ياريت تقرؤها اختكم بضيع وعايزه حل
انا ربنا ادانى قوه انى بحس بالناس اللي بتحبني وبتخاف عليا واللي قلبها بيتوجع بسبب انا والام بيكون فى القلب وبيكون ألم شديد بس انا فى الثانويه
فى شخص بيقول انه عايز يتجوزنى ومحوطنى من كل مكان
المشكله انه عنده نفس الحاجه وبيعرف انا بفكر فى ايه والمهم هو عرف إن عندى الحاجه دى اللي بحس بيها لكن اخاف انه يستغلها فى شئ يغضب ربى والمشكله انى عصيته فاصبحت افكر فى حاجات قذرة وهو بيعرف وخايفه انا اعصى ربى بفاحشه
أحب ربى واخاف ان اغضبه واخاف بهذه الافكار تجعلنى استعجل فالقى مصير لا اريده وهذه الافكار لاتتركنى ابدا من عقلى لان عندى تفكير زائد والمفروض اركز فى دراستى لكن جنيته على نفسى وخايفه اضيع مستقبلى بسبب هذه التفاهات
حاولت اخد نفس اطلع كان عادى وبرجع على المزاكره ارجع افكر فى الحاجات دى محتاجه حل وخايفه ان الموضوع دا يستغله لان للاسف لما بيحزن بسببى فبيجي الم شديد فى قلبى ومش بستحمل وكله ساكت وعارف لكن بيكرهونى وعايزين الغلطه تحصل بس بصبر نفسى وبحاول الموضوع زاد عن حده وحاسه انى بجن بسبب الافكار دى وبضيع وقت كتير ومذاكرتش ومش بعرف اركز انا ضايعه بسبب الموضوع دا والسنه بتضيع منى وانا بضيع
السلام عليكم، سواء الشخص ده فعلا عنده نفس القدرة اللي بتقولي عليها أو بيخدعك ومش عنده أي قدرات ولا بيحس باللي بتقولي عليه ففي كل الأحوال علاقتك به غلط ومينفعش تستمر لو فعلا مش عاوزة تغضبي ربنا. حتى لو قال إنه عاوز يتجوزك، ابعدي عنه دلوقتي وهو يبقى يثبت حسن نواياه ويتقدم لك لما يكون جاهز. غير كده يبقى بيتسلى ومش ناوي ياخد خطوة جادة. الأفكار اللي بتقولي عليها قذرة مش هي بس اللي هتغضب ربنا لو وقعتِ فيها، مجرد ارتباطك بشخص في علاقة غير شرعية ده بيغضب ربنا. بالإضافة إلى إنك أصلا في ثانوية ومش وقت العلاقات دي خالص ولا حتى وقت إنك تتزوجي. ركزي في دراستك وكل الأفكار والوساوس دي هتروح إن شاء الله. الأفكار المستمرة والمخاوف اللي بتطاردك طول الوقت دي وساوس فتجاهليها. الخطوة الأهم عشان تحلي مشكلتك، اقطعي علاقتك به ومتهتميش ولا تفكري إنه قلبك هيتألم عشان هو زيك ولا إنك هتتألمي عشانه... انسي خالص الكلام ده. إحساسك بالألم في الغالب هيكون عشان ضميرك بيأنبك وخايفة تكوني زعلتِه لما تقطعي علاقتك به وكمان هيكون من الشيطان عشان يخليكِ تغضبي ربنا وتستمري في علاقتك مع الشاب ده. *** متخليش الشيطان ينتصر عليكِ. توكلي على الله وتوبي الأول وقرري عدم الرجوع مهما حسيتِ بالذنب أو تألمتِ. وبعدها ركزي على مذاكرتك واشغلي وقتك والأفكار دي هتختفي تدريجيا. ربنا معك ويوفقك.
تم النشر الثلاثاء، ٣٠ ديسمبر ٢٠٢٥
يا حبيبتي، أختي العزيزة، أنا ذكية هنا معاكي وقرأت كلامك كله بعناية، وأحس بوجع قلبك ده كله. ربنا يخفف عنك ويسترك ويثبت قلبك، أنتِ مش لوحدك في ده، وده اختبار من ربنا عشان يقربك منه أكتر. أنتِ بتحبيه وبتخافي غضبه، ده دليل إيمان قوي، متخافيش، رحمته أوسع من ذنوبنا كلها. الحلول العملية خطوة بخطوة، عشان تركزي على دراستك ومستقبلك: اقطعي الاتصال تمامًا بالشاب ده فورًا : احظري كل وسائل التواصل، مش هتقدري تتحكمي في الأفكار لو لسه في صلة. ده مش حب، ده فتنة هتضيع سنتك. ربنا قال "ولا تقربوا الزنا"، والزواج الحقيقي بعد الدراسة والاستقرار. للأفكار اللي مش بتروح : كل ما تجي، قولي "أعوذ بالله من الشيطان الرجيم" 3 مرات، وبعدين اقرئي آية الكرسي مرة واحدة. كرريها كل ساعة لو لازم. حددي جدول دراسة صارم: 25 دقيقة مذاكرة + 5 دقيقة استراحة (مش تنفس، بس قومي امشي في الغرفة أو اشربي مية). ابدئي بمواضيع صغيرة عشان تشعري بالإنجاز. قبل النوم، صلي ركعتين حاجة وضعي، وادعي ربنا يبعد عنك الوساوس دي. عشان الوجع في القلب : ده من الشيطان عشان يشغلك، بس ربنا أقوى. اشربي كوباية شاي أعشاب دافئ (زنجبيل أو نعناع)، واستعيذي بالله. متفكريش فيه، ركزي على نفسك وقربك من ربنا. أنتِ مش ضايعة، أنتِ في الثانوية وقادرة تنجحي وتدخلي الجامعة اللي تحلمي بيها. السنة دي هتعدي، وهتفتخري بنفسك بعدين. لو عايزة دعم أكتر، دوري في فدني على أسئلة مشابهة عن "وساوس نفسية" أو "تركيز دراسة"، هتلاقي إجابات كتير. ولو محتاجة استشارة متخصصة، روحي لصفحة الخبراء هنا: https://www.fedni.net/experts – في خبراء نفسية ودينية هيساعدوكِ. اثبتي يا قمر، ربنا معاكِ. 💕
تم النشر الثلاثاء، ٣٠ ديسمبر ٢٠٢٥
حاولي انك تقربي لربنا اكتر و تقرأي كل يوم قران وتصلي و تشغلي قران وانت بتعملي اي حاجه في يومك و تحولي انك تعرفي علي ناس جديده يكونو بنات و انت بتصلي احكي وفضفضي لربنا وبس
تم النشر الخميس، ١ يناير ٢٠٢٦
لا مسدقاكي جداً وعندي نا كدا بس باختلاف حجات ف اية الحل؟ الحل انك لما تفكري في غصب عنك ف حاجة محرجة وقالك انتي فكرتي فيا كدا انكري متقوليش قولي لا دانا كنت اصلا دلوقتي مدايقة منك عشان كذا واجمعي حاجة فاهماني
تم النشر الأربعاء، ٣١ ديسمبر ٢٠٢٥
مثلا انا بفكر بقول حاجه فى دماغى عن الشخص دا ممكن ان بفكر فيه على حاجه حلو اوصفه حلوه زى الذكاء مثلا عنده جزء بيرجف زى مثلا الايد البترجف من غير سبب فا بيعرف انا بقول عليه حاجه كويس صراحه يعنى دى مش شعوزه ولاسحر بس انا بقول البحس بيه ولاحتى بقول الكلام دا من بره او مش صح وربى يعلم انى مش بكدب
تم النشر الثلاثاء، ٣٠ ديسمبر ٢٠٢٥
واحدة واحدة بس ...أنا بحس باللي بحبهم برضوا لكن مش فاهمة هو بيعرف ازاي انتي بتحسي باية وضحي اكتر
تم النشر الثلاثاء، ٣٠ ديسمبر ٢٠٢٥
لعرض السؤال في فدني اضغط هنا