سلام عليكم
انا طالب ثانوية عامة لسة مخلص يعني والنتيجة طلعت ولكن للاسف النتيجة طلعت بالنسبة ليا سيئة جدا ومش زي ما كنت عاوز
انا طول حياتي بفضل الله يعني دايما متفوق ودايما كنت بطلع الاول او من الاوائل على الاقل
ولكن مع دخول الثانوي وخاصة كمان تالتة ثانوي الدنيا خدت معايا منحدر سيئ جدا من ناحية الاباحية والعادة السرية وكدة حرفيا اتدمرت ع كل المستويات
حاليا انا مش عارف أعمل ايه وشبه داخل حالة اكتئاب بسبب اللي انا فيه ده
ودايما بسمع ان اختيار ربنا احسن وكدة وانا مقتنع بكدة ومش ساخط ع قضاء ربنا بس الفكرة اني ساخط على نفسي وعلى اني كنت ممكن اعمل ايه من كدة بكتير ودايما زعلان من نفسي
وبقول ازاي ربنا هيديني الاحسن وتكون النتيجة دي خير ليا وانا اصلا وصلت لكدة بمعصية ربنا وده سؤال محيرني جدا
عامة هي النتيجة تقريبا ٨٧ في المية
هي ممكن متعتبرش سيئة اوي يعني لكن هي بالنسبالي سيئة جدا والواحد متدمر والله
لان كنت باني تصورات من زمان عن حياتي بقى وكدة وكنت اقدر والله اجيب اعلى واكون احسن من كدة بس حاليا معتش عارف اعمل ايه
ارجو الافادة واسف على الاطالة
أولا إنت ما شاء الله نتيجتك كويسه وتقدر تدخلك كليات كويسه وثانيا الي حصل حصل والنتيجه طلعت فعلا ف إنت شوف هل الحل إنك تضايق وتقفل علي نفسك ولا تحاول تشوف هتدخل ايه وتحاول ترسم مستقبل ليك مش بقلل من حزنك أكيد لكن أعرف إن الحياة مش بتقف وانك لازم تستمر ثالثا اعرف إنت ندمان ليه هل بسبب إنك ذاكرت أو بسبب الإباحية وانك شات نفسك معرفه السبب هتريحك رابعا حاول تشوف نتيجتك تدخلك إيه وابعد تماما عن المقارنات وشوف إنت هتعمل إيه ف حياتك بعد كده وربنا يوفقك
تم النشر الأربعاء، ٣٠ يوليو ٢٠٢٥
السلام عليكم ورحمه الله وبركاته. اولا الف مبروك على النتيجه سلام لازم ما نحتارش انا ايه اللي وصلني النتيجه دي؟ هو قصير ده واضح جدا وانت شخصيا عارف ده كويس اه ربنا بيقدر لنا اللي فيه الخير لينا ده بنقوله بقى امتى لما بكون انا خلصت وعملت كل اللي عليا يعني لو انا سعيد وغزلت اقصى جهدي والنتيجه ما جتش زي ما انا منتظر انها تبقى نتيجه واو فدي يعني النتيجه اللي ربنا شايفها في الصالح ليا هنا انا هقول اكيد ده اللي ربنا عارف ان هو الخير لي عشان كده قدرلي ده اللي هو حتى اقل من توقعاتي تمام كده لكن لما نكون احنا مقصرين ما ينفعش نفكر كده ليه بقى لانه هنا احنا ما عملناش اللي علينا احنا الجزء الخاص بنا مقدناهوش بافضل شكل دي لازم نكون شفافين مع نفسنا كده عشان ما ندخلش بقى في الحيره دي اللي انت ممكن الشيطان يدخل منها كده علشان يزعزع ثقتك بربنا اكثر يقول لك بص ربنا كتب لك حاجه وحشه ازاي لا في نتائج وفي حاجات بتحصل في حياتنا هي بسبب الذنوب بتاعتنا هي بسبب ان احنا قصرنا. بسبب ان احنا كسلنا اه وطول ما احنا شفافين مع نفسنا واا بنفكر بشكل مظبوط طول ما احنا نقدر نتطور للاحسن لو ضحكنا على نفسنا مش هنقدر نتطور للاحسن وهنشوف انه عادي يعني خليني اوريك كده مثال زي ده ممكن يكون في شخص ثاني برده ما كانش علاقته بربنا كويسه وكان للاسف بيعمل نفس الحاجات اللي انت بتعملها دي بس نتيجه كويسه طب اي ما تلاقيش اللي جاي في الحياه برده مكمل بنفس النمط انك عمال تقصر وتاخد نتايج وحشه فانت اصلا وتاخد نتايج وحشه وتزعل من نفسك اكتر طب وليه نفضل ماشيين في نفس السكه دي مش نقوم بق وخلاص لا قدر الله وما شاء فعل ونصلي او نتوضا نصلي ركعتين ركعتين توبه واستغفار عن قصرنا عن اا يعني استهتارنا الفتره بتاعت الثانوي ونشوف ايه اللي نقدر نعمله في الحياه اللي جايه يكون افضل في ناس ما اتوفقتش في الثانويه العامه وما دخلتش كليه اللي هي عايزاها ولكن الكليه اللي هتقدرت لها قدروا يحققوا فيها نجاحات احسن من اللي دخلوا الكليه للنها وده المهم انك في اي مكان نتحط فيه كبده الاقصى جهدك وتسيب النتيجه والرزق اللي ربنا كاتبه لك يكون من عنده وتشوف الابواب اللي هتتفتح لك قد ما انت تبذل الجهد المطلوب منك ان شاء الله كل الامور تتحسنى من الحفره اللي احنا وقعنا فيها دي نقول بقى نقوم.ه ده بقى احنا هنقول ايه هنقول ان هنا بقى الشخص ده لسه ما اخذش نتيجه تقصيره ولسه ربنا مقدرلهوش ان هو ياخذ النتيجه الاخطاء اللي هو بيعملها دي. بس هم هياخذها هيزعل برده ويوم هياخذ النتيجه لا بناء على كل الحاجات الغلط اللي بيعملها ساعتها برده المفروض بس مع نفسه ويبقى عارف انه ده بسبب افعالك حتى لو ما اخذتهاش فاول مره في نتيجه الثانويه كانت هتيجي في وقت ثاني فضروري نكون متنبهين زي ما انت جميل كده ومتنبه لنفسك بالخطا والتقصير اللي حصل منك ونعمل حاجه مهمه جدا ونقول الوقعه اللي انا وقعتها مش هفضل واقع فيها ولازم اقول طب ليه لازم تقوم لازم تقوم علشان الموضوع ما يذاكرش عشان
تم النشر السبت، ٢ أغسطس ٢٠٢٥
قرب من ربنا آكتر واهتم ب صلاتك وورد القرآن ولما تحس بحاجه ممكن تنزل تلعب رياضه تنزل جيم شوف فيديوز عن إزاي تبطل العادة دي وكمان معدلك كويس جدا وان شاء الله هتلحق كليه كويسه وربنا يكرمك وتشتغل غ حاجة كويسه ب الجانب الاهم. إنك تبعد عن المعاصي وتبطل الحاجة إللي بتتفرج عليها أو بتعملها دي لأن أخرتها هلاك وبتوصل الإدمان غير كده إنها حرام وإنت كده بتعمل معصيه
تم النشر السبت، ٢ أغسطس ٢٠٢٥
وعليكم السلام ورحمة الله أخي العزيز، أشكرك جدًا على صراحتك ومشاركتك هذه المشاعر الصعبة، وهذا دليل على وعيك ورغبتك في التغلب على ما تمر به. بدايةً، أود أن أقول لك إن ما تشعر به الآن طبيعي جدًا في ظل هذه الظروف، وكلنا قد نمر بأوقات فيها إحباط أو ندين أنفسنا بسبب أخطاء سابقة، ولكن الأهم كيف نتعامل مع هذه المرحلة وننهض من جديد. دعنا نحلل وضعك خطوة بخطوة: النتيجة 87% ليست نهاية العالم من نظرة واقعية، 87% معدل جيد جدًا بالنسبة لكثير من الطلاب، وهو يؤهلك لمستقبل مشرق إن شاء الله. لكن لأنك كنت معتاد تتفوق، شعورك بالخيبة طبيعي. لا تقسو على نفسك، وبدل ما تركز على "كان ممكن أكون أفضل"، ابدأ تفكر ماذا يمكنك أن تفعل الآن لتحسين وضعك. التعامل مع الإحساس بالخطيئة والندم أنت تشعر بأنك تضررت بسبب عادة أو معصية، وهذا الشعور صادق ومهم لأن الله تعالى يغفر التائبين، وأنت الآن في مرحلة الندم والتوبة، وهذا هو أفضل ما يمكن أن تبدأ به. أذكر دومًا أن الله رحيم، ومغفرته واسعة، ويريد منك أن تعيد توبتك بصدق وعزم. لا تجعل نفسك محبطًا أو متعبًا بسبب الماضي، بل اقرأ الأحاديث عن التوبة والنجاح بعدها، مثل قول رسول الله صلى الله عليه وسلم: «التائب من الذنب كمن لا ذنب له». كيف تبني حياتك من جديد؟ نصيحتي لك أن تبدأ بوضع خطة عملية: تحديد أهداف جديدة : سواء في دراستك أو في علاقتك بالله أو حياتك الشخصية. الابتعاد عن المحفزات السيئة : اجتهد في تغيير البيئة التي تؤثر عليك، وابتعد عن كل ما قد يذكرك بالعادات السيئة. الانشغال بالأعمال النافعة : استثمر وقتك في شيء مفيد مثل الرياضة، الدراسة، التطوع، أو تعلم مهارة جديدة. الاستعانة بالله بالدعاء والاستغفار : اجعل هذا ضمن روتينك اليومي، لا تستهين بقوة الدعاء. الشعور بالاكتئاب والضغط النفسي إن شعرت بأن اكتئابك يزداد أو صعب عليك تحمله، لا تتردد باللجوء إلى استشارة مختص نفسي، ويمكنك البحث عن خبراء في منصة فدني للتواصل مع مختصين يقدمون لك دعمًا نفسيًا يتناسب مع حاجتك. الثقة بنفسك من جديد أنت إنسان متميز وتستطيع أن تغير نفسك وتعيد بناء طموحك، لا تجعل خطأ أو اختبار صعب يحكم على كل حياتك. تذكر أن قصص النجاح غالبًا ما تبدأ من الفشل، والأهم ألا تتوقف عن المحاولة. أخي العزيز، أنا هنا معك وأشجعك أن تبتسم مهما كانت الأمور صعبة. اجعل هذه تجربة تجعلك أقوى وأفضل. إذا أحببت، تستطيع زيارة قسم الخبراء في فدني [https://www.fedni.net/experts] لتجد مختصين يمكنهم مساعدتك بجلسات استشارية متخصصة. وأيضًا أنصحك بالبحث في فدني عن أسئلة مشابهة لتجارب ناجحة أُجريت عليها نصائح كثيرة. أسأل الله لك العون والتوفيق، ولا تنسى أن الحياة أمامك مليئة بالفرص والنجاحات بإذن الله. إذا أردت، أنا هنا دائمًا للاستماع والدعم. دمت بخير يا أخي ذكية
تم النشر الأربعاء، ٣٠ يوليو ٢٠٢٥
أولا افصل تقديرك لنفسك عن الواقع المادي .. يعني قدّر نفسك بعيدا عن نتيجتك وبعيدا عن عضلاتك مثلا بعيدا عن أي انجازات مادية / ثانيا انت الآن في الأمر الواقع . متورط في عادة وعندك مشاعر سلبية من خيبة الأمل والكآبة . فمحتاج تتعامل مع واقعك . اعتبر ان عدم رضاك عن النتيجة هو القاع اللي رمتك فيه العادة . وما بعد القاع إلا الصعود
تم النشر الجمعة، ١ أغسطس ٢٠٢٥
أولا ألف مبروك مجموعك ما شاء الله عالي ويدخلك كليه حلوه ... خلاص النتيجه طلعت ابتديت ارسم حياتك من أول وجديد وخطط تبقا حد تاني ... انت غلطت ويمكن الإباحيه خلتك تحس بندم جواك وطالما حسيت بندم جواك يبقا ضميرك صاحي وموجود .. باب التوبه مفتوح لينا ( إن الله غفور رحيم ) صلي وحاول تلتزم بقيام الليل وصوم حاول جدا انك تصوم وتدعي لربنا يغفرلك وهو بإذن الله هيغفرلك ... وابتدي ارسم مستقبلك اي انسان بيغلط احنا بشر بس الوحش بقا ان الانسان يغلط ويعرف انه غلطان ويكمل فغلطه فلازم تتعلم مالغلط دا يمكن مش هتيجي من اول مره بس لما تعرف
تم النشر الخميس، ٣١ يوليو ٢٠٢٥
أولا إنت ما شاء الله نتيجتك كويسه وتقدر تدخلك كليات كويسه وثانيا الي حصل حصل والنتيجه طلعت فعلا ف إنت شوف هل الحل إنك تضايق وتقفل علي نفسك ولا تحاول تشوف هتدخل ايه وتحاول ترسم مستقبل ليك مش بقلل من حزنك أكيد لكن أعرف إن الحياة مش بتقف وانك لازم تستمر ثالثا اعرف إنت ندمان ليه هل بسبب إنك ذاكرت أو بسبب الإباحية وانك شات نفسك معرفه السبب هتريحك
تم النشر الأربعاء، ٣٠ يوليو ٢٠٢٥
لكن الندم مش هو السبب الأساسي للإدمان بدليل ان قبل الثانوي كانت موجود .. يعني في سبب آخر .. هل كان حد من الأهل قاسي في التعامل فسبب قلة ثقة أدت للإدمان ؟
تم النشر السبت، ٢ أغسطس ٢٠٢٥
والله ربنا يعلم انا بجاهد اد ايه ،بس مؤخرا للاسف بقيت بهرب من الاحساس بالندم وكدة للعادة دي نفسها الموضوع مخزي وصعب جدا يعني
تم النشر السبت، ٢ أغسطس ٢٠٢٥
العادة السرية اسبابها كثير منها ان هي زي مسكنات الألم .. يعني الواحد لو عاش في توتر دائم يوميا فللأسف بيلجأ لأي إدمان يسكن ألمه .. فراجع ايامك زمان هل كان فيها احترام ولا توتر وقسوة ؟
تم النشر الجمعة، ١ أغسطس ٢٠٢٥
إن الإباحيه دي هتدمر علاقتك بنفسك وبربنا وتقف عنها وتعقد النيه ان خلاص انا مش هرجعلها تاني وتعمل زي مقولتلك انك تصوم وتصلي القيام وتدعي كتير لربنا يغفرلك واحلي حاجه ان الانسان ياخد الحاجه اللي نفسه فيها فالحلال ... والاباحيه دي ليها دمار للإنسان مستقبلا نفسيا وجسديا وفزواجه كمان ... وارسم خططك وشوف عاوز تخش كلية اي وبإذن الله ربنا يراضيك ويغفرلك ويراضيك فالجاي من حياتك ويملأ قلبك بالإيمان ويثبتك
تم النشر الخميس، ٣١ يوليو ٢٠٢٥
لعرض السؤال في فدني اضغط هنا