هل يمكننا النسيان؟

Question

السلام عليكم انا من حوالي ٥ سنين كان في حد زميلي وكنت معجبه بيه جدا وقربنا من بعض فتره بس محدش فينا صرح للتاني بحاجه ولا كان في تجاوزات هو وقتها بس بحكم الدراسه وان كان في كام حاجه مشتركه بينا عرفنا بعض اكتر وبعدين بعدنا عن بعض لانه كنا وقتها صغيرين وفي دراسه وانا مكنتش حابه ادخل علاقه مش واضحه واظن هو كمان كان كده وبالفعل مبقاش في بينا اي كلام او تواصل مشكلتي انه بالنسبالي كان مثالي كان الشخص الوحيد اللي كنت بحسه شبه اللي بتمناه واللي ف دماغي بس الموضوع مكنش بايدي وبعدها دخل حياتي ناس وكانت يعني ناس بتتقدم او خطوبه وكده بس معرفتش اشوف حد زي ما شوفته حاولت ادي ناس فرصه وبعدت عن اي حاجه تخصه بس برده مفيش فايده اكيد في ناس هنا اكبر مني ومرت بحاجات شبه دي فهل ده عادي وممكن يجي وقت اقابل حد واعرف اتجاوز الموضوع ده ولا انا كده اتحشرت في التجربه دي خصوصا اني بحاول ولا ادور وراه وحتى اما كان في حد دخل حياتي مكنتش بفكر في الشخص ده بس الاحساس مختلف ولحد دلوقتي مقابلتش ولا حد احسه شبهي او شبه اللي في دماغي وكنت بقول اهم حاجه حد كويس واخلاقه كويسه والعشره معاه تبقى سهله ومع الوقت الحب هيجي بس هل ده تفكير صح ولا استنى لحد ما الاقي الشخص اللي يكون فعلا شبهي وشبه اللي بتمناه؟ لأني بدأت احس انه ده صعب معرفش ليه

Accepted Answer

و عليكم السلام ، لأ انتي مش متعلقة بالشخص و ده كويس في حد ذاته ، انتي لاقيتش الشخصية المناسبة ليكي و لشخصيتك و التعامل معاها سلس فعرفتي المواصفات اللي تنفعلك من غير ما تتصدمي بتجارب. كتيرة و ده من نعمة ربنا عليكي ، استغليها صح و اتمسكي بأنك عايزه ده و ربما هيبعتهولك في وقته و وقت ما تكوني انتي مستعدة لشخصية زي دي ، فركزي على نفسك و على حياتك و الافضل ليكي هيجيلك و هتعرفيه من غير ما تدوري ولا تقبلي بأقل من اللي عايزاه ولا تقدمي تنازلات ، وبالتوفيق 😊

Answer

وعليكم السلام ورحمه الله وبركاته بصي مفيش حاجة صعبة على ربنا والتعلق بصورة مثالية في خيالنا لشخص من خمس سنين ممكن يكون مجرد باب للشيطان عشان يوقف حياتك ويخليكي ترفضي رزق ربنا الحقيقي اللي مستنيكي في الحقيقة مفيش حد كامل واللي إنتي شيفاه مثالي هو مجرد ذكرى قديمة والناس بتتغير الشخص اللي شبهك بجد هو اللي ربنا هيجمعك بيه في الحلال وساعتها هتعرفي إن ده اللي كان المفروض تستنيه رزقك مبيغلطش عنوانه وربنا قال وفي السماء رزقكم وما توعدون يعني نصيبك مكتوب باسمك ومش هيضيع لغيرك وإنتي مش محبوسة في تجربة قديمة إنتي بس اللي محتاجة تفتحي الباب للي جاي الحب الحقيقي مودة ورحمة وبييجي بالعشرة مع حد شاري كرامتك وبيتقي الله فيكي وده اللي بيعيش وبيدوم ما توقفيش قطار حياتك في محطة مهجورة وادعي ربنا دايما اللهم باعد بيني وبين ما لا يرضيك وقرب لي ما تراه خيرا لي وافتحي قلبك لفرص جديدة يمكن يكون اللي بتدوري عليه موجود في شخص لسه مقابلتوش بس ربنا شايلهولك للوقت المناسب

Answer

عليكم السلام عندما نكبر، تتغير طريقة تفكيرنا ونظرتنا للأمور والأشخاص، وبالتالي تختلف احتياجاتنا. ربما كنا في الصغر نرى الناس مثاليين بناءً على مفهوم بسيط للحب، لكن عندما ننضج، ندرك أن الحب لا يقتصر فقط على المظهر الجميل أو الكلام المعسول، بل هو عن وجود شخص مهتم، مسؤول، مجتهد، وصادق في وعوده. عندما نكبر، قد نلتقي بأشخاص يبدون غير مثاليين مقارنةً بمن قابلناهم في الصغر. ففي الماضي، كانت متطلباتنا بسيطة وسطحية. ​أما الآن، فالأشخاص الذين نقابلهم قد يكونون أكثر نضجاً واجتهاداً، حتى لو كانت لديهم بعض النقائص. ​نحن نميل للحكم بناءً على التجربة الحالية فقط، ولا ننظر للصورة كاملة، ولذلك نعتقد أن الماضي كان أفضل، بينما الواقع قد يكون عكس ذلك. ​المثالية في العلاقات غير موجودة، فكل إنسان لديه قصور، ونحن نتعلم ونكتسب خبراتنا باستمرار. ولسنا بحاجة لأن نكون متشابهين لندخل في علاقة، بل الاختلاف هو ما يجعلنا نعرف عن بعضنا البعض أكثر ونتعلم معاً، بينما التشابه قد يزيد من المشاكل. باختصار، علينا تقبل الفرص وخوض التجارب المتاحة وبدء علاقات صحية طالما في الاطار الشرعي المسموح به، مبنية على العطاء وتحمل المسؤولية تجاه الشريك،ليس فقط الاستمتاع بأخذ الحب والمشاعر دون مبادلة نفس الشعور للشخص الاخر، يجب السعي لإسعاده والأستغناء عن الأنانية.

هل يمكننا النسيان؟

اجتماعية

علاقات

نفسية

سؤال من احد أعضاء فدني

تم النشر الاثنين، ٢٣ مارس ٢٠٢٦

5 إجابة

1 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك