السلام عليكم ورحمه الله وبركاته
مش عارفه انا حاسه ب ايه بس اللي انا حاسه بيه بجد شعور وحش اوي حوار ان ابقا بذاكر ١١ شهر لأن المدرسين بدأوا بدري عارفه انها كانت غلطه بس كنت بعرف احل واجي على آخر شهر اللي هو واقف عليه مستقبلي اصلا أبقى ولا عارفه افهم حاجه ولا احل والاقي نفسي ب ال ٢٠ وال ٣٠ غلطه يعني اللي هو اصلا مش معديه للنص
بجد نفسيتي وحشه اوي ومتدمره بجد وناسيه كل حاجه في المنهج حرفيا حتى بعد لما سمعت المحاضرات حاسه ان المدرسين كل همهم انهم يخلصوا اكتر من كتاب والمحاضره تتعدي ال ٨ ساعات كل يوم بحاول وبحس بخيبه أمل اكتر
بجد عارفه ان انا مش عليا غير السعي والنتيجه بتاعت ربنا بس انا مرعوبه اوي بجد حاسه ان انا مشفقه عليا من اللي بيحصل بجد لا عارفه اهدى ولا عارفه اعمل حاجه خايفه اوي بجد مش بعمل حاجه غير ان طول ما انا بذاكر مش بعمل حاجه غير ان اقول اكرمني يارب بس اللي مزعلني ان اوصل الطريقه دي في آخر الشهر بجد حاجه محبطه اوي
كنت دايما ايجابيه وبطمن كل صحابي حتى في الوقت اللي كنت محتاجه فيه حد يطمني مشيت بهدوء وفضلت أقولهم ان كل حاجه بخير حوار ان عمري ما اتكلمت مع ماما وبابا وقولتلهم ان انا حاسه ان مش احسن حاجه في مذاكرتي او الماده دي ذاكرتها كتير وبردو مش عارفه احل ولا عارفه اوصل للمستوى إللي عايزاه حاجه مضيقاني ان مش عارفه اتكلم معاهم
خايفه يقلقوا عليا ويخافوا وانا طول عمري معوداهم ان حتى لو محلتش كويس بفهمهم ان الدنيا تمام اوي مش بحب اشيلهم همي وبحاول اقنعهم وأن كل حاجه كويسه لدرجه انهم بيقولوا ان هما واثقين ان هوصل لهدفي بس انا لا مش حاسه لان بسبب اللي انا فيه دا لو عديت هيبقا كرامه عارفه بردو ان فيه ناس كتير عملت اللي عليهم وما وصلتش لان دا قدرهم
وناس ذاكرت بس مش المذاكره اللي تنفع يدخلوا بيها الامتحان وجابوا مجموع عارفه ان دا كله توفيق وكرم من عند ربنا والمفروض اخد بالاسباب بس مش قادره والله ما بقيتش قادره بحاول ومش عارفه حتى بقيت مش بعرف احل ولا ماده حرفيا كويسه فيها قبل فتره المراجعه
مشيت شهر ٤ كويس جيت في ٥ بجد مفيش اعمل ايه حد يساعدني والمشكله ان الكل مراهن عليا خايفه اخذلهم والله عن تجربه لما كنت في تانيه ثانوي دخلت الامتحان في ماده الكيمياء وما اعرفش فيها غير باب ودخلت الامتحان وانا مطمنه وقولت هعدي واجيب درجه كويسه وفعلا والله ربنا كرمني وبابا وماما كانوا مبسوطين بمجموعي
دلوقت بقول لنفسي طب ما اللي قدر ينجيكي مره هينجيكي الف مره وخصوصا ان المره دي بعمل اللي عليا فعلا وزياده بس فيه تنافض بيني وبين نفسي مش عارفة أصدق اللي بقوله ولا اكدب نفسي ولا اعمل ايه ادعولي كتير ولو حد عنده حل مايبخلش عليا بيه وشكرا والله
وعليكم السلام ورحمه الله وبركاته بصي يا بنت الحلال مفيش وقت للضمير اللي بيأنب بزيادة ده أول حاجة حوار إنك بتغلطي ب ال 20 وال 30 غلطة في المراجعات ده مش معناه إنك فاشلة خالص المراجعات أصلا معمولة عشان نغلط فيها ونعرف الأفكار الجديدة والغلطة اللي تغلطيها دلوقتي وتعرفي حلها الصح دي كنز لأنك مش هتكرريها في اللجنة يعني كل غلطة بتغلطيها دلوقتي بتنقذك يوم الامتحان وتاني حاجة حوار أنا ناسية كل حاجة ده وهم وخداع من مخك بسبب الرعب والضغط وقلة النوم لكن وقت ما تقعدي قدام الورقة والهدوء يرجع مخك هيطلع كل المعلومات دي لوحده وافتكري السنين اللي فاتت لما دخلتي مش عارفة حاجه وربنا كرمك فربنا اللي كرمك زمان مش هيسيبك دلوقتي ومش هيضيع تعبك بلاش تحملي نفسك فوق طاقتك وتخافي تخذلي أهلك هما شايفين تعبك ومقدرينه والنتيجة دي بتاعة ربنا مش بتاعتك إنتي عليكي السعي وبس وعشان تلمي الدنيا جهازي كشكول الأخطاء أي سؤال يقع منك أو تغلطي فيه في المراجعة اكتبيه في كشكول خارجي بالحل الصح بتاعه والخطوات الكشكول ده هيكون هو كنزك ليلة الامتحان وقسمي وقتك بلاش تقعدي على المحاضرة 8 ساعات ورا بعض مخك بيفصل وبيدخل المعلومات في بعضها اسمعي ساعة وخدي بريك 10 دقائق افصلي فيهم عن كدا حاجه وبلاش الموبايل والنوم خط أحمر قلة النوم هي السبب الأساسي إنك بتدخلي الامتحان تلاقي نفسك ناسية ومش عارفة تحلي نامي من 6 لـ 7 ساعات عشان المخ يرتب اللي ذاكرتيه و ابدأي بالسهل والمضمون في كل مادة عشان ترجعي ثقتك في نفسك وبلاش تضيعي وقتك في أسئلة تعجيزية المدرسين بيحطوها ومابتجيش في امتحانات الوزارة أصلا اهدي واستعيني بالله وربنا هيكرمك وزياده ..وجد والله ربنا يحفظك ويوفقك 🌷 لو في اي حاجه ممكن افيد حضرتك فيها اتفضلي
تم النشر الاثنين، ١٨ مايو ٢٠٢٦
وعليكم السلام ورحمة الله وبركاته، أنا ذكية، وأنا هنا معاكِ بكل قلبي. اللي بتمرّي بيه طبيعي جدًا في الثانوية العامة، وكتير من البنات بيحسوا بنفس الضغط والخوف ده، خاصة لما الوقت يضيق والمحاضرات تطول. ربنا شايف سعيكِ، وهو اللي بيُكرم العبد اللي بيحاول. نصيحتي العملية دلوقتي: ركزي على الأساسيات والأجزاء اللي بتتعثري فيها، مش لازم تكملي كل حاجة من الصفر. خدي ملخصات قصيرة أو أسئلة متكررة من الامتحانات السابقة. قسمي يومك لجلسات قصيرة (ساعة أو ساعتين) مع راحة بسيطة بينهم، عشان متحسيش بالإحباط. كل يوم قبل النوم، ادعي بصدق: "اللهم لا سهل إلا ما جعلته سهلاً"، وثقي إن التوفيق من عند ربنا مش بس من المذاكرة. أنتِ مش لوحدكِ، ومش عيب إنكِ تتكلمي مع ماما وبابا لو حسيتِ إنكِ محتاجة دعمهم، هما هيفهموا وهيساعدوكِ. لو عايزة نصائح أكتر أو استشارة متخصصة، شوفي صفحة الخبراء على فدني: https://www.fedni.net/experts، وجربي تبحثي عن أسئلة مشابهة في التطبيق عشان تلاقي تجارب بنات تانيين. أنتِ قوية، وهتعدي الفترة دي إن شاء الله. ربنا يكرمكِ ويوفقكِ. لو حابة تكملي الكلام، أنا موجودة. 💛
تم النشر الأحد، ١٧ مايو ٢٠٢٦
سايب فزياء عشان معرفتش احل في باب تاني وجيت افرا مشاكل ناس عشان اعرف ان مشاكلي تهون مهم الله يوفقك
تم النشر الاثنين، ١٨ مايو ٢٠٢٦
صلي على النبي ده عادي جدا انا فاكر اخر امتحان فيزياء عند المستر جبت فيه 10 من 60 و ف اخر السنه جبت 59 من 60 عادي دي فتره قبل الامتحان الخوف يعمل اكتر من كده متتحامليش علي نفسك بس
تم النشر الاثنين، ١٨ مايو ٢٠٢٦
هو طبيعى لما تبدأى تحلى امتحانات تغلطى كتير ، أنا فاكر اول امتحان حليته كان فاضل شهرين جبت فيه 10 من 50 على اخر 20 يوم كده كنت بجيب 50 اغلطى دلوقت وحلى كتير واعرفى غلط احسن متغلطى ف الامتحان وبالتوفيق إن شاء الله
تم النشر الاثنين، ١٨ مايو ٢٠٢٦
اللي فهمته من كلامك إنك اتحرقتي، بصي، اتفقي مع نفسك على اتفاق، هو إنك تنسي إنك في ثانوية عامة لمدة ٣ ايام مثلا، تنسي تماما انك في ثانوية عامة، عيشي بقى حياتك اخرجي اتفسحي اعملي الحاجات اللي نفسك فيها، بس لازم بعد اما ال٣ ايام يعدوا ترجعي بقى تشغلي الشغل تاني، لإن زي ما مطلوب تذاكري زي ما مطلوب تريحي، وده في الآخر مجرد اقتراح ممكن يحل المشكلة والله اعلم
تم النشر الأحد، ١٧ مايو ٢٠٢٦
لعرض السؤال في فدني اضغط هنا