السلام عليكم ورحمة الله وبركاته
حرفيا جايه احكي لكم قصه فشلي في الثانويه العامه دلوقت من ساعه جبت 50 في الميه شقى بابا وماما واخواتي اخاف اقول ان تعبت فعلا والله وبدأت بدري حصاد ١٣ شهر والله وجبت 50 مش عارفه اعمل ايه ولا اتصرف ازاي الحمد لله لا حققت حلمي وصلت للي الفاشل وصله ولا حتى وصلت لبتوع الصناعه والتجاره مش بعيب فيهم والله بس والله فعلا هما احسن مني بكتير اوي
قدرت ادخل على قلوب أهلي الحزن
مش عارفه اعمل ايه ولا اتصرف ازاي بس والله انا راضيه بس بردو ازاي يعني ازاي مش عايزه اقول اشمعنا انا بس انا بجد والله والله عملت كل اللي عليا والله حاولت كتير والله الدنيا حرفيا جايه عليا من وانا صغيره اقسم بالله صابره والحمد لله والله بس بردو انا زعلانه زعلانه علشان أهلي والله وانا المفروض كنت أعمل إيه فعلا بجد
المفروض اتصرف ازاي دلوقت اعمل ايه بجد مش فاهمه بجد مش قارده افهم حاجة ولا قادره انام واصلا لو نمت يبقا ماعنديش دم حرفيا ما أستاهلش اي حاجه أهلي عملوها علشاني ولا استاهل وقفتهم جمبي طول فتره الامتحانات ولا بابا وهو بيدعي لي في قيام الليل وبيعيط علشاني ما استاهلش كل دا ويمكن ربنا ابتلاني علشان هقدر اصبر
أهلي راضيين بس كانوا يستاهلوا الفرحه دي والله كانوا يستاهلوها بس يعني خايفه اقول ليه ربنا يزعل مني بس والله ناس كتير اوي اعرفها اقسم بالله والله ما يستاهلوها والله اتقيت ربنا و بمجهودي ومشيتها في الحلال والله وحاولت دي حتى المواد اللي مش مضافه المجموع ذاكرت فيها والله عملت اللي عليا فعلا ما اخدتش كلمه من حد المفروض اعمل ايه فعلا علشان أنا مش قادره استوعب بس
اللهم أجرني في مصيبتي خير وأخلفني خيرا منها يا الله
بس انا اهلي يعملوا ايه ذنبهم ايه بجد يلاقوا كل دول نجحوا ومفيش غيري دا انا خساره فيا فلوس الدروس والله طب اتصرف ازاي انا عندي دور تاني المفروض اذاكر تاني علشان ادخل وفي الاخر مش هاخد غير ٣٠ درجة حتى لو اتنططت حرفيا مش هاخد غير ٣٠ درجة هيعملولي ايه بجد الحمدلله والله ربنا لطيف وكل حاجة ولطفه انا محاطه بيه والله بس انا اعمل ايه بجد
هوقف تعليم وهقول لبابا بجد كتر ألف خيرك وبجد يا بابا انا ما أستاهلش اي حاجة من اللي عملتهالي انا بجد مش عارفه اعمل ايه والله مفيش حاجة في ايدي غير اسيبها على ربنا بس مش متقبله الواقع والله لو مش حرام ننتحر كنت عملتها بس للاسف حرام اعمل ايه بجد عارفه والله ان دا كله خير من ربنا وان ربنا مش هيجيب غير الخير بس وانا يعني هفضل طول حياتي احاول على الفاضي كدا دي المره اللي جيت فيها لربنا مكسوره ومكسوره اوي كمان وقولتله يارب علشان بابا وكانت الاخر مفيش بس يمكن بجد دا تأديب ليا اكيد دا تأديب ليا راضيه والله يارب بس اتصدمت لما لقيت ناس مفيش خالص دول الله أكبر هما اللي فوق واللي ممشيها حلال وقع مستنيه الفجر يأذن علشان والله لأقعد عند ربنا واقوله كل اللي عايزه واحكيله كل حاجة واقوله ان زعلت بس راضيه
وهقوم أصلي دلوقت والله بس اعمل ايه بردو تاني فيه ايه في ايدي اعمله بجد ماكنتش اتخيل والله كدا حتى قولتله يارب إشارة حلمت بسوره البقره والله ما سيبتها وفضلت اقرأها وسوره يس بقالي شهرين بقرأ فيها والله بصلي وصوم وبتصدق بس انا اعمل ايه بجد انا اعمل ايه فعلا يعني ايه في ايدي كنت اعمله بس ما عملتهوش بجد صبروني يا جماعه محتاجه حد يصبرني والله جمب ربنا ادعولي كتير اصل مفيش حاجة في ايدي وايدينا نعملها بجد
السلام عليكم، أنا مقدرة جدا إحساسك دلوقتي وصعوبة الموقف عليكِ، قدر الله وما شاء فعل. أنتِ قلتِ إنك تعبت واجتهدت وعملتِ كل حاجة وأنتِ عاوزة تفرحي أهلك ودعيتِ ربنا ووالدك دعى لك في قيام الليل. هل تفتكري كل ده ضاع؟ ليه حكمتِ إن درجة الثانوية معناها فشلك خلاص؟ ما دام عملتِ اللي عليكِ تيقني من قلبك إن ربنا اختار لك الخير ومجهودك ودعواتك ودعوات أهلك مضاعتش وربنا استجابها وهيوجهك للخير إن شاء الله. ******** أعرف ناس شخصيا من دفعتي وغيرها، اجتهدوا جدا وتعبوا ومع ذلك محققوش المجموع اللي هم عاوزينه ولا دخلوا كليات كانوا نفسهم فيها وحتى منهم اللي جاب مجموع كان صادم جدا بالنسبة لمستواه، كتير منهم تفوق وحققوا نجاحات بعد كده في كلياتهم أو المجالات اللي اختاروها بعد كده. واكتشفوا بعد كذا سنة من نهاية الثانوية إن ربنا فعلا كان شايلهم الأفضل ووجههم للطريق اللي فيه خير كتير فيهم. *** مش عارفة بالنسبة لحالتك هل اتظلمتِ في تصحيح الورق ولا فيه إمكانية تتأكدي أو تعملي كشف على نتيجتك ولا أنتِ عارفة إن دي إجاباتك. بس اللي متأكدة منه إن مش الثانوية العامة خالص اللي بتحدد مصيرك ولا تحكم على نجاحك في الحياة من عدمه. ** جايز كلامي ده متفهميهوش دلوقتي وأنتِ في حالة صدمة وممكن تفكريني ببالغ أو مش حاسة بوضعك، بس على فكرة أنا أكبر منك بسنين كتير فيعني شفت أكتر وعارفة الحياة بعد الدراسة والشغل عاملة إزاي وشفت تجارب غيري فبكلمك وبنصحك من خبرة (وإن كانت متواضعة) ** بتقولي أهلك زعلانين دلوقتي وانكسر خاطرهم، ليه تكملي زعلهم وكسرتهم دي بإنك تحكمي على نفسك بالفشل ومتكمليش وتختاري حاجة تدرسيها وتنجحي فيها وتصنعي اسم لنفسك يخليهم يفتخروا بك. أهلك هيفرحوا بعد كده إن شاء الله لما تعوضيهم بفرحة أكبر ولما يشوفوا إن الثانوية كانت مجرد عثرة في حياتك لكنها مكسرتكيش، بالعكس وجهتك لطريق أفضل إن شاء الله وخلتك أقوى. ** متاخديش قرارات دلوقتي وأنتِ في حالة صدمة. ومتحوليش نتيجة الثانوية لعقدة نفسية جواكِ، صدقيني مفيش حاجة خالص في الدنيا تستاهل. ** حبيبتي ركزي مع المادة الباقية لك ومتفكريش في أي حاجة ولا أي قرارات دلوقتي. بعد لما تهدي وتمر فترة ارجعي هنا اكتبي واطلبي نصائح لو محتاجة عشان تبدئي طريق جديد وربنا يعنيك. بدعي لك من قلبي ربنا يوفقك في حياتك كلها ويفرح أهلك بك إن شاء الله.💚💚
تم النشر الأربعاء، ٢٩ يوليو ٢٠٢٦
أنا مثلك ولكن ثانوية أزهرية وأقول لكِ أختي في الله.. أنه لا أحد يستطيع أن يقيس تعبك من رقم ظهر في النتيجة؟ قد تخطئ النتيجة في التعبير عن اجتهادك، لكنها لا تحدد قيمتك عند الله، ولا تختصر مستقبلك في ورقة واحدة. لا تجعلي هذه اللحظة تحكم على بقية عمرك. ابكي إن احتجتِ، ثم ارفعي رأسك وابدئي من جديد، فما دام في القلب نبض، فالباب لم يُغلق.🫂💙
تم النشر الخميس، ٣٠ يوليو ٢٠٢٦
وعليكم السلام ورحمة الله وبركاته، يا بنتي. أول حاجة أقولها لكِ: أنا فاهمة تمامًا اللي بتمرّي بيه، والألم ده حقيقي وثقيل، ومش عيب إنكِ زعلانة ومكسورة. اللي عملتيه من جهد وصبر ودعاء ومحاولة مستمرة مش هيروح هدر، وربنا شايفه ومُقدّره، حتى لو النتيجة دلوقتي مش زي اللي كنتِ متخيلاها. الثانوية العامة مش نهاية الطريق، وكتير من الناس اللي نجحوا في حياتهم مرّوا بفشل أو درجات أقل من المتوقع، وده ما خلّاهمش أقل قيمة. دلوقتي، الخطوة العملية الأولى هي التركيز على الدور التاني لو لسه فيه فرصة. حاولي تعملي خطة دراسية واقعية ومنظمة: قسمي المواد لأجزاء صغيرة، ركزي على النقاط اللي بتاخدي فيها درجات أعلى، واستخدمي طرق مراجعة مختلفة زي حل امتحانات سابقة أو تلخيصات. لو حسيتِ إن النتيجة هتبقى محدودة، فكري في البدائل المتاحة في مصر زي الدبلومات الفنية أو المعاهد أو حتى الدخول في مجالات مهنية أو تدريبية بتفتح أبواب عمل سريعة. كتير من الفتيات اللي مرّوا بنفس التجربة اكتشفوا إن فيه مسارات أفضل ليهم بعيدًا عن الجامعة التقليدية، وده مش فشل، ده تغيير اتجاه. أهم حاجة دلوقتي إنكِ تتعاملي مع الشعور ده بخطوات صغيرة: اتكلمي مع أهلكِ بصراحة عن مخاوفكِ، وخلّيهم يشاركوكِ في التخطيط للمستقبل عشان يحسوا إنكِ لسه بتحاولي. استمري في الدعاء والصلاة والصبر، وتذكري إن ربنا بيبتلي عباده عشان يرفعهم درجات أو يفتح لهم أبواب أفضل. أنتِ مش فاشلة، أنتِ إنسانة بتجربي وبتتعلمي، والحياة مليانة فرص تانية. لو عايزة أفكار أكتر عن خيارات تعليمية أو مهنية، ابحثي عن أسئلة مشابهة على فدني عشان تشوفي تجارب ناس تانيين. ربنا ييسر أمركِ ويفرح قلبكِ وقلوب أهلكِ قريبًا.
تم النشر الثلاثاء، ٢٨ يوليو ٢٠٢٦
لعرض السؤال في فدني اضغط هنا