انا عروسة متجوزة قربت اتم ٣ شهور جواز ولحد الان محصلش حاجة بينى وبين جوزى ،فى الاول كنت انا خايفة ومش راضية وقالو ان ممكن حد عاملنا ربط وروحنا لكذا شيخ ويقولنا مربوطين ولكن مفيش حاجة اتحلت برضوا وروحت لدكتورة قالتلى عندك تشنج مهبلي وان بسبب خوفى ده ممكن الموضوع يوصل معايا لعلاج نفسى وطلعتلى علاج وبرضوا مفيش فايدة ،
دلوقتى انا مخنوقة وعايزة اخلص من الموضوع ده ونفسى ابقى ام وهو دلوقتى جوزى حاسة بقا عنده مشكلة اثناء العلاقة وهو بيقولى انى انا السبب لانى مش متجاوبة معاه وتركيزى فى الخوف اكتر من اللحظة نفسها ،
وكذا حد قالى اروح للدكتورة تخلصلى الموضوع بسبب يعنى لو مؤاخذة ضيق المكان عندى وبتألم ومش بننجز برضوا ،انا بجد مش عارفه اعمل ايه اقول لمامته طيب عشان هو يكشف ولا اروح لدكتورة واخلص الموضوع طبعا وهو يكون معايا بس خايفة بعد م اخلص عند الدكتورة برضوا المشكلة تفضل زى ماهى
مش عارفه اعمل ايه وحاسة انى هفضل كدا العمر كله وان عمرى ماهكون ام
دي مشكلة بتحصل مع الكثير من الازواج خاصة الذين لم يكن لهم معلومات أو ثقافات قبل الزواج عن الجنس ومهما تعدد الكشف مع الكثير من أطباء النسا أو الذكورة فإن المشكلة سببها عامل نفسي فقط وبالتأكيد بعض الدكاترة الذين تم التعامل معهم اكدو ذلك ولا داعي إلى اللجوء للدجل خوفآ من أعمال ربط وما شابه ذلك ولن ننفي وجود السحر ولكن لابد الا نعرض انفسنا للإستغلال لأن المشكلة نفسية فقط وهضرب لحضرتك مثال ؛ بنلاقي طالب شاطر ومجتهد ومستعد لدخول الامتحان إلا أنه بمجرد دخوله اللجنة يفقد كل معلوماته التي تم مذاكرتها مما يجعله يفشل في الاجابات وبمجرد خروجة من اللجنة يستعيد كامل ذاكرته ويرى انه أضاع فرصة النجاح وهكذا الحال بينك وبين زوجك ولذلك من الضروري التواصل مع مختص ارشاد اسري للمساعدة على لقاء حميمي ممتع وليس لفض الغشاء فقط لأن ذلك ليس العقبة ولكن العقبة كلها في الاستعداد النفسي للدخول في علاقة كاملة واطمني هتكوني أم وهتكوني زوجة سعيدة في حساة مستقرة مع زوجك بفضل الله ولكن ضروري التواصل مع مختص وتأكدي أن الامر لم يتجاوز يومين وتكون حياتك بدأت في خطوات النجاح ويارب يوفقك ويسعدكم
تم النشر السبت، ١٤ فبراير ٢٠٢٦
يا حبيبتي، أنا ذكية، وأنا هنا معاكِ قلباً وقالباً. أول حاجة، أنا فاهمة تماماً اللي بتمرّي بيه، ده شعور صعب جداً وطبيعي يخليكِ تشعري بالضيق والخوف من المستقبل، خاصة إنكِ نفسكِ تبقي أم. بس متقلقيش، الموضوع ده شائع عند كتير من العرائس، والتشنج المهبلي (vaginismus) بيحصل بسبب التوتر والخوف، وده مش نهاية الطريق خالص. خطوات عملية دلوقتي: ارجعي لدكتورة نساء متخصصة في الصحة الجنسية : مش أي دكتورة، دوري على واحدة خبرة في علاج التشنج ده (زي اللي بتعمل تمارين كيجل أو علاج هرموني أو توسيع تدريجي). لو الدكتورة اللي روحتِ لها مش فايدة، غيّريها. ممكن تاخدي جوزكِ معاكِ عشان يشوف إن الموضوع مش "سببكِ" لوحدكِ، وده هيساعد في التواصل بينكم. اقترحي على جوزكِ يفحص نفسه : قوليله بلطف إن المشكلة ممكن تكون مشتركة، ويروح لدكتور مسالك بولية (urologist) عشان يتأكد. ده هيخفف الضغط عنكِ ويحسّن الثقة بينكم. ابدأوا تدريجياً في البيت : قبل أي حاجة، ركزوا على المداعبة الطويلة والراحة النفسية بدون ضغط للإكمال. اجلسوا سوا، اتكلموا عن اللي بيخليكِ مرتاحة، وادعوا ربنا ييسر أموركم (زي قول "اللهم يسر ولا تعسر"). من منظور إسلامي : الزواج نعمة من ربنا، والصبر مفتاح الفرج. ادعي ربنا كتير في السجود. متستعجليش على "الخلاص الجراحي" دلوقتي، لأن لو السبب نفسي، هيفضل موجود لحد ما تعالجيه جذرياً. لو عايزة دعم أكتر، روحي على صفحة الخبراء في فدني https://www.fedni.net/experts وابحثي عن متخصصة في الصحة الزوجية أو النسائية. إنتِ قوية وهتقدري، وإن شاء الله قريب هتبقي أم سعيدة. 💕
تم النشر السبت، ١٤ فبراير ٢٠٢٦
رأي الأستاذ حسني موفق، وفعلا بلاش ناس كتير تعرف المشكلة دي، واصبري يعني لسة متجوزين من قريب مش بقالكم كتير أظن كل ما ترتاحي نفسيا معاه كل ما الأمر هيبقى أسهل في حله إن شاء الله ولا تستعجلي لعل للتأخير خير الله أعلم
تم النشر السبت، ١٤ فبراير ٢٠٢٦
السلام عليكم ورحمه الله وبركاته ، هو هيروح لدكتور هيعرفه إزاي يتعامل صح ، والطريقة المناسبة في تلك الحالة ، وانتي هتروحي لدكتورة وليس دكتور ، هتعرفك تتعاملي صح مع التشنج ودا أمر طبيعي جدا جدا ، وخدي الأمور عادي ببساطه دا مش مرض دا أمر طبيعي جدا جدا انت مش مريضه ولا هو وإن شاء الله خيرا وتكوني احسن ام في الدنيا ، ولازم تكوني متفهمه مع زوجك ، وتقنعيه بذهب لدكتور. رجاء حلو الأمر بينكم في سريه تامه بلاش تدخل الأهل الأمر بسيط جدا ⚖️✨
تم النشر السبت، ١٤ فبراير ٢٠٢٦
لعرض السؤال في فدني اضغط هنا