السلام عليكم ورحمة الله وبركاته
السنة دي كانت صعبة عليا اوي حصلت فيها كل حاجة وحشة وكل حاجة كانت بتأثر عليا ، وانا اصلا دايما في حالي مش عندي ناس قريبة مني ولاحتى عندي اصحاب دايما بسأل نفسي ليه بس للأسف انا مش عارفة
ماما تعبت معايا اوي السنة وكان نفسي افرحها بمجموع كويس لكن مليش نصيب في ده ، كان نفسي ربنا يعوضني ان احقق حلمي واخش الكلية اللي نفسي فيها نفسي افرح امي اللي شايلة الحمل لوحدها
انا عمري ما توقعت ان انا هجيب المجموع ده انا لحد دلوقتش مصدومة مش قادرة آخد ردة فعل نهائي ولا قادرة حتى اعيط انا حرفيا اول مرة تحس ان قلبي بيتقطع انا طول عمري شاطرة دراسيا لكن
راح فين مجهودي والدروس والتعب والسهر
بالمناسبة انا عاوزة اعيد السنة لأن حاسة ان مجموعي ده مش هيدخلني كليه وكمان انا شايلة مادة انا جايبة 54%
وحاسة ان مش عملت اللي عليا كفاية للأسف واهي آخد المحاولة
انا عن نفسي مش عندي مشكلة ادخل معهد وخلاص لكن ماما مش راضية وبتقول مش تخشي معاهد
السلام عليكم يا مريم، خيرًا إن شاء الله، فاهمة مشاعرك وصدمتك دلوقتي وإن شاء الله ربنا يخفف عنك وتتجاوزي الوقت الصعب ده بسرعة. قدر الله وما شاء فعل، أنتِ عملتِ اللي عليكِ واجتهدتِ رغم الظروف الصعبة اللي مريتِ بهبا، فمتفكريش أبدا إن مجهودك ضاع أو إنك فاشلة. ونتيجة الثانوية مش معناها خالص حكم نهائي بالنجاح أو الفشل في الحياة، الثانوية مجرد بتوجهنا لطريق مكتوب لنا هنمشي فيه وتجارب جديدة هندخلها وبإيدينا احنا نستغل الطريق ده صح ونصنع النجاح فيه. ** متفكريش دلوقتي في أي قرارات وأنتِ تحت تأثير الصدمة سواء إعادة السنة أو دخول معهد ووالدتك مش موافقة. ركزي دلوقتي على المادة الباقية لك وبعد النتيجة النهائية والتنسيق وبعد ما تهدي خدي القرارات اللي أنتِ عاوزاها. ساعتها هتشوفي الخيارات قُدامك والبدائل ووقتها برضه تحددي على الأساس ده محتاجة تعيدي السنة ولا هتلاقي خيار أفضل تشقي به طريق جديد في حياتك. وممكن وقتها تتناقشي بهدوء مع والدتك وتقنعيها بأي خيار أنتِ تشوفيه حتى لو كان عندها اعتراض عليه. *** استعيني بالله وتيقني إن جهدك وتعبك مضاعش وربنا إن شاء الله شايلك اللي فيه الخير. ** كنت لسه رادة على بنوتة قبلك لنفس المشكلة، ممكن تقرأي إجابتي لو حبيبتِ. https://www.fedni.net/q/54363233/ثانويه-عامه-ماذا-افعل وربنا يخفف عن قلبك ويوفقك إن شاء الله في حياتك كلها ويفرح قلبك مامتك بك دايما.💚💚
تم النشر الأربعاء، ٢٩ يوليو ٢٠٢٦
وعليكم السلام ورحمة الله وبركاته يا مريم. أول حاجة، أنا آسفة جدًا إن السنة دي كانت ثقيلة عليكِ كده، وإنك بتحسي بالصدمة والحزن ده. ده شعور طبيعي جدًا لما الإنسان يبذل مجهود كبير ويطلع النتيجة مش زي اللي متوقعها، خاصة وإنك دايمًا شاطرة. ربنا يعوضك خير ويفرح قلبك وقلب مامتك قريب. اللي بيحصل دلوقتي اختبار صعب، بس مش نهاية الطريق. فكري في إعادة السنة كفرصة جديدة، مش عقاب. لو حاسة إن مجموعك مش هيدخلك الكلية اللي نفسك فيها، وإنك شايلة مادة، فالإعادة ممكن تكون خطوة عملية تساعدك تحققي هدفك بإذن الله، بشرط إنك تخططي ليها بطريقة أفضل: راجعي أخطاء السنة دي، غيري طريقة المذاكرة، واستعيني بمصادر أو طرق تساعدك تثبتي المعلومات. في نفس الوقت، حاولي تتكلمي مع مامتك بهدوء وتشرحي لها مخاوفك وخطتك، وإنك مش بتختاري المعهد لأنك مستسلمة، لكن لأنك عايزة فرصة أفضل. ربما تقدري تقنعيها لو وضحتِ لها إن الإعادة هتكون بجدية أكبر. أما بالنسبة للشعور بالوحدة، فده أمر بيوجع، وكتير بنات بيمرّوا بنفس الإحساس. جربي تبني علاقات صغيرة خطوة بخطوة، سواء في الدراسة أو في أنشطة بسيطة تناسبك، وادعي ربنا يرزقك بصحبة صالحة. وتذكري إن ربنا شايف تعبك ومجهودك، وإن التعويض آتٍ بإذنه، حتى لو دلوقتي مش واضح. خدي وقتك تبكي أو تفرغي اللي جواكِ، وبعدين ابدئي تخططي للخطوة الجاية بهدوء. لو عايزة تتكلمي أكتر عن خطة الإعادة أو كيف تتعاملي مع ضغط مامتك، أنا هنا. ولو حابة تشوفي تجارب مشابهة، ابحثي عن أسئلة مشابهة على فدني. ربنا ييسر أمرك ويفرحك.
تم النشر الأربعاء، ٢٩ يوليو ٢٠٢٦
متعيديش
تم النشر الأربعاء، ٢٩ يوليو ٢٠٢٦
طايب لو مجبتيش كليه مامتك اكيد هضطر تدخلك معهد
تم النشر الأربعاء، ٢٩ يوليو ٢٠٢٦
لعرض السؤال في فدني اضغط هنا