كيف أتعافى من الوسواس القهري الذي يدمر حياتي؟

Question

انا طالب في أولى ثانوي انا عندي مرض وسواس قهري وبتابع مع الدكاترة وباخد أدوية انا بيجيلي كده حالة تعب مستمر مش قادر اعمل أي حاجة حتى نظافتي الشخصية بهمل فيها عشان مش قادر أعمل أي حاجة حتى مش قادر أدخل الحمام أقضي حاجتي. حتى الحاجة الي بحبها جدا حفظ القرآن انا مقصر في المراجعة والحفظ ومش بسمع لمحفظي وأصلا انا وقفت حفظ قرآن عشان انا مش قادر لانه ضغط كبير بنسبالي انا مليش في التعليم من الآخر انا اصلا هدفي إني أنجح لاني انا اصلا مش عارف اذاكر ال ينجحني .... انا كرهت التعليم انا اصلا هدفي اني اخلص الجامعة وانا مسقطتش في اي مادة او في اي سنة او في اي حاجة طبيبي النفسي بيقول عليا اني ذكي جدا وانا مش مصدقه وممكن اكون ذكي بس في طريقة التفكير ببقى عميق اكتر اما ذكاء في الدراسة لا وانا اصلا مش متأكد من كلامي ومعرفش انا ذكي ولا لا انا كنت بجيب مجاميع كويس في التسعينات او اقل من الستعينات بشوية .... أنا في ٣ اعدادي نجحت بمعجزة اغلب المواد ناجح فيها بفرق بسيط جدا وانا مكنتش بحل كويس في الامتحانات. معنديش حد اتكلم معاه في همومي بقيت بكلم chat gpt زهقت من الموضوع ده انا معنديش صحاب ولا أي حاجة مش عشان شخصيتي انطوائية انا بروح تمرين كورة وبعرف أتعرف على ناس بس هو الظروف صحابي القدام مبقتش بكلمهم بسبب مجموعي في ٣ع واللي كنت مصاحب واحد واهلي قطعوا علاقتي بيه نهائي بسبب مشكلة حصلت وانتهت اصلا بس هو قدر الله وما شاء فعل كده... في تمرين العيال بعرف أتكلم عادي مش بخاف اوي يعني بس هو تفكير الوسواس القهري بيبقا مسيطر عليا ساعات فمش بتعرف على حد معين والباقي ماشي أو العيال طائشين يعني ومحدش عايز يتعرف عليا عشان انا مش زيهم يعني انا محترم ومش بشتم وشخصيتي مش زيهم هي ظروفي كده يعني من الآخر وابويا وامي منفصلين ده غير ان بسبب التعب المستمر اللي عندي بيجيلي فراغ فبلجأ للعادة سر'ية والإبا""ية كرهت اسمهم اصلا مش عايز اقولهم

Accepted Answer

اهمالك وكسلك وعدم حفظك للقرآن واهمالك في النظافه والمراجعه والحفظ دا بسبب الاباحيه والعاده السريه ولو بصيت لورا شويه قبل ما تعرف الاباحيه هتلاقي ان ذاكرتك وحياتك كانت كويسه ونظيفه اما بعد ما عرفتها قلبت حياتك ودا يا صديقي بسبب انها بتأثر علي الماده الرمادية في الدماغ والي هيا مسئوله عن الاراده هيا بتقللها وكذلك بتأثر علي مكان المكافأة الدوبامين الي هوا مسؤول عن السعاده والرضي عن الذات بتخليه ساعت الاباحيه والعاده في قمه النشاط والسعادة والذاكرة بتكون في اقصي فاعليتها لذلك كل شئ بينحفظ عندك ولذلك لو عايز ترجع صحيح ومعافي في بدنك اتركهم و لو عايز تعرف اكتر عن الدوبامين والماده الرمادية واثر الاباحيه على حياتك عليك بتطبيق واعي وقناتهم علي اليوتيوب اسمع ليهم كتير علشان تفوق علشان انت كل مره تعمل العاده السريه انت بتطلع مواد الجسم محتاجها وخاصه في سنك دا هل الحسم بيحتاج للمني؟ ايوه يخويا المني بيكون فيه حجات بتغزي الجسم وتخليه ينشط وكذلك بعدك عن النظر الحرام بيحافظ علي مخك وصحتك ونشاطك واخطر شئ ارادتك الي سلبت منك بسببها ايوه يا صديقي عدم رغبتك في النظافه او دخول الحمام بسبب ان الحاجه دي بتديك دوبامين قليل مش زي الاباحيه الي خلت مخك تعود علي نسبة عالية من الدوبامين فعقلك مش بيحفزك علي انك تعمل دا وبيوجهك للاباحيه لانه بيخليه سعيد وبيعلي الدوبامين ليه فخد بالك كويس علشان تمشي في طريق التعافي انت ممكن متعرفش عن الدوبامين والماده الرمادية بس دي اخطر شئ لازم تكون عندك معرفة كافيه عنه متلوثش قلبك وعقلك بأيدك وبنعم الله عليك ثم تنتظر الخير اتمني تستوعب الرسالة واسأل الله لك ولنا الهدايه

Answer

أخي العزيز، أشعر بعمق ما تمر به، وأقدّر جداً صراحتك في التعبير عن مشاعرك وهمومك. حالتُك مع الوسواس القهري والتعب النفسي والجسدي الذي تعانيه يُظهر تحديات كثيرة تواجهها، لكن أول حاجة أحب أؤكدها لك إنك لست وحدك، وهناك من يفهمك ويريد مساعدتك. دعنا نحاول نفصل الموضوع إلى نقاط عشان نقدر نتعامل مع كل جزء منها: التعب المستمر وصعوبة إنجاز المهام اليومية هذه مشكلة شائعة في الوسواس القهري وفي بعض الأمراض النفسية. من المهم جداً تتابع مع طبيبك النفسي بانتظام، وبلغه عن كل الأعراض الجديدة مثل التعب الشديد وعدم القدرة على العناية بالنظافة الشخصية، لأنه قد يحتاج تعديل العلاج أو تقييم إضافي. الشعور بالإحباط من الدراسة والنجاح واضح إنك بتعيش ضغط كبير وتعاني من قلة التركيز والحافز. حاول تقسم الدراسة إلى أجزاء صغيرة وتحدد هدف يومي بسيط جداً، مثلاً 10 دقائق مراجعة فقط أو قراءة صفحة واحدة. هذا ممكن يساعدك تبدأ تخرج من دوامة “الإحساس بالعجز”. ومثلما قال لك طبيبك إنك ذكي، لا تنسى أن الذكاء يأتي بأشكال متنوعة وأحياناً الطريقة التي تفكر بها عميقة وهذا جيد. التوقف عن حفظ القرآن والشعور بالضياع احتراماً لمشاعرك، من الطبيعي جداً أن تشعر بهذا، خاصة تحت ضغط نفسي كبير. يمكن تبدأ تسجل كلّ ما يشعرك بالراحة أو يُرجع لك طاقتك الروحية أو النفسية ولو بشيء بسيط. بعدين، يومياً تحاول تخصص وقت حتى لو قليل جداً لحفظ القرآن، مش شرط تحفظ عدد كبير من الآيات، المهم الاستمرارية حتى ولو خطوة خطوة. العزلة الاجتماعية وصعوبة التواصل مع الآخرين من الجميل أنك تشارك في تمرين كرة القدم، وهذا نشاط مفيد جداً لصحتك النفسية والجسدية. في الرياضة ممكن تفتح أبواب جديدة للصداقة، لكن لا تضغط على نفسك كثير. خليك على طبيعتك وحاول تدور على علاقات صغيرة وبسيطة تتكون مع ناس يفهموك ويقدروا وضعك. اختلاف الأهل وانفصالهم وتأثيره على وضعك النفسي انفصال الوالدين له تأثير نفسي كبير، خاصة لو الإحساس بالوحدة أو عدم الاستقرار موجود. حاول تفتح قلبك للطبيب النفسي عن هذا التأثير عشان يقدر يدعمك بشكل كامل. العادة السرية وتأثيرها عليك ما تحبطش نفسك بسببها، هذا سلوك طبيعي في أوساط الشباب في مراحل التوتر والضغط. مهم جداً تتعامل مع الموضوع بحكمة، وحاول تستبدل هذا السلوك بأنشطة مفيدة أو هوايات تشغل بالك وتساعدك تخرج الطاقة السلبية. نصائح عملية لك عزيزي: تواصل دائماً مع طبيبك النفسي وشارك كل التفاصيل. ابدأ بتحديد أهداف صغيرة جداً ويومية، حتى لو كان أقل من القليل. حاول تخصيص وقت معين للصلاة وقراءة القرآن، حتى لو لبضع دقائق مستمرة. استمر في النشاط البدني لأن له تأثير كبير على تقليل التوتر. لا تنسى أن مرض الوسواس القهري مرض قابل للعلاج، ومع العلاج والوقت ستشعر بتحسن تدريجي. لو احتجت دعم أكثر أو استشارة متخصص، يمكنك زيارة صفحة الخبراء في فدني https://www.fedni.net/experts للتواصل مع خبراء يمكنهم مساعدتك بشكل مباشر. وأيضاً، لا تتردد تسأل أو تشارك أي أفكار أو مشاكل تواجهك هنا معي أو في فدني، وجودنا معاك خطوة بخطوة. أنا ذكية، سأكون دائماً هنا للاستماع والدعم، وربنا يقويك ويعينك ويهبك الصحة والقوة لتجاوز هذه المرحلة. لا تنس أن الصبر مفتاح الفرج، وأنت على الطريق الصحيح بإصرارك على التحسن. هل تود أن نناقش خطة يومية بسيطة تساعدك تدخل فيها تدريجياً أم أن هناك نقطة تود توضيحها أكثر؟

كيف أتعافى من الوسواس القهري الذي يدمر حياتي؟

نفسية

وسواس

اجتماعية

سؤال من احد أعضاء فدني

تم النشر الاثنين، ٢٠ أكتوبر ٢٠٢٥

3 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك