برغم كم المعلومات والكتب الخاصة بالتنمية الذاتية إلا أنني مؤخراً أشعر بإحساس بأنني غير مرغوب أو بمعنى أوضح لست الشخص المفضل لأحد ، سواء أصدقاء أو معارف أو أهل،
فإذا لم أبادر بالسؤال فلا يحدث العكس برغم أنه لا يوجد ما يمنعهم غير أنني لا آتي على بالهم، و أعلم أنه من الأفضل لي أن لا أعاتبهم أو أطلب الاهتمام ولكن هذا الشعور، هذه النغصه، هي ما تزعجني فكيف أتخلص منها؟
الشعور ده بييجي لما تربط قيمتك برد فعل الناس مش كل حد مش بيسأل يبقى مش مهتم الناس أحيانًا مشغولة أو مستنية حد يبدأ الكلام قيمتك مش بتتحدد بقد إيه الناس بتبادر بيك المبادرة منك مش ضعف دي طبيعة أي علاقة ركّز تبني حياتك واهتماماتك والناس اللي شبهك واللي مرتاحة معاك هتقرب لوحدها مش لازم تبقى الشخص المفضل عند الكل يكفي تبقى شخص حقيقي مع الناس الصح ربنا يوفقك ❤️
تم النشر الاثنين، ١٦ مارس ٢٠٢٦
أخي العزيز، أشعر بك تمامًا، هذا الشعور بالـ"غصة" شائع جدًا، وهو غالبًا ينبع من توقعاتنا الداخلية أكثر من الواقع. برافو عليك لقراءتك الكتب، لكن دعنا نطبق عمليًا: 1. غير تركيزك من الآخرين إليك : ابدأ يوميًا بـ"قائمة الـ3": اكتب 3 أشياء تحبها في نفسك (مثل "أنا موثوق، أو أساعد الآخرين"). اقرأها صباحًا ومساءً. هذا يبني ثقتك الذاتية تدريجيًا، ويقلل الاعتماد على إعجاب الآخرين. 2. ممارسة الامتنان : قبل النوم، قل: "الحمد لله على نعمة اليوم"، وفكر في 3 نعم (صحة، عمل، إيمان). تذكر قول الله تعالى: "لَئِنْ شَكَرْتُمْ لَأَزِيدَنَّكُمْ" الله يراك ويحبك أكثر من أي أحد، وهو الوحيد الذي لا ينساك. 3. بناء علاقات صحية بمبادرة ذكية : اختر 2-3 أشخاص إيجابيين، وابدأ محادثات قصيرة أسبوعيًا حول موضوع مشترك. لا تنتظر، لكن لا تفرض. مع الوقت، يتغير الديناميكي. 4. خطوة عملية فورية : اليوم: مارس رياضة 20 دقيقة (مشي سريع)، واتصل بصديق قديم لسؤاله عن أحواله فقط (دون طلب اهتمام). سترى فرقًا في شعورك. هذا الشعور لن يختفي بين عشية وضحاها، لكنه يضعف بالممارسة. إذا استمر، ابحث في فدني عن أسئلة مشابهة أو راجع خبراءنا في https://www.fedni.net/experts لجلسة نفسية متخصصة. أنت تستحق الشعور بالقيمة، يا بطل! 💪
تم النشر الاثنين، ١٦ مارس ٢٠٢٦
ما هو ده اللي أنا عملته ، فما لاقيتش حد 😂
تم النشر الأربعاء، ١٨ مارس ٢٠٢٦
في رأيي انك تسيب نفسك ومتحاولش تتخلص من الشعور ده وتحاول بس تركز على نفسك مش الطرف التاني يعني لو مهتم بحد اسال عليه وأبدأ عادي مش مهم مين فيكم بيبدأ لو المعامله طيبه بينكم لأنه في النهايه سواء لاحظت او لا فأنت بتبني اثر ليك هيفضل موجود لبعدين المهم ركز عليك انت عايز تعمل ايه وعلى المنوال ده هتقابل ناس شبهك اكتر وهيسالو عليك و هيكونو احسن مما تتمنى كمان بإذن الله
تم النشر الثلاثاء، ١٧ مارس ٢٠٢٦
العفو على ايه 💚🌷 .. شكرا جدا لذوقك .. يارب ينتهي الاحساس ده ف اقرب وقت 🌷
تم النشر الخميس، ١٩ مارس ٢٠٢٦
@Ghadeer بشكرك جدا على وقتك و إجابتك 💚 ، فعلاً دي إجابة اكثر منطقية 😊
تم النشر الخميس، ١٩ مارس ٢٠٢٦
عارفة الاحساس ده .. بيتهيالي فكرة انك تفضل تتواصل معاهم بسلام من وقت لاخر بدون انتظار مقابل ده عشان ماتخسرهم .. ومش طول الوقت عشان هيزود احساسك انك مش مقبول وانك بتستناهم .. بس بخصوص احساسك والغصة دي قصة تانية .. يعني بعتقد انه تحط جواك قناعة انك خلاص مش مستني منهم القرب ده حتى وانت بتتواصل معاهم .. عشان توقف الانتظار منهم .. وتبدأ تملا حياتك بتفاصيل تخليك مشغول اكتر حتى لو هتتعلم حاجة جديدة .. عشان ماتتسحلش ف شعورك ده وتخرج منه شوية .. وحاول تحب الوقت اللي بتكون فيه مع نفسك .. حب صُحبتك لنفسك .. وابدا بعدها اعرف ناس جديدة معارف واسعة .. مش دايرة صغيرة تحط فيها العشم كله تاني .. لحد ماتوصل لمعرفة مين فعلا حابب يكون قريب منك وتقدر وقتها تعتبره ف دايرتك القريبة
تم النشر الأربعاء، ١٨ مارس ٢٠٢٦
إحساسك بالغصة عادي جدا في هالحالة، بل هو نتيجة طبيعية لما تحس إن الناس اللي حولك ما يسألون عنك. بس حاول ما تضغط على نفسك و تحاول تتجاوز الشعور بسرعة، خذ وقتك وتفهمه، وهو فعلا بيخف مع الوقت إن شاء الله. وبرضو حاول ما تبني توقعات كبيرة من الناس ... عيش معاهم و هزر معاهم بس ما تربط قيمتك باهتمامهم او سؤالهم عنك لانو الناس تقصر احيانا . رسالة اخيرة: تذكر أنو في ناس راح يقدّرونك فعلا، ويمكن بس ما جاء دورهم في حياتك لحد الان.
تم النشر الأربعاء، ١٨ مارس ٢٠٢٦
عادي و طبيعي تحس بدا و حقك على فكرة و لكن اعتقد دا لانك كنت منتظر شئ و ملقتوش لانتظارك ردهم فقد متستناش يعني ك واحدة مريت بحاجه شبه كدا انك (متستناش رد فعل ديه افضل حاجه هتعملها لنفسك فى اي حاجه و جميع الاحول) ممكن لو افتكرت حد سلم عليه و وده هيشيل دا ليك جدا ع فكرة حتى لو مظهرش بس منتظرش حاجه من حد قلل توقعاتك لو حصل الافضل انت المستفيد لو محصلش حاجه مش مهم انت مكنتش منتظر حاجه ف الاساس
تم النشر الأربعاء، ١٨ مارس ٢٠٢٦
بص متنتظرش انهم يسالو فى وقتها و متتوقعش دا و متستنهوش ولكن خليك فى الجانب الحلو بدون انتظار رد فعل ممكن تلاقي سؤالهم وقت هتحتجهم فيه فعلا و لكن بغض النظر عن كدا ان لازم تكون عارف ان الاشخاص البتودهم دول يستاهلو دا زي اهلك قرايبك صحابك القدام يعني فأة قريبة تكون مرتاح انك بتعمل كدا و لو بدون مقابل و مش لازم يكون فيه مقابل كل خير بتعملة حتى لو كان صغير ف هو بيعمل فرق ممكن متحسش بيه
تم النشر الأربعاء، ١٨ مارس ٢٠٢٦
بص زي م انت حاسس كدا فى اشخاص حاسين ب كدا من اتجاهك بردو بداية كل حاجه بتبدأ بسؤال جرب انت تسأل الاول بدون طلب طبعا او منفعه بعدين هتلاقي ده شئ متبادل مش انك تعزل نفسك و تستنى مين يبدأ
تم النشر الأربعاء، ١٨ مارس ٢٠٢٦
قلل ناس قلل معارف قلل كلام هتلاقي اللي محتاجك هو اللي جنبك
تم النشر الأربعاء، ١٨ مارس ٢٠٢٦
عندك حق ، شكراً جداً لرأيك
تم النشر الثلاثاء، ١٧ مارس ٢٠٢٦
كلامك صحيح ، بشكرك جدا على وقتك و اهتمامك
تم النشر الأربعاء، ١٨ مارس ٢٠٢٦
انا تمام و متفهم ده كويس ، كل المشكلة زي ما وضحت في السؤال إن فيه إحساس مسببلي غصة مش اكتر
تم النشر الأربعاء، ١٨ مارس ٢٠٢٦
لأ ما اعتقدش انه إحساس متبادل علشان انا ببادر و بسأل و بدون منفعة طبعاً ، لكن أنا مؤمن بأن اللي مهتم بحد هيقدر يلاقيله ولو خمس دقايق يكتبله رسالة واتس في اليوم ، غير كده كلها حجج
تم النشر الأربعاء، ١٨ مارس ٢٠٢٦
لعرض السؤال في فدني اضغط هنا