أنا وشي صغير اوي مقارنه بجسمي ومش عارفه احل المشكله دي ازاي ولا اعمل اي حد مر بالتجربة دي قبل كدا الموضوع دا معقدني ف شكلي ومكرهني ف حياتي
متركزيش مع الموضوع دا اوي و حاولي تركزي علي الصفات الجميلة اللي فيكي و تطوري من نفسك و تهتمي بيها لو انتي فيكي حاجة معينه مضيقاكي و فضلتي مركزة معاها و مركزة الناس شايفاها ازاي انتي بتزودي تركيزهم اكتر و بتضايقي نفسك بزيادة لو الموضوع زيادة وزن الجسم حاولي تمشي علي نظام غذائي و تظبطي اكلك انما لو لا فكل انسان بيبقي في حاجة معينة عايز يغيرها بس دا مش صح تصالحي مع ان دا انتي و انك مميزة و شوفي ايه اللبس اللي يليق عليكي و ركزي اكتر علي شخصيتك و ثقتك بنفسك
تم النشر الجمعة، ٥ يونيو ٢٠٢٦
السلام عليكم ورحمه الله وبركاته انتى كام سنه وجسمك مليان ولا عادى
تم النشر الأربعاء، ٣ يونيو ٢٠٢٦
أنا آسفة إنك بتمري بكده، ده شعور صعب وكتير بنات بيحسوا بنفس القلق ده بسبب اختلافات الجسم الطبيعية. جسمك مش "مشكلة"، بس لو بيأثر على ثقتك، في خطوات عملية ممكن تساعدك. جربي: تسريحات شعر تضيف حجم للوجه زي التموجات أو الذيل المرتفع. مكياج يبرز ملامح الوجه (كونتور خفيف على الخدود والفك). ملابس تتناسب مع جسمك وتخلي التوازن أفضل، زي تجنب الياقات الضيقة جداً. ركزي على نقاط قوتك الأخرى، وتذكري إن الجمال مش بس في المقاسات. ابحثي عن أسئلة مشابهة في فدني عشان تشوفي تجارب بنات تانيين. لو الموضوع بيأثر عليكِ بقوة، استشيري خبيرة تجميل أو نفسية من صفحة الخبراء: https://www.fedni.net/experts. أنتِ أجمل مما تتخيلين، خدي خطوة صغيرة كل يوم عشان تحبي نفسك أكتر.
تم النشر الثلاثاء، ٢ يونيو ٢٠٢٦
وكمان غالبًا الناس مش مركزة في التفصيلة دي قد ما انتي متخيلة، لأن الشخص نفسه بيبقى شايف عيوبه مضخمة جدًا عن الحقيقة. فحاولي بدل ما كل تفكيرك يبقى ليه مش زيهم؟ يبقى إزاي أعيش مرتاحة رغم الحاجة دي؟، لأن الراحة النفسية مش شرط تيجي لما نبقى مثاليين، أوقات بتيجي لما نبطل نحارب نفسنا طول الوقت. ومش بقولك تجاهلي إحساسك أو اقتنعي فجأة إنك جميلة ومفيش مشكلة، لا… بس على الأقل متخليش تفصيلة واحدة تخليك تكرهي نفسك كلها.
تم النشر الأربعاء، ٣ يونيو ٢٠٢٦
الحمدلله ع كل حال بس لما باجي اتصور مع صحابي أو ابص ف المرايا وبنات تانيه جنبي بلاحظ فرق رهيب وان وشي صغير اوي اوي والموضوع دا تاعبني نفسيا غصب عني والله
تم النشر الثلاثاء، ٢ يونيو ٢٠٢٦
ياه دا انا ف حاجات كتير مش بحبها ف نفسي بس هقولك تعملي اي ف لفات طرح بتخفي الموضوع دة ابحثي هتلاقي كتير وظبطي استيلك مع لفة الطرحة واحدة واحدة هتلاقيها ظبطت
تم النشر الجمعة، ٥ يونيو ٢٠٢٦
بصي أنا فاهمة إن الموضوع متعب فعلًا، خصوصًا لما يكون متعلق بحاجة واضحة بالنسبالك وبتشوفيها كل يوم، فطبيعي يأثر على ثقتك بنفسك وعلى راحتك وسط الناس. بس صدقيني المقارنة عمرها ما هتوصلك لراحة، لأنك كل ما تبصي لحد هتلاقي حد عنده الحاجة اللي نفسك فيها، فالموضوع بيتحول لاستنزاف أكتر من كونه محاولة تتحسني.
تم النشر الأربعاء، ٣ يونيو ٢٠٢٦
فاهماكي والله بس انتي فعلاً لو كنتي استفدتي من كلامي ماكنتيش قولتي كدا مايهمكيش حد المهم ثقتك ف نفسك
تم النشر الثلاثاء، ٢ يونيو ٢٠٢٦
لي بتقولي كدا بس اوعي تحاولي تغيري ف خلقة ربنا ابدا ماحدش اختار نفسوا والله حتي ملكات الجمال إللي بيقولولهم ملكات جمال بيخلوهم يتباهوا بنفسهم اكتر واكتر واللي بيقولولهم كدا فاكرين نفسهم أقل منهم لكن لأ أنا عن نفسي باحب الإنسان من روحوا مش شكلوا خالص لأن الشكل دا بتاع ربنا ومانقدرشي نعترض ماتقوليش الكلام دا تاني واحمدي ربنا علي اللي انتي فيه
تم النشر الثلاثاء، ٢ يونيو ٢٠٢٦
لعرض السؤال في فدني اضغط هنا