Mohamed Abd Elnaby

كل الناس بتغلط والكل له سقطات لكن المهم التوبة أول بأول يعني بعد أي ذنب لابد من التوبة وأهم حاجة مهما كانت أفعالك إنك تصلي الصلاة أهم حاجة. حاولي واحدة واحدة ومفيش حد بيترك حاجة مرة واحدة لكن واحدة واحدة. عن أبي هريرة  قال: قال رسول الله ﷺ: والذي نفسي بيده لو لم تذنبوا لذهب الله بكم، وجاء بقوم يذنبون، فيستغفرون الله -تعالى، فيغفر لهم. لازم الاستغفار والصلاة واشغلي وقتك بحاجات مفيدة ذاكري اتعلمي اي حاجة جديدة دوري ع شغل

بصي ياماما الفترة بتاعتكم دي فترة مراهقة وطبيعي يحصل كدا. ف انتوا ممكن تقترحوا ان المدرس يديكم درس البنات لوحدهم والأولاد لوحدهم، كمان حاولي تغيري رقمك ومتدخليش بيه اي جروب ومتشغليش نفسك بأي حاجة اهم حاجة مستقبلك وركزي ع مذاكرتك لأن دا اللي هيبقى، كل ما يحدث في تلك الفترة هيكون ماضي متخليهوش يسيب أثر بحياتك او يسبب فشلك

حاولي تقعدي مع جوزك مش قعدة عتاب لا اقعدوا قعدة ود وأسأليه اي اللي مزعلك واي اللي اقدر اغيره في رجالة كتير بتيجي بالتفاهم والود ساعتها هتفتحوا قلوبكم لبعض وممكن الحال ينصلح. اذا كان غير كدا ف لازم تفهمي اهلك الموضوع كامل واشرحي كل التفاصيل وهدديهم ان الموضوع دا لو متحلش انتي مش ضامنة هتعملي اي. كمان حاولي تقربي من جوزك شوفي اي خلل صلحيه لو حاجات مش بيحبها غيريها، حاولي تغيري ف سستم كل حاجة ف حياتكم حسسيه بالتجديد

من رأيي مادام العلاقة حصل فيها توترات كتير ف العلاقة دي مش هتستمر ولو استمرت هتكون في مواقف من دي كتير. ف أنتي لازم تقعدي مع نفسك وتقرري حاجتين. ١. هل لسا بتحبي الشخص دا وهتقدري تتحملي اي متاعب ومشاكل تاني. 2. هل هو بيحبك بجد وعنده استعداد يضحي عشان. لو لقيتي إن المشاعر اتغيرت وصعب انكم تكملوا مع بعض. اقطعي العلاقة نهائي ومش مهم نظرته اهم حاجة راحتك واسترجعي قوتك ونفسك وهتحبي تاني وهتتجوزي وهتعملي حياة سعيدة لكن بلاش تضيعي ايامك ف المشاكل والحزن والعلاقات التوكسيك.