وعليكم السلام ورحمه الله وبركاته بصي يا بنت الحلال مفيش وقت للضمير اللي بيأنب بزيادة ده أول حاجة حوار إنك بتغلطي ب ال 20 وال 30 غلطة في المراجعات ده مش معناه إنك فاشلة خالص المراجعات أصلا معمولة عشان نغلط فيها ونعرف الأفكار الجديدة والغلطة اللي تغلطيها دلوقتي وتعرفي حلها الصح دي كنز لأنك مش هتكرريها في اللجنة يعني كل غلطة بتغلطيها دلوقتي بتنقذك يوم الامتحان وتاني حاجة حوار أنا ناسية كل حاجة ده وهم وخداع من مخك بسبب الرعب والضغط وقلة النوم لكن وقت ما تقعدي قدام الورقة والهدوء يرجع مخك هيطلع كل المعلومات دي لوحده وافتكري السنين اللي فاتت لما دخلتي مش عارفة حاجه وربنا كرمك فربنا اللي كرمك زمان مش هيسيبك دلوقتي ومش هيضيع تعبك بلاش تحملي نفسك فوق طاقتك وتخافي تخذلي أهلك هما شايفين تعبك ومقدرينه والنتيجة دي بتاعة ربنا مش بتاعتك إنتي عليكي السعي وبس وعشان تلمي الدنيا جهازي كشكول الأخطاء أي سؤال يقع منك أو تغلطي فيه في المراجعة اكتبيه في كشكول خارجي بالحل الصح بتاعه والخطوات الكشكول ده هيكون هو كنزك ليلة الامتحان وقسمي وقتك بلاش تقعدي على المحاضرة 8 ساعات ورا بعض مخك بيفصل وبيدخل المعلومات في بعضها اسمعي ساعة وخدي بريك 10 دقائق افصلي فيهم عن كدا حاجه وبلاش الموبايل والنوم خط أحمر قلة النوم هي السبب الأساسي إنك بتدخلي الامتحان تلاقي نفسك ناسية ومش عارفة تحلي نامي من 6 لـ 7 ساعات عشان المخ يرتب اللي ذاكرتيه و ابدأي بالسهل والمضمون في كل مادة عشان ترجعي ثقتك في نفسك وبلاش تضيعي وقتك في أسئلة تعجيزية المدرسين بيحطوها ومابتجيش في امتحانات الوزارة أصلا اهدي واستعيني بالله وربنا هيكرمك وزياده ..وجد والله ربنا يحفظك ويوفقك 🌷 لو في اي حاجه ممكن افيد حضرتك فيها اتفضلي
العفو ربنا يحفظك ويوفقك... احنا في العشر الاوائل من ذي الحجه.. أجرهم كبير جدا متنسيش تذكري ربنا كتير فيهم ... وتكثري من الأعمال الصالحة... وادعي باللي نفسك فيه كل يوم قبل ما تنامي صلي ركعتين وادعي ربنا يوفقك.. متقلقيش والله في الامتحان هتلاقي كل التعب ده متحول لايجابه وهتلاقي تيسير من رينا كبير لو احتجتي اي حاجه ابعتي هنا وان شاء الله اعرف أفيدك ..
تم النشر الثلاثاء، ١٩ مايو ٢٠٢٦
بس بحاول يمكن محاولاتي توصلني وربنا يجازي حضرتك يارب
تم النشر الثلاثاء، ١٩ مايو ٢٠٢٦
شكرا لحضرتك حاولت امبارح وسمعت تأسيس للعربي بحيث ان افتكر وكدا وحليت استرشادي واللي غلطت فيه حليته تاني من قبل ما اعرف الاجابه والاغلب منهم طلع صح اكتشفت ان طول ما انا بحل دماغي مش مشغوله غير أن عايزه اجيب درجه كويسه والاغلب بسبب التفكير دا ماكنتش مركزه بء
تم النشر الثلاثاء، ١٩ مايو ٢٠٢٦
لعرض الإجابة في فدني اضغط هنا