انا اتقالي من مامتي أن انا تقيله على بابا انا مش عارفه اقولكم بابا دا عندي ايه دا نور عيني انا عمري ما اقدر استحمل عليه حاجه انا اتناقشت معاها أن محتاجه انزل شغل لان الفترة دي الظروف مش احسن حاجه وانا عمري ما اقدر احسس بابا بكدا رفضت جدآ و بعد كدا بقولها انا خايفه ابقى تقيله عليه قالتلي انتي تقيلة عليه من غير اي حاجه
انا عاوزه اقول ان عمري ما كنت اقصد أبقى تقيله على اي حد انا دلوقتي حاسه ان مصدومه و الكلمة دي كتمتني اووي و حاسه ان مش هكون كويسه بعدها انا مش بقيت عارفه اعمل ايه او حتى اتصرف ازاي انا تعبانه و مش متشافه بدعي ربنا من قلبي أن قدام اكون مش محتاجه حد و اكون انجح حد بنفسي ❤️🩹
يا حبيبتي ❤️، أنا ذكية هنا معاكِ، وأنا حاسة بوجعك ده كله. الكلمة اللي قالتها مامتكِ مؤلمة أوي، وطبيعي جدًا إنها تصدمك وتخليكِ تحسي بالإرهاق ده. بس خليكِ عارفة إنك مش عبء خالص، أنتِ نور عين بابا زي ما قلتِ، وده واضح من حبكِ ليه. الوالدين أحيانًا بيطلعوا كلامهم كده في الضغط، مش معناها إنها حقيقة. خطوات عملية تساعدكِ دلوقتي: كلمي بابا مباشرة : قولي له اللي جواكِ بهدوء، واسأليه رأيه في موضوع الشغل. هيحسسكِ بالأمان اللي محتاجاه. خططي لاستقلالكِ : ابدئي دلوقتِ تبحثي عن فرص شغل أونلاين أو كورسات مجانية عشان تطوري مهاراتكِ (زي Upwork أو مواقع مصرية زي Wuzzuf). هدفكِ ده حلو أوي، وربنا هييسرلكِ إن شاء الله. ادعي واصبري : استمري في الدعاء زي ما بتعملي، وقولي "اللهم اجعلني قوية مستقلة وبارة بوالديّ". الصبر مفتاح الفرج، وبر الوالدين أكبر عبادة. أنتِ هتبقي أنجح واحدة بنفسك إن شاء الله، بس خطوة خطوة. لو عايزة نصائح أكتر عن الشغل أو التعامل مع العائلة، ابحثي في فدني عن أسئلة مشابهة، أو شوفي الخبراء هنا: https://www.fedni.net/experts – فيه متخصصين في التنمية الذاتية هيساعدوكِ. قاومي يا قمر، أنتِ قوية ❤️🩹
تم النشر السبت، ٢٤ يناير ٢٠٢٦
السلام عليكم، أنا مش عارفة أنتِ في سنة كم وهل تخرجتِ وفيه إمكانية تشتغلي أو لأ، بس عامة البنت مسؤولة من أهلها، والمفروض إن الأب مسؤول عن الإنفاق على أهل بيته، والأهل لما بياخدوا قرار الزواج وإنجاب أطفال للعالم فهم عارفين إنها مسؤولية هيتحملوها بكل تبعاتها. (كلكم راع وكلكم مسؤول عن رعيته) والرعاية تشمل التربية والإنفاق والتعليم، والحماية وغيرها. ** الأهل لهم حقوق وعليهم واجبات وكذلك الأبناء لهم حقوق على الأهل وعليهم واجبات تجاههم. ** أنتِ كبنت شرعًا مسؤولة من أهلك ووالدك واجب عليه الإنفاق عليكِ. دورك بقى، تعملي واجبك ناحيتهم. تبريهم وتطيعيهم في المعروف، وتساعديهم باللي في وسعك، عندك مذاكرة يبقى واجبك تنتبهي لدراستك وتتفوقي، يعني مثلا متعمليش زي الطلبة اللي الأب بيتعب ويشقى عشان يجمع الفلوس ويهملوا مذاكرتهم او ياخدوا الفلوس يصرفوها في حاجات تانية وميروحوش الدروس. ** مثلا فيه حاجات تندرج تحت بند الرفاهيات ممكن الاستغناء عنها لحد ما الظروف تتحسن أو لما تقدري تشتغلي وتشتريها لنفسك وهكذا. ** لو تخرجتِ او في فترة إجازة مثلا، ممكن تفكري ساعتها تشتغلي عشان تخففي شوية، بس ده ملوش علاقة بأنتِ تقيلة أو لأ. ** بالنسبة لكلام مامتك، فللأسف الأهل ساعات بيرموا كلام صعب ظنًا منهم إنهم كده بيدفعوا الأبناء لتحمل المسؤولية ويخافوا من التقصير والإهمال. لو الكلام فضل مزعلك ممكن تصارحي مامتك وتتفاهموا أو تكتبي اللي مضايقك في ورقة وتحرقيه، وادعي ربنا يرزق والدك من فضله ويفرج عنكم أي ظروف صعبة. وبالتوفيق إن شاء الله.
تم النشر السبت، ٢٤ يناير ٢٠٢٦
اللي بتحب بباها للدرجة دي مستحيل تكون تقيل عليه الحب ده لوحده أكبر هدية بتقدميها له. متخليش كلمه لحظه غضب تقلب حياتك انتي اقوى من كدا 😊
تم النشر السبت، ٢٤ يناير ٢٠٢٦
باباكي مش شايفك تقيلة الأم أحياناً وقت الضغط أو الخوف من بكرة بتخونهم التعبير، وبتقول كلام قاسي عشان تحسس اللي قدامها بالمسؤولية بس بطريقة غلط تماما حب باباكي ليكي ملوش علاقة بالفلوس أو الماديات مفيش أب سوي بيعتبر بنته حمل تقيل عليه وبالعكس انك تبقى جنبه ممكن يكون هو اللي مهون عليه ضغوط الحياة وحاولي تطلعي اللي جواكي لو قادرة تتكلمي مع امك في وقت هادي قولي لها ان الكلمة دي وجعتني وخلتني أحس إني غريبة في بيتي لو مش قادرة ممكن حل بسيط هيجيب نتيجه معاكي اكتبي كل اللي حاسه بيه في ورقة وقطعيها المهم حاول متكتميش مشاعرك واشكي لربنا إنتي عندك نية كويسة إنك تشتغلي وتساعدي ودي حاجة مشرفة و إنك تدوري على فرصة شغل فعلاً، مش عشان تثبتي إنك مش تقيلة لكن عشان تنجحي بنفسك زي ما تمنيتي في آخر كلامك....بعتذر عن الإطالة 😊 وجد ربما يحفظك
تم النشر السبت، ٢٤ يناير ٢٠٢٦
دي ظروف الحياة اي المشكلة لما تبقي ثقيلة هي الدنيا كذا ان شاء الله لما تكبري هيبقا هو اللي عليكي رعايته وإن شاء الله هتخدميه وتراعيه وهكذا الحياة يوم عليه ويوم عليكي . واللي هو بيصرفه ده حقك عليه مش فضيلة على حد علمي . قضاء الله وقدره حاليا بإيدك الدعاء
تم النشر السبت، ٢٤ يناير ٢٠٢٦
يعني إيه تقيله عليه، الأب ملزم إنه يرعى بناته من ولادتهم لحد ما يتجوزوا ده لو تقصدي إنه مش عاوز يصرف عليكي عمومًا ، أما لو قصدك إن الحمل تقيل والظروف مش متظبطه فحاولي تقللي مصاريف وتمشي عالقد عادي يعني كتير من الناس بيحصل معاه كده وبيتقبل ظروفه
تم النشر السبت، ٢٤ يناير ٢٠٢٦
لعرض السؤال في فدني اضغط هنا