السلام عليكم
أخوكم محمود أنا مشكلتي إني حساس زيادة و أي حاجة بتأثر في حاسس إني مختلف عن الناس وعن زمايلي في الشغل
بحس إن أنا في وادي وهم في وادي تاني
و عايش في خوف مش عارف سببه إيه
نفسي أحس إني شخص طبيعي وأتعامل عادي
انا بردو كدا حساسه جدا و بزعل من اي حاجه حتي لو صغيره ف عايزه اقولك ان دا شئ طبيعي و ان ربنا سبحانه عامل الاختلاف دا بينا و هو كويس لينا اكيد لان ربنا مبيعملش حاجه وحشه سبحانه عيزاك تتطمن ان انت كويس بس لازم تخطلط بالناس اكتر عشان بطبيعة الحال احنا مش هنعيش ف الدنيا لوحدنا و عايزه اعرفك حاجه ان مش طول الوقت هنتكلم كلام مهم و جدي الانسان بردو محتاج يفصل شويه هو مش طول الوقت بس علي الاقل فتره صغيره من الوقت حاول تطور من نفسك اكتر لان كلنا محتاجين التطوير بس للافضل حاول تكون شخص افضل من اللي انت فيه دلوقتي حاول تكون الشخص اللي بينصح الناس نصايح كويسه حاول تكون شخص بياثر في حياة الناس بطريقه ايجابيه كون بشوش بس طبعا كلامي مش معناه انك حد وحش اطلاقا كلامي معناه ان كل واحد فينا عنده جانب مظلم في حياته فانت حاول تدخل جزء من النور في الجانب دا و قرب من ربنا اكتر و ربنا هيعدل كل حاجه وحشه انت حاسس بيها بس اتمني اكون فدتك و لو ١ في الميه ربنا معاك و يعينك و يقويك علي حالك يارب كون بخير و ادعي دايما لربنا و ربنا عمره ما هينساك
تم النشر الجمعة، ٢٠ أكتوبر ٢٠٢٣
ما مفيش مشكلة انك حساس وده مجرد شعور زي الحب وإنك حساس زيادة حاجة مش وحشة بالعكس كده معناه انك شخص كويس وعندك قلب انت مش مختلف انت مميز
تم النشر الجمعة، ٢٠ أكتوبر ٢٠٢٣
وعليكم السلام ورحمة الله وبركاته... اهلا بيك يا محمود ليه حاسس انك مختلف عن الناس اللي حواليك .. وهما في وادي وانت ف وادي تاني؟ يعني الناس اللي حواليك عاملين ازاي مثلا؟ وانت حابب توصف نفسك ازاي؟
تم النشر الخميس، ١٩ أكتوبر ٢٠٢٣
وعليكم السلام عندك كام سنه يا محمود؟ بتعمل ايه لما بتحس بالخوف وايه الحاجات اللى مهتم بيها ومش لاقى زمايلك مهتمين بيها زيك ؟
تم النشر الخميس، ١٩ أكتوبر ٢٠٢٣
لعرض السؤال في فدني اضغط هنا