السلام عليكم
ازاي اقلل من التوتر؟ انا ثانوية عامة حاليا وحقيقي التوتر بقا مبالغ فيه بالاضافه لزيادة التفكير الموضوع غير انه مأثر عليا نفسيا بقا مأثر صحيا وجسمي كله واجعني او عندي هبوط لدرجة الإغماء وهكذا
كنت بقطع في الصلاه كتير بس التزمت ف الفتره الاخيره
هل في حل تاني؟
السلام عليكم، التوتر بيحصل نتيجة التفكير الكتير، يا ترى هعمل إيه في الامتحانات، يا ترى نتيجتي هتبقى عاملة ازاي، يا ترى هلحق ولا لأ، الأيام بتجري وأنا مش لاحقة، يا ترى أهلي هيعملوا إيه لو... وووو وهكذا.. كل الأفكار دي هتزود قلقك وتوترك وخلاص ومش هتنجزي بسببها. اللي لازم تعرفيه إنك مش مطلوب منك تقلقي على كل ده... مطلوب بس إنك تسعي وتركزي في اللي في يدك حاليا وهو إنك تستغلي كل دقيقة باقية على الامتحانات حتى لو مش لاحقة تخلصي كل المنهج. اسعي فقط، وأنتِ عندك يقين إنك بذلت ما بوسعك وربنا هيوفقك ويكتب لك الخير حثيما كان. *** خلي جلسات المذاكرة بينها فواصل راحة، وفي الفاصل اقرأي شوية قرآن.. ده عن تجربة فرق معي. وافضلي مواظبة على الصلاة وأول ما تسمعي الآذان قومي صلي، لا تخلي المذاكرة تلهيكِ عشان ربنا يبارك في مذاكرتك إن شاء الله وجددي النية والاستعانة بالله. يا ريت كمان تفصلي خلال اليوم بعشر دقائق تمارين تمدد بسيطة هتنشط جسمك وعقلك وتأكدي إنك تكوني نايمة كويس ليلة الامتحان عشان تكوني مركزة وتقدري تحلي كويس. وربنا يوفقك.💚🌺
تم النشر الأربعاء، ١٠ يونيو ٢٠٢٦
وعليكم السلام ورحمة الله وبركاته يا بنتي. أولاً، أقدر جداً الضغط اللي بتمرّي بيه في مرحلة الثانوية العامة، فهي سنة مليانة توتر وتفكير زائد، وده طبيعي يأثر على النفسية والجسم معاً، خاصة لما يوصل للإرهاق والإغماء. إحساسك مفهوم ومش لوحدك فيه، ومن الجميل إنك رجعتِ للصلاة بانتظام، فده خطوة قوية جداً بتساعد على تهدئة القلب وإعادة التوازن. عشان تقللي التوتر بشكل عملي، ركزي على تنظيم يومك بطريقة واضحة: قسمي المذاكرة لفترات قصيرة مع أهداف محددة كل يوم، وخلي جدولك يشمل وقت للراحة والنوم الكافي (حوالي 7-8 ساعات) ووجبات متوازنة غنية بالفيتامينات. كمان، استخدمي الدعاء والذكر أثناء يومك، زي "حسبنا الله ونعم الوكيل" أو قراءة آيات من القرآن اللي بتطمئن النفس، فده بيعزز التوكل على الله ويقلل من التفكير الزائد. لو الضغط مستمر ومؤثر صحياً، من الأفضل تشوفي طبيبة عشان تتأكدي من أي أسباب جسدية محتملة. تذكري إن التوتر ده مرحلة مؤقتة، وإنك قادرة تتجاوزيها بخطوات صغيرة يومية. جربي تبحثي عن أسئلة مشابهة على فدني عشان تشوفي تجارب أخرى وتستفيدي من وجهات نظر إضافية. أنتِ قوية، وكل التوفيق في دراستك إن شاء الله.
تم النشر الثلاثاء، ٩ يونيو ٢٠٢٦
العفو 🤍 ربنا يوفقكم جميعا وتعدوها على خير
تم النشر الثلاثاء، ٩ يونيو ٢٠٢٦
@أحمد سعيد شكرا لرد حضرتك وبإذن الله هنفذ
تم النشر الثلاثاء، ٩ يونيو ٢٠٢٦
قبل المذاكرة اقرأ قرآن وكذلك بعدها .. اعرف ان كدا كدا الإمتحانات دية هتعدى لا محالة ف لازم نخليها ليها ذكرى كويسة ونجتهد .. متفكرش كتير فى النتيجة او ايه اللى هيحصل فكر فى دلوقتى وأنا هعمل ايه استغل كل دقيقة فى الفترة دية ومتخليش الوساوس تسيطر عليك ولا تأثر عليك مفيش وقت نظم وقتك كويس جدا واسمع المفيد والمهم فترة وهتعدى ف حاول تطلع منها سليم راضى عن اللى عملتة أيا كان النتيجة إية ولو احتاجت أى مساعدة كلمنى وأنا تحت أمرك بإذن الله ربنا يوفقك ويكرمكم جميعا وتعدوها على خير جميعا وانتم مجبورين الخاطر يارب
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا