السلام عليكم ورحمة الله وبركاته
انا طالبه ف الصف الثالث الثانوى ... من يومى وانا محترمه جداا وبتكسف ،، بدأ الموضوع من وقت ما عرفت الانترنت ف اولى ثانوى والموضوع قلب حياتى عملت فيس بالصدفه وقلت لاخويا اكمل فيه قالى لا مينفعش بنت تعمل فيس مع العلم اننا من الصعيد
المهم بعدين حذفته وكنت زعلانه انا كنت عايزه اخليه عشان اكلم عليه صاحبتي وهى اللى شجعتني اخليه بعدين وقالت لي محدش هيعرف المهم سبته كان فيه مدرس باخد عنده درس رياضيات كنت بعزه جدا كان فيه مشاعر بريئه من ناحيتى كلمته ع الفيس هو قال انه بيحبنى وكلام من ده ومره مع التانيه حصل بينا تجاوزات ف الكلام لغاية ما بدأت تانيه ثانوى
المهم عشان انا كنت مش فاهمه حاجه وف نفس الوقت عجبنى الموضوع بتاع الاهتمام مره بعد مره حصل تجاوزات اكتر وكان بيطلب منى أجيله الدرس بدرى مره مع مره قرب منى الموضوع استمر فتره كبيره لغاية حتى ما دخلت تالته ثانوى وبطلت درس الرياضه عشان اشوف باقى المواد االى مستنين ف تالته
كان بينا كلام بعد كده برضو هو كان يساعدني ف كلام وحاجات كتير وكان بيحبنى بس انا مش عارفه ليه مش فوقت من الموضوع وعرفت انه غلط ومينفعش انا دلوقتي عدا تلت سنين ع الموضوع كان بيبعتلى برضو والمهم هما عندنا هنا اصلا من البلد مره من المرات مراته شافت المحادثه بس معرفش شافت اى بالضبط .. بس انا كنت فيها دى خلاص فوقت من الموضوع أصلا ليا فتره وكنت بقوله بطل الكلام اللي بتقوله ده وكمان مراته واجهته وهو مش قالى انا عرفت الموضوع من صاحبتى بعدين لانها تبقى بنت عم مراته وحكت لى انهم عرفوا بس معرفش عرفوا كل الكلام او لا .
المهم انا قفلت اى سكه ممكن توصلنا ببعض وقفلت الموضوع من عندي خصوصا انه الموضوع لو حصل فيه كلام كتير انا هتقتل وانا دلوقتي تبت لربنا ومش هعمل كده تانى انا دلوقتي خلاص هتم ال ١٩ سنه والمفروض فيه شخص هيجى يتقدملى بعد شهرين وجه سأل عليا وعرف انى محترمه
مش عايزه حد يفتح الموضوع وسمعتى تتبهدل خصوصا انى محترمه فعلا وأهلي ناس كويسه بس انا دلوقتي مش عارفه أركز في المذاكره خالص وخلاص امتحانات كلها كام يوم وتبدأ وانا مش مركزه خالص وانا وعد مش هعمل كده تانى بس انا بفكر مش عايزه اعيش تانى اصلا بعد كده
السلام عليكم ورحمه الله وبركاته. بصي يا ست البنات، انتي غلطتي آه انتي عرفتي إن ده غلط آه انتي قررتي توقفي الغلط آه بس انتي فاضلك تكة صغيرة حتى الآن ليه التواصل مفتوح ما بينك وما بينه دي واحده من النقط اللي لازم تتعمل لأن احنا في عندنا شروط للتوبه ان انت اولا تقفلي اي باب يخليكي تقربي من الذنب ده ثاني فاحنا هنا في نقطه ما عملناهاش عشان توبتنا تكون ان شاء الله سليمه وصحيحه لازم نقفل الابواب دي فالتواصل لما بينك وما بين ايا كان شكله عن طريق ايه عن طريق ان هو وسيله لازم توقف تماما فالحساب اللي ليه على الفيسبوك يتعمل له بلوك فورا. ما يبقاش موجود لو هتضطر انك تقفلي حساب الفيسبوك ده خالص يتقفل خالص كده عشان نبقى احنا بنساعد نفسنا على التوبه وتكون صحيحه وسليمه فعلا نكون قدرنا نعدي الغلطه دي. اي حاجه هتكون من بعيد او من قريب لها علاقه بالموضوع احنا مش عايزين نعرف احنا مش عايزين نسمع ولا هنسال بنت عمته ولا بنت عمه مراته ولا الكلام ده كله مش عايزين نعرف اي حاجه ليها علاقه بالشخص ده ثاني هو كان في يوم من الايام المدرس بتاع الرياضيات وفقط لا غير. انا بقى من جوايا عارفه ان هو كمان كان شخص مش كويس ومش محترم ولازم يبقى متسمي كده شخص مش محترم مينفعش اسميه باي شكل من الاشكال مينفعش اقول هو شخص كان بيحبني مفيش الكلام ده هو شخص كان غير محترم شخص استغلال شخص ما عندهوش اخلاق شخص ما عندهوش امانه لازم يتسمى جواك التسمية الصحيحه. هل احنا نقدر نوقف نفسنا ان احنا نغلط كلنا بنغلط كلنا انواع الغلطات كل انواع العلاقات ربنا عز وجل قال ان حتى لو البني ادمين دولت ما بيغلطوش وهيشيلنا خالص ويجيب بدلنا ناس بتغلط ده عادي ده طبيب فاحنا مش لما نغلط غلطه هتبقى كبيره وهتبقى تقيله او يعني عكس ما احنا حتى كنا متوقعين من نفسنا ان احنا منعش في الغلطه دي نقول كده خلاص مفروض حياته واصله مش هتتوقف مع الغلطات الحياه تتوقف لو احنا نوقفنيش المحاوله ده هو المهم.
تم النشر الخميس، ١٢ يونيو ٢٠٢٥
وعليكم السلام ورحمة الله وبركاته، ربنا سترك، احسني الظن فيه وما تغلطي هيك غلط كمان مرة استغفري كثير وتوبي لله توبة نصوحة، استعيني بالله وادعي انو يساعدك تركزي بدراستك، ما تخلي الشيطان يوسوسلك انو ما تدعي او هيك اشي ، لا ادعي وتقربي منو، ربنا بيغفر كل الذنوب لما الانسان يتوب
تم النشر الخميس، ١٢ يونيو ٢٠٢٥
وعليكم السلام ورحمة الله وبركاته، عزيزتي، أولاً أريد أن أقول لكِ إنني أقدّر شجاعتكِ في مشاركتي قصتك بكل صدق، وهذا بحد ذاته خطوة كبيرة وقوية نحو التغيير والتخلص من عبء الماضي. أفكار الندم والأسف على أخطاء حدثت في الماضي أمر طبيعي جداً، خاصة عندما يكون الإنسان واعياً ويحاول أن يصلح نفسه. المهم هو أن الله سبحانه وتعالى غفور رحيم ويحب التائبين، وأنتِ بالفعل تبتِ إلى الله وهذا أجمل وأعظم شيء يمكن تعتمديه في حياتك. دعيني أساعدك في بعض النقاط العملية لتجاوز هذه المرحلة والتركيز على مستقبلكِ: اصنعي نية جديدة ومحكمة : أن تنوي بقلبك الإبتعاد عن كل ما يغضب الله، وهذه النية وحدها تقويك كثيراً. سامحي نفسكِ : لا تعذّبي نفسك بالأفكار السلبية أو الشعور بأنكِ لا تستحقين الخير، فجميع البشر يخطئون والتوبة هي باب مفتوح دائماً. ثقي أن الله يمحو الذنوب : في الحديث الشريف: "التائب من الذنب كمن لا ذنب له"، وهذا دليل على أنه بإمكانك أن تبدأي صفحة جديدة بيضاء. رتبي وقتك وابدئي بخطة مذاكرة بسيطة : مثلاً حددي ساعات محددة للدراسة يومياً مع فترات راحة قصيرة، ركزي على الأشياء التي تحتاجينها في الامتحان، وحاولي تتذكري أن النجاح الآن هو طريقك للرياضة والمستقبل. ابحثي عن الدعم المناسب : يمكن تلجئي إلى شخص موثوق أو استشاري نفسي (يمكنك البحث عن خبير أو خبيرة في موقع فدني للمساعدة)، حتى تتحدثي عن مشاعركِ وتجدين طرق عملية للتحكم في التوتر والقلق. ذكر الله وقراءة القرآن والنوافل : هذه أجمل وأقوى مصادر الراحة النفسية، وحاولي أن تلتزمي بها يومياً ولو لفترات قصيرة. لا تحملي نفسكِ ما لا تستطيعين : لا تتوقعي أن تتحسن أحوالك بين ليلة وضحاها، خذي وقتك وكل يوم ستشعرين بتحسن أكبر. أما فيما يخص خوفكِ من كلام الناس أو سمعتك، فيكفي أنك تعرفين في قلبك قيمتك وأنتِ بالفعل محترمة، وبالعمل على نفسك وإظهار الجانب الإيجابي في حياتك، سيهتم الناس بما تقدمينه وليس بما تحدث عنه الماضي. وأخيراً، نصيحتي لكِ: أنتِ قوية جداً لما مررتِ به وتخطيتِه، والفرصة أمامك الآن لبناء مستقبل مشرق. حافظي على ثقتك بالله وبنفسك، ولا تترددي في العودة لطرح أي سؤال أو حتى الحديث أكثر متى شعرتِ بالحاجة. لو حبيتي، أنا موجودة لدعمك، وأشجعك أيضاً أن تزوري صفحة الخبراء في فدني حيث يمكن أن تجدي استشارات خاصة تناسب وضعك بشكل أعمق. ربنا معكِ دائمًا، وأتمنى لك كل التوفيق والنجاح يا غالية. 💛
تم النشر الخميس، ١٢ يونيو ٢٠٢٥
وعليكم السلام ورحمة الله وبركاته هو كويس الصراحه وانتي شاطره بجد انك لحقتي نفسك وعرفتي تتصرفي بسرعه قبل ما يحصل الاسوء من كده وبما انك من الصعيد والشغل شغل تار كان هيحصل اسوء ب 5 مرات 😅 عموما باين من شرحك انك بنت محترمه فعلا وخايفه على سمعتك واسم عيلتك عموما ادعي ربنا ان الي عارفين الموضوع يسترو عليكي وباذن الله هتتستري ومش هيخذلك ربنا ومن حيث السوشيال ميديا هو عادي البنات كلها عندها سوشيال مبديا لكن خلي بالك ممكن متحسيش انك بتعملي حاجه غلط او حرام بسبب انها كتير على السوشيال ميديا وان اغلب الناس بيقولو انها مش حرام ممكن متلاحظيش لكن ده بياثر عليكي وانتي نش واخده بالك انا مش بقولك امسحي السوشيال ميديا لكن بقولك خلي بالك انتي متابعه ايه فيها بما انك لسه جديده فيها ومتصدقيش اي معلومه بتتقال وخلي بالك من اي حد بيحاول يدخل على الprivate ويحاول يدخل قلبك بالكلام الحلو لان ده كتير عموما وهيتكرر معاكي كتير اوي وممكن الي حصلك ده يتكرر بس الله اعلم ممكن متعرفيش تلحقي نفسك عموما هقولك حاحه تساعدك على التركيز قبل ما تذاكري اتأملي ولو نص ساعه التأمل بيصفي الذهن وبيقوي التركيز وبعدين ذاكري وخليكي واثقه في قدرتك وانك تقدري على التركيز وباذن الله ربنا عارف ظروفك وهيعينك وينفسك عموما اكيد هتحسي بتأنيب ضمير حاليا لكن متخافيش انتي اه عملتي حاجه غلط لكن عرفتي غلطك وصححتيه ولحقتي نفسك انا الصراحه لو مكان والدك احمد ربنا لان في بنات كتير عارفين الغلط وبيعملوه وفي بنات قد شعر الراس بيكملو في الي وقفتيه لانهم مش شايفين ان دي حاجه غلط اسف لو مقدرتش افيدك بحاجه بس أتمنى تاخدي كلامي على محمل الجد لاني اخ ليكي وخايف عليكي في كانك اخت اتمنى مكونش دايقتك في الي كاتبه
تم النشر الخميس، ١٢ يونيو ٢٠٢٥
لعرض السؤال في فدني اضغط هنا