هو لو شخص بحبو جدا وهو بيحبني وساعات بحس من الشخصيه دي انها ماشبه بمزاجها بمعني انو لما يبقي حلو يتكلم حلو ولو مزاجو وحش يتكلم وحش هل دا بيعبر لاي وهل لما مايعجبنيش تصرف بيصدر منو اقول ولا لا مش عارفه اتصرف علشان خايفه اخسرالشخصيه لاني بحبها كتير ولا اعمل اي مش عارفه وازاي اعرف ان الشخصية دي بتحبني زي مانا بحبها
هو واضح انك مياله للشخص ده وبتتعاملى بحساسية معاه اوى عشان ترضيه ...ودى علامه مش كويسة وده مش هينفع نسميه حب منك ...ولو هو حاسس بده و بيستغل ده وبيتعامل وحش او حلو على مزاجة ...فده هيحتاج منك تتأكدى اذا هو فعلا كده او لا عشان موقفك هيختلف . اتعاملى بطبيعتك بقي ولما يزعلك موقف طلعى رد فعلك الطبيعى وقولى انا زعلانه وقولى مش عاوزة اتكلم حاليا وشوفى رد الفعل منه. اغلب الظن طبعا هيلوم عايكى انك ظلمتيه ...ده بقي هيبقي حيلة نفسية عشان تكملى الهيام اللى انتى فيه وهو حاسه منك ومستمتع بيه. اعتقد هتفكرى فى سؤال تانى وقتها
تم النشر الأحد، ٣٠ أبريل ٢٠٢٣
ازيك ....اولا لو بتحبي شخص حبيه بعيوبه قبل مميزاته بس لو في اي حاجه مش عجباكي فيه صارحيه وتناقشي معاه براحة اهم حاجه ابعدي عن الحدة في النقاش قوليله انا مش عجبني كذا وكذا وشوفي ردة فعله لو بيحبك فعلا هيقبل ممكن الكلام علي الاقل وممكن يحاول فعلا يغير دا إنما بقي لو مش فارقة معاه هتلاقيه بيقولك دي شخصيتي عايزة تقبليها تمام مش عايزة خلاص ساعتها هتعرفي انك اديتي مشاعرك للشخص الغلط.
تم النشر الأحد، ٣٠ أبريل ٢٠٢٣
علاقة يتخللها خوف طرف من طرف آخر هي علاقة غير صحية بالمرة، وفي حاجة لإعادة النظر فيها وتقييمها من جديد
تم النشر الأحد، ٣٠ أبريل ٢٠٢٣
مش لازم الطرف التاني يحس انك مدلوقة عليه، او انك مسلمه لكل حاجه هو بيعملها .. او انه ليه الحق انه يتعامل معاكي زي ما هو عايز .... الحب مش اهانه و انتي ليكي الحق والاعتراض على اي حاجه مش عجباكي .. ولكن بهدوء .. يعني اتصرف بطريقة مش عجباكي لازم تتكلمي معاه وتقولي انك رافضة الطريقة ديه. لان لو مش قابلة ده كله دلوقتي، هتقبليه بعد كده اكيد لأ ... والحب مش هينفعك بعد كده ... لما تحصل حاجه منه متعجبكيش ! ف معلش احنا محتاجين نفكر في العلاقة وتصرفات وشخصية الشخص ده، وابعدي عن الحب شوية لحد ما تقرري هل الشخص ده مناسب ليكي ولا لا ... وفي الحقيقية طالما سألتي السؤال اللي هو ازاي تعرفي اذا كان بيحبك ولا لا .. ف ده مؤشر مش حلو .. خالص اصل اللي بيحبك هتكوني مقتنعة فعلا انه بيحبك ... لانه هيبين ده ليكي بكل الطرق ... وطالما سالتي السؤال ده يبقى فيه حاجه غلط.
تم النشر الأحد، ٣٠ أبريل ٢٠٢٣
في الحب، من المهم أن يتناسب الشخصان مع بعضهما البعض ويبنيا علاقة مستقرة. من الواضح أن الشخص الذي تحبينه يمتلك شخصية تتأثر بمزاجه، ويتميز بتصرفات يكون بعضها غير مرغوب فيه. لكن من الأفضل أن تتحدثي مع هذا الشخص عن أسلوبه في التحدث و التصرف في المواقف المختلفة و قول له بصراحة إذا كان يزعجك بعض أسلوبه. من جانبك، حاولي أن تثبتي نفسك بأنك شخصية عاقلة وتفهمين تقلبات المزاج و تحافظين على تصرف حسن. يمكن استخدام الاتصال البصري و خلق مساحة مشتركة لتقوية العلاقة مع هذا الشخص. في النهاية، السعادة والراحة النفسية في العلاقة هما الأهم، إذا كنت سعيدة في العلاقة وتتوافقين مع شخصيته، لا داعي لقلقك.
تم النشر الأحد، ٣٠ أبريل ٢٠٢٣
لعرض السؤال في فدني اضغط هنا