السلام عليكم ورحمه الله وبركاته. وضع متعب جدا جدا طبعا كل اللي انت بتحكيه ده للاسف الله يرحمها عملته معاكي خلينا نحط مساله انك تسامحيها دي شويه كده لان انا عارفه ان ده هيبقى صعب عليك في البدايه وانت شايفه دايما بتقولي كده اخوك نسخه منها ونبدا بحاجه تانيه هي الاهم هو انك تبدئي الحاجه اللي نقصت منك للاسف والدتك كانت المفروض مسؤوله عنها وما عملتهاش انت تبداي تاخذي فيها خطوات زي ما انت عملت كده برافو عليك وبداتي تبحثي عن العنايه بالبشره والعنايه بالجسم ازاي وكل الحاجات دي جميله جدا اللي أخوك قاله لك انت دلوقتي لا او يعني الميزانيه اخرها معاكي 200 300 جنيه فتم جدا خذي ال 200 300 جنيه. واتعامل بيهم هتلاقي في حاجات في متناول المبالغ دي وابداي بحاجه يعني مش لازم نجيب كل حاجه نبدا بحاجه حلوه نجيب الاول حاجات نقدر نتعامل مع روتين جسمنا قبل بشرتنا نظامك الغذائيه جدا جدا جدا في مساله الحبوب اللي بتطلع في جسمك وفي اللي موجود فيها جسمك يعني لون بشرتك بيفرق جدا جدا نظامك الغذائي على فكره اللي انت متعوده عليه فاحنا هنبعد بقى عن كل الحاجات اللي فيها مواد صناعيه شويه ونهتم بالخضروات نهتم بالفاكهه ونشرب ميه كويس قوي قوي قوي ده هيفرق قوي قوي قوي مع جلدك ونضارته ولون جلدك هيفرق جدا زائد نبدا نعمل روتين بقى لجسمنا كده يكون فيه سكراب ومرطب ابسط حاجه سكراب ومرطب نبقى بندخل ناخد شاور نعمل سكراب لجسمنا كويس قوي وبعدين لما نطلع نحط المرطب على جسمنا هنخلي الروتين ده اساسي نتعود عليه وبعد كده نبدا نزود حاجات ثانيه نبدا بقى نتعلم ان احنا نحط حنه مثلا تعالي نتعلم ان ان احنا نشيل الشعر بطرق مختلفه يعني كل الحاجات دي تفرق قوي قوي ناخذها واحده واحده كده انت بتعملي ايه كده انت بتقدمي لنفسك اللي أنت مفتقداه حتى لو حد تاني هو المسؤول نفسك ده هيبدا يخليك تحسي ان انت واقفه ثابته مش مهزوزه كل ده هنيجي بعديه بقى ونبدا نشوف مساله ان احنا ازاي نتخطى والدت عملته ازاي نقدر نسامحها. في العادي لما بيكون في شخص اذانه واحنا بنفكر ازاي نتخطاه بنبدا نقول ان احنا نبعد عن الشخص ده ونقلل تعاملنا معاه علشان يكون التاثير المتراكم ما بيزيدش وكفايه الحاجات اللي اصلا حصلت فما يبقاش في حاجات جديده فهنا بما ان ماما توفت خلاص مش هيبقى فيه اي احتكاكات جديده طيب الحاجات القديمه نعمل فيها ايه الحاجات القديمه دي بتحتاج ان احنا نعرف نحفظ الذكرى بتاعتها من غير ما تبقى عامله طول الوقت زي الجرح المفتوح فاحنا هناخذ موقف موقف زي مثلا الموقف اللي انت قلتيه انا مامتي جت لما انا كنت محتاجه حاجه شخصيه بدأت تهمل في ده وده اثر عليا وانا في وسط اصحابي او في نظرتي لجسمي طيب هفضل واقفه عند الموقف ده وهقول هو انا ساعتها حسيت بايه انا ساعتها حسيت بالاهمال انا ساعتها حسيت باني مش مهمه انا ساعتها حسيت وحسيت وحسيتها تجمعي كل الاحاسيس اللي انت حسيتيها وتمام على كده وبعدين نبدأ نسال نفسنا سؤال ثاني يا ترى انا كنت ممكن ساعتها اعمل ايه واللي انا هعمله ده كان هيغير الموقف ويخليني أحس احاسيس افضل من دي ممكن تلاقي نفسك بتقولي انا كنت ممكن ساعتها اصر انت مفتقده حتى لو حد ثاني كان هو المسؤول وااثر في دوره فده مش معناه ان انا حياتي انا تقف طب ده هيعمل ايه ده هيديكي ثقه في طلبي انا ممكن اكون ساعتها احوش من مصروفي واروح انا اتصرف واجيب الحاجه اللي انا محتاجاها انا كنت ممكن استعين لحد ثاني غير امي واقول له يجيب لي الحاجه اللي انا محتاجاها كان ممكن ده يخوف يخفف من نتائج الموقف او يخفف من احساس ساعتها ان انا اضريت ضرر كبير جدا ونقص كان كامل وما كانش فيه اي حاجه اتعوضه ده هو اللي احنا محتاجين نعمله في اي موقف بياذينا وفي الاخر خالص نقول طيب انا ازاي امنع ان موقف زي ده يتكرر معايا ان انا اكون محتاجه شيء يكون الشخص اللي مسؤول عن الشيء ده مش مدي الموضوع اهميه قد ما انا مديه للموضوع اهميه انا اعمل ايه في الموقف ده هو ده اللي انت هتحتاجي تعمليه مع نفسك تقرري انت هتتصرفي في نوعيه المواقف دي مره تانيه ازاي هنا هبقى استفدت من الذكرى مش هبقى حاسه انه انا نفس الشخص اللي كان في الذكرى القديمه دي اللي كانت الموقف ده الشخص اللي لا حول ولا قوه وفي حد اهمل في حقه فبوظ حياته انا لسه زي ما هو نفس الشخص لا انا هكون غيرت من نفسي وهكون اخدت لنفس القرار جديد لان ده مش هسمح ان هو يتكرر مره دي اهم حاجه المساله.
انه طيب يعني الاسيكراب و المرطب كفاية انه انا بشوف صحباتي عندهم حاجات كتيره بيستخدموها، انه حتى هنا مش بيجيبوا لي شامبو لشعري 😢، الحاجة الوحيده اللي قدرت اعملها انه أخيرا بعد الحاح كتير خليت اخويا يوفق يجيب لي مكانة اعمل بيها الشعر و مش بعمل المنطقة الحساسه بيها لانه بخاف اتعور او ابقي مش بنت 🥲 و بعدين هو المفروض انه اتفقنا انه يجبها لي كل شهر لا هو ممكن يجيبها لي كل 50 او 60 يوم مرة و آخر حاجة قام اشتري لي أربعة مع بعض و قال لي عشان مش تصدعين كل شوية معاكي اربع شهور اهو و لحد دلوقتي فات 6 شهور و داخلين على السابع و مش جاب لي، و بقيت بستخدم الاربع القدام االي عندي و هما مش بقوا شغالين مع العلم انه بيشتري لي شفرة رجالي اصلا عشان ارخص من بتاعت الستات، كل لما ببص على جسمي بحس انه ميؤوس مني و اشوف صحباتي و البنات اللي معايا او البنات اللي على النت بقول في بالي دي ممكن حد يحبها و يحب يتجوزها انما انا حيبص لي على ايه و انا كلي حبوب 😢 المشكله انه اخويا دا بيتعامل مع ماما و كأنها ربنا استغفر الله العظيم عنده استعداد انه يقول انه اي حد غلطان الا ماما و على طول عاوز يزورها لو يقدر يبات عندها حيعمل كده، دا اوقات بيقايدني انه اشتري لكي الحاجات اللي تحتاجيها للعذر الشهري مقابل تجي نذوري ماما النهارده مش اوقات دا على طول دا انا شايلة ترم في الكلية بسببه كل يوم بعد الكلية يبقى طالع عيني و يقول لي يلا نزور ماما ما بقيت مش بروح الكلية بسببه و في الاخر نجحت في مادة و شيلت الباقي و( مخبين على بابا الكلام دا) و المشكله انه المقامر في منطقة وحشه اوووي حتى خالي بقي يقول له ما تروح هناك متأخر المنطقة معروف عنها انه اغلب اللي ساكنين فيها بياعين مخدرات و ناس شمال و خصوصا انه بيبقى معاك اختك لا بردوا هو لازم يروح و مش بس كده لا بيمشينا على رجينا مسافة طويلة جدا جدا قبل المقابر و دا ليه عشان بيقول لي امك ياما مشت عشانا يبقى احنا كمان نمشي عشانها و بعدين عاوزني اخد توكتك ياخد عشرين جنية مني لا اوفرها احسن مع العلم انه لما بنبقي قاعدين في البيت بيطلب كل حاجة دلفري و اوقات بيدفع 25 ل 35 دلفري لكن لا لازم يطلع روحي انا في المروحه السوده دي و يروح يقعد يتكلم معها فوق الساعة و بعدها يقعد يدعي لها كمان ساعة عليها و كل دا و الشمس بتبقي بتاكل في راسي لا مش بس كده لا دا يفضل يقول لي اتكلمي مع مامتك اقول له الله يرحمها يقول لي اتكلمي معها أفضل ادعي لها مش عاجبه و يقول لي انتي مش عاوزة تكلميها ليه و اصلا انا دورت و سالت شيخ ازهري و شيخ تاني سعودي و بيقول كان من تلاميذ الشيخ الشعراوي رحمه الله عليه ايام اما كان في السعودية و الاتنين قالوا لي الميت لا يشعر بالبشر بعد الموت ولا يسمعهم ولا اي حاجة من الهبل دا و مافي اي شيء في القرآن او السنة الصحيحة يثبت دا، دا مجرد كلام بيتقال للناس عشان نصبرهم على الفراق مش اكتر و الأسوء انه اخر مرة روحت هناك في حشره غريبة قرصتني في رجلي و رجلي احمرت و بقيت احس انه في نار بتأكل فيها و من بعدها رجلي كلها بقيت حبوب لحد فوق رجبتي كمان و لما قولت لاخويا كده بكل برود يقول لي عادي شوفي لك اي كريم من الصيدليه للحبوب نجيبه لك و نبقى نزور ماما بكره 😢 و لما قعدت ادور على جوجل ايه اللي عندي دا طلع انه يا ارتكاريا يا حمو النيل و الاتنين ما لهم علاج غير اشتري مرطبات ادهنا تخففها مش اكتر انما الشفاء في الحاجات دي من عند الله، حرفيا دا المكتوب انه ما لها علاج واضح ممكن تقعد عند شخص سنة و تروح لوحدها و اكتر بقي اقل ما نعرف ما لها حل الا انه مرطبات تخففها شوية لكن مش بتخليها تروح 😢💔 ببص علي شكلي بحس انه مشوه مين ممكن يبص لي اصلا 😢 انا لما حد بيدعي لي ربنا يرزقك بابني الحلال بحس انه بيدعي عليا مش بيدعي لي بجد 😭💔
تم النشر الثلاثاء، ١ يوليو ٢٠٢٥
لعرض الإجابة في فدني اضغط هنا