والدك اكثر ما يحتاجه هو التقبل، بص في عينه دايمًا بحنان، حاول تفتح كلام معاه وانك قد ايه حاسس بيه وحاسس باللي هو كابته جواه وانك مستعد تسمعه في اي وقت محتاج يتكلم فيه، اوعوا تدوله احساس بانكم مش طايقينه انا عارفه انه اكيد اكيد تصرفاته مزعجة ولكنه مر بأسوأ التجارب على الإطلاق، احضنه بدون سبب وهو قاعد قوله انك بتحبه وانكم محتاجينه في حياتكم وهتفضلو دايمًا جنبه .. وفي الفتره دي حاول تخليه ما يشكش ولا تتعرض للموقف ده معاه دايمًا اشركه في حياتك واشركه في اللي هتعمله واللي بتفكر فيه اشغله بيكم وحسسه انه مقبول .. الموضوع هيكون مجهد فعلا وهيحتاج منك طاقه واكيد هتبقى مضغوط بس حاول تختار حد ثقه تخرج معاه المشاعر دي .. واخيرًا واهم نقطه حاول قد الامكان انه يتقدمله مساعده من حد مختص .. ربنا يقويكم ويقويه وتعدو الايام دي بسلام.
لعرض الإجابة في فدني اضغط هنا