انا اهلي بيشتموني دايما بكلام وحش حتي اخواتي الأصغر منس بقوا يشتمون بردوا كلامهم دا بياثر فيا قوي انا ببقا قدامهم ولا كان ف حاجه عشان مش بحب حد يشوفني ببكي او زعلانه لأنهم مش بيحسوا بيا وبعد ما بيشتموني بيستنوا مني اني اتعامل عادي ولا كان ف حاجه حصلت انا تعبت ومش عارفه اعمل اي معهم ممكن نصيحه 😢
بصي حاولي تتكلمي مع اخواتك واعملي حدود من دلوقتي نصحيه مني ليكي عشان لما. تتجوزي او تتخطبي محدش يقلل منك قدمه
تم النشر السبت، ٨ يوليو ٢٠٢٣
أول حاجه أنتي هنا قولتي فئتين أخواتك الصغيرين و والداكي أحيانا بنحب نضحك و نلعب مع اللي اصغر مننا سواء اخوتنا أو ولاد اخوتنا الكبار و بيكون ده بحسن نيه لكن الأطفال مش بيفهموا أنو وقت الضحك بنسبالهم اللي بيحصل وقت الضحك بيدوم على طول فبيقولوا كلام يدايق و تصرفات تدايق حصلت بسبب اللعب و الضحك و ممكن كمان يكون بيسمع كلام و يقلدوا مش اكتر.... أنا مش بقولك متلعبش ولا متضحكيش معاهم لكن حاولي تكوني وقت الجد حد ووقت الضحك ضحك . بالنسبة للأم أو الأب ساعات بيكون هما متعصبين أو إحنا عملنا حاجه غير اللي هما عايزنها فممكن يطلع تعليق تلقائي و ممكن يكون ده تعود من عندهم مثال صديق ليا لسانة اتعود على الشتيمة و العصبية فى الكلام لكن هو من أطيب خلق الله و ده بيطلع تلقائي ميقدرش يتحكم فيه الأفضل هنا إنك تتكلمي معاهم و تقوليلهم أنا كذه بيزعلني و بيدايقني و هما لو بدون قصد هيعتذروا و هيحاولوا يبطلوا لو قصد مش هيكرروها تاني وبس .
تم النشر الخميس، ٦ يوليو ٢٠٢٣
سنك كام ؟وايه بيبقي سبب الشتايم دى؟ وبتعملى ايه وقتها بتسكتى ولا بتردى ؟
تم النشر الخميس، ٦ يوليو ٢٠٢٣
لا مش هزار دا جد وهم مش من النوع اللي بيتفاهم
تم النشر الجمعة، ٧ يوليو ٢٠٢٣
حاولي توضحي ل اهلك أن دا بيضايقك ب اسلوب مناسب وافهمي هما ليه بيشتموكي ك هزار مثلا او انتي مأثره ومضايقاهم في حاجه اقعدي معاهم وحاولي تقربي وتفهمي وتساعديهم وأخواتك كذلك نفس الوضع
تم النشر الجمعة، ٧ يوليو ٢٠٢٣
لعرض السؤال في فدني اضغط هنا