من وانا صغيره وانا انطوائيه جدا ومبحبش اتكلم مع اي حد ومش بثق في حد خالص لغيت م اتعرفت علي صحاب في ابتدائي وبقينا شله ودخلت بيهم اعدادي وكنت بحبهم جدا ومكنش عندي غيرهم رغم أن المدرسه بعيد اويي عن البيت وكل دروسي لوحدي حتي لو فيها بنات برضو مش بتعرف علي حد و كانو بيخرجو من غيري وكنت بزعل جدا وانا رفيعه وطويله بس انا بنسبالي مش شايفه ده وشايفه انه عادي بيقعدو يقولو اني مش باكل ويتريقو واتغيرو معايا جدا لدرجه متكلمناش من شهر 5 وكان فيه واحده منهم صحبتي جداا ولسه صحاب وعمرها م ضايقتني زيهم بس مشيت من المدرسه وقلنا نتقابل وكانت عايزه ناخد بقيت صحابنا وانا خايفه اوي أخرج معاهم عشان ميجرحونيش بكلمه تضايقني مع اني واثقه ف نفسي حدا بس بتضايق من كلامهم وبينزلو لبعض بوستات لبعض ونسيوني خالص مع اني قلت لهم اصلا نخرج ف اول الاجازه ودلوقتي هما بيخرجو من غيري وانا اصلا كل م بتعرف ع حد جديد بنتخانق بس والله عمري ما عملت حاجه تضايق حد وباخد بالي جدا انا عمري ما هيكون ليا بيست فريند ونفسي اوي يكون عندي ونفسي ابقي اجتماعيه انا بتكسف اتكلم مع كل الناس اهلي وصحابي ف بيفتكروني دمي سم بس بجد مش بعرف اخد علي حد ولا بثق ف حد احكيله اي حاجه ولما بعامل حد بالمثل بنفس معاملته ليا بيضايق وبتفضل تعاتبني
كونك انك انطوائية ده لا يعيبك في شئ، وكونك رفيعه وطويلة ده برضه لا يعيبك في شئ ... لان اولا الانطوائيين ليهم مميزات حلوة جدا .. بالرغم من انهم ممكن مش بيحبوا التجمعات او يتكلموا مع ناس كتير .. بس بالرغم من كده هما ليهم مميزات كويسة وعظيمة واتمنى تدخلي تقرئي عن الشخصية الانطوائية .. اما شكلك برافو عليكي انك واثقة من نفسك، وعايزة اقزلك ان اللي بيتريق ده عنده نقص وبيعوضه في الناس اللي حواليه .. تاني شئ ... متسكتيش على حقك .. يعني اي حد مهما كان اتكلم معاكي بطريقة مش عجباكي ردي عليه وقولي له انا مسمحش انك تتكلم معايا بالطريقة ديه اساسا .. اتكلمي وخدي حقك بالادب بعد كده محدش فيهم هيجرؤ انه يتكلم معاكي بالاسلوب ده .. واخرجي عادي مع صاحبتك اللي انتي قولتي عليها كويسة .. حتى لو كلمت باقي صحابك .. واي حاجة متعجبكيش ردي عليهم زي ما قولتلك. اما قصة الثقة .. هو طبعا مش لازم نثق في اي حد، وطبعا الثقة بتبني بالمواقف .. لكن انتي ليه قولتي انك مش بتثقي في حد خالص؟ ايه السبب ! اما عن دزء انك لما بتتعاملي مع اي حد بالمثل بيضايق .. هما اغلبهم كده لما تيجي تتعاملي معاهم بنفس المعامله يزعلوا .. ولكن نا هقولك ع حاجه احلى .. لما حد يكلمك او يعاملك بطريقة متعجبكيش متعاملهوش نفس المعاملة .. ابدأي عامليه بأدبك وف نفس الوقت بشدة وحزم. ارفض معاملته بأدب وخدي موقف حازم .. ولو عايزة متكمليش العلاقة متكملهاش عادي .. طيب هتقولي انا كده مش هعمل صحاب ابدا يعني؟ لا هتعملي .. بس انتي يعتبر في مرحلة انك بتبدأي تتعرفي على الناس اللي حواليكي وتصاحبي صحاب يطلعوا مش عاجبينك ف تبدأي تشوفي ناس جديدة .. كل ديه خبرات انتي بتتعلميها .. انتي مستقله بالموضوع! بالعكس .. انتي بتاخدي خبرات وبتعرفي نفسك اكتر وبتعرفي اللي حواليكي .. وبتكوني خبرات جديدة .. لحد ما ربنا يرزقك بالصديقة اللي انتي حابه تكوني معاها .. وصدقيني انك تكوني لوحدك احسن مليون مرة انك تبقى مع ناس مش شبهك وكمان مش بتتبسطي معاهم .
تم النشر الثلاثاء، ١ أغسطس ٢٠٢٣
رأيي هو ممكن يكون سبب المشاكل دي هي الاصطناع في المعاملة مع زمايلك او اي حد جديد بتتعرفي عليه ف انتي بتحاولي تكوني حلوة اوي في التعامل عشان الناس تحبك ودا عمره ما هيحصل ابدا ابدا!! 👌👌 لان الناس دلوقتي مبتحبش الغلبان اللي بيحاول يرضي الكل عشان حد يصاحبه وبتكرفه فأنا بصراحة شايف ان الحل المناسب هو ا-ك لو بتصطنعي.. لازم توقفي الإصطناع.. وأسالي نفسك سؤال كدا!! هو أنا بصطنع عشان مين؟ عشان الناس 😏😏 هههه دول بشر انتي زيك زيهم ولا أي حد منهم افضل منك ولا ليه الحق أنو يعدل عليكي طالما انتي ماشية صح زي ما بتقولي وانا بقوللك اتعاملي بطبيعتك الخيرة ومتتصنعيش ابدا ع تعجبي الناس وصدقيني هتلاقي الشخص اللي هيعوضك عن دا كله طالما انتي نيتك صافية.. والرد بتاعي دا بناء عن تجارب كتيييير جدا جدا من النوع دا وكنت بحاول اصطنع وأول ما بدأت اتعامل بطبيعتي بعد فترة كدا لاقيت نفسي بدات اتعامل مع ناس كتير وناس عمري ما كنت اتخيل اني اصاحبهم اصلا وتقدري برده تبادري انتي الأول.. يعني انتي اللي تقولي لصحابك وتخلليكي انتي صاحبة الفكرة وتحاولي تثبتي نفسك قدامهم ولو حاسة ان ثقتك ف نفسك ضعيفة ومعندكيش اي حاجة تثبتي بيها نفسك قدامهم انتي ممكن تبدأي تتعلمي حاجات جديدة... لغة جديدة تلعبي رياضة.... إلخ. المهم هو انك تغيري المود بتاع صحابك دول لو الموضوع مجابش نتيجة وكدا كدا بإذن الله لازم لازم هتلاقي اللي يفهمك ويقدرك . وانا آسف ع الإطالة. شكرا
تم النشر الثلاثاء، ١ أغسطس ٢٠٢٣
متحكميش على نفسك من اراء الناس و عادي كلنا بنعدي بفترات بنكون فيها انكوائيين و ده بيرجع لظروف بنعدي بيها و البيئه المحيطه بينا و متزعليش من معاملة صحابك و هما اصلا ميستاهلوش يبقو صحاب او يبقو ف حياتك عموما انتي لسه صغيره و الدنيا قدامك و هاتتعرفي على صحاب كتير معندهومش عقد نفسية زي المعقدين دول و انتي خدي وقتك و متخليش حد ايا كان يأثر عليكي بالسلب عشان محدش هايحس بيكي ولا اللي جواكي اكتر من نفسك
تم النشر الثلاثاء، ١ أغسطس ٢٠٢٣
اتعاملي بطبيعتك وكل حاجة هتتحل بإذن الله اهم حاجة لازم تختاري الناس الصح الي تصاحبيهم والناس الكويسة ودول بيبانوا يعني من ملامهم وطريقتهم ومعاملتهم
تم النشر الثلاثاء، ١ أغسطس ٢٠٢٣
انا اصلا عمري ف حياتي مكلمت ولد ولا ف درس ولا سوشيل واللي بيكلمني ي مش برد و بعمله بلوك ي سعات بقول اني مش بتكلم مع ولاد وبعمل برضو بلوك+المشكله لما بتعرف ع حد جديد بيسبني مش عارفه ليه مع اني والله عمري م ضايقت حد ولو زعلت حد من غير بالسفر ويصلح اللي عملته اي حد بقي لازم يطلعني غلطانه
تم النشر الثلاثاء، ١ أغسطس ٢٠٢٣
بصي يا ستي،، الموضوع مش مشكلة تصنع زي ما في ناس كاتبة تحت، بصي يا ستي انا كنت زيك كده وانا ضغنونه قدك.. المهم دول مش صحاب ومتتعامليش معاهم انا بقولك الكلام ده وانا مريت بكل حرف كتبتيه يعني بردو كنت رفيعه خااالص وطويلة ف كنت ماده للسخرية لناس كتير المهم مسيرك هتلاقي صحاب شبهك بيعاملوكي كويس ونقيين زيك زي صاحبتك الاخيرة كده وبعد كام سنه -وابقي افتكري كلامي- هتلاقي انكوا جمعتوا شلة كبيرة كلكوا مؤدبين ونقيين كده.. المهم متضايقيش خاالص على صحاب زي دول عشان مكانوش صحاب اصلا انهم مشيو واغلب الظن (وابقي صححيلي لو قلت حاجة غلط)ان الشلة دي اصلا بيكلموا ولاد وكده صح؟ المهم عايزاكي تطلبي من مامتك وباباكي انك عايزة تروحي مكان بيحفظ قرآن ومن هناك هتتعرفي على بنات مؤدبين مش بيكلموا ولاد وهتبقى بتحفظي كتاب ربنا واي حاجة فيها طاعة ربنا ربنا بيبقى مبارك فيها وياريت تروحي وتاخدي صاحبتك كمان❤️ وكمان عايزاكي تعرفي ان مينفعش تثقي في كل الناس غير الناس زي اهلك وصحابك النقيين الي زيك كده بس وعايزاكي وسط الناس دي تبقي على طبيعتك وخليكي كده بتهزري معاهم وكده ومتخليش حد يقول عليكي كلمة تجرحك وتسكتي عشان بجد لو الناس اتعودت على رد الفعل ده منك مش هيوقفوا..... وبصي عايزاكي تفضلي عارفه في وسط الجيل الفاسد ده ان مينفعش نتكلم مع الولاد كلام زيادة من صغرنا ومينفعش نصاحب عشان عارفة انك اكيد اتعرضتي للكلام ده في المدرسة وكده المهم الحاجات دي حرام وعيب وغلط بنتكلم على قد الكلام بس.. وبس..ربنا يحفظك يقمر❤️
تم النشر الثلاثاء، ١ أغسطس ٢٠٢٣
حاولي تقوس شخصيتك انتي قمر متزعليش من الي بيمشي ربنا مش كاتباك معاه الخير حلاص❤️
تم النشر الأربعاء، ١٦ أغسطس ٢٠٢٣
لعرض السؤال في فدني اضغط هنا