انا بنوتة عندي ٢٧ سنة مخلصة دراسة وبشتغل بقالي سنين الحمدلله
والتزمت ف سن صغير بدري جدآ يعني الحمد لله التزمت من عند ربنا محدش وجهني او ضغط عليا تقريبآ بقالي فوق ال ١١ سنة التزام الحمد لله صلاة و قرءان وذكر ولبس والحمد لله كلة بفضل ربنا
مشكلتي اني نفسيآ بقالي مدة مبعرفش افوق ولا من تعب ولا نفسيآ ولا من الزعل حاسة بإحباط شديد في حياتي برغم اني شخص ممتاز في شغله
بس نفسيتي تعبانة ووصلت لمرحلة ان بقيت أقصر في القرءان بسبب ان نفسيآ مش قادرة اتحكم في نفسي واقعد اقرأ وبقيت طول الوقت فب حزن شديد وجسمي بيتقل كل ما اتحرك ومش طايقة الدنيا ولا نفسي انا واصلة لحالة نفسية وحشة اوي وكرهت نفسي
انا حتى دلوقت مش عارفة اعبر عن ال حاساه وال جوايا
ولا عارفة اعبر عن المشكلة انا محتاجة كلام يفوقني او دعم نفسي مش عارفة انا هلكانة نفسيآ والله ومعنويآ وكل حاجة واكتر الضغوط فوق دماغي بشكل بشع
بصي، إن لنفسك عليك حقا الرسول ﷺ قال الجملة دي لما لقى صحابة بيحملوا نفسهم فوق طاقتها في العبادة. ربنا مش طالب منك تكوني روبوت طول الـ 24 ساعة. النفس بتمرض وبتتعب زي الجسم بالظبط، وده مش معناه إن إيمانك نقص، ده معناه إنك بشر. واللي إنتي فيه ده اسمه في الدين فترة أي خمول بعد نشاط، والرسول ﷺ قال: إنَّ لِكُلِّ عَمَلٍ شِرَّةً، وَلِكُلِّ شِرَّةٍ فَتْرَةً. و في وقت الفتور ده، المطلوب منك الفرائض بس وبأقل مجهود. صلي الخمس فروض وبس، مش لازم النوافل ولا الأذكار الكتير ولا القراءة الطويلة طالما نفسيتك تعبانة. ربنا رحيم وعارف إنك مجهدة. وإحساسك إنك كرهتي نفسك ده من الشيطان عشان يبعدك أكتر. ربنا بيقول لَا يُكَلِّفُ اللَّهُ نَفْسًا إِلَّا وُسْعَهَا. طالما وسعك دلوقتي قليل، فربنا قابل منك القليل ده ومقدره جداً. متخليش العبادة تبقى حمل يزعلك، خليها ملجأ يطمنك. وفي فرق بين الابتلاء اللي محتاج صبر، والمرض اللي محتاج علاج. الحالة اللي إنتي فيها تقل الجسم وعدم طاقة الدنيا قد تكون مرض كيميائي أو ضغط نفسي شديد. إنك تروحي لدكتور أو معالج نفسي ده إتباع للسنة وطاعة لربنا، مش ضعف إيمان. بصي صلي فروضك، وقولي لربنا بصدق ربي أنا تعبانة ومش قادرة، فاعفُ عني وسندني .. وسيبي الباقي عليه. ربنا مش مستني منك اداء مثالي، هو مستني منك قلب صادق حتى لو القلب ده مكسور بعتذر عن الإطالة 😊 وجد والله ربنا يحفظك ويسعدك
تم النشر الأربعاء، ٤ مارس ٢٠٢٦
🎤 إجابة صوتية
تم النشر السبت، ٧ مارس ٢٠٢٦
يا حبيبتي، أول حاجة أقولك ربنا يشفيكِ ويفرج همكِ، وأنتِ بنت قوية جداً الحمد لله، ملتزمة من سن صغير ومخلصة دراسة وشغل، ده إنجاز كبير مش أي حد يقدر عليه. اللي بتحسي بيه ده إحباط نفسي شديد (زي الاكتئاب الخفيف أحياناً)، وده بيجي من ضغوط متراكمة، وهو بيأثر على الجسم والروح، بس هو مؤقت إن شاء الله. خطوات عملية تفوقكِ دلوقتي: ابدئي صغير مع ربنا : حتى لو مش قادرة تقرأي قرآن كتير، اقرئي صفحة وحدة يومياً بصوت هادئ، أو اسمعي تلاوة (زي الشيخ مشاري) وأنتِ قاعدة. قولي "اللهم أعني على ذكرك"، وصلي ركعتين شكر كل يوم تذكري 3 نعم (شغلك، التزامك، صحتك). نظمي الضغوط : اكتبي على ورقة اللي مضايقكِ (شغل، عيلة، إيه؟) وقسميها لـ"أقدر أحلها دلوقتي" و"أسيبها لرَبِّنا". ابدئي بمهمة وحدة صغيرة يومياً، زي مشي 10 دقايق في الشارع (مش تمارين صعبة). رعاية الجسم : نامي 7 ساعات ثابت، كلي وجبة صحية (فواكه، مكسرات) واشربي مية كتير. الرعشة دي من التوتر، هتقل لما الروتين يرجع. أنتِ مش لوحدك، كتير بنات زيك بيعدّوا ده بصبر وتوكل. لو عايزة دعم أكتر، روحي صفحة الخبراء في فدني https://www.fedni.net/experts وابحثي عن متخصص نفسي أو مدرب حياة، هيقدموا استشارة شخصية. وابحثي في فدني عن أسئلة مشابهة هتلاقي إجابات تانية. قومي دلوقتي، اغسلي وشكِ وقولي "حسبي الله ونعم الوكيل" 3 مرات. ربنا معاكِ، هتخرجي أقوى يا قمر! 💕
تم النشر الأربعاء، ٤ مارس ٢٠٢٦
حسد شديد جدا لا تتظاهرين انك ملتزمه يا اختي صدقيني الرسول ﷺ قال يأتي علي الناس زمان يحسدون الناس علي صلاتهم وقال ﷺيأتي علي الناس زمان القابض علي دينه كالقابض علي جمرة من نار أنصحك سورة البقرة بوميا ويستحسن تحفظيها و ورد استغفار يومي والخمس صلوات واذكار الصباح والمساء وورد معين ل تاج الذكر الي هو لا إله إلا الله وحده لا شريك له له الملك وله الحمد وهو على كل شيء قدير اكتر من 100مره في اليوم واشغلي نفسك نفسك إن لم تشغلها بالحق شغلتك بالباطل لكي لا تنتكس وهتشوفي الفرق بعدها وربنا يوفقك
تم النشر الخميس، ٥ مارس ٢٠٢٦
الموضوع كلة ان معدش عندك علو همة محتاج علو الهمة يرجع تاني
تم النشر الأحد، ٨ مارس ٢٠٢٦
السلام عليكم. اسمعي المحاضرة دي ربنا يجعل فيها النفع لكي بإذن الله https://youtu.be/LqUjHsv_dFo?si=xUeJ8BoFUgIeGpyB
تم النشر الأحد، ٨ مارس ٢٠٢٦
تذكري دائما "سَيمُر كل مُر
تم النشر السبت، ٧ مارس ٢٠٢٦
اللهم امين يارب نسأل الله المغفرة والتوبة النصوح
تم النشر الجمعة، ٦ مارس ٢٠٢٦
@Ayman Khaled لو ذنوب يارب يخفف عنا ويغفرلنا جميعآ يارب ولو حسد يارب يصرف عنا ويحفظنا جميعآ يارب
تم النشر الجمعة، ٦ مارس ٢٠٢٦
انا عندي نفس الحال بالظبط بكل تفاصيلها بقيت أحس إني مش أنا أول ما التزمت مش نفس الشخص وده تقريبا فعلا فيه من الحسد والذنوب برضو مثقله الواحد جدا
تم النشر الجمعة، ٦ مارس ٢٠٢٦
سلمك الله من كل سوء
تم النشر الجمعة، ٦ مارس ٢٠٢٦
@Amira Atef حاضر جزاكي الله كل خير تسلميلي
تم النشر الخميس، ٥ مارس ٢٠٢٦
حاولي التزمي بقراءة سورة البقرة يوميا ولو مش هتقدري تقرأيها كلها قسميها على ٣ أيام وهكذا مع الالتزام بأذكار الصباح والمساء وورد يومي من الأذكار حتى لو كل يوم تختاري ذكر وتقوليه ميه مرة مع الإكثار من الصلاة على النبي محمد صلى الله عليه وسلم.
تم النشر الخميس، ٥ مارس ٢٠٢٦
كان فيه تجربه اتعملت علي الجنود الامريكان الله يجحمهم اللي كانوا ف حرب العراق كانوا طالعين من الحرب بيشوفوا كوابيس ونفسيتهم متدمره ، ف التجربه أنهم يوفرلهم وظيفه بنشغلوا بيها غالبيه اليوم عشان ميفكروش كتير + ميكونش لوحدهم في التجربه كانت ليها نتائج جميله ، ف الغالب انتي مش هتبدئي تفكري ف اي حاجه تصايقك غير لو انتي فاضيه أو قاعده لوحدك لانه المخ دائما محتاج حد يشغله واللا هو شغلك بما تكرهه ، وأوقات مثلا بيكون فيه مكان معين مرتبط بحدث معين اول ما بداخله بتحس انك فاقد السيطره علي نفسك نهائي وانك ضعيف وهذا نفسيا جامد و حرفيا عامل زي العيل الصغير مش قادر تاخد قرار ... اوقات كنت بحس بكدا لما بدخل اوضه معينه ف البيت عندي وبقعد فيها فتره كبيره ولوحدي وخاصتا لو زهقان وفاصي ف بقعد افكر ف احداث اكتر غصبا عني ف بزنق وبتعب اكتر ، حاولت ف رمضان السنادي اني اي وقت فاضي فيه اقرأ أو اسمع اي حاجه حتي لو مش مركذ معاها بحيث اشتت تفكيري عن اي شئ وحش ، حاولي تدعي ف الايام دي وشوفي أي خطة تنفع معاكي لانه الدعاء وحده مس كفايه والموضوع بياخد وقت مس هتعمل ف يوم وليله
تم النشر الخميس، ٥ مارس ٢٠٢٦
@شريف | طيب انت شايف ازاي من وجهة نظرك؟
تم النشر الأحد، ٨ مارس ٢٠٢٦
@Moo Talaat انا بشغل نفسي فعلآ وبعمل دا بس غصب عني ال بمر بي وساعات برغم انشغالي بحس اني ف وسط الانشغال مخي بيسرح معرفش لي ولا اراداي ال بمر بي صعب فعلآ ومكتفني وكأنة محاوطني بحاول اخرج منة ولاكن صعب ...الله المستعان وجزاك الله كل خير
تم النشر الخميس، ٥ مارس ٢٠٢٦
@Ammar Hassan كنت بقرأ البقرة يوميآ او بقسمها ولكن مبقتش بقدر نهائي للاسف ...الله المستعان بس هاخد بنصيحتك ولعلة خير جزاك الله كل خير
تم النشر الخميس، ٥ مارس ٢٠٢٦
@Ammar Hassan حاضر سمعت كتير نفس كلامك ان الحسد فالدين مؤذي وصعب
تم النشر الخميس، ٥ مارس ٢٠٢٦
لعرض السؤال في فدني اضغط هنا