أعمل ايه كشخص عندي وسواس قهري ديني ودائمة الاغتسال والأفكار دايما في دماغي مبتتشالش حتى من أقل سبب ودة مأثر على أحلامي وعلى مذاكرتي ومخلي نفسيتي صعبة حتى لما باجي اذاكر بيبدأ الوسواس عليا والأفكار دي فبسيب المذاكرة وأخش انام من كتر اليأس اللي بتسببو ليا وخصوصا أن دة موضوع ديني فمبعرفش اتخطاه حتى لما بعت استفساري لحد من المواقع الدينيه مبيردوش ولو ردو بيبقي مش مفهوم
الموضوع ده مش مخليني قادرة اذاكر وضيعت وقت كتير والتراكمات كتير اصلا والامتحانات بعد أقل من شهر ونص وانا تالتة ثانوي
لو في دكتورة نفسيا او شخص ديني استشيره او حتي اتواصل معاها واتس هكون شاكرة جدا لأن بجد تعبت وخصوصا أن الاستشارات النفسية أسعارها غالية اوي وانا مينفعش اروح مركز او لدكتورة نفسية في الواقع لان هيسبب احراج ليا في الفترة اللي بيبدأ الوسواس دة يسيطر عليا واقول خلاص هغتسل بحس انه بيقل بس بمجرد ما اغتسل بيرجع تاني سمعت حد قال تجاهليه ولو لمدة تلات أيام وهو هيتشال
جربت مرتين بس في المرتين كنت بحاول بس مش بوصل ٣ بوصل اتنين بقعد اقول لنفسي ان لازم اسيبني منه لان كدة كدة لو سمعت كلامه هيفضل عندي مش هتعالج وان التفكير واللي بيحصلي دة بسبب اني بمشي وراه بقول لنفسي لو مكانش عندي او لو مكنتش حطاها في دماغي مكنتش هفكر فيه كدا بس بجد بتغلبني برضو اليومين اللي حاولت اتجاهله كنت حاسة بنوع من الراحة بس كان في تأنيب ضمير دة
غير ان الوسواس دة كان تاعبني جدا في رمضان هل في امل ان اللي في دماغي دة يتشال انا حرفيا من اي حاجة متتخيلوش فرحتي لما بحس اني طبيعية ولكن دي بتكون للحظات والموضوع مخليني أأخر الصلاة وفاقدة الأمل وكمان كل ما اذاكر بحس انه بيزيد.
فمش عارفة اذاكر تعبت ومفتضلش غير وقت قليل احساس ان كان في حلم كنت هتحققه ونفسك فيه من زمان وفي الاخر مبقاش عندك امل فيه دا احساس صعب وبقيت بنام كتير هروبا من الواقع أعمل ايه الفترة دي بيقولو قربت من ربنا بس انا لما بفتكر اللي فيه بزعل اني مش عارفة خايفة الموضوع يوصل للاغتسال لكل صلاة لانه الفترة دي بيزيد عليا
السلام عليكم، أولًا ربنا يقويك ويعينك على التخلص من الوسواس نهائيًا وتكوني بخير إن شاء الله. بصي، هو طبعًا أكيد فيه حالات من الوسواس بتحتاج تدخل مختص نفسي، لكن أنا برضه أعرف حالات كانت نفس مشكلتك ونفس الأعراض الصعبة اللي بتوصفيها واتحلت الحمد لله وبعضهم شُفي منها، أو قلت كتير مع بعضهم بعد الرقية الشرعية والمداومة على سورة البقرة... طبعًا مش ليومين ولا تلاتة مشيوا عليها، أحيانًا ممكن كم شهر، هي في النهاية علاج زي أي علاج. فإيه المانع تجربي تمشي على رقية شرعية فترة وتواظبي على قراءة سورة البقرة كل يوم وشوفي كده. لكن ضروري جدًا تكوني موقنة من جواكِ إن الشفاء بيد الله وإنك مش ضعيفة وقادرة بعون الله وحده تتجاوزي المشكلة وإن ربنا لم يخلق داء إلا وله دواء. وطبعًا شوفي آراء المختصين هنا بخصوص الشق النفسي. بالتوفيق.
تم النشر السبت، ٣ مايو ٢٠٢٥
أختي العزيزة، أشعر بمعاناتك وأتفهم تمامًا الضغط النفسي الذي تواجهينه بسبب الوسواس القهري الديني. إن هذه الحالة قد تكون مرهقة وتهدد راحتك النفسية وتركزك في مجالات أخرى مثل المذاكرة. أولاً، أود أن أؤكد لك أن ما تمرين به ليس غريبًا، وأن هناك من يشعرون بما تشعرين به، ولذلك يجب علينا التعامل معه بطرق إيجابية. من المهم أن تُدركي أن الوسواس القهري هو اضطراب نفسي يتطلب فهمًا جيدًا ومعالجة بطريقة صحيحة، وأنت بحاجة إلى الدعم في هذه المرحلة. هنا بعض الخطوات التي يمكن أن تساعدك: التواصل مع مختص نفسي : إذا كان هنالك إمكانية للتواصل مع طبيب نفسي، فهذا يمكن أن يكون حلًا جيدًا. يمكنك البحث عن استشارات عبر الإنترنت، فبعض المهنيين يقدمون خدمات دعم نفسي عن بعد. ابحثي عن منصات موثوقة. تجاهل أو مواجهة الوسواس : نصيحة التجاهل التي سمعتها قد تكون فعالة بالفعل، ولكنها تتطلب الالتزام والصبر. حاولي تحديد متى يبدأ الوسواس لديك، ومن ثم حاولي تجاهله أو قَطْع سلسلة الأفكار. عند شعورك بوساوس، صبّي تركيزك على شيء آخر أو ابدئي بعمل نشاط جديد. الدعاء والتواصل مع الله : التواصل مع الله وطلب العون منه هو أفضل دعم نفسي. كوني واثقة بأن الاستغفار والتوبة لها أثر عظيم على النفس، خصوصًا عند الإخلاص في الدعاء والطلب من الله عز وجل أن يخفف عنك. التقليل من الضغوطات : حاولي تنظيم وقتك في المذاكرة بشكل يساعدك على الشعور بالراحة. ضعي جدول مرن ولكن محدد للمذاكرة، وهذا قد يقلل من شعورك باليأس عند رؤية التراكمات. المشاركة مع العائلة أو الأصدقاء : إذا كان هناك شخص تثقين به، يمكنك التحدث معه عن مشاعرك. أحيانًا الحديث عن ما نمر به يمكن أن يخفف من العبء النفسي. تأكدي أن لديك القدرة على التغلب على هذا الأمر، تذكري أن التسليم لله وحسن الظن به خطوة أساسية. إذا احتجت لمزيد من الدعم، فإن مشاركة مشكلتك مع مختص يمكن أن تساعدك كثيرًا. أدعو لك بالتوفيق والراحة النفسية، وأتمنى لك النجاح في دراستك وفي حياتك.
تم النشر الجمعة، ٢ مايو ٢٠٢٥
لا اللي استغربته اخر مرة في البيريود ان اللي عندي دة مكانش موجود أو بنسبة بسيطة
تم النشر السبت، ٣ مايو ٢٠٢٥
يادكتورة انا مشكلتي في الاغتسال والأفكار الصعبة اللي بتيجي مش الوضوء وبشكر حضرتك جدا على جهدك 🤍
تم النشر السبت، ٣ مايو ٢٠٢٥
تم النشر السبت، ٣ مايو ٢٠٢٥
تم النشر السبت، ٣ مايو ٢٠٢٥
هل وقت البيريود بيكون فى وسواس بردوا من اى نوع ولا هو مرتبط بالوضوء بس
تم النشر الجمعة، ٢ مايو ٢٠٢٥
لعرض السؤال في فدني اضغط هنا