احنا ارتبطنا من سنتين وفي خلال السنتين سيبنا بعض كتير بس هو الأول سابني والباقي كان انا تقريبا تلت مرات المهم ان رجعنا المره الاخيره وهو عمل معايا مواقف وحشه مكنش بيرد عليا وبشوفو عند بنات تانيه وبتاع وبس عاتبتو فضل يبرر لنفسو وبس بعدين سألتو انت بتحبني قالي لا بطلت احس بحاجه تجاهك قولتلو تمام قالي متزعليش وبتاع قولتلو م زعلانه وبس بعدها بفتره ناس حاولت ترجعنا بس كان بيرد عليا وم بيكلمني وقالي مره تاني انا مش بحس بحاجه تجاهك قولت ماشي وبعدين دلوقتي بعتلي اد وقبلتو وفضل يلمح كتير انو لسه بيحبني وبتاع وبعدين عمل انفريند بلص ان اختو بتقولي بيحبك وبتاع بس خايف تبعدي عنه وانا حاسه ان جالو تراست ايشوز بسببي انا مش حابه يشوفني بصورة وحشه او ابقي آذيتو ازاي اصلح الموقف علشان حقيقي ندمت وهو بجد عيط علشاني مش عارفه أصلح الموقف ازاي
الخلاصة كل علاقه بدايتها لا ترضى الله نهايتها لن ترضيك ❤
تم النشر الاثنين، ٢٦ يونيو ٢٠٢٣
من رأيي مادام العلاقة حصل فيها توترات كتير ف العلاقة دي مش هتستمر ولو استمرت هتكون في مواقف من دي كتير. ف أنتي لازم تقعدي مع نفسك وتقرري حاجتين. ١. هل لسا بتحبي الشخص دا وهتقدري تتحملي اي متاعب ومشاكل تاني. 2. هل هو بيحبك بجد وعنده استعداد يضحي عشان. لو لقيتي إن المشاعر اتغيرت وصعب انكم تكملوا مع بعض. اقطعي العلاقة نهائي ومش مهم نظرته اهم حاجة راحتك واسترجعي قوتك ونفسك وهتحبي تاني وهتتجوزي وهتعملي حياة سعيدة لكن بلاش تضيعي ايامك ف المشاكل والحزن والعلاقات التوكسيك.
تم النشر الاثنين، ٢٦ يونيو ٢٠٢٣
والله لو بتأذى حد فانتى بتأذى نفسك انتى بانك بتسيئى لنفسك انك يبقى ده وضعك قدامه وهو يقول لا وانتى ترجعى بالشكل ده . اخرجى من دايرة اللى انتى فيها دى ولو فى اى راجل بيحبك هيجيلك بيتك ويعز من قدرك ويطلبك مش انتى اللى تبقى بتستجدى مجرد تأكيد لشعور مراهق وشخص غير مسؤول. صلحى موقفك تجاه نفسك عشان انتى اكرم من كده.
تم النشر الاثنين، ٢٦ يونيو ٢٠٢٣
بعد كل ده ولسه بتقولي خايفة اكون سببت ليه تراست ايشوز؟ انتي بتبرري ل ايه بالظبط؟ ده واحد كان بيعرف عليكي بنات ده اولا كده، يعني كان بيخونك، وانتي صدقتي كلامه الفارغ وكملتي، وجه قالك انا مش حاسس بناحيتك بحاجه كذا مرة وفي الاخر بيحاول يرجع وبيقول بيحبك؟ ما هذا !! وانتي صدقتي ؟ هل انتي ضامنه بعد ده كله انه ميسبكيش مية مرة بعد كده؟ وخايفة هو يشوفك بصورة وحشة ليه؟ هو انتي كنتي عملتي ايه علشان يشوف بصورة وحشة؟ وبعدين يشوف اللي يشوفه .. انتي لو رجعتي الرجوع ده للاسف ملوش معنى غير انك بتأذي نفسك بنفسك .. ياريت تحافظي على نفسك وتدركي حجم الخطر اللي حواليكي.
تم النشر الاثنين، ٢٦ يونيو ٢٠٢٣
من رأي الشخصي... مبدأيا دينيا لو هو شخص بيحبك صحيح يدخل يتكلم مع والدك ع طول وربنا لما يلاقي شخص خد خطوه علشان بس ميرتكبش ذنب يغضبه هيسهل الدنيا حتي لو الدنيا صعبه... من ناحيتك انتي حاولي لتتكلمي ولا تردي ب اي اجابه ليه او لاخته بس الموضوع لو هو فعلا غاوي موضوع بنات وكدا نصيحه لوجه الله بلاش علشان هتتعبي بعد كدا بس الطريق الافضل انه ياخد خطوه عن طريق بيتك مش انتي
تم النشر الاثنين، ٢٦ يونيو ٢٠٢٣
لعرض السؤال في فدني اضغط هنا