وعليكم السلام، إنتِ ليه مجبتيش سيره والدك ووالدتك وبعدك عنهم وفراقهم وبتفضلي قرايب والدتك وصحابك على والدتك نفسها؟ أعتقد فرصه الشغل سهل تلاقي زيها في محافظتك و المحافظه اللي بتحبيها تقدري تزوريها براحتك في الأجازات والفسح و مع والدتك و انتِ قلتي إنهم مدينلك إمتيازات السفر براحتك.. مفكرتيش إن ببعدك عن والدتك ممكن بعد الشر تتعب ومتكونيش جنبها ؟ سيبيهم يعيشوا مشاعر الفراق معاكي لما تكوني فعلا مضطره زي إنك هتتزوجي خلاص أو في أمر طارئ .. لكن نصيحة مني إستغلي كل وقت معاهم لأنك فالمستقبل هتعرفي إن السعادة مش في المكان السعادة وسط بيتنا ووسط والدك ووالدتك وفري فلوس السكن و الاكل والشرب ومصاريفك اللي هتدفعيها وقت ما هتكوني مقيمه في شقه لوحدك وحوشيها كـ فلوس ترفيهيه وروحيلهم في الاجازات واصرفيها في فسح واعتبريه تغيير جو كل فتره وهتتبسطي اكتر صدقيني
قدمت ف كذا حاجة ومحدش رد وعمالة اصرف وفلوسي خلصت ومحافظتي كدا كدا لو رجعت مغهاش شغل برده
تم النشر الخميس، ١٦ مايو ٢٠٢٤
لو مفيش شغل في محافظتك ومحتاجه الشغل يبقى توكلي على الله وشوفي المحافظه اللي فيها قرايبك
تم النشر الخميس، ١٦ مايو ٢٠٢٤
سألت كتير علي شغل ف محافظتي وتعبت وملقتش خالص وصحابي دايما بجمعهم بس محدش بيهتم نهائي
تم النشر الأربعاء، ١٥ مايو ٢٠٢٤
ولو هنتكلم في نقطه الصحاب .. فإنتِ بتقولي حاسه انك لوحدك في محافظتك .. ممكن تجربي تجتهدي وتجمعيهم وتعملي جروب واتس اب فجأه وتقوليلهم إلبسوا هننزل و تحاولي تقربي منهم إنتِ بنفسك لأن الصداقة بتحتاج مجهود عشان نحافظ عليها وبتحتاج إستمرار إنتِ تسألي النهارده وتطلبي الخروج هما يسألوا بكره وهكذا .. ولو قدرتي تلاقي شغل مناسب في محافظتك وكل أجازه تزوري صحابك في المحافظه التانية هتلاقي نفسك مبسوطه وبتعتبريها تغيير جو وفسحه بعكس لو إنتِ مقيمة فيها هيكون عادي يعني مش فسحه ولا حاجة
تم النشر الأربعاء، ١٥ مايو ٢٠٢٤
المشكلة إن دا اللي هيحصل لما تروحي المحافظة الجديدة .. ودي سنه الحياه للأسف إحنا لما بنضمن وجود الناس حوالينا بنأجل إننا نشوفهم أو نسأل عنهم والعكس لو صديقه ليكي مسافره وبتيجي اسبوع في السنه هتقابليها اكيد ولو ساكنه جنبك بشارعين كل يوم هتكسلي وهتقولي بعدين ابقى اشوفها ماهي موجوده هتروح فين! ف ممكن اللي تعمليه إنك تزوري المحافظه اللي بتحبيها دي كل فترة وتقابلي صحابك وتعتبريها فسحه مش إقامة دايمة عشان متفقدش جمالها و درجة الإجتماعية اللي بتعيشيها فيها
تم النشر الأربعاء، ١٥ مايو ٢٠٢٤
فعلا عندك حق جدا جدا بجد وعاش بس عايزة اقؤلك اني كنت شغالة 7 شهور بعيد عن اهلي ف شرم ورجعت تاني لان المرتبات هناك زي م الكل عارف انها حلوة وروحت محافظة ابعد من شرم بس مرتختش فيها ورجعت للبلد اللي حابة اعيش فيها بس دلوقتي مش عارفة اقرر خالص دا كمان بجانب ان ف المحافظة اللي اهلي فيها انا لوحدي تماما برغم كتر الاصحاب حتي اهلي مش قريبين مني اوي يعني بعني حضرتك بتقؤلي لما صحابك اللي ف المحافظة اللي انتي بتحبيها هيتعودوا علي وجودك مش هيسألوا بيحصل بالفعل مع صحابي اللي ف محافظتي
تم النشر الأربعاء، ١٥ مايو ٢٠٢٤
لا مش بهاجمك خالص بعتذر لو الإسلوب خانني .. لكن انا بكلمك عن تجربة لإني كنت في نفس موقفك قبل كدا .. كان نفسي أسيب محافظتي جدا اللي فيها والدي ووالدتي وحاسه فيها بإنعدام شغف وإكتئاب و و .. وكان هدفي محافظه تانيه وكنت بسعى إني أروح وأستقر فيها لوحدي فعلا .. بس اللي حصل إني مخدتش وقت كفايه إني أقرر وأختار وحصلت ظروف أضطرت أهلي انهم يسيبوني ويسافروا وبقيت مسؤولة عن نفسي وسافرت فتره فعلا .. عرفت وقتها إن كل دقيقه وسط اهلي كانت نعمة و إن الأماكن ال كنت بتمنى أعيش فيها آخرها فسحة وخروجه كل ما توحشني عشان تفضل محتفظه بجمالها في دماغي ( مكان بيطلع نجوم كدا وخالي من المشاكل والحوارات وجديد وخروجات وواو ) لكن اللي هتكتشفيه إن صحابك وقرايبك هيتعودوا إنك معاهم على طول فالاهتمام بيكي مش هيكون زي ما بتيجي كل فتره وهتبقى عادي يعني ما هي موجوده على طول هنبقى نظبط بعدين ونخرج او نقابلها وهتنشغلي بالشغل مع الاكل وهتلاقي نفسك لوحدك اخر كل يوم .. يارب تكوني فهمتيني
تم النشر الأربعاء، ١٥ مايو ٢٠٢٤
دا بجانب ان الحمد لله مش سيباهم لوحدهم عندي 4 اخوات غيري اصغرهم عنده 17 سنة
تم النشر الأربعاء، ١٥ مايو ٢٠٢٤
بغض النظر عن ان حضرتك بتهاجميني مع انك متعرفيش الظروف اي بس انا اقتنعت جدا بكلاامك انا فعلا لو مش فارق معايا فراق والدي ووالدتي مكنتش طلبت المساعدة لكن عشان فعلا فارق معايا فراقهم فطلبت المساعدة الفكرة بس ان ظروف محافظتي مفهاش اي فرصة للشغل ودورت كتير جدا وملقتش اي شغل هناك ف دا اللي اضطرني اني اسافر
تم النشر الأربعاء، ١٥ مايو ٢٠٢٤
لعرض الإجابة في فدني اضغط هنا