انا من سنه قطعت علاقاتي عشان كانت كلها مش كويسه ، يعني كنت عايزه صحابي يبقوا ناس احسن من كدا ، هما مكنوش وحشين بس كانو عائق في اني ابقى انسانه احسن ،وقربت من ربنا وكنت كويسه ومتسقره نفسياً ، وبعده كدا دخلت تالته ثانوي ودروسي اونلاين مش بنزل ومكونتش صداقات جديده ومنعزله تماماً في الواقع وفي السوشيال ميديا ، وتقريباً مش بنزل من البيت ممكن مره في الشهر أو الشهرين لدرجه اني بنسى شكل السما وبتسغرب الشارع ، الموضوع ده مأثر عليا ومش هعرف اخرج خالص لاني في تالته ولازم اركز في مذاكرتي بس م عارفه السبب في أن أفكاري السلبيه زادت وبحس بأرهاق بدون سبب وعدم تركيز وتشتت شديد علطول وجسدياً صحتي بقت اسوء وذاكرتي ضعيفه جداً وشعري تلف وبيقع بشده ووزني زاد وكل يوم بيعدي بدون اي انجازات أو محاولات ، بيعدي وانا بلوم نفسي على كل حاجه وافضل احس بفشل وتأنيب ضمير
بداية متربطيش قطعك لعلاقاتك مع اصدقاء السوء بالانعزال لأن دي خطوه كان لابد منها و عدم وجودهم مش سبب في الانعزال .. انتِ في ٣ ث ومش عايزين نقصر في الدراسه خالص لان خلاص السنه قربت تخلص و هتبدأي تجهزي للجامعه ان شاء الله وهناك هتتعرفي على صحاب جداد و يكونوا صحبه صالحه ليكي.. بس من هنا لوقتها عندي ليكي فكره جميلة .. احنا داخلين على رمضان تقدري تشوفي اقرب مسجد ليكي و تنزلي تشوفي مواعيد حفظ القران مثلا لو تسمح بين وقت دروسك او وقت التراويح و تتعرفي على بنات من سنك في المسجد و هيكونوا صحبه صالحه و خروجك من البيت للتراويح يوميا هيحسن نفسيتك و هتتعاملي مع بنات جديده كل يوم بالنسبه للارهاق و الاكتئاب وضعف الذاكره وتساقط الشعر كل دا بسبب نفسيتك لازم تخليها احسن متفكريش في القديم وفكري بس ف بكره افتكري انك داخله الكليه و الايام الجايه كلها اجمل و هتتعرفي على ناس جديده و احسن بكتير من اللي بعدتي عنهم و افتكري دايما أن رسول الله صلى الله عليه وسلم قال: إنك لن تدع شيئا لله عز و جل إلا بدّلك الله به ما هو خير لك منه. يعني انتي سيبتي صحابك القدام عشان متغضبيش ربنا خليكي متأكده انه هيبدلك بخير منهم واحسن منهم مليون مره
تم النشر السبت، ٢٤ فبراير ٢٠٢٤
كل الي انتي فيه ده بسبب قفلتك وجوك الكئيب ده عشان انتي في روتين يومي متكرر بشكل شبه دائم بالنسبالك لعدم نزولك من البيت ولا معاملة مع حد، مينفعش تقطعي علاقتك بالناس محدش كويس دلوقتي المهم تعرفي اترقي بين الصاحب في انه ميأثرش عليكي لمجرد انك معاه، خدي فترة هدوء كويسة تفكري فيها صح تالتة مش باقي على امتحاناتها كتير صلي وخلي علاقتك بربنا كويسة وفكري صح وتغلبي على كل تفكير باطل ممكن يسيطر على دماغك وفوقي وحسسي نفسك بالحقيقة ان الدنيا لسة بخير ومع الوقت هتلاقي كل حاجة مشيت تمام خلصي مذاكرتك بدري وانزلي ولو خمس دقايق يوميا شمي هوا فيهم وارجعي تاني وتالتة هتخلص ووقت الفراغ بالنسبالك مش هيبقى في اكتر منه. وكل الدعم وبالتوفيق يارب🙏🏻❤
تم النشر السبت، ٢٤ فبراير ٢٠٢٤
لا شك ان العزلة افضل من صديقات قد تؤخر الانسان... لكن ليست هي الخيار الأمثل..تماما كما نقول ان عدم الأكل افضل من أكل نشارة الخشب.. .. فيسلم الانسان اذا لم يأكلها من الام ومرض يصيب البطن... لكن سيظل الإنسان جائعا.... الاختيار الامثل هو وجود صديقات يأخذونك معهم الى مستوى افضل... والاعتدال في كل شيئ مطلوب لأن الزيادة في كل شيء ايضا لها اثر سلبي.. حتى لو كان شيئا مفيدا... الرياضة مفيدة لكن لا يجب ان نمارسها ليل نهار.. سنصاب بالارهاق.. الراحة نافعة لكن لو استسلمنا لها باستمرار فلن نحقق شيئا مفيدا وسنحصد منها البدانة وتراخي الجسم والكسل... وهكذا في الطعام والشراب والعلاقات.. بل حتى في العبادة.. ان القلوب تمل كما تمل الأبدان.. فلابد من التوسط والاعتدال... اقتربي من الله اكثر.. تمتلئ حياتك طمأنينة وتذهب عنك السلبية والتشتت
تم النشر الجمعة، ٢٣ فبراير ٢٠٢٤
الشي الي عملتيه انك قطعتي الناس السلبية بحياتك هاد شيئ كويس ولكن في غلط انتي عملتيه وحابب انصحك فيه انك انقطعتي عن العالم الخارجي وهاد غلط نوعا ما لانو بطبيعة الأنسان فهو كائن اجتماعي فلذلك يفضل انك بين فترة وفترة انك تخرجي لأي مكان انتي بتحبيه على سبيل المثال مرة واحد بالاسبوع مثلا يوم الجمعة اخرجي ساعتين او تلاتة لأي مكان انتي بتحبيه حتى لو لوحدك وبهي الحالة انتي ما بتكوني انقطعتي عن العالم وبنفس الوقت بعدتي عن الاكتئاب المضاعفات الناتجة عن العزلة والجلوس بالبيت لمدة كبيرة وربنا يوفقك في حياتك يارب ويكتبلك كل خير ويهدي بالك ❤️
تم النشر الجمعة، ٢٣ فبراير ٢٠٢٤
انتي في فتره صعبه بلا شك، و بتمري بتغيير قاسي، بس لازم تمشي على روتين مفيد ثابت علشان تحسني صحتك النفسيه و البدنيه.
تم النشر الجمعة، ٢٣ فبراير ٢٠٢٤
حساكي انا من سنتين
تم النشر الجمعة، ٢٣ فبراير ٢٠٢٤
لعرض السؤال في فدني اضغط هنا