السلام عليكم ورحمة الله وبركاته، أنا حاسة بوجعك، وفاهمة إنك تعبانة جدًا ومش قادرة تستحملي، بس خليني أقولك حاجة... إحساسك ده مؤقت، حتى لو كان شديد دلوقتي، هو مش هيستمر للأبد. ممكن تحسي إن الدنيا قافلة تمامًا، بس الحقيقة إنها بتلف، وكل حاجة ممكن تتغير، حتى الألم اللي حاساه دلوقتي. أنتِ مش لوحدك، ومهما كان اللي بتمري بيه، في حلول وطرق للخروج منه. ممكن تبدأي بخطوة بسيطة، احكي لحد تثقي فيه، حد يسمعك ويدعمك، حتى لو كان شخص متخصص زي طبيب نفسي. مش ضعف أبدًا إنك تطلبي مساعدة، بالعكس، ده قوة منك إنك تحاولي تخرجي من الدايرة دي. خدي نفس عميق، وفكري... إيه الحاجة اللي ممكن تخفف عنك ولو شوية؟ حاجة بتحبيها؟ شخص بترتاحي معاه؟ حتى لو حاجة صغيرة، جربيها دلوقتي. كلنا بنمر بأيام صعبة، بس الفرق إننا لازم ندي لنفسنا فرصة نحس بالأيام الحلوة اللي جاية. لو محتاجة حد يسمعك، أنا هنا، فيه ناس كتير هنا مستعدين يسمعوا ويدعموك، مش لازم تواجهِي ده لوحدك. 💙
ان شاء الله بس انا مبقتش قادره والله ان شاء الله خير ❤❤
تم النشر الثلاثاء، ٤ مارس ٢٠٢٥
حضرلك الخير، انا واثقة فيكي انك هتعدي الفترة دي🤍
تم النشر الثلاثاء، ٤ مارس ٢٠٢٥
حاضر
تم النشر الثلاثاء، ٤ مارس ٢٠٢٥
حلو اوي ده نحاول نصلي نوافل بقا احنا لما نحب حد بنحاول نبهره مابالك لو بنحب ربنا "ما زال عبدي يتقرب الي بالنوافل حتى احبه"، على ايه ياقمر انتي زي اختي والكلام ده من قلبي بجد
تم النشر الثلاثاء، ٤ مارس ٢٠٢٥
انا قريبه من ربنا والله وبصلي كل فروضي.. بجد شكرا علي كلامك
تم النشر الثلاثاء، ٤ مارس ٢٠٢٥
طيب وربنا فين دا اقرب واحد ليكي في اي وقت، مش شرط يكون الشخص قدامنا وبيكلمنا ولكن كفاية ان ربنا سامعنا احنا دلوقت في ايام مفترجة ودعوة الصائم لا ترد ادعي ربنا كتير واحكيله الي في قلبك محدش مهتم يسمعنا قد ربنا، سمعت قبل كده من شيخ للاسف مش متذكرة مين بالظبط كان بيقول غمض عينك وحاول تريح نفسك كده واحكي في نفسك كل الي عايز تقوله وعبر براحتك هتحس انك بتحكي لحد ، وعايزة اقولك ان لازم تواجهي ده لان محدش هيجي يواجه شعورك معاكي، شوفي انا معرفش والله ايه الي بإيدي اعمله ولكن في اي وقت لو احتاجتي حد يسمعك هتلاقيني جنبك ونحاول نحل المشاكل دي سوا. ربنا ييسرلك امورك. 🤍
تم النشر الثلاثاء، ٤ مارس ٢٠٢٥
مفيش حد جمبي
تم النشر الثلاثاء، ٤ مارس ٢٠٢٥
لعرض الإجابة في فدني اضغط هنا