السلام عليكم
أنا شاب عندي 19 سنة وكمان ست شهور هتم سن ال20 ، أنا حابب احكي شوية حاجات كده بتحصل معايا السنة دي بالذات وممكن اطول شوية في الكلام بس معلش استحملوني، مبدئيا أنا عارف ان سن ال19 وال 20 ده لسة يعتبر مرحلة مراهقة يعني لسة في اضطرابات نفسية
بس الفكرة انه أنا بيحصل معايا حاجة غريبة وهي اني دايما حاسس ان في حاجة غلط بتحصل معايا او بمعنى اصح في حاجة ناقصاني بس أنا مش عارف الغلط جاي منين ولا ايه اللي ناقص حرفياً زمان ايام ثانوي الدنيا كانت ماشية معايا فل وكل حاجة كانت عادية ومكنش في اي اضطرابات بس أنا تحديداً من وقت ما تمت سن ال 19 وأنا تقريباً مفيش حاجه بتبسطني وده بالمعنى الحرفي مش عارف انبسط بحاجة من اللي حواليا
ومعظم الوقت متعصب جداً ومن اتفه الأسباب كمان ان شالله لو حتى شوية اكل وقعوا مني على الأرض وده مكنش بيحصل زمان بالإضافة لذلك معظم الوقت بحس ان الناس مش بيقربوا مني ولا في تفاعل قوي بيني وبينهم معظم الوقت بس يفضلوا يبصوا لي من بعيد لبعيد وأنا مش عارف هما نظراتهم دي بتعبر عن ايه ولا معناها ايه مع العلم أنا مش مؤذي لحد خالص ولا بتعصب ولا بعامل حد وحش ورغم كده بيبعدوا عني وده مأثر معايا بنسبة كبيرة ،
وفي حاجة كمام بتحصل معايا بردوا وهي اني دماغي شغالة بتفكر في حاجات كتير حاجات معظمها مش موجوده وممكن افضل افكر وأنا بسمع اغاني وبتمشى في الشقة لمدة ساعتين او اكتر ومش عارف ابطل الموضوع ده خالص
اتخيل مثلاً اني متصاحب على مشاهير و بروح معاهم رحلة او اني شغال على ونش او اني عايش في قرية أنا لوحدي بس اللي عايش فيها وحاجات بقى اكتر من كده ،
معظم الوقت أما اشوف ناس مبسوطين وبيضحكوا ويهزروا وفي صداقه قوية بينهم سواء بقى في شارع او في التلفزيون او حتى في الجامعة استغرب جداً وافضل اسأل نفسي هما ازاي اتعودوا على بعض كده وازاي في بينهم كيميا قوية كده وازاي أصلا اتعرفوا على بعض يعني ايه اول جملة قالوها لبعض بس في الاخر مش بالاقي اجابة لكل ده
ده أنا حتى أما اسمع عن قصص لناس حواليا زي مثلاً ان فلان ارتبط بفلانة وهما متمسكين ببعض ومش عاوزين يفارقوا عن بعض مهما استحالت كل الظروف في حياتهم او مثلاً بردوا ازاي واحد قدر انه يخلي واحدة تستناه سنين كتيرة عشان يتجوزوا وهي تصبر عادي يعني افضل اقول هو قالها ايه أقنعها ازاي وهي اقتنعت ليه ؟؟؟
معظم الوقت بقيت في حالة سكوت مستمر ودماغي في حتة تانية خالص عن المكان اللي أنا فيه ساعات الجأ لالعاب الفيديو عشان اعمل وقف مؤقت لاستمرار الحالة بحيث انشغل في اللعبة شوية بس بردوا دماغي تغلبني ،
ياريت اي حد من خبراء الطب النفسي يعرفني هو ده ايه بالظبط هل دي اضطرابات مرحلة المراهقة وكلها كام سنة وتخلص ولا هل ده دليل حاجة تانية لازم الحقها من دلوقتي
مع العلم أنا كنت ملخبط نومي لكن أنا حالياً ظبطه بقيت بصحى من الفجر وبلعب رياضة وكمان بردوا كنت بدور على اي شغلانة بس لسة مش لاقي حاجه مناسبة وأنا كمان بصلي الخمس فروض مش من النوعية اللي بتهمل الصلاة خالص وده من صغري وطبعاً بصوم و بروح الجامع بس لسة مش اي اسباب اللي بيحصل معايا ده وحله ايه واشمعنا حصل السنة دي تحديداً و شكراً
سلام عليكم ..بتقضى وقت اد ايه على الالعاب من قبل ١٩ سنة ...وايه انواع الالعاب اللى بتلعبها علاقتك ب بابا وماما عامله ازاى علاقتك باخواتك لو فى اخوات
تم النشر الأحد، ١٥ يونيو ٢٠٢٥
وعليكم السلام ورحمة الله يا عبد الرحمن، شكراً لثقتك في مشاركة مشاعرك وتجاربك بهذه الصراحة والوضوح. أنا ذكية، هنا عشان أساعدك وأدعمك بأفضل شكل ممكن. أولاً، أريد أقول لك إن ما تمر به ليس غريباً ولا وحدك فيه. كثير من الشباب في سنك يمرون بمراحل من الارتباك والضيق النفسي، خصوصاً مع التحولات الكبيرة اللي بتحصل في حياتهم. لكن دعنا نحاول نفهم الموضوع خطوة بخطوة: 1. الشعور بأن هناك "شيء ناقص" أو "غلط" وعدم الرضا هذا شعور شائع عند كثير من الناس في هذه المرحلة العمرية. قد يكون ناتج عن تغيير في نمط الحياة، أو التوقعات من نفسك، أو حتى الوعي الذاتي الأعمق اللي بدأ يظهر مع النضج. الإحساس بأنك بحاجة لشيء غير معلوم يمكن أن يكون دعوة لأن تراجع أهدافك وقيمك وما تريد فعلاً في حياتك. 2. فقدان المتعة والغضب من الأمور الصغيرة الافتقار للمتعة في الأنشطة المعتادة (فقدان الاهتمام أو "التهرب من اللذة") والانزعاج السريع من التفاصيل الصغيرة قد يكون علامة على حالة اكتئاب خفيف أو اضطراب المزاج. مش بالضرورة مرض نفسي خطير، لكن هذه إشارات تستحق منك اهتمام. 3. التفاعل الاجتماعي والصعوبات في الشعور بالألفة مع الناس الشعور بأن الناس يبتعدون أو لا يفهمونك، أو أن التفاعل بينهم مختلف عن ما تحسه، قد يكون ناجم عن انحباس داخلي أو قلة الثقة أو حتى صعوبات في التواصل العاطفي. الأمر نفسه قد يكبر الشعور بالوحدة. وأنت واضح أنك تحاول أن تكون شخص محترم ولن تسيء لأحد، وهذا شيء جيد. 4. التفكير المستمر في سيناريوهات خيالية أو أحلام اليقظة هذا السلوك يمكن أن يكون طريقة للهروب من الواقع الصعب أو التوتر، لكنه قد يزيد من شعورك بالعزلة ويبعدك عن التفاعل الحقيقي مع محيطك. ليس بالضرورة شيء سيء طالما لا يعيق حياتك تماماً. 5. استغرابك من علاقات الناس والألفة بينهم هذا مؤشر على حاجتك لفهم أعمق للعلاقات الاجتماعية، ربما تنقصك خبرات اجتماعية أو مهارات تواصل تساعدك على بناء علاقات قوية وصحية تدريجياً. ومع الوقت والممارسة ستزداد الخبرة. 6. نشاطاتك الحالية وحالتك الدينية الحمد لله أنك ملتزم بنظام صلاتك وصومك، وهذا أصل ثابت يعطيك طمأنينة روحية مهمة جداً. الرياضة التي تمارسها مفيدة جداً لجسمك وعقلك. ولكن نقص عمل شاق أو وظيفة مناسبة قد يربكك ويزيد من شعورك بالفراغ. نصيحتي لك يا عبد الرحمن: مراجعة مختص نفسي : بما أن الحالة مستمرة منذ أكثر من 6 أشهر وتأثر على حياتك بشكل واضح، أنصحك أن تستشير طبيب نفسي أو معالج نفسي مختص. هو الذي سيساعدك في تشخيص حالتك بشكل أدق ويعطيك العلاج المناسب. Fedni فيه خبراء كثير ممكن يساعدوك، أنصحك بزيارة قسم الخبراء على التطبيق والتواصل مع أحدهم. تنظيم روتينك اليومي : استمر بممارسة الرياضة، نظم نومك وأوقات نشاطك. حاول تضيف أنشطة جديدة تحبها حتى لو صغيرة وتمنحك إحساس بالإنجاز. تطوير مهارات التواصل : حاول تدخل في ورشات أو نشاطات تشجعك على التفاعل مع الآخرين بشكل إيجابي. مثلاً الانضمام لجماعة قراءة، أو نشاطات تطوعية، لأن هذا يساعدك تكسر الحواجز بينك وبين الناس. الصبر والتقبل : المرحلة التي تمر بها تحتاج صبر. لا تضغط على نفسك بقوة أو تقارن نفسك بالآخرين. كل شخص له وقته الخاص ليكتشف ذاته ويبني حياته. الدعاء وطلب العون الروحي : استمر في الدعاء وطلب العون من الله سبحانه وتعالى. وثق أن هذه الصعوبات جزء من اختبار الحياة والابتلاء، والله معك ولن يضيع تعبك. لا تتردد في العودة إليّ بأي سؤال أو طلب دعم إضافي. وأنا هنا دائماً مستعدة أساعدك وأقف معك خطوة بخطوة. ولو تحب تبحث أكثر، ممكن تتصفح الأسئلة المشابهة لحالتك على فدني، سترى تجارب ونصائح كثيرة قيمة. أنتَ قوي، ولو أحياناً مش شايف ده، إحنا كلنا معاك! 🌹 هل تحب أن أساعدك في كيفية التواصل مع خبير نفسي في فدني أو أن أوجهك إلى موارد معينة؟
تم النشر الأحد، ١٥ يونيو ٢٠٢٥
أنا عندي 25 سنة وتقريبًا نفس الحال، وتقريبًا برضو بقيت كده من سن 19 بقيت متخبطة ومش فاهمة، أنت بس بتحب تفكر وتتأمل كتير وغالبًا حصلت حاجات في حياتك استنفزتك وفضلت كاتمها، فكل ده بيطلع في اضطرابات غير مفهومة، أنت محتاج تبعد عن السوشيال ميديا فترة، مع الوقت هتحس انك كل ده خف وقل خالص وبقيت بتركز على حاجات احسن في حياتك، فمتقلقش مشاعر الارتباك دي طبيعية بس اختار اللي أنت بتقضي فيه وقتك كويس.
تم النشر الأحد، ١٥ يونيو ٢٠٢٥
مبروك انت عندك Overthinking مزاجه رايق + ان في انطوائيه فلOverthinking كله مركز على العلاقات وعايز يحسسك انك مش لواحدك فبيدخلك اوهام زي حوار المشاهير عندك حلين تتأمل وتروح لدكتور نفسي يشيل الOverthinking او انك تستغل الOverthinking.... مبدأيا كده الOverthinking شغال بابداع وده نوع من انواع الذكاء لكن الOverthinking حاجه بتحاول تسيطر عليك وبتكبر مع الوقت وعارف مدى الازعاج بتاع الOverthinking انا لحد دلوقتي اتخيلت اني اتولدت لحد ما عجزت وموت وانا رايح جاي في البيت وقاعد بكلم نفسي في ساعه حرفيا كميه جهد غير طبيعي + انه بيخليك تفكر في اوقات بتحتاج فيها الجديه وكل الي عندهم Overthinking الناس بتقول عليهم مجانين ميعرفوش ان ده عبقريه غريبه جدا ومؤذيه... عموما لو عايز تتخلص من الموضوغ انجز عشان الموضوع بيكبر مع الوقت
تم النشر الأحد، ١٥ يونيو ٢٠٢٥
لعرض السؤال في فدني اضغط هنا