عندي 16 بعمل حاجات كتير غلط و حرام و كل مره بحاول فيها اتوب برجع تاني و بكون ندمانه بس مش بقدر اقاوم شيطاني دابما بحس اني مش بحب نفسي بسبب اللي وصلتله دا و بعدت جدا عن الصلاه و عن ربنا و دايما ضميري بيانبني و بكون عايزه اصلي و اتكلم مع ربنا لحد ما اهدي بس مفيش فايده بروح اتوضي و ارجع اقف علي سجاده الصلاه و بعد دقيقه واحده امشي و مش بصلي و هاكذا علي طول حياتي الدراسبه مدمره و نفسيتي زفت و المصيبه اني عارفه ان كل دا بسبب بعدي عن ربنا بس مش عارفه ارجع بعدت عنه لدرجه ان المصحف ممسكتوش بقالي اكتر من سنتين مضايقه من نفسي و انا بقولها مضايقه اني مسلمه بالاسم بس، انا و لمي مش قريبين لبعض اوي و دايما بينا مشاكل و عندي كره شديد للبيت لان مش بلاقي حد فيه يفهمني انا بنت و الكبيره و بعدي ولد 11سنه و بنت 5 سنين عندي غيره من اخواتي لان دايما شايفه ان ماما بتسمعهم اكتر مني بتفهمهم اكتر مني دايما بحس ان اختي خدت مكاني في حاجات كتير انا وسط الناس اللي بحبها تحسني اجتماعيه و لو اتحطيت في مكان جديد عليا لاول مره بحس نفسي فيا عيوب الدنيا كلها و خايفه حد يتعامل معايا او يشوفني
كلامي كله مش متوصل ببعضه لاني عندي احاسيس كتيره داخله في بعضها نفسي اقول لماما اني محتاجه اروح لدكتور نفسي بيفهم مش لحد يضحك عليا و ياخد مني فلوس و في الاخر يخليني انا اللي قاعده بسمه مش هو اللي بيسمعني بخاف من فكره اني اصاىح ماما تقولي كلمه تجرحني في حاجات كتير جوايا بس زهقت من الكتابه عايزه بجد الاقي الصاحبه اللي اكلمها و احكيلها و متعاتبنيش علي غلطي اللي انا عارفه انه غلط بس محتاجه حد يقف جمبي عشان اعدي نفسي الاقي حنيتي علي صحابي فيهم عليا!! 😭💔
واضح من كلامك إنك إنسانة عندك قابلية للتغير للأفضل بإذن الله ،، بالنسبه للحاجات اللي بتعمليها ومش راضية عن نفسك فيها ابعدي مصدرها أو الحاجه اللي بتساعدك تعمليها عنك تمامًا فترة لحد ماتبطلي أي عادة سيئة ، والأم اتعاملي معاها برفق وساعديها علشان ربنا أمرنا ببر الوالدين، مش لازم تستني منها إنها تفهمك في كل حاجه لإن عادي في أمهات مقدرتهم في فهم بنتهم بتكون قليله ، فبدل ما يحصل صدامات كتيره لأ صاحبيها في الحاجات المشتركه بس ، وحكاية إنك لما بتكوني في مكان فيه ناس كتير بتحسي إنك مش مرتاحه ده صادر عن *قلة ثقة بالنفس* لازم تزودي ثقتك بنفسك شويه وتكوني عارفه إن بشر = نقائص فكل الناس اللي إنتي شايفاهم مثاليين وأحسن منك ده وهم ، الإنسان مكرم ومقدر لكونه إنسان فقط لا دخل للمال أو العلم أو الشكل في قيمة الإنسان *وَلَقَدْ كَرَّمْنَا بَنِي آَدَمَ ....* فإنتي قيمتك محفوظة لكونك إنسانه فقط ، الصحبة الصالحه مجرد رزق من الله إن رزقتي فخير وإن لم ترزقي فخير وفي كل الأحوال مفيش أفضل من *الأنس بالله* مفيش حد هيفهمك وهيفهم كل آلامك وكل حاجه جواكي إلا ربنا إلجأي لربنا واحفظي القرآن ،وتوبي مما فات فالله هو التواب الرحيم وحافظي على الصلاه لإنك لو موتي وإنتي مابتصليش مفيش حد هينفعك، طبيعي تحسي بكسل لإن دي وظيفة الشيطان بس دي صلاة و*من ترك الله فقد كفر* يعني مفيهاش هزار، استعيني بالله وابدأي التغيير من اللحظه دي ورينا هيكرمك وهيعينك على التغير للأفضل بس لما يرى منك إقبال 💌
تم النشر الخميس، ٢٥ يونيو ٢٠٢٦
بتعملي حاجات كتير غلط؟ يعني أنت بتأكدي أنك إنسان، قال رسول الله صلى الله عليه وسلم: "كل ابن آدم خطاء" وبتقولي أنك بتتوبي؟ يعني أنت من خير الناس، قال رسول الله صلى الله: "وخير الخطائين التوابون"، يعني كدا الحديث كامل← "كل ابن آدم خطاء وخير الخطائين التوابون"، ؟. ولو بعدتي عن ربنا فقد جاء في الحديث القدسي أن الله أشد فرحا بتوبة عبده من رجل ضاعت منه راحلته أو ناقته في الصحراء ثم وجدها ومعها طعام وشراب، يعني ربنا يفرح أنك تتوبي وترجعي ليه، قال الله في الحديث القدسي:" إذا تَقَرَّبَ عَبدي مِنِّي شِبرًا تَقَرَّبتُ منه ذِراعًا، وإذا تَقَرَّبَ مِنِّي ذِراعًا تَقَرَّبتُ منه باعًا أو بوعًا، وإذا أتاني يَمشي أتَيتُه هَرولةً."------ قلتي أن النفسية والدراسة هي تابع لبعدك عن ربنا، وربنا سبحانه وتعالى قال: " (وإن استغفروا ربكم ثم توبوا إليه يمتعكم متاعا حسنا إلى أجل مسمى)"، وكذلك قال:" (فمن يعمل من الصالحات من ذكر أو أنثى وهو مؤمن لنحيينه حياةً طيبة)"----- قلتي أنك مفتحتيش المصحف من فترة كبيرة، وربنا بيعاتبك بقوله على لسان نبيه:"( وقال الرسول يا رب إن قومي اتخذوا هذا القرآن مهجورا)" وقال سبحانه وتعالى :"( طه ما أنزلنا عليك القرآن لتشقى) وقال الله عز وجل :"( وننزل من القرآن ما هو شفاء ورحمة للمؤمنين) ----- قلتي أنك متضايقة من كونك مسلمة بالاسم بس، وربنا قال:"( إلا من تاب وآمن وعمل عملا صالحا فألائك يبدل الله سيئاتهم حسنات)"، وقال الله في الحديث القدسي:" يابن آدم إنك ما دعوتني ورجوتني غفرت لك على ما كان منك ولا أبالي" ------- البداية بعمل يسير بإذن الله وهو عمل كبير جدا وعظيم وهو الاستغفار، الاستغفار فيه حياة للقلب وقربة إلى الله، ابدئي من لحظة ما تقرئي كلامي باستغفار عدد فليكن ٥٠٠ أو ٥٠١ (أي رقم)، جاء في حديث النبي صلى الله عليه وسلم: " طوبي لمن وجد في صحيفته استغفارا كثيرا". ------- في رأيي أن إصلاح علاقتك بوالدتك والبيت وكل هذه الأمور هي موازية للتقرب إلى الله تعالى وطلب العلم الشرعي ------ وأخيرا قال الله تعالى:"( ولا تيأسوا من روح الله)".
تم النشر الخميس، ٢٥ يونيو ٢٠٢٦
أختي العزيزة، أولاً أريد أن أقول لكِ إن مشاعركِ مفهومة تماماً، وأنتِ لستِ وحدكِ في هذا الصراع. الشيطان يستهدف القلوب التي تشتاق للرجوع إلى الله، وهذا الندم الذي تشعرين به دليل على أن إيمانكِ لا يزال حياً بداخلكِ. الله يحب التوابين، وهو أرحم بكِ من أي أحد، وكل مرة تحاولين فيها وتفشلين ليست فشلاً، بل خطوة نحو النصر إن شاء الله. للتغلب على الشيطان، ابدئي بخطوات صغيرة جداً لا تثقل عليكِ. مثلاً، اجعلي هدفكِ اليومي أن تتوضئي وتجلسي على سجادة الصلاة حتى لو لدقيقتين فقط، ثم زدي تدريجياً. اقرئي آية واحدة من المصحف يومياً أو استمعي إلى سورة قصيرة، فهذا يعيد الصلة بربكِ دون ضغط. تذكري أن التوبة ليست مثالية من أول مرة، بل هي عودة مستمرة، والله يفرح بعودتكِ أكثر مما تتخيلين. كوني لطيفة مع نفسكِ، فكرهكِ لذاتكِ يزيد من قوة الشيطان، فحاولي أن تقولي لنفسكِ كل يوم جملة إيجابية مثل "أنا أستحق الرحمة والمغفرة". بالنسبة لمشاعركِ تجاه عائلتكِ ونفسيتكِ، هذا طبيعي في سنكِ، والغيرة والشعور بعدم الفهم أمور شائعة. حاولي التعبير عن احتياجاتكِ بهدوء مع والدتكِ في لحظة مناسبة، مثل "أحتاج أن أتحدث معكِ عن بعض الأمور التي تؤلمني". أما عن الطبيب النفسي، فهو خيار جيد وشجاع إذا شعرتِ أن الأمر يؤثر على دراستكِ وحياتكِ اليومية، ويمكنكِ البحث عن متخصص يحترم قيمكِ الإسلامية. أنتِ قادرة على التغيير، خطوة بخطوة، وكل جهد صغير يُحسب لكِ. ابحثي عن أسئلة مشابهة على فدني لتحصلي على المزيد من الآراء والدعم. أنتِ قوية، وستتجاوزين هذا إن شاء الله.
تم النشر الخميس، ٢٥ يونيو ٢٠٢٦
لعرض السؤال في فدني اضغط هنا