تستفيد منه: أولًا: انوي انك فعلا تتركها لان النية اهم حاجة ولما ربنا بيلاقي ان نيتك فعلا صادقة هيختبرك وانت لازم تكون قد الاختبار وممكن يكون صعب لان كل ما هتيجي تبطل هتلاقي حاجة بتمنعك وافتكر ان دا هيبقى اختبار من ربنا عشان يشوف مدى صدق نيتك لترك الفعل دا. ثانياً: متقعدش مع نفسك كتير حاول تشغل نفسك دايما باي حاجة انزل جيم او اخرج مع صحابك اقرأ قرآن حاول تشغل نفسك باي حاجة او اسمع حجات مفيدة ولكن إياك تقعد لوحدك ولو حسيت إنك عايز الفعل ده قوم من مكانك روح اي مكان حتى لو هتقف في البلكونة او الشباك بس قوم ومتخليش الشيطان يضحك عليك بسهولة كده خليك مسلم نيته قوية متتهزش. ثالثاً: حافظ على صلاتك لان بجد دي كفيلة تغيرلك كل حاجة وحشة في حياتك وبما انك محافظ عليها ربنا يثبتك ولكن حاول الخشوع لان جايز صلاتك فيها شئ خاطئ او مفيش خشوع عشان كده مش بتعمل حاجة ودايما غير السور الي بتقرأها ده هيخليك تركو فيها لانها سورة اول مرة تصلي بيها فابالك هيكون فالصلاة. رابعاً: حاول تعمل سوفت وير للفون بتاعك ولو مش هتعرف امسح اي موقع تواصل او ويب سايت كنت بتدخل عليه او بيعرض ليك حاجات تخليك ترجع للحاجة دي تاني لان اي ويب سايت لما يلاقيك مهتم بحاجة هيطلعلك كتير منها قدامك ودا هيصعب عليك انك تسيبها يبقى يا تحذف حساباتك من المواقع الي بتشوف عليها كده واي موقع وحش وتمسح اي حاجة من تليفونك يا اما اختصر على نفسك واعمل سوفت للفون خامساً: استعن بربنا واذكره كتير وغض البصر اهم شئ غض البصر ومتمسكش الفون كتير وحاول تحاوط نفسك بناس عارفة ربنا وبتقربك ليه وبإذن الله تقدر تبطل وخلي عندك يقين وامل ان ربنا مش هيسيبك تضيع.

وانت طيب وبخير 🌙🦋، يارب يكون رمضان سعيد علينا وعليكم ومليان راحة ورضا وسعادة، وربنا يحقق لكم كل اللي بتتمنوه ويكتب لكم فيه الخير والبركة ويملأ أيامكم نور وفرحة🌼

السلام عليكم ورحمة الله وبركاته، شوف/ي هو الي بيحصل في الخطوبة من لمس اليد و الكلام الكتير لوحدهم ف شات او مكالمة وخروج سوا ده حرام ، عشان كده في الدين خطيبك زيو زي اي واحد فالشارع هو يادوب وعد بجواز ولكن لسه محصلش عشان كده لغاية ماتكتبوا الكتاب ماشي مسموح لمس الايد وكده ولكن من غير خلوة انهم يكونوا في مكان سوا بس لان ممكن يحصل انفصال بعد كتب الكتاب والمعروف ان ليلة الفرح دي الدخلة واي شئ يحدث قبلها بحجة "كتبنا الكتاب خلاص" هتبقا مشكلة لان قدام الناس الفرح لسه متمش ومينفعش يحصل حاجة قبله، طيب تتعرفوا على بعض ازاي؟ بيجي مثلا مرة كل فترة انتو بتحددوها كل ما تحسوا انكم عايزين تسالوا بعض عن حاجة وبتقعدوا وبيبقا معاكم محرم، طيب والجوال ممكن يتصل كل فين وفين ولو عايز يتكلم واتس ممكن تعملوا جروب يكون الوالد او الاخ فيه وانتو الاتنين، وبردو مينفعش خروج بدون محرم يعني ده لو محتاجين تجيبوا حجات، لو مفيش محرم جايز الوالدة تخرج بس بلاش تتساهل، طبعا كل ده عشان لو حصل انفصال ومش متوافقين مع بعض ميكونش فيه اي تجاوزات ولا حاجة حرام، الحجات الي هتبدأ فيها بداية لا ترضي الله اتركها وتوب عنها واستغفر ربنا وبإذن الله ربنا يغفرلك، حاول تسمع فيديوهات عن الخطوبة في الاسلام وكده هتعرف اكتر فيها وتعرفوا ازاي تتصرفوا وازاي تتعرفوا على بعض بدون تجاوزات.

بجد ربنا يعينك على الصدمات دي، تقدري مثلا انك تكتبي الي جواكي ده اي حاجة حتى لو كلام مش مفهوم بس اكتبيه على ورق وقطعيه او احرقيه وبردو ممكن تسجلي ريكورد واتساب لنفسك تحكي فيه او ممكن تروحي لدكتور بغرض انك تحكي الي جواكي وتفضي قلبك، وبجد بلاش تحكي لحد يعرفك انتي هتنسي حكيتي ايه وهو هيفضل فاكرلك ده، ممكن تواجهي الصدمات دي كمان يعني حاولي تتقبلي ان خلاص دي حاجة حصلت مش هقدر اغير حاجة ولازم اعديها لان كده ممكن يحصلك امراض كتير متكتميش في نفسك وسجلي ريكوردات كانك بتحكي لحد وطلعي كل الي جواكي وكمان وانتي بتحكي بعد ما تخلصي حاولي تدي لنفسك حلول كان الي بتحكيلك دي صاحبتك وعيزاكي تنصحيها جايز الموضوع ده يمشي لو معرفتيش شوفي دكتورة كويسة عشان تاخدي رأيها، وبجد والله كان نفسي اقدملك حاجة تساعدك ولكن انا معرفش اوي، وربنا يعينك وتقدري تتغلبي على الصدمات دي

ببساطة لانك ياما هتعيش وتشوف ناس، الناس دي مجرد محطات في حياتنا ومسيرهم يمشوا الدنيا مش بتقف على حد لازم تركز على نفسك وبس وعلاقتك تبقا عادية مع الكل ومتتعلقش بحد جايز تتعرف/ي على حد وتتعلق بيه جدا هتضايق لما يخرج من حياتك وهو كده كده هيخرج اتعلق بربنا بس وخليك مركز مع نفسك، لو كل شخص اتعلق بحد وخرج من حياته وقعد متأثر عليه مش هيعيش ويشوف حياته الي مستنياه، الناس زي الفلوس كده بتروح وتيجي.

وعليكم السلام ورحمة الله وبركاته، شعورك ده طبيعي جدا لان في اول السنة بتكون لسه طالع من اجازة وداخل بحماس لان الاجازة مملة وبتبقا خلاص انا هاكل الكتب دلوقت بس طبيعي ان بعد فترة الحماس يقل لانك زهقت من المذاكرة بشكل روتيني كده لان برضو السنة بتبقا طويلة عشان كلها مذاكرة، والشعور ده عادي انا برضو كده وفي حجات بتتراكم وبيبقا مبني عليها الجديد تيجي تاخد متراكم الجديد يتراكم ودايرة بنلف فيها، بص بقا اتبقا حاليا 3 ايام اهو على الشهر المبارك حاول ترتب فيه جدول تمشي عليه ويكون على قد قدراتك وحمس نفسك كده متجيش اخر السنة وتضيع مجهودك كله حاول توازن بين موادك عشان متذاكرش في مواد وتسيب الباقي وانت كده كده لازم تشوف طريقة تذاكر بيها في رمضان مستحيل شهر بحاله يضيع كده رتب امورك يا تذاكر بليل بعد التراويح واقفل على نفسك وحط اي سماعة لو في دوشة لغاية السحور اتسحر وكمل مذاكرة وصلي الفجر وذاكر مثلا لغاية الشروق ونام واصحى الظهر صلي وذاكر من الظهر للعصر وبعد العصر هتكون خلاص انت جعان مش قادر حاول تراجع ولا تقرا حاجة بسيطة "الروتين ده مش هينفع لو عندك دروس طبعا" يعني جايز يبقا عندك دروس بعد الظهر او قبله ايا كان طيب لا هتعرف تذاكر بعد تراويح ولا بعد الفجر، قسم يومك بكذا طريقة ممكن تشوف انت بتنام كام ساعة لو 8 هيتبقالك 16 ساعة قسمهم زي ما انت عايز ممكن 3 الصبح 3 بعد التراويح 3 العصر الي مرتاح فيه وفيه Dr. Hossam Issa على يوتيوب بيقدم نصايح جميلة لتقسيم الوقت سواء في رمضان او غيره وبصراحة كويس وجرب تعمل حاجة بتحبها وسط المذاكرة عشان متقفلش نفسك يعني لو بتطور الانجليزي او بتتعلم لغة جديدة خد 10 او 30 دقيقة على مدار اليوم عشان متزهقش اي هواية يعني، بردو في برنامج حلو اوي اسمه flip ده بيحسبلك عدد ساعات مذاكرة وهتلاقي ناس كتير في ثانوية بيذاكروا عليه وبيظهرلك هم ذاكروا قد ايه جايز ده يحمسك تبقا احسن منهم وتذاكر اكتر، وحاول تقنع نفسك اكتر بدل ما انا ببقا حاسس بالذنب على الي مذاكرتوش وهتلاقي نفسك وانت بتضيع وقت كده مش مرتاح لا قوم ذاكر الي وراك عشان لو هتمسك الجوال تبقا راضي عن نفسك ولو شوية يعني متبقاش مراكم باب مثلا وتذاكر منه جزئية وتبقا مش راضي انت مش شرط تخلصه في يوم كامل ولكن قسمه، لو الدروس بتاعتك مش مبنية على الي قبلها اوي حاول تذاكر الجديد مع حتة قديم بحيث تلم المتراكم وتذاكر القديم، وربنا يوفقك يارب وتحقق الي بتتمناه وتبقا دكتور قد الدنيا.

شوفي ياقمراية مبدئيا كده انتي عيزاه يقولك ايه؟ يقولك انا بتسلى بيكي او بقضي وقتي معاكي لغاية ما اتجوز؟ مهو طبيعي انه يقولك هاجي وهتقدم! مش كلهم بيلعبوا بالبنات ولكن هذه الاغلبية ومن باب اني احفظ نفسي مكلمش ولاد خالص لغاية ما يجي نصيبي حتى لو اتاخر ولا اي؟ شوفي جايز والدك مش قريب منك خالص بناءً على كلامك والاب دوره مهم جدا جدا جدا لاننا بكل بساطة بنميل للجنس الاخر يعني والدك لو معوضكيش بالحنان ده انتي هتروحي تدوري على الحنية في شخص تاني زي ما انتي بتقولي دلوقت انه قد ايه لطيف وحنين وكده ولكن مخدهاش حجة بقا اني اعمل كده مش معنى ان والدي مش مهتم بيا وعندي نقص وعايزة حد يعوضني مكانه يبقا اروح للحرام لا اشد على نفسي ده نصيبي واعوض نفسي بنفسي خليكي كده عارفة مصلحتك، انا معرفش انتي عارفة ان الي بتعمليه ده حرام ولا لا ولكن ربنا بيقول"(ولا تقربوا الزنا)" ولم يقل ولا تزنوا لان دي اسمها مقدمات الزنا اولا بنبدا بكلام وبعدها نتكلم صوت وهي دي المقدمات، عشان كده مينفعش بنوتة تصاحب ولد ولا نقول احنا اخوات، طبيعي مابين اي ولد وبنت يبقا فيه مشاعر الا لو ليها حدود بمعنى انا بحب اخويا جدا وجايز اغير عليه كمان ولكن انا عارفة انه اخويا يعني محرم عليا وده مخلي لمشاعري حدود ولكن احنا اخوات لا احنا صحاب كده كده هيبقى فيه مشاعر وهنا مفيش حدود، تصرف والدك واخوكي صح ولكن بطريقة غلط يعني كان المفروض اه والدك يزعقلك لما يعرف حاجة زي كده لان الرجالة بتغير على اهل بيتها جدا ووالدك مهما كان عايز يحافظ عليكي لغاية ما تتجوزي ولكن انه يخلي اخوكي يضربك كده وكل ده لا صعب وصدقيني لو والدك كان قريب منك مكنتيش هتفكري تكلمي واحد من وراه وتخوني ثقته، والدتك هي اكتر حد كلمك بالعقل وكلامها صح جدا ولكن انتي اصريتي ورحتي كلمتيه تلجرام مهانش عليكي الي حصل! ليه متخليش كل حاجة لوقتها انتي دلوقت في 3 ثانوي دي سنة دراسة العمر الي بيعدي مش بيرجع ومش هتقدري تعيديها تاني ودي سنة مصيرية جايز في اولى كلية تفكري تتخطبي او تتجوزي وتكملي تعليم في بيت جوزك لو موافق لكن ليه دلوقت المشاعر في الوقت ده لو متحكمناش فيها وفي تصرفاتنا يبقا احنا بندلع، انا مش هقدر اقولك حاجة غير سيبيه سيبيه لان ده الاحسن ليكي ولما تكبري كده هتقولي ايه الي عملته في نفسي ده انتي بتظلمي نفسك، ركزي في دراستك حتى لو السنة دي وفي ناس بدأت دلوقت ووصلت والله بس لو هتقدري تستحملي الضغط وكم المذاكرة لان ده الحل الوحيد مينفعش تضيعي وقت في الزعل لازم تعقلي الامور كده، مفيش ناس معندهاش خلافات في بيتها واكتر من كده كمان، لو حصل موقف ضايقك من اهلك فكري في الناس الي معندهاش اهل خالص وبيتمنوا لو بس يشوفوهم ومش عايزين اكتر من كده و بردو لو فقدتي حد منهم لا قدر الله هتستحملي ده؟ جايز يكونوا مكرهينك في عيشتك كلها ولكن هل هتستحملي ولا هتقولي ياريت يرجعوا ان شاء الله لو يموتوني بس يبقا عندي اهل لو صورة بس بدل نظرة الشفقة اني وحيدة ومعنديش اهل، طبعا الاهل لازم تعاملك بلطف وتنصحك براحة ولكن ده نصيب ومش علشان اهلي مش كده يبقو وحشين والدك بيشتغل عشان انتي متبصيش لحاجة حد ولو لطيف ولكن مش موفرلك الي عيزاه جايز هتحسي بنقص وتقولي يشتغل احسن ما يهتم بيا الا لو انتي راضية ودي اهم حاجة، بصي مش بقولك كده اني بقول ان تصرفهم صح وكده ولكن الاهل في حد ذاتها نعمة مش كل الناس عندها البيت الدافئ الي كل اهله حياتهم وردي، احمدي ربنا عليها وحاولي تقنعي نفسك بيها وانك حاسة بفراغ من نحية الاهتمام هتحسي بفراغ الوحدة ومش كل الناس حياتها زي ما بتظهر يعني مش عشان اب بيتمشى مع بنته ومراته وشكلهم بيحبوا بعض يبقا حياتهم وردي ما جايز بيخرجهم كل شهر او شهور ومش لطيف خالص، حاولي ترجعي لربنا صلي وحافظي على فروضك ومتفوتيهاش محدش اهم كله بيروح ربنا هيبقا احن عليكي من محمود ومن ابوكي ومن اخوكي ومن البشر دي كلها هو الوحيد الي هيحققلك الي عيزاه بس اصبري كل حاجة في وقتها اتقربي لربنا بس ومتشيليش هم. ربنا يوفقك🤍

وعليكم السلام ورحمة الله وبركاته، بصراحة ياجنجون حلو جدا انك بتفكري في الحجاب دي خطوة جميلة جدا واه شكلك بيبقا غريب فالاول لان دي حاجة جديدة عليكي ولازم لانك مش متعودة عليها تبقي حاسة نفسك غريبة، عشان تلتزمي خلي عندك مبدء "اني لو بدأت في حاجة هكمل" انا بعمل كده، وخليكي عارفة ان ده فرض عليكي انتي لازم تلبسيه ياجنجون ربنا مش هيأمرنا بحاجة تضرنا دا بيحفظك، جايز ان عدم حبك للفساتين لانك متعودة على البناطيل هل انتي جربتي تلبسي فستان فضفاض قبل كده؟ بالنسبة لرأي والدتك ده رأي طبيعي لانك انتي الي هتلبسيه وهي بتقولك كده مش معناه انها بتقولك لا واديكي اهو بتقولي اهم حاجة رضا ماما طب ورضا ربنا مش اهم؟ طب دا احنا عايشين عشان نعبد ربنا ودي عبادة، عايزة اقولك مفيش حاجة بتخطر في بالنا الا وربنا مقدرنا عليها " ( لا يكلف الله نفسا إلا وسعها ) " بما ان ربنا امرنا بالحجاب يبقا دي خطوة مش هتندمي عليها، شوفي ياجنجون انا كلامي ده على الخمار انك تلبسي حاجة ساترة بجد، لكن الطرحة بتاعت البنات حاليا الي بتظهر الرقبة او الشعر و اللبس الضيق وكده ده مش حجاب اصلا وبلاش تفكري فيها وتحبي تلبسي زيها لا حاولي تحبي الخمار لان هو ده الحجاب فعلا وفكرة انك بس تلبسي الخمار دي حاجة كويسة جدا ومتقوليليش لازم الاول البس الطرحة واتعود عليها وبعدها البس خمار، ماشي هو حلو وكل حاجة بس انتي لو اتعودتي على الطرحة وحبيتي شكلك بيها هيبقى صعب تنقلي للخمار وتقولي بكرة طب الاسبوع الجاي اصل معنديش خمارات وهكذا، حتت بقا الثقة بالنفس دي حاولي تقعدي مع نفسك مثلا نص ساعة هدوء كده وتسألي نفسك ايه الي مخليكي مش واثقة من نفسك لو على الشكل فعادي ربنا مابيخلقش حد وحش مش احنا الي هنقيم واسمعي فيديوهات ثقة بالنفس وفكري في الكلام بتاعها صدقيني هتحسني ثقتك لان دي اهم حاجة، انتي لو واثقة في نفسك هتثقي في قراراتك ولما حد يجي يكلمك بعد كده انا عارفة انا خدت القرار ده ليه ومش بعمل حاجة غلط، حاجة كمان انتي لما تلبسي الخمار هتبقي زي داعية للخير كده في ناس مثلا شيفاكي سواء في دروس او اي مكان لو من صحابكك مثلا والفكرة دي كانت في بالهم وانتي لبستيه هتشجعيهم انهم يلبسوه وهتاخدي حسنات ودي حاجة انا بجد شفتها اهم حاجة تكملي وقولي لنفسك انا مش صغيرة عشان ابدا حاجة وملتزمش بيها نفسك لازم تشدي معاها بس براحة لانك لو اتدلعتي هتاخدك لطريق تاني خالص متنسيش ان "النفس أمارة بالسوء"، واهو بدل ما والدك يشتري طرح يشتري خمارين وفستان واسع وجربي لفات الخمارات وبجد حتى لو هيبقى عندك فستان واحد بس وخمار اهم حاجة الستر، واعمليها وانتي متحمسة وبإذن الله تكملي لانه مش قرار متهور ده احسن قرار تاخديه، سواء اختلفتي معايا او اتفقتي اعتبريني زي اختك وحابة الاحسن ليكي وربنا يوفقك وتختاري الصح🤍.

وعليكم السلام ورحمة الله وبركاته، شوف يا اخي خليك مقتنع بشئ "حب نفسك عشان مش كل الناس هتحبك" لو انت مش حابب نفسك منتظر ازاي حد يحبك وغير كده مش شرط عشان بتحب نفسك كل الناس هتحبك او هتتقبلك لا خالص هي الدنيا كده، رسولنا الكريم اشرف الخلق ﷺ كان في ناس بتكرهه وأذوه كتير كمان ورمو عند بيته الشوك وشاف رفض من ناس كتير لرسالته، لما تحب نفسك وتقدر دورك في الدنيا دي انا جاي اعمل ايه وهدفي ايه وازاي اقدر افيد الناس مش شرط تبقا عالم ولا شخص مشهور عشان تقدم رسالتك الي اتخلقت لأداها انت لو عشت بسلام داخلي كده وبتحب نفسك وبتتعلم وتعلم غيرك خلاص انت عايز ايه! الشكل محدش بيختاره في ناس بتتولد بعيب خلقي ولكن هم متأقلمين على ده وحامدين ربنا، مجتمعنا فارض صورة الجمال مع انه مش بأيدنا، واخيراً حابة اقولك مش عشان شوفت موقف من شخص معين ضايقني يبقا الناس كلهم وحشين مينفعش اسمح لنفسي بإتهام ناس بغلط شفته من ناس تانية، وغلط اني اتهم فئة بأنهم شواذ لانه ليس بأمر هين لقوله ﷺ:(من وجدتموه يعمل عمل قوم لوط فاقتلوا الفاعل والمفعول به) مش عشان انتشروا جامد على النت اقدر اتهم اي حد وانها حاجة هينة، بتمنالك التوفيق

وعليكم السلام ورحمة الله وبركاته، شايفة ان حضرتك انسان محترم وكويس انك ملكش في مشاكل دي حاجة كويسة جدا، ومن رأيي متحتكش خالص بيهم على قدر الامكان لان لو حد شتمك وانت سكتت من باب الاحترام فاهيستحلاها عشان انت مابتردش والاشخاص الي زي دي مش بتفهم ان ده احترام لانهم مش محترمين وبرضو هتبقى كظمت غيظك ودي حاجة كبيرة جدا "قوله تعالى (والكاظمين الغيظ والعافين عن الناس)" ، لكن لو شتمك وانت مسكتش معتقدش ان ناس زي دي هتسيبك في حالك من انهم يعملوا معاك مشاكل او يستقصدوك ودي مش حاجة تستاهل انها توصل لخسارة حياتك عشانها، وقوله ﷺ (إن شر الناس عند الله منزلة يوم القيامة من تركه الناس اتقاء شره) فهو اكيد عليه ذنوب الي بيخافوه دول لان من باب ترويع مسلم كمان بما انه بيمسك سلاح ، واخيرا لو استطعت تنقل من المنطقة دي وتروح مكان تاني يكون هادي واهله كويسين انت واسرتك هيكون افضل ليك، وده الي اقدر اقوله لحضرتك لان مليش احتكاك بالامور دي، وربنا يتوب علينا وعليهم ويهيدهم للطريق الصح

وعليكم السلام ورحمة الله وبركاته عايزة اقولك اختاري الكروشيه لانك متميزة فيه وهتعرفي تبتكري حجات جديدة فيه وانا اصلا بحب الاعمال اليدوية وبعرف اعملها جدا وحلو اوي انك اتعرفتي فيه وبقى على شغلك طلب انزلي تاني واشتغلي فيه مفيش حاجة مش بتاخد مجهود اهم حاجة تحطي مجهودك في حاجة بتحبيها فعلا وعارفة انه بياخد مجهود كبير وبيوجع العين لو فترة طويلة كمان بس عشان حاجة بتحبيها مش هتحسي بالوقت ده عن تجربة يعني، وحلو اوي انك مهتمة بالتسويق والتسعير وكده سوقي لنفسك على النت وده هيفيدك انك تسعري حاجتك برضو دي مهارات هتقويكي اكتر، ومفيش مانع انك تشتغلي في الجرافيك من وقت لاخر وتسوقي لنفسك في المجال ده لكن لو مش هتعرفي تركزي فيه لا كملي في الكروشيه.

شوفي يا قمر بعتذر لو هضايقك ولكن سن 3 ثانوي مش افضل وقت اني اختار شريك حياة مناسب ليا إلا لو شخص داخل على جواز ومناسب وانتي عايزاه وتمام لكن انك مرتبطة واهلك عارفين مش معنى إن الاهل عارفين يبقا الي بعمله ده صح*لو اجتمع البشر كلهم على غلط فهو هيفضل غلط*هو حاليا مش فارق معاه زعلك زي ما بتقولي طيب معلش يعني ويفرق معاه ليه؟! انتي لا اخته ولا مراته ولا حد قريب منه هيرجع بعد حبة يقولك كلمتين مراضية وهترجعي عادي. *معذرة انتي حياتك لازم تمشي اصلا بالحلال والحرام، انتي لو فعلا سبتيه عشان حرام مكنتش هترجعي والله بجد اصل الحرام ده الي ربنا حرمه علينا يعني مينفعش نعمله يعني نسمع الكلام لان ده امر من ربنا، شوفي طول ما ربنا مش بيعاقبنا احنا بنكمل في الغلط وده لان ربنا صابر علينا وعايزنا نتوب لكن احنا بنتساهل صدقيني ياسكرة انتي عندك فرصة تسيبيه دلوقت انتي لسه على البر جايز يحصل حجات في المستقبل تخليكي تتمني انك تموتي عشان تعبتي نفسياً، وحسني علاقتك بربنا عشان مينفعش منهتمش بالحرام كده لانه حاجة كبيرة اوي لان دورنا فالحياة اننا نتجنب الحرام. حاولي تلحقي نفسك من دلوقت وتسيبيه وهتقدري لان ده الخير ليكي ومن منظور اخر انتي جايز لو جالك عريس مناسب بعد كده ومحكيتيلوش انك ارتبطي بشخص قبل كده هتحسي بذنب انك ضيعتي مشاعرك على الفاضي مع الي قبله ولو حكيتيله جايز ميرتاحش وميكملش ويكون فعلا شخص مناسب وراح. وغير كده الكلام والاهتمام الزايد ده دلوقت نفترض ان مصيرك هتتجوزيه هيبقا اهتمامكم ببعض بعد الجواز اقل مهو خلص قبل الجواز شوفي حجات كتير لو فكرتي فيها هتخليكي تسيبيه ومتكمليش اولا عشان ربنا ثانيا عشان نفسك مش صعبانة عليكي تظلميها كده؟ ربنا يوفقك للقرار الصح 🤍

في ناس كده مهما تعملي ليها زي ما بنقول مابيطمرش فيها ومهما تدي هتلاقيها فاكرة ان ده حقها انتي مبتعمليش حاجة وكرهالك الخير كده من غير سبب، حصلتلي واتسرقت في حاجة دهب بس من قريبتي مش صاحبتي ومعرفتش غير بعد ما مشيت من عندها، عايزة اقولك ان الدنيا فيها ناس كتير ندلة وماتستحقش زي ما فيها ناس حلوة بس لو فضلتي تدوري على الناس الحلوة هتتخدعي في الناس الوحشة متشغليش بالك بيها دي شخص مايستحقش تاخدي من وقتك تفكري فيها وقتك اغلى من كده "الكلام ده في حالة انك متاكدة 100% انها الي عملت كده لكن لو مش متاكدة يستحسن تظني فيها ظن كويس"

من رأيي ياجميلة انك تروحي لصاحبتك وتتكلمي معاها وعرفيها انك عارفة غلطك وان مكانش ينفع تكذبي وحاولي تقولي وجهة نظرك وخليكي صريحة معاها واسمعي كلامها الي هتقوله ليكي و انك احرجتيها هي ووالدتها بس مفيش حد فينا مش بيغلط طبعا وقوليلها انا عارفة ان الكذب غلط وانا غلطت ماستحقش فرصة تانية؟ اصل كلنا بنغلط وحتى صاحبتك بتغلط وحاولي تكلمي والدتها من موقفها معاكي اكيد هي طيبة وهتتفهم الموضوع وكتير بيحصل خلافات بين الصحاب وبتتحل اننا نقعد ونتفاهم ونحلها سوا ولكن لو هي بردو فضلت مصممة مش عارفة اقولك ايه يعني دي مش غلطة اننا مناسمحش عليها من وجهة نظري وبإذن الله ترجعوا صحاب اكتر من الأول. 🤍

شكرا لكِ يا ذكية على تعليقك بجد حبيته💗🦋

ليه طيب؟

شوف.. الفكرة الي بتيجي للواحد بتيجي لاكتر من واحد زيه والي بيلحق ومتمكن بينفذها، انت قادر تنفذ افكارك اعملها لو متقدرش خلاص ما باليد حيلة هتعمل ايه!

حضرلك الخير، انا واثقة فيكي انك هتعدي الفترة دي🤍

حلو اوي ده نحاول نصلي نوافل بقا احنا لما نحب حد بنحاول نبهره مابالك لو بنحب ربنا "ما زال عبدي يتقرب الي بالنوافل حتى احبه"، على ايه ياقمر انتي زي اختي والكلام ده من قلبي بجد

طيب وربنا فين دا اقرب واحد ليكي في اي وقت، مش شرط يكون الشخص قدامنا وبيكلمنا ولكن كفاية ان ربنا سامعنا احنا دلوقت في ايام مفترجة ودعوة الصائم لا ترد ادعي ربنا كتير واحكيله الي في قلبك محدش مهتم يسمعنا قد ربنا، سمعت قبل كده من شيخ للاسف مش متذكرة مين بالظبط كان بيقول غمض عينك وحاول تريح نفسك كده واحكي في نفسك كل الي عايز تقوله وعبر براحتك هتحس انك بتحكي لحد ، وعايزة اقولك ان لازم تواجهي ده لان محدش هيجي يواجه شعورك معاكي، شوفي انا معرفش والله ايه الي بإيدي اعمله ولكن في اي وقت لو احتاجتي حد يسمعك هتلاقيني جنبك ونحاول نحل المشاكل دي سوا. ربنا ييسرلك امورك. 🤍

ربنا يعوض عليك، صدقني الشخص المبدع هيشوف افكار تانية ولا يهمك هتقدر تشوف غيرها كتير

الشكر لله، وانا كمان والله بستخدمه في حجات كتيرة جدا ودراستي كمان تقريباً هو اقرب ليا من اي حد، الحمد لله. فكرتك شكلها جامدة بجد متحبطش، أي فكرة جديدة دايمًا بتواجه صعوبات في الأول، بس مع الإصرار أكيد هتلاقي اللي يقدرها ويدعمها. استمر وشاركها، ممكن تكون حاجة عظيمة فعلًا،ولكن على الجانب الاخر بحس بلدنا بتدفن اي حاجة تطلعها لقدام بحس انهم مش عايزين اي حد يتطور في البلد دي ناس كتير كان عندهم افكار خطيرة ومواهب والبلد جت عليهم اوي، ربنا مايجعلك ولا يجعلنا مظلومين فيها ويعينا على الحياة فيها.

قوليلها انتي فعلا عملتي كده ليه لانه سؤال طبيعي بس هل هتسامح ولا لا متوقفيش حياتك عليها هتعيشي وتصاحبي ناس كتير وبإذن الله ترجعوا احلى صحاب

شوفي اه الموقف مكانش بسيط وهي وثقت فيكي وكده بس انتي عملتي الي المفروض تعمليه هتعملي ايه تاني ياتسامح يا متسامحش دي حاجة ترجعلها بس متوقفيش حياتك في انتظارها شوفي حياتك بقا ومتكرريش الغلط ده مع حد تاني عشان ميحصلش كده تاني

حاولي تحافظي على بر والدك وخلاص يعني عامليه كويس لانه والدك "(وبالوالدين احسانا)" وخليكي كده اتعاملي زي ما انتي وركزي في مذاكرتك عشان خلاص الوقت بيعدي وبإذن الله ربنا هيكرمك وهتدخلي الكلية الي عيزاها وبإذن الله إن كان لينا عمر هستناكي تقوليلي دخلتي كلية واياً كانت فهو ده نصيبك وسعيدة بكلامي معاكي جدا ربنا يوفقك يارب ياجميلة🤍

ولا طولتي ولا حاجة انتي تحكي براحتك، حلو جدا بجد الالتزام فالصلاة ربنا يثبتك ياجميلة، بصي مش شرط كل الناس الي بنحبهم ميكونش منهم موقف ضايقنا بمعنى ان اللهم بارك والدك كويس معاكي ولكن انه بيقول عليكي مش كويسة وبيصغرك قدام اخوكي ده مينفعش كان كلمك بهدوء ولكن احنا هنعذره ونقول من صدمته،ممكن تقعدي معاه بهدوء وتكلميه ان خلاص انا الحمد لله رجعت لنفسي ومش هعمل كده تاني ونفسيتي تعبت من كلامك معايا،بجد بحيكي جدا انك مكلمتيهوش تاني، انا فهماكي جدا والله لاني حساسة زيك وبتضايق من اقل كلمة بس لازم تعرفي ان لو فضلتي كده من كتر التعب النفسي هتتعبي جسدياً، لازم تعرفي ان كلنا بنغلط والله ولازم نتقبل ده صدقيني ما خفي كان اعظم كل الناس عندها ذنوب سر وعلانية بس هم تقبلوا ان كل الناس بتغلط ومكرروش الغلط وكملوا حياتهم ومعاشوش بذكرى الماضي، بإذن الله هتدخلي الكلية الي بتحبيها بس شدي حيلك كده في الي اتبقى خلاص اتبقى حاجة بسيطة خااالص والسنة تخلص حاولي تعملي اقصى اقصى مجهود وبالذات في رمضان وقته مبارك بس انتي ثقي في ربنا وهتشوفي وقتك هيتضاعف ازاي، ومين قال بقا إن محدش بيحبك طب دا من ردك ده باين عليكي شخصية جميلة جدا اللهم بارك انا حبيت كلامك جدا، شوفي مميزاتك انتي متركزيش على مميزات حد وتقولي اصلي مش كده انا مليش لزمة...لا خالص خليكي واثقة ان كل إنسان اتخلق لرسالة معينة محدش معندوش قدرات او مميزات يفيد بيها غيره وفي حجات كتير مكتسبة بجد حياتك مهمة جدا صدقيني، حاسة انك متاخرة في مذاكرتك! محدش مقفل الدنيا اوي انتي لو معاكي صاحبة شاطرة في مادة بتبقا موقعة مادتين تلاتة تانيين انتي مش شيفاهم بس هي بتحاول تلم الدنيا ومحدش مش مراكم اوي يعني مانا كمان مراكمة واهو بحاول الم حاجة حاجة وكل يوم بقول بإذن الله احسن من الي بعدو، وياستي لو بعد كل ده ولسه مقتنعة ان محدش بيحبك متبقيش انتي كمان مش بتحبي نفسك...حبي نفسك بجد ومتقسيش على نفسك احنا بشر عندنا مشاعر مش حجر لو قسيتي على نفسك متستنيش حد يحن عليكي بقا اهم حاجة انتي تتقبلي نفسك بعيوبها ومميزاتها..العيوب نصلح فيها واحدة واحدة والمميزات نطورها ونكتسب مهارات جديدة، حاولي دايما تحافظي على شغفك في التعلم والحياة محدش هيمشي منها بصحاب ولا كل ده، حاولي تتحدي نفسك كده وتخلي الشهر المبارك ده احسن شهر عدى عليكي دراسياً ودينياً ونفسياً وكل الجوانب، وكل عام وانتِ بخير ياجميلة.

الشكر لله، بإذن الله هتبقي قمر🤍

الشكر لله

تمام هبعتلك

شرف كبير ليا بجد ياجميلة ولو في طريقة نتواصل بيها مع بعض بإذن الله نكون صحبة كويسة🦋🧸

بجد اتبسطت وانا بكتب الكلام ده لانه نفس اهتمامي🤍

شوفي الدنيا مليانة ناس والناس بتروح وتيجي حاولي متغتابيهاش وتاخدي سيئاتها محدش يستاهل ولما تشوفك عادي ولا كأنك تعرفيها عامليها بالمثل وبردو حافظي على نفسك نقية ومتكرهيش حد وعاملي الكل بالحسنة وهتلاقي صحاب احسن منها ولكن اياكِ والتعلق بأي حد اكتر من ربنا لانه هيبعد عنك هي الدنيا كده.

مقدرة انك متضايقة جدا بس عشان الوجع ده ربنا حرم العلاقة بين الولد والبنت حتى لو صحوبية وعايزة اقولك ان الوجع ده طبيعي انتو بدأتو علاقة غير شرعية والعلاقة الي بدايتها لا ترضي الله نهايتها مرضيتكيش، متصدقيش اي حد يقولك بحبك ده لو حبك كان جه اتقدملك ومتفكريش في كلامه ليكي انه كان حقيقي ومشاعره بجد النوعية دي بتستغلك وبيبقا عايز يتسلى مش اكتر، انتي لو سيبتيه عشان جرحك بانه بعد عنك صدقيني هتضعفي لو كلمك تاني اهم حاجة تسيبيه عشان ربنا عشان العلاقات دي ربنا حرمها من اول *احنا اخوات* لغاية حجات تانية ربنا يبعدك عنها، وشايفة اكتر طريقة تجرحيه بيها إنك تركزي في نفسك ركزي في حياتك انتي لغاية ما بإذن الله ربنا هيبعت ليكي نصيبك الي هتحبيه فالحلال ربنا يوفقك🤍

اللهم بارك بجد ما شاء الله عليك بصراحة انا جربت الاتنين والدروس مقدرش اتحكم في مواعيدها وكان بيبقا عندي دروس كتير في يوم واحد ولإني "ازهرية" في مواد اضافية عندي كان الموضوع تقيل وبرجع هموت وانام بس حاليا باخد منصة ومش هقولك انا التزمت 100% بس بصراحة جميلة وبقيت حاسة براحة بدل البهدلة في السناتر وانا مش هسمح لنفسي ان مستوايا ينزل عشان باخد منصة او سنتر وفكرة ان الواحد ياخد الاتنين بصراحة مرهقة واصلا حصة المنصة بتعدي 3 ساعات وما بالك بالسنتر فالموضوع صعب، اخر مرة عملت فيها اختبار شخصية لقيتني محاور او مناضل مش متذكرة اوي مع ان كان عندي النسخة بتاعته بس ملقيتهاش، هبقا اعمله تاني بإذن الله بس علشان بياخد وقت.

لازم تقعدي معاها وتتفاهموا عشان تقدري ترجعي علاقتك بيها

شوفي يا جميلة كلنا بنغلط ومحدش مبيغلطش وغلطاتنا متفاوتة عشان كده في حاجة اسمها التوبة وبما انك نويتي انك تتوبي توبة نصوحة حاولي تنسي وقولي انا غلطت والحمد لله عرفت غلطي ومتفكريش في الي كان بيحصل قبل كده ده هيخليكي تأنبي نفسك وممكن تلاقي نفسك بتقولي انا انسانة وحشة فعلا وترجعي للطريق ده تاني، وصدقيني بما انك بتفكري كده انتي انسانة نضيفة مش معنى انك غلطتي ان خلاص كده انتي وحشة ربنا لما بيستر العبد في حجات عملها بيبقا عايزه يرجع للطريق الصح واحمدي ربنا على كده وحاولي تحافظي على حياتك تكون كويسة وبإذن الله ربنا هيوفقك مع الشخص المناسب ليكي . بتمنالك التوفيق🤍

مبدئيا كلامي مجرد رأي والاهم الي انت مرتاح فيه، الدروس كويسة في حجات منها انك بتتفاعل مع المدرس اكتر ولو مش فاهم تقدر تسأله على طول وغير كده بيبقا الحماس اعلى لانك شايف الشاطر قدامك وعايز تبقا زيه وفي منافسة وكده، المنصات بردو فيها حجات كويسة إنها بتوفر وقتك انت لو رايح سنتر بتاخد وقت رايح و وقت راجع وبتستنى المدرس وياه لو هتتمشى مع صحابك المنصة بتوفر وقتك ودي بصراحة ميزة كويسة جدا لانك هتلاقي وقت فراغ اطول لمذاكرتك وكمان الحصة بتكون مسجلة بتقدر ترجعلها اكتر من مرة لو حبيت بس مش ميزة اوي لانك تقدر تسجل درس السنتر عادي **فكك بقا من المميزات دي كلها المنصة انت هتبقى شبه لوحدك الا لو في جروب للمنصة وناس معاك تشجعك حلو جدا ولو معاك متابعة كمان لكن عيبها انك ممكن تسرح ومش هتلاقي حد يزعق فيك ترجع للحصة وبردو هتسوف يعني ممكن تسمع الحصة بعد يومين من نزولها الا لو انت ملتزم ** باختصار المنصة عايزة حد ملتزم وهيقدر يلم الدنيا ويقدر انه موفر وقت رايح جاي في الدروس ولكن لو مش بتقدر وغصب عنك بتسوف انزل دروس احسنلك، لو لقيت مدرسين منصة بتفهم منهم بس في غير محافظتك وعندهم متابعة وامتحانات حلو ولو لقيت مدرسين بتفهم منهم في السناتر وحلوين جدا انزل اهم حاجة انك تفهم وتستفيد حاول السنة دي تحافظ على وقت لمذاكرتك، بما انك اكيد في تانية ثانوي او اقل جرب طرق مذاكرة كتير مش كل الناس بتذاكر زي بعض في ناس بتذاكر الصبح وناس بليل وحاول تجرب طرق كتيير جدا والي هينفع اعتمده لان السنة الجاية دي مفيهاش مجال للتجارب. وربنا يوفقك👍🏻

شوف انا موقفي مشابه لموقفك نسبياً مأذيتش حد والحمد لله بتعامل مع الكل بالحسنة ولما جت الاجازة قل التواصل بينا ولما رجعت الدروس لقيت صحاب قريبة ليا بعدت عني وبنمشي جنب بعض عشان طريقنا واحد ولغاية دلوقت مقالوش عاملة ايه من بداية الترم اه اتضايقت الي هو ليه! بس عديت الموضوع مهو الي يتعامل معايا كده وانا معملتش حاجة يبقا العيب منه، وجه فبالي كده انهم "اتعودوا على وجودي" مهو لما تبقا موجود طول الوقت وضامن وجودك لا انا هشوف حد تاني اتعرف عليه ما انت موجود مش هتمشي، بصراحة مخدتش وقت كبير لاني كنت عارفة ان كلنا فترات في حياة بعض لازم تيجي ناس تحبها وتمشي هتعلمك حجات كتير حتى لو شخصيات سلبية ومسمومة بس هتتعلم بردو ومينفعش تتعلق بحد اكتر من ربنا لان صدقني هيبعد، واهم حاجة تحسن علاقتك بربنا محدش فيهم هيغنيك ولا هيفيدك بحاجة لو ربنا مش راضي عنك، ولو ربنا رضي عنك هيحبب فيك خلقه، واهم حاجة اخلاقك لازم عشان تلاقي ناس تناسبك تكون اخلاقك طيبة عشان تلاقي ناس شبهك ، ومشكلة المذاكرة دي بقا انا يادوب راكمت وهقولك عشان تلحق نفسك بقا الحاجة الي شجعتني ارجع اذاكر ومحسش بالوقت ولا الصحاب الي وجودها زي عدمها كان تطبيق Flip التطبيق ده بالنسبالي خطير لانك بتفتح التايمر وتلاقي ناس بتذاكر زيك وبتدخل تصنيفات على اكتر عدد ساعات مذاكرة هتلاقي نفسك كل شوية تفتحه وتجيب اي مادة وتذاكر عشان تدخل التصنيف وتقدر تدخل جروبات ويبقا معاك ناس تانية بتذاكر وتشجعك وهتلاقي نفسك بتخلص مذاكرتك لان والله هي الي هتنفعك ومفيش حد يستاهل وعايزة اقولك ان اه الواحد ليه ناس يعرفها ومعرفة سطحية بس مش شرط يكون عندك صاحب قريب وتحكيله انا لما بتخنق بحكي لحد من اهلي او بتعامل مع مشاعري بنفسي،وطبعا احسن حد تحكيله وفكك من اي حد هو ربنا لانه القادر يبدل حالك وانت الي محتاجه، اكتب الي جواك حتى لو على ورق وصدقني لو قدرت تواسي نفسك وتقف معاها مش هتحتاج حد يواسيك، وعايزة اقولك بردو ان محدش مهتم يسمع مشاكلك كل واحد عنده مشاكله وكل الي هيقدروا يقولوه انهم يواسوك وبما ان هتبقا يادوب مواسية واسي نفسك، وبردو الناس مش عايزة تعرف شخص مش مهتم يطور نفسه ولا شاطر مثلا الكل هيحبك لما يلاقوك ناجح (دروس بقا او عندك معلومات كتير) انجح في مجالك دلوقت انجح في دراستك وهتلاقي الناس بتيجي تتعرف عليك وجايز ساعتها تصاحب ناس شاطرة تسحبك معاها، بردو انت ممكن تنزل اعمال تطوعية في محافظتك زي جمعية رسالة وجمعيات تانية كتير وهتلاقي نفسك بتتعامل مع ناس كتير وبتكون معارف جديدة ومن اماكن مختلفةوغير الثواب الي بتاخده في الاعمال دي، وخد كورسات في حجات كتير هتفيدك قدام مفيش حاجة مش مفيدة هتلاقي جروبات على تليجرام بتدي كورسات مجانية خدها وطور من نفسك ه وخلي هدفك تبقا احسن نسخة من نفسك امبارح لازم ميعديش اليوم من غير ما تتعلم حاجة تنفعك عارفة ان الرسالة طويلة جدا وبجد انا قلت اغلبية الحجات الي خلتني مهتمش بالفكرة دي وبإذن الله تستفاد ولو مفيش حاجة قدرت اساعدك بيها في الرسالة دي اكيد هتلاقي حل بس في حجات تانية

مش صح كلنا فينا الحلو والوحش ممكن الشخص يبان من برا حلو بس فيه خبث وغل الدنيا كلها ومش كل الناس زي بعض والجمال عمرو ماكان انك يبقا جسمك حلو ولا وشك حلو الجمال بيبقا بطبعك الحلو وبكلامك الي بيعلم مع الناس ويديهم عنك فكرة حلوة انا عايزة اقولك انك لو شايفة نفسك وحشة هتبقى فعلا وحشة في عينك وعين الكل بس لو شايفة نفسك حلوة صدقيني كلهم هيشوفوكي جميلة بس انتي اقتنعي انك جميلة ربنا ميخلقش حد ميستحقش يتحب بس انتي انوي لو فعلا دي مشكلة بالنسبالك حاولي تخسي ولو مش عايزة فكك في اي حد المهم انتي ومتهتميش لكلام حد محدش ليه دعوة يتكلم في شخصيتنا ولا شكلنا انتي مهما كنتي جميلة هتلاقي ناس بتبصلك بقرف وغيرانة منك وساعتها هتزعلي وهتعيطي وهنا يجي دور انك تطنشي ومتحطيش في بالك كلام اي حد محدش ملاك عشان يجي يحاسبنا على شكلنا

ممكن هو بيشرب سجاير في الدرا لانو ذنب ومش عايز حد يعرفو وانتي عرفتي فمتبقيش انتي الي تفضحيه اما لو بيشربها فالشارع وبيجاهر بالمعصية لو تقدري تواجهيه قولي لاهلك وفي الاغلب مش هيبطلها لانو مش مقتنع وعايزها اما لو انتي قريبة منو وبيسمعلك انصحيه انو يبطلها من غير ما تعرفيه انك عرفتي زي انك تتكلمي قدامه عن انها مضرة للصحة وكده وبما انو عزيز عليكي ادعيله بالهداية والصلاح وباذن الله يبطل

اتعامل براحتك واتعامل على طبيعتك محدش ليه عندك حاجة ومحدش ليه الحق يدخل في شخصيتك واسلوبك عشان الناس الطيبة الي بتتعامل بطبيعتها قليلة ودلوقتي كلو بقا بيزوق الكلام قبل ما يطلعه بقو مستغربينهم دلوقت لو هي مش عاجبها طبعك وشايفة ان معنى انو يكون راجل انو يبقا راسي وكلامه موزون فدا غلط لان الراجل هو الي بيخاف ربنا في اهله وفي الي مسؤول عنهم هو الي بيتبع كلام ربنا والي بيغير على اهل بيته يستحسن متكملش معاها لانها هتقرفك لما تتجوزو وهيجي الوقت الي هتلاقي فيه الطيبة الي بتتعامل بطبيعتها الي متقللش منك وتفهمك عشان هي شبهك

بصي انا عارفة ان الحب او الاعجاب مش بايدنا ودي حاجة منقدرش نتحكم فيها بس نقدر نتجنبها ولان الصحوبية بين البنت والولد محرمة والي بيبدا في علاقة لا ترضى الله لن ترضيه النهاية حاولي تقربي من ربنا اكتر وحاولي تنسيه صدقيني هتعرفي هو هيبقى صعب شوية بس الي بيسيب حاجة لربنا ويتوب ربنا بيعوضو عنها ولان دي فترة مراهقة مشاعرنا بتبقا متلغبطة ومش عارفين دا اعجاب ولا اي بس الاكيد انو العلاج في القرب من ربنا ومعتيش تبصيله ولا تكلميه ولو كلمك هيبقا دا اختبار من ربنا بيشوفك هترجعي للغلط تاني ولا لا

اعتقد ان دا ممكن يكون حسد او عين حاولي ترقي نفسك او تخلي حد يرقيكي وشغلي سورة البقرة في البيت

هو بس عايز انو يرجعلك زي زمان لقى انو لما حذفك من عندو وانتي مجريتيش وراه زي ما كل الولاد عايزة حس انك تقيلة وحب يرجعلك تاني وحبتين وهتلاقيه اختفى عشان يربطك بيه ودي حاجة كل الولاد بيعملوها لاكن هو عمره ما هيعوز يتجوز ولو عاز اهله هيرفضو لانو لسه صغير يشيل مسؤولية والحمد لله انك بقيتي كده واسأل ربنا يثبتك ويثبتنا يارب

بصي الحمدلله انك عرفتي انها حرام وكويس انك بعدتي عنه وعن صحابك برضو لان الصحاب الي يطاوعوكي ترتبطي وتدخلي في حاجات ربنا حرمها ف دول مش صحاب والصحاب الي مش تمام قادرين ينزلوكي من سابع سما للارض ولمل تواجهيهم انهم السبب هيقولوك وانتي سمعتي كلامنا ليه وبما ان سنك بين اعدادي وثانوي فصدقيني دابيبقا شعور اعجاب مش اكتر انتي مشفتيش طبعو متعرفيهوش انتي بس حسيتي نحيتو باعجاب ولما تحسي الشعور دا حاولي تبعدي عنه لان دي فترة مراهقة مبنعرفش فيها نحدد شعورنا عارفة انك سمعتي الكلام دا كتير بس دي الحقيقة واخرت الارتباط اصلا اي لا انتي هتتجوزيه ولا هو هيتجوزك وانتي بعد كده لما تتجوزي ممكن يجيلك فبالك وتفتكري انك مرتبطة بواحد زمان وساعتها لو قلتي لجوزك هيقعد يعايرك وكل دا بسبب قرار غلط خدناه في فترة المفروض نركز فيها على مذاكرتنا ونصيحتي ليكي كأخت حاولي تقربي من ربنا اكتر وتخلي عندك صحاب يقربوكي من ربنا

بصي كلنا بيجيلنا افكار سلبية ومفيش حد في دراسته مكتأبش وادايق وحس انو مقصر في مذاكرته ودي حاجة طبيعية عند الكل بس حاولي دايما انك تطلعي من دوامة الافكار السلبية وحاولي تطوري من نفسك اكتر في مذاكرتك وفي كل جوانب حياتك عندك كذا موهبة شوفي الاحب ليكي وطوريها ولما تحسي نفسك ناجحة فيها هيجيلك شعور تحفه انك نجحتي في حاجة بتحبيها بس دايما شوفي اولويتك في الوقت الحالي لأيه لانك تطوري من نفسك ولا انك تذاكري بما ان اتبقى على امتحاناتك شهرين حاولي تذاكري فيهم على قد ما تقدري محدش هيشجعك عادي شجعي نفسك بنفسك محدش هيفرح قدك ليلة النتيجة بس محدش ليلة النتيجة لو الدرجة وحشة هيسكت وكلو هيتريق عليكي وبالذات الي بيكرهوكي حاولي تستقلي بنفسك في دراستك واي حاجة انتي فيها طلعي فيها كل طاقتك اما حوار الكلية دا مش احنا الي بنختاره دا ربنا الي بيختارلنا الانسب لينا وساعات مرتبطة بحاجة بنحبها مش مهم كليات قمة والدكتورة راحت والدكتورة جت اهم حاجة مجال نكون حابينه وشاطرين فيه وحد على يوتيوب ارشحهولك اسمو (دكتور وليد) دا محتواه عن متعددين الشغف الي عندهم اكتر من موهبة وبيهتمو باكتر من مجال بس مش عارفين يوفقو بينهم وبس كده ربنا يوفقك ويوفقنا يارب

أولا: انوي انك فعلا تتركها لان النية اهم حاجة ولما ربنا بيلاقي ان نيتك فعلا صادقة هيختبرك وانت لازم تكون قد الاختبار وممكن يكون صعب لان كل ما هتيجي تبطل هتلاقي حاجة بتمنعك وافتكر ان دا هيبقى اختبار من ربنا عشان يشوف مدى صدق نيتك لترك الفعل دا. ثانيا: متقعدش مع نفسك كتير حاول تشغل نفسك دايما باي حاجة انزل جيم او اخرج مع صحابك اقرا قرآن حاول تشغل نفسك باي حاجة او اسمع حجات مفيدة. ثالثا: حافظ على صلاتك لان بجد دي كفيلة تغيرلك كل حاجة وحشة في حياتك. رابعا:متحكيش لحد عن اي ذنب انت بتعمله الا لو واثق بجد انو هيفهمك ويستحسن متحكيش لحد غير للي خلقك لان حتى لو واثق فالشخص دا فنظرته هتتغير تجاهك من جواه وهيبصلك بنظرة استحقار الي هو انت ازاي بتعمل كده متخيلتش انك كده وبتاع. خامسا: حاول تعمل سوفت وير للفون بتاعك ولو مش هتعرف امسح اي موقع تواصل او ويب سايت كنت بتدخل عليه او بيعرض ليك حاجات تخليك ترجع للحاجة دي تاني لان اي ويب سايت لما يلاقيك مهتم بحاجة هيطلعلك كتير منها قدامك ودا هيصعب عليك انك تسيبها يبقى يا تحذف حساباتك من المواقع الي بتشوف عليها كده واي موقع وحش وتمسح اي حاجة من تليفونك يا اما اختصر على نفسك واعمل سوفت للفون خامسا: استعن بربنا واذكره كتير ومتبصش على بنات لو ولد ولو بنت العكس ومتمسكش الفون كتير وحاول تحاوط نفسك بناس عارفة ربنا وبتقربك ليه وبإذن الله تقدر تبطل وخلي عندك يقين وامل ان ربنا مش هيسيبك تضيع