انا كان نفسى اوى افرح اهلى وادخل طب وهما كانوا حاطين كل املهم فيا بس كانت المصيبه انى جبت51% علمى علوم وشيلت المانى عايزه اعرف بقى هعمل اي دلوقتى مش عايزه ادخل معاهد او تربيه ممكن اعمل اي
او ممكن اعيد السنه او اعيدها وادخل مثلا امريكن ولا اعمل اي
ربنا بيقول قل لن يصيبنا الا ما كتبه الله لنا يعني دي حاجة مكتوبة ليكي من زمان كان مقدرة أنها تحصلك انا حاسة بيكي أنه ابتلاء صعب بس عارفة والله ده خير كبير قولي الحمد لله استغلي علي نفسك ف الكلية الي هتطلعلك انجحي وجيبي تقدير والفرحة الحقيقة لما تشوفي نفسك حاجة كبيرة واتغلبتي ع الثانوية العامة عالفكرة انا كنت جايبة ٧٥ من سنتين اتبطرت علي معهد تمريض واخد زيادة عني بواحد ف المية دخلت اكتر كلية كنت بقول لا وهي تربية وربنا يرزقنا جميعا بالاحسن لينا ❤️🫂
تم النشر الأحد، ٢ أغسطس ٢٠٢٦
عايزك تعرف أن الخير فيما اختاره لله و كلية التربيه مش وحشه زي ما انت فاكر لا المدرسين دلوقتي في حته تانيه و صدقني عن تجربة شخصية ولله اتطور و عيش حياتك و السعي وربنا يوفقك دايما يارب و التطور في التفكير و المذاكرة ف التخصصات الي بتحبها سواء لغات و برمجه الحاجات دي هتفيدك جدا وبعيدا عن كلية و ف السفر و لازم تاخد كورسات كتيرة اووي طول فترة الكلية متبطلش كورسات و تعليم و هتلاقي ليك مجالات واسعه اوي بعيد اصلا عن الكلية وربنا يوفقك دايما يارب العالمين
تم النشر الخميس، ٣٠ يوليو ٢٠٢٦
أنا فاهمة إنك دلوقتي حاسة بخيبة أمل كبيرة، وإنك كنتِ عايزة تفرحي أهلك وتدخلي طب زي ما هما كانوا متوقعين. ده شعور طبيعي جدًا، ومش عيب إنك تكوني زعلانة، بس خليني أقولك إن النتيجة دي مش نهاية الطريق، وفيه فرص كتير قدامك لو ركزتِ على خطوات عملية. أول حاجة، فكري في إعادة السنة. كتير من البنات اللي حصل معاهم نفس الموقف قرروا يعيدوا، وده مش عيب ولا فشل، ده قرار شجاع. لو عملتِ كده، هتقدري ترفعي نسبة النجاح بإذن الله، خاصة لو ركزتِ على المواد اللي كانت صعبة عليكِ زي الألماني. حطي خطة دراسية واضحة من دلوقتي، واستغلي الوقت في مراجعة المنهج بطريقة منظمة. ده هيخليكِ تدخلي كلية أحسن، وهتكوني قادرة تحققي حلمك أو حلم قريب منه. لو مش عايزة تعيدي، فيه بدائل تانية زي التقديم في جامعات خاصة أو أهلية تقبل نسب أقل، أو حتى برامج في مجالات طبية مساعدة زي التمريض أو العلاج الطبيعي في بعض الجامعات اللي بتقبل نسب حوالي 50-60%. كمان ممكن تفكري في الدراسة بنظام أمريكان أو IG لو قدرتِ تعملي معادلة، بس ده هيحتاج بحث دقيق عن الشروط والتكاليف. الأهم إنك ما تدخليش حاجة مش مقتنعة بيها عشان متضيعيش وقتك. تذكري إن ربنا بيختار لنا الأفضل، وإن التوكل عليه مع السعي هو اللي بيفتح الأبواب. حاولي تتكلمي مع أهلك بهدوء وتوضحي لهم إنك عايزة فرصة تانية، وهما هيفهموا إنك بتحاولي. ابحثي عن أسئلة مشابهة على فدني عشان تشوفي تجارب بنات تانيين مروا بنفس الموقف، وهتلاقي نصائح مفيدة. أنتِ قادرة تتجاوزي ده، وهتوصلي لهدفك بإذن الله.
تم النشر الأربعاء، ٢٩ يوليو ٢٠٢٦
مفيش حاجة اسمها اعيدها اصلا
تم النشر الجمعة، ٣١ يوليو ٢٠٢٦
لا بلاش تضيعي سنة من عمرك لان ولله طالما ربنا اختار كدا يبقي الخير هيكون ف الي ربنا اختاره و هتحبي الكلية مجرد بس لما تتعرفي علي زملائك و هتطوري فيها وانتي مش هتكوني مصدقه بعدين أن انتي لقيتي نفسك
تم النشر الخميس، ٣٠ يوليو ٢٠٢٦
يعنى محطش فى دماغى انى اعيد؟
تم النشر الخميس، ٣٠ يوليو ٢٠٢٦
بص عايزك تعرف أن الثانويه العامة مش اخر العالم ولله و مش كلام عايزك تعرف أن الشاطر ف الآخر الي يقدر يشتغل و يجيب فلوس و يكسب و يبقي معاه كلية بس و التطور و اعرف انت شاطر ف اي و تطور مهاراتك و ربنا يوفقك دايما يارب
تم النشر الخميس، ٣٠ يوليو ٢٠٢٦
لعرض السؤال في فدني اضغط هنا