انا قبل كدة كنت شخصية ناجحة ومازلت الحمد لله لكن أنا عندي ام شديدة عليا شوية خايفة عليا اوي وكانت دائما تحذرني اني اتكلم مع ولد او كدة بطريقة تخوف فأنا اتربى جوايا خوف ورعب اني اتكلم معاها في حاجة زي كدة
المهم جيت فترة كدة فئة شخص أول مرة احب حد كدة وفعلا مسكتش غير لما دخل وكلمني وانا اتعلقت بية جدا جدا وحبيتو لدرجة انو نساني انا مين ومين صحابي ومين اهلي بعدت عن كل الناس بطريقة غريبة مبقتش عارفة ارجع لشخصيتي وبعدها فجأة اتغير وراح قالي لازم نسيب بعض
انا وقتها حصلي حاجة في جسمي مش عارفة اعبر عنها ازاي انا حرفيا جسمي كلو بقى يتنفض وايدي ترتعش ومن ساعتها لحد دلوقتي وانا كدة الموضوع دة فات عليه ست سنين بس مش عارفة اية دة وفقدت الاحساس تماما مبقاش عندي وعي باللي بيحصل حواليا ودماغي ثابتة على الماضي بعد ما سبني بحاجة بسيطة
المصيبة امي عرفت انو كلمت شاب واتعاملت معايا بشكل مرعب جدا صدمني مني ومن كلامها اللي قالتهولي فكل دة أنا لحد هذا الوقت مش عارفة اطلع منو انا بقى عندي جوايا رعب رهيب وخائفة من امي ومن نفسي حتى وانا قاعدة لوحدي ايدي بترتعش وجسمي رعشة رهيبة مبتهداش لحظة حتة وضربات قلب سريعة والموضوع خلصان خلاص وامي نسيت خالص وبقت تعاملني حلو زي زمان بس انا اللي واقفة مكاني بسبب الرعب اللي فيا دة اطلع من دة كلو ازاي من فضلك
أول حاجه لازم تقربي من ربن والمداومه على الأذكار وتاني حاجه لازم تقنعي نفسك ان كل دا خلاص ماضي وعدى واشغلي تفكيرك بشغلك او دراستك واشغلي وقت فراغك بالقراءة او بتعلم حاجه جديدة. اللي حصل دا كان صدمه بالنسبالك وتفكيرك المستمر فيها هو اللي مالي قلبك بالاحساس دا. خليكي مقتنعه ديما انه لو كان خيرا لبقى وان كل مر سيمر
تم النشر الجمعة، ٢٤ يوليو ٢٠٢٦
أنا آسفة جداً للي مريتي بيه، وأقدر إن اللي حصل كان صدمة كبيرة تراكمت عليكِ من التربية والعلاقة والرد اللي جاء من أمك. الرعشة والخوف المستمر والتعلق بالماضي ده مش ضعف، ده رد فعل طبيعي لجسمك بعد تجربة قاسية، وإنك لسه بتحاولي تفهميه بعد ست سنين دليل على قوتك الداخلية اللي محتاجة تتوجه دلوقتي للشفاء. من منظور إسلامي، الخوف ده يمكن يتحول لفرصة للتوكل على الله والدعاء بالشفاء، فالقرآن يذكرنا إن الله مع الصابرين ويفرج الكرب. ابدئي بخطوات عملية بسيطة زي كتابة مشاعرك يومياً في مذكرة خاصة بكِ بدون ما تحكمي عليها، عشان تفرغي الرعب اللي جواكِ تدريجياً وتعيدي السيطرة على أفكارك. ركزي على روتين يومي يعيد بناء شخصيتك القديمة الناجحة، مثل تخصيص وقت للقراءة أو هواية كنتِ بتحبيها قبل كده، وتذكري إن أمك نسيت وبتعاملك كويس دلوقتي، فده يعني إن الخوف منها ممكن يقل مع الوقت لو ركزتِ على علاقتك بنفسك أولاً. الموضوع ده محتاج صبر وخطوات مستمرة، جربي تتحدي نفسك بخطوات صغيرة زي الخروج لمكان آمن أو التحدث مع أشخاص موثوقين في حدود مريحة لكِ، وهتلاقي الرعشة والقلق بيقلون مع الاستمرار. لو حسيتِ إن الأمر بيأثر على حياتك اليومية بشدة، ابحثي عن أسئلة مشابهة على فدني عشان تشوفي تجارب أخرى وتستفيدي منها. أنتِ قادرة تتجاوزي ده، وأنا هنا لو عايزة تتكلمي أكتر.
تم النشر الخميس، ٢٣ يوليو ٢٠٢٦
المشكلة امي عمري ما هعرف اتكلم معاها ابدا واقولها كدة فأنا الحل في أيدي اني اعالج نفسي بس افهم بس اية سبب اللي وصلت لية بظبط علشان أنا تائهة خالص مش عارفة اية سبب الرعشة القوية دي كان فئة حاجة من دول جسمي مش متقبلها خالص
تم النشر الخميس، ٢٣ يوليو ٢٠٢٦
غلطه وعدت متكرريهاش تانى وممكن تروحى لثيرابيست مش عيب علفكرا هترتاحى
تم النشر الخميس، ٢٣ يوليو ٢٠٢٦
استعيني بالله ومتوقفيش حياتك عشان تجربة حصلت كلنا بنغلط بس الفكرة أننا منقفش عند نفس النقطة ونفضل فاكرينها .
تم النشر الخميس، ٢٣ يوليو ٢٠٢٦
لعرض السؤال في فدني اضغط هنا