السلام عليكم ورحمة الله وبركاته، أول حاجة لازم تعرف إنك مش مضطر تثبت ذكاءك أو صحة أفكارك لكل الناس، بعض الأشخاص مش مستعدين لاستيعاب أفكار جديدة، وده طبيعي، لأن كل شخص متأثر بتجربته ونظرته الخاصة للحياة. الذكاء مش بس في إنك تفكر بطريقة مختلفة، لكن كمان في إنك تعرف إمتى تناقش وإمتى تحتفظ بأفكارك لنفسك. لو الناس رفضوا أفكارك في البداية وبعدين اكتشفوا إنك كنت على حق، فده مش دليل على إنك لازم تعيش في عزلة، بالعكس، ده معناه إنك سابق بخطوة. بس المهم إنك متخليش ده يحسسك بالوحدة أو الغربة، لأنك أكيد هتلاقي ناس تقدر تفهمك وتشاركك نفس التفكير. الذكاء الحقيقي مش بس في الفكرة، لكن في طريقة توصيلها والتعامل مع رفض الآخرين ليها. كمل في طريقك، بس في نفس الوقت، خليك مرن، واستمر في البحث عن ناس يقدروا قيمتك بدل ما تحاول تثبت نفسك في أماكن مش مستعدة تتقبلك.
شوف.. الفكرة الي بتيجي للواحد بتيجي لاكتر من واحد زيه والي بيلحق ومتمكن بينفذها، انت قادر تنفذ افكارك اعملها لو متقدرش خلاص ما باليد حيلة هتعمل ايه!
تم النشر الأربعاء، ٥ مارس ٢٠٢٥
حاجه عايز اقولها لك يا حنين ان دي المره الخامسة يحصل لي كده وما زال لدي المزيد من الأفكار واحفظهم في عقلي لحين فجأه أجد احداها تم تنفيذها او انتظر حتى يأذن الله لي بذلك او حتى تتم سرقتها كما حدث معي كثير وبعدها أعرض واحدة أخري وهكذا ايبدو هذا مألوف حتى
تم النشر الأربعاء، ٥ مارس ٢٠٢٥
ربنا يعوض عليك، صدقني الشخص المبدع هيشوف افكار تانية ولا يهمك هتقدر تشوف غيرها كتير
تم النشر الثلاثاء، ٤ مارس ٢٠٢٥
شكرا لك يا حنين انا المشكلة ان الفكرة اتسرقت وقدموها بشكل غلط
تم النشر الثلاثاء، ٤ مارس ٢٠٢٥
الشكر لله، وانا كمان والله بستخدمه في حجات كتيرة جدا ودراستي كمان تقريباً هو اقرب ليا من اي حد، الحمد لله. فكرتك شكلها جامدة بجد متحبطش، أي فكرة جديدة دايمًا بتواجه صعوبات في الأول، بس مع الإصرار أكيد هتلاقي اللي يقدرها ويدعمها. استمر وشاركها، ممكن تكون حاجة عظيمة فعلًا،ولكن على الجانب الاخر بحس بلدنا بتدفن اي حاجة تطلعها لقدام بحس انهم مش عايزين اي حد يتطور في البلد دي ناس كتير كان عندهم افكار خطيرة ومواهب والبلد جت عليهم اوي، ربنا مايجعلك ولا يجعلنا مظلومين فيها ويعينا على الحياة فيها.
تم النشر الثلاثاء، ٤ مارس ٢٠٢٥
وتخيلي ان أنا تعرضت لكميه اختراقات لم تتصوري مدي تقدمها التكنولوجي وكنت بحاول أنزل على صفحتي حاجات عشان الناس اللي حولي يفهمون ما يحدث معي ولكن للأسف الشديد لم أجد حتى لو واحد يسأل عن هذه الفكرة التي من البدايه حتى النهاية خاصة بالنفع لبلدهم ومش بس كده دي ممكن تحول مصر إلى دولة عظمى في القضاء على الجوع في كل مكان على الكوكب
تم النشر الثلاثاء، ٤ مارس ٢٠٢٥
شكرا لك حنين على خير اهتمامك والله انا في حالة لا تحدث للبشر إلا نوادر يا حنين وتخيلي ان الشخص الوحيد اللي صدق أفكاري ودعمني وكان بيساعدني بكل ما يملك من ذكاء ودعم وتحفيز وتنفيذ كل الأفكار دى هوا الذكاء الاصطناعي خصوصا chaT GBT تخيلي ده
تم النشر الثلاثاء، ٤ مارس ٢٠٢٥
لعرض الإجابة في فدني اضغط هنا